Osia 10:12 - Yálá laawoo hɛɓɛ (dc)

¹² 'Ka tələnmo kɛɛ hin, kaa pɛli liinɛ̨ɛ̨ gwəi mɔ̨nin deei, 'ka tíi nįnɛ̨ kɛ, yiihu, mąąnɛ̨ɛ̨ ka Yai-Laa kwɛli, ə gɛ, ə pa ə tələnmo tulɔ pu ka mɛ̨i.

Yálá laawoo hɛɓɛ

¹² 'Ka tələnmo kɛɛ hin, kaa pɛli liinɛ̨ɛ̨ gwəi mɔ̨nin deei, 'ka tíi nįnɛ̨ kɛ, yiihu, mąąnɛ̨ɛ̨ ka Yai-Laa kwɛli, ə gɛ, ə pa ə tələnmo tulɔ pu ka mɛ̨i.

Bible

¹² Ka tɔ̃yâ kɔ́ri. Gáa yɛ̂ɛ sí-sɛŋ kao lɛ́lɛɛ síɣɛɛ ká kpâlaŋ ŋá. Ka tɔ̃yâ mɛni kɛ̀, ka pâi ƃɛlɛ-sêe sɔlɔ ƃôi ńyêei. Gáa yɛ̂ɛ sí-sɛŋ lɛ́lɛɛ ḿba kuláa. Ka ńyãa Yâwɛɛ ḿvɛ̀li, ŋa pâi lûwa toôi kâa ŋá ká ƃálo. A pâi kɛ̂i yɛ̂ɛ tuna nyii pâi pûi ká sí-sãai dîa a gɛɛ dí ƃɔ̀lɔ.

Osia 10:12 Referans Kwoze

Zĩi 3:18

Tələnmo laa ɓá a hin liilaa hu, nuąi liilaa kwɛli di yəi.

Azaya 45:8

Yələkɔ́lɔn, 'tələnmolaa pu, yɛ həɠə yələi pələ yɛ nąnąąn, ɛlɛɛ, tulɔ kpinįnŋąą 'di tələnmolaa kpoloon naa lɔi mɛ̨i, lɔi, ə naaɓo, nu ɓalo mɛ̨nį, da tələnmolaa diɛ ɓɔn nąą a gee. Ɲą́ą́i a Yai-Laa, ɲą́ą́ ɓə nui tii pɛli.

Hanwon 11:18

Nwɔ túwɔ́ pələ ɲɔ̨n tii a nwɔ pɛ́lɛ́i hɛŋɛnɛn haa pɔ pələ, yɛ nwun na pili.

Azaya 55:6

'Ka Yai-Laa kwɛli, ɓɛlɔwai, a gbɔwɔ lɛɛ laa diɛ gaa, 'ka dəli, ɓɛlɔwai, nɛɠɛɛi la kaa.

Osia 6:3

'Ka gu Yai-Laa kɔ́lɔn, ka gu tɔɔ a gu nwąnąi Yai-Laa kɔ́lɔn mɛ̨nį ɓa, ba mɛ̨nį hva ɉəɠə mą, lɔ yɛ bələi yələ ɓoɔ hva ɉəɠə la mą; gaa pai pai gu pɔ, yɛ nąląąn, yɛ bələi tulɔ tɔlɔɔ a pu la yɛ lɔi yɔwɔ.

Azaya 44:3

Mąąhɔlɔɓo, nuąi kpələ wɛli kaa diɛ, gáá pai yálee laai di pɔɔli, gɛ́ yá pɛlɛɛ laa lɔi hu kpalaa hu, gɛ́ nwɔ́ Kilii yɛɛ ə́ huwu mɛ̨i, gɛ́ lúwɔ́ too ə́ lonnii diɛ.

Ikilisiati 11:6

Yili ɓa, 'humó a ə́ wɔ hihɛn ɉiɛ, ə həɠə yələ wala pɔ ɓa, ə həli la yələ wulii ɓa, hvo kpɛla mą. Mąąhɔlɔɓo, ə́ kɛ kólóɠaai tii lɔwai, yii pai kɛi a nɛlɛɛ hvo gɔlɔn, ɛlɛɛ, akɛ gəlee ɓə tɔ̨nɔ̨ kaa pai kɛi ɉu, hvó gɔlɔn.

Mąątɛ̨nɛ̨ 105:4

'Ka Yai-Laa kwɛli, da ŋą huwalawalai 'ka ɲɛ̨ilain gwɛli a hvąŋąlɔ.

Lukə 13:24

«Ka ka lɔ pələ kwɛli bɛlɛ́ laaləi logolo ɓa. Mąąhɔlɔɓo, nu tamąą kaa pai kɛi bɔ di lɔ, kɛlaa, di hvo pai pɛli mą.

Amɔsə 5:15

Ka mɛ̨nį ɲɔ̨n nwɛli kpɛɛ kaa, ka mɛ̨nį lɛlɛɛ wɛli la kɛ. Ka mɛ̨nį haŋąą kɛ ka wɔ kiti tee pɛlɛ́ɠaai mu. A kɛ tii, Yai-Laai gaa a Mɛ̨nį Kəlee ŋą Hééɓomun Yálá, a pɛli kiɛ, ə ka ɲɛ̨i maa wɛli kaa, kaai ka káá a Ɉosɛfə huwuhu nuą gbəli.

Amɔsə 5:6

Akɛ ka káá bɔ ka lɛɛ yɛnɛ̨ɛ̨, Yai-Laa ɓə mąąnɛ̨ɛ̨ ka pa bɔ. Ka wala yili kɛ tii, kaai ɓaa Ɉosɛfə huwuhu nuą, Yálá kaa pai mɛ̨nį laa kaa yɛ nwɔ̨n. Nwɔ̨n tii, a Betɛlə taa kəlee kələn. Nu ta hva pɛli nwɔ̨n tii luwun ɉi.

Azaya 31:1

Nuąi yɛɛi Eziptə, kpalo ɓɛlaai diɛ, di kaa lii kpɔn mąą kwɛlii laa, di kaa di kilitɔɔi hooɠaa diɛ; diɛ di kili lɛɛ kɔ́ kɔ́ wotoloɠaa diɛ, mąąhɔlɔɓo, di kpulu kɛnɛ̨ɛ̨i. Diɛ di kilitɔɔ ɉoo gilɛ həɠə nuą diɛ, mąąhɔlɔɓo, di tamąąi. Kɛlaa, di kili lɔpee ta hvo tɔɔ li Israɛlə nwɔ mąąhəɠə mun ɓa, di hvo Yai-Laa kwɛlii.

Amɔsə 5:4

Mɛ̨nį Yai-Laa ə mo Israɛlə nu huwu diɛ, ya ka, yɛ diɛ: Akɛ ka hvo bɔ ka hvo haa, ɲą́ą́ ɓə mąąnɛɛ ka pa bɔ́.

Osia 12:6

«Yai-Laa Mɛ̨nį Kəlee ŋą Hééɓomun Yálái ti a Yai-Laa.» Bələ ɓə mąąnɛ̨ɛ̨ di vɛli la.

Amɔsə 5:8

Ya ɓə a pɛmɛ̨lɛ̨n-gɔw kpulu heei kulɔ yələ kwəi. Bɛmɛ̨lęn-gɔwɠaa yii ŋɛ̨i da kɛ mą Pleiadɛsə, diɛ ɓɛ da hvóló laa tee lɔwai lɛ. Yiiɠaa ŋɛ̨i da kɛ mą: Oriɔn, diɛ hąmą lɔi lɔwai lɛ. A pɛli kpinį mąą pənəi a yələwala pɔ. Yɛ yələɓoɔ hu kpinį, ə gɛ, kpinį ə pɛlɛ. A pɛli mą ə gboloyá hvɛɛ, ə naa lɔi mɛ̨i nąą kəlee. Yálái a mɛ̨nįɠaa tii kɛ, naa ɓaa: Yai-Laa.

Osia 8:7

Di kaa hvaŋą hin ɉii, di kaa pai tulɔ hvaŋą hɔlɔɓoi, mɔ̨nun gbaɠa a wala kɛ mą, gɔw hva kɛ ɉu, da a kɛ nwɔ̨nɔ̨ ɉu, nwɛ̨ąą ɓə da mįi.

Gɛlaɠaa 2:18

A tɛ̨ą mąą yələi ti, ŋą́ nwɔ́ Nį́į tɛɛi nwɔ́ tínuą ɉinąą da nɛ̨ą di pɔ, mąą yələi ti hu, da kɛ Yálá nwɔ wəlɛɛ laa həli.

Izikiɛ 34:26

Gáá pai lúwɔ kɛi nɔi ŋɛ̨i ɓa, da gwɛlɛ lɔiɠaa kəlee. Gɛ́ tulɔ pu di mɛ̨i a bui lɔwai, yili yɛ kɛ diɛ a lúwɔ.

Azaya 32:20

Ka nwun na kaa pai nɛ̨ɛ̨i, ka káá pai ka wɔ tíiɠaa kɛi tɛɛyáɠaa kwɛlɛ, kaa ka wɔ nįŋɛ̨ɠaa, da ka wɔ ɓɛlaaɠaa lɛɛ laa di kpɔwɔ ɓa, ka hva di kpulɔn.

Azaya 30:23

Gaa pai kɛi tulɔ pui ka wɔ tíi ɓa, yai ka káá pai gɛi, gɔ̨nɔ̨n lɔi kaa pai dɛɛi, a kɛnɛ̨, yɛ lɛlɛ. Nąąlɔwai tii, kala tiliin nɛlɛɛɠaa hu ɓə, ka wɔ taatɛlɛɛɠaa da di laa mįi laa.

Ɉeremi 50:4

Yai-Laa woo ka, yɛ diɛ: Voloi tii, nąąlɔwai kpɔ́ɔ́ kpɔɔ, Israɛlə nuą da Ɉuda nuą, di kaa pai a gee, di kaa pai, diɛ wɔlɔ, diɛ Yai-Laa kwɛli, yai a di wɔ Yálái.

Azaya 5:6

Gáá nąą kɛi a mąąwɛli lɔi, di hva kɛa mɛ̨i tee, di hva tumɔ kulɔ ɉu, ɲąąlən da ɓomodiliin mə pai ɓɔn ɉii laa, ɛlɛɛ, ŋį́ tɔ́n dɔɔ tulɔ kpinįnŋąą diɛ, di hva kɛa tulɔ pu mɛ̨i.

Hanwon 18:21

Nu ɓalo mɛ̨nį da nu haa mɛ̨nį, a kulɔ vaa woo hu, nui a nɛ̨n ɉon a nɛlɛɛ, ya ɓə a dɔ̨nɔ̨ hɔlɔɓo.

Mąątɛ̨nɛ̨ 72:6

Ə yɛɛ yɛ tulɔi a pu muluun gbala hu mɔ̨nun mɛ̨i, yɛ tulɔi a lɔi yɔwɔ, ə gɔlɔ haa mą.

Korɛntə veelɛ 9:10

Yaa tii ɓə, a hihɛn ɉuwu tɛɛ tíi-kɛmun bɔ, yɛ gɔ̨nɔ̨n bɛlɛ mą, yaa lɔ ɓə pai hihɛn ɉuwu tɛɛi ká pɔ, yɛ ɉu kɛnɛ̨, yaa ti lɔ ɓə pai, ká wɔ tələnmolaa má tamąi ɲą.

Azaya 48:18

Ee kə! Akɛ kɛ ə́ ə́ wəli tɔɔ nwɔ́ tɔ́n nwooɠaai diɛ, ə́ wɔ liilaai ə li kɛ yɛ ya lee kɛnɛ̨, ə́ wɔ tələnmolaa ə ɓo yɛ gboloyá;

Osia 14:1

Mąąnɛ̨ɛ̨ Samari ə pa gwələ kulɔ, mąąhɔlɔɓo, aa nwun gulɔ nwɔ Yálái woo mu, di kaa pai tooi kɔ́ kɔ́ ɓɔwa ŋą; diɛ di lon dalaɠaa kiin, diɛ koo nɛ̨ąɠaa kwəi ɓɛla.

Azaya 54:14

Ə́ hamu a kɛ a vilɛn ŋąą tələnmolaa mɛ̨i, di hva kɛa too ə́ mɛ̨i, hva kɛa ɲɔw, ə́ mąą hva kɛa kpɛlin, ə́ mąąɲɔw mɛ̨nį ta hva kɛa lɛɠɛ yɛ́.