Osia 2:14 - Yálá laawoo hɛɓɛ (dc)

¹⁴ Díi tii, da nwɔ ɓawuluɠaai tii ə kɛli kɛ di mąą mɛ̨nį ɓa: «vɛ́lai nwɔ́ wɛliɠaa di dɛɛ bɔ́, ya ka», ŋį́ di hu kala, gɛ́ di mąą pənə a kpomó, lɔwɔ huwɔɠaa diɛ nąą kɛ a di kɔ̨nɔ̨n gwɛlii.

Yálá laawoo hɛɓɛ

¹⁴ Díi tii, da nwɔ ɓawuluɠaai tii ə kɛli kɛ di mąą mɛ̨nį ɓa: «vɛ́lai nwɔ́ wɛliɠaa di dɛɛ bɔ́, ya ka», ŋį́ di hu kala, gɛ́ di mąą pənə a kpomó, lɔwɔ huwɔɠaa diɛ nąą kɛ a di kɔ̨nɔ̨n gwɛlii.

Bible

¹⁴ Yâwɛɛ è mò ǹyɛɛ, “M̀ɛni ma, ŋa pâi ǹíi kula woo ƃôi ŋá pá la vɛ̃ɛ-kpâlaŋ su, ŋá lóno bɔ́ a ǹɛ́lɛɛ.

Osia 2:14 Referans Kwoze

M̀ɛni-lɛɛi 12:6

Ya ɓə, nɛ̨ɛ̨nui tii ə pu, ə li nɔi pun ɉu, ɓɛi Yálá ə nąą pɛli mąą mɛ̨nį ɓa, əgɛ, ə lɛɛ laa, diɛ gɔ̨nɔ̨n gɛ, hvóló waa tɔ̨nɔ̨ pulu nwun veelɛ-ɲee-mɛ̨ida yee mu.

Azaya 30:18

Kɛlaa, Yai-Laa kaa nąą mąą kpɔn ɉii, yɛ kɛa pa ka ɲɛ̨imąąwɛli kaai, gaa pai muhəɠəi, yɛ nwɔ wɛlikɛmąąlaa lɛ kaa, mąąhɔlɔɓo, Yai-Laa kaa a Yálá təlinmoɔ: Nwun na nɛ̨ɛ̨ nuą ɓaa nuąi da di kilitɔɔ mą.

M̀ɛni-lɛɛi 12:14

Di Kúwɔ koon gbɛa-kpɛaa hveelɛ tɛɛ nɛ̨ɛ̨nui tii pɔ, ə gɛ, ə koon, ə li nɔi pun ɉu, ɓɛi tii di naa pɛli mąą mɛ̨nį ɓa, diɛ gɔ̨nɔ̨n gɛ laa, mąą ə kwɛaa gaaləi tii ɓa, ə lɛɛ ɉu kwɛlan ɉaaɓa da gbulɔ.

Zɛnɛse 34:3

Kɛlaa, Ɉakɔbə lon Dina wɛli ə too kpɔ mą kɛnɛ̨, ə kɛ bɔ ə ɉəɠə kɛa a nɛ̨ą.

Ɉaan 6:44

Nui lɔpee ta hva pɛli pai bɔ́ akɛ Ną́n dɔ́ɔ́ hvo nii muhəɠə li. Ɛlɛɛ, ɲą́ą́n gáá pai nwun ɉi a yɛnɛ̨ɛ̨ ŋąąkpɛɛ yələ.

Osia 2:3

'Ka kɛ ka nąn nonnii diɛ: «Ami, nwɔ́ nu huwu», kaa ka mąąhalani diɛ: «Ruhama, nwɛli kɛmąą mun.»

Izikiɛ 20:10

«Ŋą́ di kulɔ Eziptə lɔi hu, ŋą́ li a diɛ lɔi pun ɉu.

Ɉeremi 16:14

Hvólóɠaa kaa pai həlii, di hvo kɛa pai kɛi diɛ: Yai-Laa tii Israɛlə nuą kulɔ Eziptə lɔi hu, gaa a vulú,

Ɉeremi 2:2

'Lí! Ə mɛ̨nįi ŋɛ̨i ɓo Ɉerusalɛmə daai a lolo, yɛ́ diɛ: Yai-Laa yɛ: Ə́ kpəla yələ, mɛ̨nįi ə́ gɛ, gaa gili tooi ə́ ŋą; yɛ bələi Nɛ̨ɛ̨non daa ɉilɛtaai kɛ, nwɔ wɛlikɛmąą a kɛ la. Ə́ hvilɛn ŋąą kɛ búlu nɔi pun ɉu; kpomó hu;

Wɛli 1:4

'Ɲéé hon, gwəli! Gu gilɛ həɠə! Yɛ́ ɓə a nwɔ́ tɔɔmun; 'gwəli; ə́ yəi bɛlɛ́ lon mu. Yɛ́ lɔ ɓə a gu wɔ kwəinɛ̨ɛ̨, da gu wɔ ɲąŋą kulaa! Gu ə́ wɔ wɛlikɛmąąlaa mąą ɲąŋą kulɔ, ə tɛɛ lɔɔ ɓa. Tɛ̨ą kaa nɛ̨ɛ̨lɛa pɔ, di ə́ wɛli la kɛ.

Nwun mąąɓo 19:3

Ɉilɛ ə həɠə, yɛ li tɔɔi dɔwɔ, ə gɛ da yaa di di lɔwai woo ɓo, ə pənə ə pa bɛlɛ́n. Ɉulɔnui tii kɛɛ lii, da ɲee pɔmun dɔ̨nɔ̨ ɓə li, ɛlɛɛ da hoohvaalən veelɛ. Nɛ̨ɛ̨nui tii ə ɉilɛ lɔ nąn ɲəi bɛlɛ́n. Nɛ̨ɛ̨nu nąn gwəi ə nɛ̨ɛ̨ mɔlɔ kaa mɛ̨nį ɓa, ə kulɔ yɛ li nɛ̨nɛ̨ɓoi.

Ɉaan 12:32

Yii ɓaa a nwɛ́i, da pa dɛ́ yələi, gáá pai nu kpulu kəlee yalai bɔ́ pələ.»

Zôo 36:16

Yɛ́ kpɛli, aa ə́ tɛɛ a bələi ti, yaai nu hva mɔ̨nɔ̨ mįi ɉu, ə gɛ, ə́ wɔ taɓalii mɛ̨i yɛ hvɛɛ, a kɔ̨nɔ̨n nɛɛɠaa.

Izikiɛ 20:33

Gáá a vúlú ɲą́ą́ Mɛ̨nį kəlee ŋą Hééɓomun Yálá, ɲą́ą́ ɓə pai heei ka mɛ̨i a ka wɔ tɔɔmun; a váŋa kɛnɛ̨, a níí holiɛ.

Mise 4:10

Siɔn nɛ̨ɛ̨gbɛla! 'Kpɛlaan a mɔ̨nɔ̨, ə́ gbóó təli, yɛ nɛ̨ɛ̨nui kwəinwąną kɛi. Mąąhɔlɔɓo, ə́ kulɔ hiɛ li taai, yɛ́ li lɛɛi lɔwɔ ɓa, ə́ kaa pai lii kpɔ Babilonə, di kaa pai ə́ nwun mąąɓoi laa; nąą ɓə Yai-Laa kaa pai ə́ kulɔi laa ə́ yowoɠaa yəi.

Azaya 5:5

Mɛ̨nįi gáá pai gɛi, nwɔ́ viɲə yɛai ɓa, gáá nɛi kaa: galai tii dinɛ̨n ŋąą mą, gáá nwolo teei mą, taatɛlɛɛɠaa di di laa mįi laa, ŋą́ daɠa nuą di hiɛ ɉu.

Ɉeremi 45:4

Mɛ̨nįi ə́ kaa lii moi mą, ya ka, yá kɛ mą: «Yai-Laa woo ka, yɛ: ‹Hɛn ŋą́ dɔɔ, ɲą́ą́ ɓə ŋą́ bu. Hɛn ŋą́ ɉin, ɲą́ą́ ɓə ŋą́ gulɔ a nwun; ɛlɛɛ, bələ ɓə ŋą́ gɛ la yɛnɛ̨ɛ̨ nąą kəlee.

Mise 1:7

Ɉali mąą nįnįnŋaai kpɔ daai, gəlee hu a yali yali. Ɉɔlɔɓo hɛn gəlee a lɛɛ a nwɔ̨n gɔ̨nɔ̨n, ŋą́ nwɔ haliɠaai kəlee wolo-wolo. Mąąhɔlɔɓo, di di tiɛ̨ gee mɛ̨i, a wɛlikɛ nɛ̨ąą yəi wali. Di kaa pai pənəi di kɛ a wɛlikɛ nɛ̨ąą hvɛla.