Nwun mąąɓo 7:4 - Yálá laawoo hɛɓɛ (dc)

⁴ Kɛlaa, Yai-Laa yɛ Zedeɔn ɓa: «Nu kpulu aa nwɔ̨nɔ̨ lɛɛ kɛnɛ̨, ka diɛni ka yɛɛ ɲái, nąą ɓə gáá lii di huyɛɠɛi laa. Nuąi mąąnɛ̨ɛ̨ də li, gáá pai di lɛi yɛ́, yiiɠaai di mąą hvo nɛ̨ɛ̨li a li nuą, ŋą́ di lɛ yɛ́.»

Yálá laawoo hɛɓɛ

⁴ Kɛlaa, Yai-Laa yɛ Zedeɔn ɓa: «Nu kpulu aa nwɔ̨nɔ̨ lɛɛ kɛnɛ̨, ka diɛni ka yɛɛ ɲái, nąą ɓə gáá lii di huyɛɠɛi laa. Nuąi mąąnɛ̨ɛ̨ də li, gáá pai di lɛi yɛ́, yiiɠaai di mąą hvo nɛ̨ɛ̨li a li nuą, ŋą́ di lɛ yɛ́.»

Bible

⁴ Yâwɛɛ è ŋɔ́nɔ mò Gidiɔŋ ma ǹyɛɛ, “Ǹûai ŋí tâmaai niî gɔ́i ŋí kɔ́ mɛ̂ni ma. Ye lí a dia ǹyái lá. Ŋa pâi dísu ɣɛɛ̂i yɛ̂ naa a su-kɔɔŋ. À kɛ̀ tí ŋa pâi diai lɛ̂i yâ ǹɛ̂lɛɛi ka dîa ni ká lí gɔ́i mai, da diai ǹɛ̂lɛɛi dí lène pôlu dípɔ-taai.”

Nwun mąąɓo 7:4 Referans Kwoze

Mąątɛ̨nɛ̨ 33:16

Kɔlaɠa kɛnɛ̨ hvəi a tɔɔmun nwun gulɔ mɛ̨nįi, huwalawalalaa kɛnɛ̨ hvəi a kuláá kulɔ mɛ̨nįi.

Samuɛlə dɔlɔɔ 16:7

Kɛlaa, Yai-Laa yɛ Samuɛlə ɓa: «Hvo ə́ kili lɛɛ nui ŋɛ̨i koloon ma, da dɔɔmɛ̨i, yili hvəi gáá bɔ. Yii nuą da gaa, yili hvəi; nuą di wɛi, da nu kɔ́lɔ ɓa kaa, Yai-Laa yɛ nu líí hu kaa.»

Zôo 23:10

Ya pa, ə dɛ́ɛ́ pələ kɔ́lɔn. A ɉúkɔɔn, ŋą́ kulɔ ɉu a mąąhɛɠɛɛ yɛ hɛni.

Samuɛlə dɔlɔɔ 14:6

Ɉonatan yɛ nwɔ ɓíitiɛ̨ ɓa: «Pa gu həli gɛ́nɛ kpolɔwaɠaa tii diɛ, gbəli hu Yai-Laa kaa pai kpɔnmąą tɛɛi gu pɔ, hvo gaai, nu ə tamą, a wala kɛ tii, di hvo tamą, hɛn da hva pɛli tɔɔi Yai-Laa tɔwɔ kɔ́ nɛ̨ɛ̨ mɛ̨nį ɓa nu ɓa.»

Mąątɛ̨nɛ̨ 66:10

Yálá, ə́ ku hukɔɔn, ə́ ku huwaa, yɛ bələi da gɛ la a wali.

Mąątɛ̨nɛ̨ 7:9

Yai-Laa ɓə a lɔiɠaa kiti tee, Yai-Laa, gíti tee yɛ bələi də́lənmoɔi la, yɛ bələi gwə́i kwəlɛɛ la.

Zɛnɛse 22:1

Ɓɛlɔwai Isaakə ə kɛnɛ̨ la, Yálá ə Abrahamə hukɔɔn. Nąąlɔwai, Yálá ə Abrahamə təli, yɛ mą: «Abrahamə!» Abrahamə ə nwoo ŋąąpənə, yɛ mą: «Ną́mu, ɲą́ą́ kaa, nwɛ́li tɔɔi.»

Nwun mąąɓo 7:5

Zedeɔn ə nwɔ nu kpului həɠə, ə yɛɛ a diɛ ɲái. Yili pulu, Yai-Laa yɛ mą: «Nuąi pai di laa pɛlɛi ɲái yɛ yilɛɠaa, ə́ di pili di kee mɛ̨i. Nuąi pai hɛlɛn ɉii diɛ ɲá pili di la, a di yee, ə́ di pili di kee mɛ̨i.»