Bib sou entènèt

Osia 11:8 - Yálá laawoo hɛɓɛ (dc)

⁸ Ŋą́ ə́ hon bələ kɛ ləi Ɛfraimə, Ə́ hu kala ɓə mɔ̨ɔ̨ ŋą́ mo, Israɛlə? Ŋą́ ə́ hukala pələ kɛ yɛ Adma taa, yɛ bələi ŋą́ Sevoimə taa kala la? Yáá gwə́i pili mą́ą́! Ə́ ɲɛ̨imąąwɛli aa ɉón!

Gade chapit la Kopi

Yálá laawoo hɛɓɛ

⁸ Ŋą́ ə́ hon bələ kɛ ləi Ɛfraimə, Ə́ hu kala ɓə mɔ̨ɔ̨ ŋą́ mo, Israɛlə? Ŋą́ ə́ hukala pələ kɛ yɛ Adma taa, yɛ bələi ŋą́ Sevoimə taa kala la? Yáá gwə́i pili mą́ą́! Ə́ ɲɛ̨imąąwɛli aa ɉón!

Gade chapit la Kopi

Bible

⁸ “Óo Eezuɛ, ŋa pâi ńyee kulâi léŋ ímu? Óo Eezuɛ ŋa pâi teêi yâ lé-mɛni ma? Ŋá pɔ̂ri tuâi a yá yɛ̂ɛ berei ŋá gɛ̀ la a Adama kpaa máŋ yɛ̂ɛ da Zeboŋ taa-lee-ŋai? Fa pɔ̂ri nyíŋi kɛ̂i. Ŋáwɛli kɛ́-maai káa nɔ́ kámɛni ma.

Gade chapit la Kopi

tounen moute ⬆

Osia 11:8
38 Referans Kwoze

Ɉeremi 31:20

Ɛfraimə aa kɛ mɔ̨ɔ̨ a nwɛ́li kɛ mąą lon. A lón mąą mɛ̨nį kaa níí mɛ̨i? Mąąhɔlɔɓo, ŋį́ kɛ lɔ mąą mɛ̨nį ɓoi, mąą kiliŋąhiɛ yɛ too mą́ą́, ɛlɛɛ, nii yɛ kulɔ mą́ą́ mąą mɛ̨nį hu. Nwɔ wɛlikɛmąą kaa pai kɛi níí hu kpɔ a nwalawalaa. Yai-Laa woo li.

Maafîu 23:37

«Ɉerusalɛmə taa! Oo Ɉerusalɛmə, yɛ́i yá Yálá kwəi mɛ̨nį hukulɔ nuą paa, yiiɠaai Yálá a di tɔɔ ə́ pɔ, yɛ́ di hɔɔ a kwɛni diɛ. Ŋą́ kɛ bɔ ŋį́ ə́ lonnii kəlee ŋąąkpɔn yɛ pələi tɛ́ɛ́ kɔ́nwɔ̨lee a nonnii kəlee ŋąąkpɔn na goon mu.

Osia 6:4

Lə ɓə ŋą́ pɛli gɛi a yɛ́ Ɛfraimə? Lə kpɔ ɓə ŋą́ pɛli gɛi a yɛ́ Ɉuda? Ka wɔ tələnmolaa kaa lɔ yɛ nąląąn a pu yələ wala pɔ, ə ɓo yɛ yələ ɓɔi nɛ̨n ɲá, yai hva lamun laakpala ŋą.

Dutɛrɔnome 32:36

Yai-Laa kaa pai nwɔ nu huwui kiti teei, gaa pai gwəi kili mąąhvalin ɉii di pɔ di hon bələ hu. Yɛ nwɔ tínuą ɲɛ̨imąąwɛli kaa; ɓɛlɔwai di yee kɔ́nwɔ̨n ɉu a haa la, di ta hvo a luwɔ da hvo gbɔwɔ ɓa.

Dutɛrɔnome 29:23

Nąąlɔwai, hį́i kəlee kaa pai kɛi diɛ: ‹Lə ɓə kɛ yaai, Yai-Laa ə nɔi ŋɛ̨i hon bələ kɛ ŋɛ̨i-oo? Niiholi kɛnɛ̨i ŋɛ̨i ə gulɔ, nwun maa a lə?›

Zûu 1:7

Yii ɓaa Sodomə da Gomorə da di kwɛlɛ taaɠaa, diɛi wɔlɔ kɛi túwɔ́ pələ ɲɔ̨n gulɔ gee pɔ. Diɛ wɛli ɲɔ̨nwɔ̨ɔ̨ kɛ a diɛ gee, hinąą diɛ láá a di gee, diɛ láá a huwɔɠaa. Nuą tii kaa háákələi nwɔ̨n ɉu yii hva luwun. Mɔ̨nɔ̨i tii di kaa mįi, yili kaa a mɛ̨nį kɔ́ɔn mąą da kili lɛɛ ɉu nu kəlee mąą mɛ̨nį ɓa.

Piɛrə veelɛ 2:6

Yili pulu, Yálá ə Sɔdomə taa da Gomorə taa di hvɛla kɛ a nwɔ̨n, yii ə ɉu nuą kəlee nwun napili, di wɔ kili walawala laa mąą mɛ̨nį ɓa. Yálá ə yili kɛ ti, ə gɛ, ə nɛ mɛ̨nį ɲɔ̨n gɛ nuą diɛ, a mɛ̨nįi pai kɛi a diɛ, mąą pɔɔ kɔ́ɔn.

Amɔsə 4:11

Ną́mu Yai-Laa yɛ nwɔ̨nɔ̨ diɛ: Mɛ̨nii ɲąąnwąnąą ɲą́ą́ Yálá ŋį́ naa Sodomə taa da Gomorə taa diɛ, yili ɲɔ̨nwɔ̨mąn mə ŋį́ naa kaa. Kɛlaa, ŋį́ ka nwun mąąɓo, ka kɛ yɛ kwɛituwɔ tɔ̨nɔ̨ kulaa kpaɠa nwɔ̨n ɉu. Kɛlaa, pələi mąn ŋį́ gɛ la tii, ka hvo gɛ li, ka hvo pa bɔ́. Yai-Laa woo li.

Woolaa 1:20

Yai-Laa! Ə́ ɲɛ̨i hee tai mɔ̨nɔ̨i ŋɛ̨i aa laa mą́ą́ ə́ gaa! Níí kaa kpɛlaan ɉii gwə́i. Yɛ kpɔ ə tee; Mąąhɔlɔɓo, ɲą́ą́ gulɔ nwoomu taaləi tii kɛ a yɛ́, Ɲɛnɛ̨ɛ̨ pələ, ɓɔwa kwɛaa aa nónnii kulɔ ɲə́i, bɛlɛ́n bələ, haa aa naa tɔɔ tin!

Tɔɔɓɛlaa veelɛ 13:23

Kɛlaa, Yai-Laa ə Israɛlə nuą ɲɛ̨imąąwɛli kaa, ə ɲɛ̨i lɛlɛɛ hee diɛ, mįnɛ̨ da Abrahamə, Isaakə, Ɉakɔbə ni di ɉəɠə mąą mɛ̨nį ɓa; hvo kɛ bɔ di huwu hvo kpɛɛ, hvo di pili ɲɛ̨ipulu.

Samia Veerɛi 24:16

Malaka ə ɲee haŋą Ɉerusalɛmə taa mɛ̨i pələ, yɛ kɛ ə ɉu nuą nwun na pili. Kɛlaa, Yai-Laa hvo kɛa hvaa mą yili hvo kɛ. Ə mo gɛɛ kala malakai tii ɓa, yɛ mą: «Aa pɛli ɉu! Ə́ yee lɛɠɛ yɛ́.» Yai-Laa nwɔ malaka ə kɛ tɔɔni Ɉebusə mun Arauna nwɔ mɔ̨nun dan ɉii kwɛlɛ.

Nwun mąąɓo 10:16

Yili pulu, ɉaliɠaai kpɔ kɛ Israɛlə nuą yəi, di di yee kulɔ gəlee hu, di tínɛ̨n di kwɛli hvilɛn Yai-Laa ɓa. Mɛ̨nį ɲąąnwąnąąi tii kɛ naa di mɛ̨i, Yai-Laa hvo pɛli gili kulɔi ɉu.

Zɛnɛse 14:8

Dɔɔɓɛlaai ŋɛ̨i kɛ Sodomə daai, Gomorə daai, Adma daai da Sevoimə daai, da Bera daai, naa takpɛli ɓaa: Soarə. Di di wɔ kɔlaɠaɠaai ŋąąkpɔn, di pɛlɛ di kee ɓa Sidimə nɛ̨ŋɛ̨ lɔi hu,

M̀ɛni-lɛɛi 18:18

diɛ gboo təli, da kɛli daai tii kələn nwɔ̨n nulu kaa, diɛ kɛ mą: «Taalee lə kɛɛ kpɔ ɓə, da pɛli kɛ gɔɔn ɉii daa-lee kɛnɛ̨i ŋɛ̨i ɓa?»

M̀ɛni-lɛɛi 11:8

Di powa kaa pai lɛɛi tooni daa-lee kɛnɛ̨ hɛ̨ąi, yai da naa hee a Sodomə da Eziptə, nąą ɓə di di Nąmu kpɔn laa wulu ɓa.

Sofoni 2:9

Yili ɓə gaa mą, Ɲą́ą́ Yai-Laa Mɛ̨nį Kəlee ŋą Hééɓomun, Israɛlə nwɔ Yálá, nwóó li, yii kpɔ gáá a vúlú, Moabə lɔi kaa kɛi yɛ bələi Sodomə ə kɛ la, ɛlɛɛ, Amɔn lonnii di kɛ yɛ bələi Gomorə ə kɛ la. Nąą ə kɛ a ɲąąlən gbɔlɔ, da kpolo kulɔi, a lɔi pun a yələ kəlee mɛ̨nį. Nwɔ́ nu huwui kpəlii a lɛɛ, a di mąąkpoloon. Nwɔ́ nuąi kulɔ gɔ hu da kwɛlin ɲąąkwɛlɛ.

Amɔsə 7:6

Mɛ̨nįi Yai-Laa ə kɛi pa gɛi, ə mąąhvalin, yɛ mą́ą́: «Yii ŋɛ̨i nwɔ̨nɔ̨ ə́ gaa, hvo pai kɛi tii.»

Amɔsə 7:3

Mɛ̨nįi Yai-Laa ə kɛi pa gɛi, ə mąąhvalin, yɛ mą́ą́: «Yii tii ə́ gaa, hvo pai kɛi tii.»

Woolaa 3:33

Yai-Laa kwəinɛ̨ɛ̨ mɛ̨ni hvaa yɛ a nuą nwumɛ̨ɛ̨, ɛlɛɛ, yɛ mɔ̨nɔ̨ laa di mɛ̨i.

Ɉeremi 9:7

Di nɛn gaa yɛ tonwą ɓaɠaa! Di hvaa woo ə ɓo a lɛɛ, diɛ di kee ni liilaa woo ɓo lɔ a di laaləi. Kɛlaa, ya lɔ di kwəi pələ, hɛlɛn mə di kaa dɛ pələ kwɛli dɔwɔ.

Ɉeremi 3:12

Ɉeremi! Li kani, ə́ wooɠaa ŋɛ̨i ɓo a lolo ɲanwuɔ̨ pələ, yɛ diɛ: Yai-Laa woo ka! Yɛ: Israɛlə, pənə ə́ pa! Yɛ́i yáá nɛ́ɛ́! A tɛ̨ą, ŋį́ kulɔ nwóó ɓa; vá ə́ hɔn ɉee gwə́i! Ɲą́ą́ Yai-Laa nwóó li!

Azaya 63:15

Yɛ́i tii yələ kɔ́lɔn ɉu, lɛɛ ə́ wɔ pɛlɛ mąąhəɠɛɛ lɛlɛɛi mu, ə́ ə́ ɲɛ̨i hee, ə́ kɛɛ kaa: Ə́ wɔ toloi kaa mįnɛ̨, da ə́ wɔ huwala walai? A mɛ̨nįɠaai tii da ə́ lii muhəɠəi? Ɲɛ̨́i mąą wɛli kaai ə́ kɛli mo, yaa mɔ̨ɔ̨ gbɛla bələi?

Mąątɛ̨nɛ̨ 106:45

Mįnɛ̨i da diɛ ni di ɉəɠə, ə giliŋąhiɛ mą, nwɔ wɛlikɛmąąlaa kɛnɛ̨ hu, ə nwoo yali bulu.

Tɔɔɓɛlaa dɔlɔɔ 3:26

Nɛ̨ɛ̨nui ŋɛ̨i non maa kɛ a nokolo hvulú, níi ə ɓɛla mą non mąą mɛ̨nį ɓa, yɛ tɔɔmun ma: «Nwɔ́ mɛ̨nį nąmu, nɛ̨ɛ̨mąą ɓə gáá vəi yɛ́; nokolo hvulú ŋɛ̨i tɛɛ mɛ́lan bɔ, hvó kɛ ə́ kaa nokolo paai.» Nɛ̨ɛ̨nu yii tii nwɔ wooi lɔ ɓaa: «Hvaa lɛɛ ə́ yəi, hva lɛɛ ɲə́i, ka ɉu tee.»

Azaya 16:11

Níi kaa kpɛlin ɉii gwə́i, yɛ gwɛni ɲɛli, Moabə mąą mɛ̨nį ɓa, níi yɛ dumo gwə́i Kirə-Hɛrɛsə mąą mɛ̨nį ɓa.

Ɉeremi 18:8

Kɛlaa lɔi yii a túwɔ́ pələ ɲɔ̨n gɛ, ə nwɔ́ liiɲąnwąną muhəɠə, nɔi tii a bulú tɔɔ ɉɔn ma, mɛ̨nįi ŋą kɛi pa naai mą, ŋą ɉəɠə mą.

Ɉeremi 42:10

'Ká hvaa mą ka lɛɛ nɔi ŋɛ̨i hu, ŋą́ ka tɔɔ, vá kɛa ka hukala, ŋą́ ka hin, vá kɛa ka kulɔ a ka nwun. Mɛ̨nį ɲąąnwąnąąi ŋą́ naa kaa, ŋą́ bɔ́ɔ́ŋą pɛli.

Woolaa 3:32

A mɔ̨nɔ̨ laa nu mɛ̨i, a tinɛ̨n ə ɲɛ̨i mąąwɛli kaa, nwɔ ɲɛ̨imąąwɛlikaa kɛnɛ̨i.

Izikiɛ 6:9

Nuąi pai kulɔi ɉu, gíli kaa pai tooi di ɲą nɔiɠaai ti di kaa pai li laa a diɛ ɉu; di wɔ tuwɔ pələ ɲɔ̨n gulɔ kili ti lənə mą́ą́i, gáá pai ɉu kalai di kwəi, da di ɲɛ̨i kɔ́wi ti haliɠaa mąąwiɛi. Di ɓɛlɛ kaa pai kpɛɛi di kpɔwɔ kwəi, nɛ̨ŋɛ̨ŋąąi di ɉəɠə mąą mɛ̨nį ɓa, da di wɔ kili kpɛɛ gwəi mɛ̨nįɠaa kəlee.

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Osia 7:1

Ɓɛlɔwai kpɔlɔ gáá la bɔ ŋį́ Israɛlə ɓalo, nąąlɔwai kpɔlɔ ɓə Ɛfraimə nwɔ nɛ̨ŋɛ̨n a too la pɔ̨nɔ̨ ŋą, da Samari nwɔ kɛɛ kala mɛ̨nįɠaa, mąąhɔlɔɓo, lɛɛ ɓə di kaa gɛi, nwuɔ̨mun aa lɔ bɛlɛ́ɠaa mu, nu paa mun aa kpɔlu ɲɛnɛ̨ɛ̨ pələ.

Mise 5:3

Gaa pai kɛi tɔɔni yɛ nwɔ taatɛlɛɛ kpului ɲąąkɔn, a Yai-Laa nwɔ huwalawalalaa, a nwɔ Yálái Yai-Laa nwɔ mąąwiɛ, di kaa pai heei diɛ həli lɔi kpon ɉeei, di kpulu hu kɛnɛ̨ pələ ɓa.

Dutɛrɔnome 29:22

‹Nwɔ̨n aa nɔi ŋɛ̨i kəlee kələn a kpolo, nu ta hva kɛa hihɛn da hin naa, wulu hvo laa, kala tiliin da hva ɓɔn naa, nąą aa kɛ lɔ yɛ: Sodomə taa, da Gomorə taa; yɛ Adma taa da Sevoimə taa, diɛi Yai-Laa ə di kulɔ di pihɛi, níiholi pələ ɓa, da niikələn bələ ɓa gwəi.›

Kɔlɔnikɔ Veerɛi 36:15

Di nąnni di wɔɔ Yálái Yai-Laa ə di liɛwoo ɓo, gwəi mɛ̨nį hukulɔ nuą laaləi gee mɛ̨i tamąą, mąąhɔlɔɓo, nwɔ nuąi ɲɛ̨imąąwɛli ə kɛ mą, da gbɔwɔ nwɔ pɛlɛ́i.

Ɉeremi 9:6

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: Gáá pai di mąąhəɠəi a nwɔ̨n, ŋį́ di mąą waa. A tɛ̨ą, gáá pai gɛ́ mɛ̨nį kɛi nwɔ́ nuą kili ɲɔ̨nwɔ pələi ŋɛ̨i hu.

Swiv nou:

Lyen patwone

Piblisite

Piblisite