Osia 12:1 - Yálá laawoo hɛɓɛ (dc)

¹ Ɛfraimə kaa gílí ɲąą pɛlɛi a lɛɛ, Israɛlə nwɔ pɛlɛ́i yɛ mówo, Kɛlaa, Ɉuda kaa ni Yálá pulu, ganąn ŋąą ni yələkɔlɔn ɉu Yálá ɓa.

Yálá laawoo hɛɓɛ

¹ Ɛfraimə kaa gílí ɲąą pɛlɛi a lɛɛ, Israɛlə nwɔ pɛlɛ́i yɛ mówo, Kɛlaa, Ɉuda kaa ni Yálá pulu, ganąn ŋąą ni yələkɔlɔn ɉu Yálá ɓa.

Bible

¹ Eezuɛ a vãai kpɛ̂i a ɣele láa-ƃoɔɔ su kôyaa. M̀ɛnii kélee da gɛ̀i gáa nɔ́ kpɛ́ni-kpɛni. Da lɛ́ɛ-mɛni támaa kpɛ̀tɛ, díkɛ ŋwana-lɔ̂ɔ kɛ̀, díkɛ lawoi-laa kɛ̀ da Asiria lɔii, díkɛ ŋɔ́nɔ lì a wúlɔ Ize-lɔii su a sama-sɛŋ.

Osia 12:1 Referans Kwoze

Osia 8:7

Di kaa hvaŋą hin ɉii, di kaa pai tulɔ hvaŋą hɔlɔɓoi, mɔ̨nun gbaɠa a wala kɛ mą, gɔw hva kɛ ɉu, da a kɛ nwɔ̨nɔ̨ ɉu, nwɛ̨ąą ɓə da mįi.

Osia 5:13

Ɛfraimə aa nwɔ ɲɔ̨n kaa, Ɉuda yaan, aa nwɔ palai kaa; Ɛfraimə aa li Asiri pɔ pələ, ɛlɛɛ, aa kɛla tɔɔ dɔɔmun gɛnɛ̨ pɔ. Kɛlaa, gáá moi kaa: Hva pɛli ka ɓaloi, hva pɛli ka wɔ palai hali kɛi.

Izikiɛ 17:10

Da ɉin gaa pai lɛlɛi? Hvaŋą ɲąą nwąnąą a hee mą, kɛlaa gbala hiɛ li kpɔ tɛ̨ɛ̨ tɛ̨ɛ̨. Nɔi ti kɛ mąąnɛ̨ɛ̨ ə lɛlɛ ɉu, gaa pai kpalai laa.»

Ɉeremi 22:22

Hvaŋą kaa pai lii a ə́ ɲąąkɔn nuą, daa li a ə́ wɔ wɛliɠaai mąąkilɛ pələi. Nwumɛ̨ aa tɛ a yɛ́, ə́ ɓɛlɛ aa kpɛɛ yɛ́, ə́ wɔ kiliŋąhiɛ ɲɔ̨nwɔ̨ɔ̨ tii kəlee mąą mɛ̨nį ɓa.

Zôo 15:2

A kɛ ti kilimąą mɛ̨nį ɓaa nu yɛ pələ ɓo lɔ kpɛli kpɛli? Yɛ goo laahvɛɛ a hvaŋą?

Tɔɔɓɛlaa veelɛ 15:19

Asiri tɔɔmun Pulə ə pa ə pɛlɛ nɔi ɓa a kɔ́, kɛlaa, Menahɛmə ə wali kwələ kilə waa pow haaɓa tɛɛ Pulə pɔ, əgɛ, yili ə kpɔnmąą tɛɛ bɔ, dɔɔlaa ə lɛɛ ɲəi a nwalawalaa.

Zɛnɛse 41:6

Yili pulu, mɔ̨nun gbaɠa mɛ̨ihveelɛ takpɛli, di nwun dɔɔi ə ɓo lɔ nwɔ̨nɔ̨ tanɔ̨n, hvaŋą da hvóló daa nɛɛ a vəlee.

Ɉeremi 2:36

A tɛ̨ą yáá ə́ wɔ nu kpoloon naa lɛ, a ə́ kpaalə mąąhvalin ə́ mo. Eziptə lɔi, da Asiri lɔi da nwumɛ̨ yɛ́.

Ɉeremi 7:15

Gáá ka pilii kpɔɔ kwɛaa la, yɛ bələi ŋį́ ka kaayɔwɔɠaa Ɛfraimə huwu nuą kɛ la.

Woolaa 5:6

Kwáá ku yee haŋą Eziptə lɔi pɔ pələ, da Asiri lɔi, əgɛ, ku kɔ̨nɔ̨n ɉɔlɔɓo, ku mįi ku pilɛ la.

Osia 4:19

Hvaŋą kaa pai lii a diɛ, yɛ li a diɛ, nwumɛ̨ yɛ tɛ diɛ, di wɔ haláá kulɔ mɛ̨nįɠaai tii hu.

Osia 7:11

Ɛfraimə kaa a tonwələn mowo laa nɛ̨ɛ̨, hva giliŋą hiɛ, di kaa Eziptə təlii, diɛ li a gilɛ Asiri pɔ pələ.

Kɔlɔnikɔ Veerɛi 21:11

Yoramə kpįnįi tii, ə hali kɔ́iɠaa pɛli Ɉuda lɔi hu ɲeeɠaa nwuɔ̨, ə Ɉerusalɛmə nuą ɲąątɔɔ a túwɔ́ pələ ɲɔ̨n mą, ə Ɉuda nuą yee lɔ wɛli mɛ̨nį hu.

Mąątɛ̨nɛ̨ 78:36

Kɛlaa, di kɛi mowo a di laaləi, di nɛ̨n yɛ lɛɛ kɛ mą.

Osia 4:15

Yii kpɔ yɛ́, Israɛlə, yá kɛ wɛli hon ɉii, Mąą hvo nɛ̨ɛ̨li Ɉuda yaa kpɛlimąn, hvo tɔɔ yɛ ɉɔn gɛ. 'Ka hvo li Gilgalə, 'ka hvo tɛ Bɛtə-Awɛn, 'ka hvo ka kwɛla, kaa kɛ diɛ: «A kɛ kpɔ Yai-Laa kaa a vulú.»

Osia 7:1

Ɓɛlɔwai kpɔlɔ gáá la bɔ ŋį́ Israɛlə ɓalo, nąąlɔwai kpɔlɔ ɓə Ɛfraimə nwɔ nɛ̨ŋɛ̨n a too la pɔ̨nɔ̨ ŋą, da Samari nwɔ kɛɛ kala mɛ̨nįɠaa, mąąhɔlɔɓo, lɛɛ ɓə di kaa gɛi, nwuɔ̨mun aa lɔ bɛlɛ́ɠaa mu, nu paa mun aa kpɔlu ɲɛnɛ̨ɛ̨ pələ.

Osia 11:9

Və́ pai ɲéé ɓoi nwɔ́ liiholii ɓa, və́ pai Ɛfraimə hu kalai, mąąhɔlɔɓo, gáá a Yálá, və́ a nu; Mąąhəɠəmun maa a ɲą́ą́ ka lɔwai, və́ pai pai a liiholi.