Osia 2:13 - Yálá laawoo hɛɓɛ (dc)

¹³ Gáá pai nwɔ kwəinɛ̨ɛ̨ mɛ̨nįɠaa kəlee kpɛlai, da nwɔ hɛliɠaa, da nwɔ ɲąnįn ninɛ̨ hɛliɠaa, da nwɔ hvįįtɔɔ yələɠaa, da nwɔ hɛli kpɛa-kpɛa kɛ yələɠaa kəlee.

Yálá laawoo hɛɓɛ

¹³ Gáá pai nwɔ kwəinɛ̨ɛ̨ mɛ̨nįɠaa kəlee kpɛlai, da nwɔ hɛliɠaa, da nwɔ ɲąnįn ninɛ̨ hɛliɠaa, da nwɔ hvįįtɔɔ yələɠaa, da nwɔ hɛli kpɛa-kpɛa kɛ yələɠaa kəlee.

Bible

¹³ Ǹyaŋ ŋa pâi tɔ̂ŋ kpɛ̂i m̀a gúui mɛni ma a gɛ̀ Bêe-ŋai dîa gɛ́ m̀aa-ɣiri a m̀aa ɣîri-sãa lɛ́lɛɛ-ŋa, gɛ́ lì ŋɔwɛ́li-ŋai pɔ́ naa, gɛ́ nìa ḿɛni mai.”

Osia 2:13 Referans Kwoze

Osia 13:6

Di həli lɔ nɔi nɛ̨ɛ̨ hu, di pilɛ, di pilɛ lɔ, diɛ kɛa di kpɔwɔ ɲąą kɛnɛ̨, yili ɓə gɛ diɛ lɛ̨ą mą́ą́.

Nwun mąąɓo 3:7

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə ɲee lɔ ɉu, di di pulu tɔɔ Yai-Laa ɓa, yai a di wɔ Yálá, diɛ kwɛli hvilɛn Baaləɠaa da Aseraɠaa diɛ.

Osia 13:1

Ɛfraimə a kɛi kɛ mɛ̨nį ɓo, di kɛi ɲɔw mą Israɛlə lɔi hu, kɛlaa Baalə mąą mɛ̨nį hu, ə ɉɔn gɛ, ə ɉu haa ɓo.

Osia 11:2

Nuąi kɛi di təli, di di mąąkwɛa yiliɠaai diɛ, Baaləɠaa ɓə di kɛi haláá kulɔ diɛ, hali pɛliɛɠaa ɓə di kɛi haláá hɛnŋąą kələn di lííla.

Ɉeremi 7:9

ɛlɛɛ, kaa li kpɔ, kaa tɔɔ kaa nwuɔ̨ kɛ, kaa nu paa, kaa ka kpɔɔ hvilɛn wɛli kɛɛ ɓa, kaa ka kwɛla a lɛɛ, kaa haláá kulɔ Baalə ɓa, ka hvilɛn ŋąą haliɠaa pulu, a diɛi tii di hvo ta ka mąą mɛ̨nį ɲɛ̨i kulɔ li.

Osia 9:7

Ɉu tɔɔ yələ aa həli, di woo hu kulɔ yələ aa həli: Israɛlə kaa pai yili kaai! Yálá kwəi mɛ̨nį hu kulɔmun aa ɓowo, gili nąmui kili aa kpɛɛ ɲəi, yɛ́ túwɔ́ pələ ɲɔ̨n ɉu kɛnɛ̨ pələ ɓa, da nwɛli kpɛɛmąą di gulɔ a yɛ́, ɉu kɛnɛ̨ pələ ɓa.

Osia 8:14

Israɛlə aa lɛ̨ą bɛlimun ma, aa gbɔwɔ nwɔ tɔɔ pɛlɛ́ɠaa tɔɔ. Ɉuda nwɛi, gaa nwɔ taaɠaai mąątinɛ̨n ɉii a di mąąkpɛ hįį. Kɛlaa, gáá pai nwɔ̨n bilii nwɔ taaɠaai hu, yɛ daa mąą kɔ̨nwɔ̨ pɛlɛ́ɠaa kələn.

Osia 4:6

Nwɔ́ nuąi ɲąą kaa kwɛ̨ɛ̨i, mąąhɔlɔɓo, mɛ̨nį kɔ́lɔn ŋąą hvo di lɔwai. Lənəi ə́ mo mɛ̨nį kɔ́lɔn mɛ̨nį ɓa, ɲą́ą́ gbɛli mąn, gáá lənəi yɛ́, hvá kɛa kɛ a nwɔ́ haláá laa həli mun. Yáá lɛ̨ą ə́ wɔ Yálái nwɔ tɔ́n nwooi ɓa, ɲąą gbɛlin mąn gáá pai lɛ̨ąi ə́ lonnii diɛ.

Osia 4:13

Da kɛ haláá kulɔi yeeɠaa nwuɔ̨, diɛ hali kɔ́ hɛnŋąą kələn yee kpukpuɠaa nwuɔ̨, hɛanɠaa mu, da towələ wuluɠaa mu, gbala ə tɔɔ, di nįnįn mu ɲąąnɛ̨ɛ̨i. Yili mąą mɛ̨nį ɓə ka lonnii nɛ̨ąą da di kɔ́lɔ lɔwɔ́tɔɔ la, ka lon nɛ̨ąni diɛ wɛli hon.

Osia 2:7

di lee kɛ mɛ̨nį a wɛlikɛ nɛ̨ɛ̨nu, nɛ̨ɛ̨nui di mąą koo həɠə, aa nwumɛ̨ tɛ a gbɔwɔ, a kɛi ə kɛi mo diɛ: «Gáá gilɛ həɠəi nwɔ́ wɛliɠaai pulu, diɛ ɓə da gɔ́ a kɔ̨nɔ̨n da yá; diɛ gɔ́ a həɠəɠaa, wulɔ da lɔɔ.»

Osia 2:5

A wala gɛ tii, gáá pai həɠə kulɔi mą, ə lɛɛ a gbuwulu, gɛ́ nɛɛ lɔ yɛ bələi wɔlɔ ə kɛ la a gaa yələ. Ŋį́ gɛ yɛ lɔi pun, ŋį́ gɛ yɛ gbali a kələn, gɛ́ gɛ, yɛ haa la a kpələ wɛli.

Izikiɛ 23:35

Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: Lɛ̨ąi ə́ mo mą́ą́, yɛ́ bílí ə́ pulu pələ; ə́ wɔ tuwɔ pələ ɲɔ̨n, da ə́ wɔ wɛli mɛ̨nįi, pulu mɔ̨nɔ̨ mįi yɛ́ kpinįi.

Izikiɛ 22:12

Da mɛ̨inɛ̨ɛ̨ hon ə́ pɔɔli, ɲąmą pu mɛ̨nį ɓa; yá kɛ hɛnŋaa hɔ̨nwɔ̨ kɛnɛ̨i ə́ pɔɔli, yɛ́ dɛɛ ɲɛn ɉu. Yɛ́ ə́ yee pənə ə́ hee yɔwɔ hu a wea mɛ̨nį; ɛlɛɛ nwɛi, yɛ́ lɛ̨ą mą́ą́. Mɛ̨nį kəlee ŋą Hééɓomun Yálá woo li.

Izikiɛ 16:17

Ə́ mąą yili hɛnŋąą lɛlɛɛi ŋį́ dɛɛ ə́ pɔ a hɛni da wali, ə́ di həɠə yɛ́ di kɛ a hinąą hɛn mąąnįnįn, yɛ́ túwɔ pələ ɲɔ̨n gulɔ la.

Ɉeremi 23:2

Yili mąą mɛ̨nį ɓa, Yai-Laa Israɛlə nwɔ Yálái kaa mɛ̨nįi ŋɛ̨i ɓoi, nwɔ taatɛlɛɛ ɲąąkɔn nuą diɛ, yɛ diɛ: «Kaa nwɔ́ ɓɛlaaɠaai lɛɛ laa diɛ taɠa taɠa, diɛ pili, ka hvo di mɛ̨i kaa li, nwɛ́i gáá pai ɲéé pɛlɛi kaa, ka túwɔ́ pələ ɲɔ̨nwɔ̨ɔ̨ɠaa mąą mɛ̨nį ɓa.» Yai-Laa woo li.

Ɉeremi 18:15

Kɛlaa yaamun, nwɔ́ nuąi di wɛi, daa lɛ̨ą mą́ą́, diɛ haláá kulɔ ɉɛnŋaai di hvo a hɛn da diɛ. Daa lan di wɔ pələɠaai ɓa, diɛ ɉon a pələ puɔɠaa.

Ɉeremi 11:13

Ɉuda lɔi! Ə́ wɔ haliɠaa daa tamą lɔ, yɛ bələi ə́ wɔ taaɠaa tamąą la. Ɉerusalɛmə taa yɛ kpɛli, ɉaláá kulɔiɠaai gaa gwəliɠaa lɔwai, damąąi dɛɛ bələɠaa diɛ, ɓɛi da kɛ haláá hɛnŋaa kələn ɉii laa Baalə-Nwumɛ-Hali ɓa.

Ɉeremi 2:32

Halakpəla a mɔ̨ɔ̨ lɛ̨ą mąą yili hɛnŋaa diɛ? Toonwəlii nɛ̨ą a mɔ̨ɔ̨ lɛ̨ą nwɔ wɛli gbonoi ɓa? Kɛlaa, nwɔ́ lɔi hu nuą daa lɛ̨ą mą́ą́, nu hvo mąn kɛa voló kɔ́lɔn.

Azaya 17:10

Mąąhɔlɔɓo, yaa lɛ̨ą ə́ ɓalo Yálá ɓa, ə́ mąąkilɛ kwɛni kili hvo lɛɛli ə́ ɲą, ə́ lííɓa wuluɠaa ɓə ə́ kaa ɉin ɉii, yɛ́ nwɛ̨ą wuluɠaa hin.

Mąątɛ̨nɛ̨ 106:21

Di lɛ̨ą Yálá ɓa, yaamun tii a di nwun mąąɓomun a yai mɛ̨nį ɲɛ̨i kɛ̨nɛ̨ɠaa kɛ diɛ, Eziptə lɔi hui.

Mąątɛ̨nɛ̨ 106:13

Ɉu hvo kpɛli kwɛa, daa mą lɛ̨ą gɛ mɛ̨nįɠaa diɛ, mɛ̨nįi kɛ gwəi, di hvo naa kulɔi mąąkpɔn ni.

Mąątɛ̨nɛ̨ 78:11

Daa kɛ lɛ̨ą gɛ mɛ̨nį kpɛa kpɛaɠaa diɛ, da gbalo mɛ̨nįɠaai ə nɛ diɛ.

Zôo 8:13

Nuąi da lɛ̨ą Yálá ɓa, di wɔ yɛnɛ̨ɛ̨ laa kulɔ pələ lɔ ka ti; ɓowo mun nwɔ kilitɔɔi hu a kala.

Tɔɔɓɛlaa veelɛ 21:3

Ɉaláá kulɔiɠaai nąn Ezekiasə ə nąą kala, ya ɓə Manase ə pənə ə di tɔɔ. Ə Baalə nwɔ haláá kulɔ kwɛniɠaa tɔɔ, ə pənə ə wuluɠaa tɔɔ diɛ haláá kulɔ mą, yɛ bələi Akabə Israɛlə tɔɔmun ə gɛ la, yɛ haláá kulɔ yələ kwəi hɛnŋąą diɛ, yɛ tí diɛ.

Tɔɔɓɛlaa veelɛ 10:28

Bələ ɓə Ɉehu ə Baalə mɛ̨nį kpɛɛ la Israɛlə lɔi hu.

Tɔɔɓɛlaa veelɛ 1:2

Yələ ta, tɔɔmun Akaziasə ə kɛ ɲəi dɔɔ pɛlɛ́ ɲimąn mu ɲələi, Samari, ə kulɔ vaŋą pili ə too, ə mąą nwąną kpɔ kɛnɛ̨. Tɔɔmun ə nɛɛ mą ə nuą tɔɔ, diɛ li Baalə-Zebubə mąąni gɛi. Baalə-Zebubə tii ɓə kɛ a Ɛkrɔn nuą di wɔ hali.

Samuɛlə dɔlɔɔ 12:9

Kɛlaa di di kili kulɔ Yai-Laa hu, yaai gaa a di wɔ Yálá. Yili yaan ə di kwɛlɛ Sisera ɓa, yai kɛ a Hasɔrə kɔ́kuláá nwun nąmu, da Filisti nuą diɛ, da Moabə tɔɔmun ma. Yiliɠaai di kɔ́ pɛlɛ diɛ.

Nwun mąąɓo 10:6

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə pənə nwɔ̨nɔ̨ ə ɲee lɔ ɉu ə gɛ. Ɉaliɠaai ŋɛ̨i da kɛ diɛ Baalə da Astarteɠaa, ə mą kɛ Aramə nuą di wɔ haliɠaa, ə mą kɛ Sidɔn nuą di wɔ haliɠaa, da Moabə nuą, ə mą kɛ Amɔn lonnii di wɔ haliɠaa, ə lɛɛ da Filisti nuą di wɛi, di kɛi kwɛli hvilɛn diɛ, di di pulu tɔɔ Yai-Laa ɓa.

Dutɛrɔnome 32:18

«Ee, Israɛlə! Gwɛnii ŋɛ̨i ə́ mɛ̨i kaai yáá lɛ̨ą mą. A yaai ə́ kɛ yɛnɛ̨ɛ̨! Yálái ŋɛ̨i yɛnɛ̨ɛ̨ tɛɛ ə́ pɔ yáá mąą mɛ̨nį viikpɛɛ kulɔ!»

Dutɛrɔnome 6:12

Ka gɛ a nɛlɛɛ, ka hvo lɛ̨ą Yai-Laa ɓa, yai ka kulɔ Eziptə lɔi hu, nuwɔ pɛlɛ́i tii mu.

Lɛɛ gbɔwɔ ɓa 32:34

'Li kɛa yiihu a nuą, ɓɛi ŋį́ naa hvaa ɓo yɛ́, ɛlɛɛ, nwɔ́ malaka ɓə pai hvilɛn ɉi ə́ tɔwɔ. Kɛlaa, gáá pai di hutɔɔi a yələ ta, di wɔ nɛ̨ŋɛ̨nŋąąi mąą mɛ̨nį ɓa.»

Azaya 65:7

Ka wɔ túwɔ́ pələ ɲɔ̨n, da ka nąnni di wɛiɠaai, ŋą́ gwələ kulɔ a gee, Yai-Laa woo li. Nuąi kɛi nwulɔ kun nɛ̨ɛ̨ɠaa kələn ɲeeɠaa nwuɔ̨, diɛ mɛ́lɛ too la tii, ɲee kpukpuɠaa mɛ̨i, gáá pai bɔɔ kulɔi diɛ, yɛ bələi wɛi di kɛi túwɔ́ la.

Izikiɛ 16:12

Ŋį́ da kɛ a ə́ hunwɛ̨i kwɛli, da ə́ wəlii kwɛliɠaa, da tɔɔɓɔlɔ ɲɛ̨i tɔɔ, ŋį́ ɉee ə́ nwun ma.

Ɉeremi 7:34

Gáá kwəinɛ̨ɛ̨ woo da yɛlɛ́ wooɠaa kpɛɛi Ɉuda taaɠaa hu, da Ɉerusalɛmə gwəliɠaa pɔ. Hilɛtaa wələ hva too, hilɛtaa kɛ Nɛ̨ɛ̨nu hva wələ hvaa. Mąąhɔlɔɓo, nɔi kaa pai lɛɛi a lɔi pun.

Woolaa 1:4

Siɔn daa pələɠaa kəlee daa kpɔlɔɔn. Nu ta hvo kɛa lii laa hɛli ɓa. Gwəli hɛ̨ąiɠaa kəlee daa kpɔlɔɔn. Ɉaláá laa həli nuą diɛ di woolaa. Siɔn halakpɛlaɠaa kwəi aa pili diɛ. Siɔn aa lɔ liikələn gwəi hu.

Woolaa 5:14

Ɉulɔgoloɠaa di hvo kɛa lii nwun dɔɔ hu, hilɛlɛa di hvo kɛa hvɛli kɛi.

Amɔsə 8:10

Ŋą́ ka wɔ hɛliɠaai kəlee mąą pənə a mąąwɛli hee ɓoɔ Ŋą́ ka wɔ wələɠaai mąąhvalin a wɔlɔ woo. Nu kəlee da mąąwɛli həɠə too di kwąną yɛ da haa too nu ɓa. Nu kəlee da di nwun gbəlaan mo, yɛ nu lon gɔw tɔ̨nɔ̨ a haa. Mɛ̨nįɠaa tii kəlee ŋąą a kpɛɛ a nwanąą.