Osia 10:10 - Yálá laawoo hɛɓɛ (dc)

¹⁰ Gáá bɔ ŋį́ di hutɔɔ, mąąhɔlɔɓo, daa kanąn di wɔ nɛ̨ŋɛ̨n veelɛi ɓa, lɔiɠaa kaa pai tínɛ̨n ɉii diɛ.

Yálá laawoo hɛɓɛ

¹⁰ Gáá bɔ ŋį́ di hutɔɔ, mąąhɔlɔɓo, daa kanąn di wɔ nɛ̨ŋɛ̨n veelɛi ɓa, lɔiɠaa kaa pai tínɛ̨n ɉii diɛ.

Bible

¹⁰ Ŋa pâi pâi ŋá zɔnyɔ̂ŋ-ƃelai kula-maa kɛ́. Ǹɔii-ŋuŋ-ŋai da pâi díwoo kɛ̂i zu tɔnɔɔ dí kɔ́ pɛ́lɛ dîa dísɔnyɔ̂ŋ-ŋai mɛ̂ni ma.

Osia 10:10 Referans Kwoze

Izikiɛ 5:13

Və́ pai nwɔ́ líiholii kpɛlai bələi; gáá pai nwą́ną́ kulɔi diɛ, ə lɛɛ ɉu ŋą́ naa kulɔ; da gili kɔ́lɔn dii, diɛ kɛ Yai-Laa ɓaa a ɲą́ą́; tolo ɓə gɛ, gɛ́ hvaa, gɛ́ nwą́ną́ kulɔ la diɛ, gɛ́ naa kulɔ.

Osia 4:9

Mɛ̨nįi pai laai nɔi lonnii diɛ, yaa lɔ ɓə pai laai ɉaláá laa həli mun ma, gáá pai muhəɠəi di laa ɓa, di túwɔ́ pələ mąą mɛ̨nį hu, gɛ́ di kɛ mɛ̨nįɠaa kwələ kulɔ diɛ.

Ɉeremi 16:16

Yai-Laa yɛ diɛ: Gáá pai nu hɔ̨nwɔ̨lee kpɛ nuą tɛɛi, diɛ di hon, yili pulu, ŋą́ nu kpɛ loɉoɠaa tamąą tɛɛ, diɛ di kpɛ ɲeeɠaa kəlee tona, da ɲee kpu kpuɠaa kəlee nwuɔ̨, ə mą kɛ, gwɛni woloɠaa hu.

Maafîu 22:7

«Dɔɔmun tii líí ə holi ə nwɔ holahiɠaa tɔɔ, ə gə, də li nuą tii dinuą paa, di yiliɠaai paa, ə lɛɛ, di nwɔ̨n nɔ di wɔ taa hu naa ə kələn.

Osia 8:10

Di mą hamą pilɛɠaa ɲąąkwɛlɛ nɔiɠaa hu, gáá kɛa pai di ɲąąkpɔn ɉii, ɛlɛɛ ɉu hvo pai kwɛai, di mąą kaa pai kɛi kpalin ɉii, tɔɔɓɛlaa di wɔ tɔɔmun nwiɛ mu.

Osia 8:1

'Dulú hvɛɛ, mɔ̨nɔ̨ kaa pai Yai-Laa nwɔ pɛlɛ́i mɛ̨i, yɛ kuwɔ. Mąąhɔlɔɓo, daa nwɔ́ mįnɛ̨i hu kala, dɔ́n ŋį́ naa diɛ, daa di nwun gulɔ mu.

Izikiɛ 23:46

Yaan, mɛ̨nįi Mɛ̨nį kəlee ŋą Hééɓomun Yálá kaa moi ya ka: 'Ka ɲąąkpɔn doo di mąą mɛ̨nį ɓa, di ɲɔw pili di hu, di di wɔ hɛnŋąąi kulɔ di yəi.

Izikiɛ 23:9

Yili ɓə gɛ, gɛ́ dɛɛ nwɔ wɛliɠaa pɔ, diɛi a Asiri nuą, mąąhɔlɔɓo di lɔɔi kɛ nii mu.

Izikiɛ 16:42

Gáá pai nwąną kulɔi yɛ́ kpɔ tɛ̨ɛ̨ tɛ̨ɛ̨; yili pulu, vá kɛa tolo kulɔ a yɛ́, ŋą́ níílaa, vá kɛa nííholi.

Izikiɛ 16:37

Yili mąą mɛ̨nį ɓa, gáá ə́ wɔ wɛliɠaai kəlee ɲąąkpɔn ɉii; diɛi ə́ wɛli ə too diɛ, yiiɠaai di wɛli ə kɛ yɛ́, da yiiɠaai di wɛli hvo kɛ yɛ́; gáá pai di ɲąąkpɔn ɉii, diɛ həɠə kɛɛnąą kəlee, diɛ pa ə́ pɔ, ŋą́ ə́ kpuwulu ɓo di ɲɛ̨i ɓa, di kaa pai ə́ kpuwulu kəlee kaai.

Ɉeremi 21:4

'Ká li, káá mą, Yai-Laa, Israɛlə nwɔ Yálá yɛ: ‹Gwɛli hɛnŋaa tii ka yəi kaa gɔ́ kɔ́ la ka Babilonə tɔɔmun ni, da Kalde nuą ŋɛ̨i daa ka hvana daa mąąkpɛ hįi kɔ́lɔ ɓa pələ, gáá gwɛli hɛnŋaa tii kəlee ɲɛ̨i tinɛ̨n ɉii, ŋį́ ɉee daa ŋɛ̨i hąmąi pələ.

Ɉeremi 15:6

Yai-Laa woo ka; yɛ diɛ: «Yá ɓə nɛ́ɛ́ laa, yɛ́ ə́ pulu tɔɔ mą́ą́; Ŋą́ ɲee kpuwulu kɛ yɛ́, ə́ hu kala mɛ̨nį ɓa. Vį́į́ aa kpɛɛ kɛa ə́ ɲɛ̨i mąą wɛli kaa mɛ̨nį ɓa.

Azaya 1:24

Yili ɓə gaa mą, Nąmu Yai-Laa Mɛ̨nį Kəlee ŋą Hééɓomun woo ka. Yai a Israɛlə nwɔ Yálá hɛn da hva tɔɔ na, ya ɓə mɛ̨nį ŋɛ̨i ɓoi, yɛ diɛ: Lə mąąwɛli mɛ̨nį ɓəi, ɲéé kaa pai tɛɛi gɔ́ yɔ́wɔ́ɠaa diɛ, ŋį́ nwɔ́ kwələ kulɔ ɲówoɠaa diɛ.

Dutɛrɔnome 28:63

bələi lɔ tii Yai-Laa liiɓa mɛ̨nį ɓaa la kɛ, yɛ kɛ ə ka mɛ̨i kaa, yɛ ka nwun na nɛ̨ɛ̨, yɛ ka huwu ɓɛlɛ, bələ lɔ ɓə, gaa pai ɲɛ̨i heei la kaa yɛ ka kpɛɛ yɛnɛ̨ɛ̨, yɛ ka huwu pu, a gwəinɛ̨ɛ̨; nɔi ŋɛ̨i ka káá lii ɉu kaa hee laa, da ka kulɔ laa a ka nwun.

Osia 10:9

Ə həɠə Givea nwɔ hvólóɠaai diɛ, ə́ yee kaa lɔ nɛ̨ŋɛ̨n ɉu, Israɛlə di hvo ta həɠə li di tɔɔi. Gɔi da bɛlɛ nɔi kala nuą diɛ, hvo pai di hɔlɔɓoi Givea?

Tɔɔɓɛlaa dɔlɔɔ 12:28

Giliŋąhiɛ taaləi tii kɛi ə mo, ə nįŋɛ̨ lon mąąnįnįn veelɛ pɛli a hɛni. Yɛ nuą diɛ: «Kaa wɔlɔ lamun lii Ɉerusalɛmə, Israɛlə nuą. Yálái ka kulɔ Eziptə, ya ka.»

Zôo 39:10

Ə́ kaa mɔ̨ɔ̨ pai ə́ wɔ kɛɛhi kalii kpulɔn ɉii ma? Ya ɓə mɔ̨ɔ̨ pai kɛi ə́ wɔ kɛɛi kpɛŋɛn ɉii?

Osia 4:19

Hvaŋą kaa pai lii a diɛ, yɛ li a diɛ, nwumɛ̨ yɛ tɛ diɛ, di wɔ haláá kulɔ mɛ̨nįɠaai tii hu.