Osia 10:7 - Yálá laawoo hɛɓɛ (dc)

⁷ Samari aa nwɔ yɛnɛ̨ɛ̨ laa kulɔ, ə mą kɛ nwɔ tɔɔmun, gaa yɛ wulu kalan a kɛ too ni yá ŋą.

Yálá laawoo hɛɓɛ

⁷ Samari aa nwɔ yɛnɛ̨ɛ̨ laa kulɔ, ə mą kɛ nwɔ tɔɔmun, gaa yɛ wulu kalan a kɛ too ni yá ŋą.

Bible

⁷ Sameria kaloŋ su a pâi karâi yɛ̂ɛ wuru-kalaŋ a tɛ̀ yá ŋá.

Osia 10:7 Referans Kwoze

Osia 10:3

Yiihu, di kaa kɛi diɛ; tɔɔmun və ku yəi, mąąhɔlɔɓo, ku hva ɲɔw Yai-Laa ɓa, ɛlɛɛ, lə kpɔ ɓə tɔɔmun a pɛli gɛi ku mąą mɛ̨nį hu?

Zûu 1:13

Bələi tii yá a hulúún na vili tɛ mɛ̨i, bələ lɔ ɓə nuą tii da di nwumɛ̨ mɛ̨nį kulɔ la ponoŋą. Di kaa yɛ pɛmɛ̨lɛ̨n gɔw yiiɠaai di kaa lɔ gilɛ ŋą, Yálá aa kpinį kɛnɛ̨ pɛli di laa ɓa.

Osia 13:11

Ŋą́ tɔɔmun dɛɛ ə́ pɔ lííholi hu, lííkələn gwəi hu, gɛ́ pənə gɛ́ ɉəɠə.

Osia 10:15

Mɛ̨nįi tii ɓə Betɛlə kaa pai nąą kaai, ka wɔ kili ɲɔ̨nwɔ̨n gwəi laa mąą mɛ̨nį ɓa, gɛɛ yələ hvo ɓɔ, Israɛlə tɔɔmun nwɔ yɛnɛ̨ɛ̨ a kɛ a gbɛɛ.

Tɔɔɓɛlaa veelɛ 17:4

Kɛlaa, Asiri tɔɔmun aa kɛ gbaɠala kaa, yɛ Ose a nɔgilii kɛ mą. Mąąhɔlɔɓo, Ose ə nuą tɔɔ Eziptə tɔɔmun So pɔɔli, ɛlɛɛ, hvo kɛa kɛi nįįhɔ̨nwɔ̨ kulɔ Asiri tɔɔmun mą yɛ bələi a gɛ la a kwɛlan gəlee. Asiri tɔɔmun ə Ose hon, ə yɔwɔn doo gɔwɔ kwąną, ə doo gaho ŋą.

Tɔɔɓɛlaa veelɛ 15:30

Ela lon Ose ə nɔgilii kɛ Remaliahu lon Peka ɓa, ə baa, ə hee ɉeei dɔɔlaa hu. Oziasə lon Yotamə nwɔ tɔɔlaa gwɛlan bow hveelɛ lɔwai li kɛ.

Tɔɔɓɛlaa veelɛ 1:3

Nąąlɔwai, Yai-Laa nwɔ malaka ə mo Tisbe mun Eli ɓa, yɛ mą: «'Hvilɛn bələ pɔ ə li, ə kaa lii kwiɛn ɉii a Samari tɔɔmun nwɔ wɛlɛɛ ɓo nuą, kɛ diɛ: ‹Akɛti, Yálá hvo Israɛlə nuą yəi? Yaai ka káá lii Baalə-Zebubə mąąnin gɛi, yai a Ɛkrɔn nwɔ halii?›

Tɔɔɓɛlaa dɔlɔɔ 21:1

Mɛ̨nįɠaa tii tɛɛ pulu, mɛ̨nįi kɛ ya ka: Viɲə yɛa ə kɛ Izreɛlə mun da yəi, diɛ kɛ naa ɓaa: Nabɔtə. Viɲə yɛai tii ə kɛ Samari tɔɔmun Akabə nwɔ pɛlɛ́i kwɛlɛ.

Osia 10:8

Di kaa pai ɉali kɔ́iɠaa kalai, di di kulɔ laa, yii gaa a Israɛlə nwɔ nɛ̨ŋɛ̨n tii; ɲąąlən da ɓówolaaɠaa di kaa pai kulɔi ɉali kɔ́iɠaai tii diɛ, di kaa pai kɛi yeeɠaa diɛ: 'Ka ku mɛ̨i kpulu! Diɛ kɛ yee kpukpuɠaa diɛ: 'Ka too ku mɛ̨i.