Nwun mąąɓo 1:4 - Yálá laawoo hɛɓɛ (dc)

⁴ Ɉuda ə li ə gɔ́ too, Yai-Laa ə Kanaan nuą da Perizi nuą lɔ ɲee ŋą. Di nu waa pow paa gɔ́ hu, Bɛzɛkə daai.

Yálá laawoo hɛɓɛ

⁴ Ɉuda ə li ə gɔ́ too, Yai-Laa ə Kanaan nuą da Perizi nuą lɔ ɲee ŋą. Di nu waa pow paa gɔ́ hu, Bɛzɛkə daai.

Bible

⁴ da Zuda suui su-ƃelai dí lì díkelee dí kɔ́ pɛ́lɛ Keena-ƃelai dîa. Yâwɛɛ è gɛ̀ dí Keena da Pɛriza-ŋai yée mɛi ɣále. Dí sinâa wála puu pâa nyii-ŋai kɛ̀ Bezɛi.

Nwun mąąɓo 1:4 Referans Kwoze

Samuɛlə dɔlɔɔ 11:8

Saulə ə nuą lono Bɛzɛkə Israɛlə lonnii di kɛ a nu waa nwun ɉaaɓa (300.000) Ɉuda hinąą nu waa pow haaɓa (30.000).

Tɔɔɓɛlaa dɔlɔɔ 22:15

Mise ə pa, ə həli tɔɔmun ma, tɔɔmun yɛ mą: «Mise! Akɛti, mąąnɛ̨ɛ̨ kwə li ku kɔ́ pɛlɛ Ramotə taa ɓa, yai gaa Galaadə, awala kɛ tii, ku lɛɛ ɓɛ? Yɛ́ lə?» Mise yɛ tɔɔmun mą: «Li! Ə́ yee kaa lii lɔi, Yai-Laa kaa lii taa tii tɛɛi nwɔ́ tɔɔmun bɔ.»

Tɔɔɓɛlaa dɔlɔɔ 22:6

Israɛlə tɔɔmun ə Yálá kwəi mɛ̨nį hukulɔ nuą ŋąąkpɔn, diɛ ɓo a nu nwun nąąn ɲɔ̨nwɔ̨mą; ə di mąąnin gɛ, yɛ diɛ: «Akɛti, mąąnɛ̨ɛ̨ ŋą́ li ŋą́ kɔ́ pɛlɛ Ramotə taa ɓa, yai gaa Galaadə, a wala kɛ tii, ŋą́ lɛɛ ɓɛ?» Di kəlee diɛ mą: «Hɛn gəlee Nąmu Yálá kaa lii daai tii lɔi tɔɔmun ɲee ŋą.»

Samuɛlə dɔlɔɔ 14:10

Kɛlaa, da kɛ guɔ: ‹Ka tɛ ɲee ka həli kuɔ›, gwa tɛ. Akɛ tii, Yai-Laa aa di lɔ gu yee ŋą, gbaɠala ka pələ ka tii gu yəi.»

Samuɛlə dɔlɔɔ 14:6

Ɉonatan yɛ nwɔ ɓíitiɛ̨ ɓa: «Pa gu həli gɛ́nɛ kpolɔwaɠaa tii diɛ, gbəli hu Yai-Laa kaa pai kpɔnmąą tɛɛi gu pɔ, hvo gaai, nu ə tamą, a wala kɛ tii, di hvo tamą, hɛn da hva pɛli tɔɔi Yai-Laa tɔwɔ kɔ́ nɛ̨ɛ̨ mɛ̨nį ɓa nu ɓa.»

Dutɛrɔnome 9:3

Ka káá pai gili kɔ́lɔn ɉii kaa diɛ, Yai-Laa ka wɔ Yálái ɓə pai tɔɔi ka ɲɛ̨i tɔwɔ yɛ Ɉurdɛn teen a kaa, yɛ nwɔ̨n gbəɠiɛ; yaa tii ɓə pai Anakə nuą huwu pui, yɛ di tɛɛ ka pɔ, ka káá pai nɔi kulɔi di yəi, ka di kpɛɛ yɛnɛ̨ɛ̨ ɲąąɓa, yɛ bələi Yai-Laa ə di laakwɛlanmo la kaa.

Dutɛrɔnome 7:2

ɲələi Yai-Laa ka wɔ Yálái kaa pai di lɔi la ka yee ŋą, kaa di hon kɔ́ hu, mąąnɛ̨ɛ̨ ka gəlee paa kpɔ tɛ̨ɛ̨tɛ̨ɛ̨. Ka diɛni ka hvo wɛlikɛmąą mįnɛ̨ həɠə, ka hvo di ɲɛ̨imąąwɛli kaa.

Nwun mąąɓo 1:3

Ɉuda yɛ niɛ Simeɔn ɓa: «'Pa gwə li nwɔ́ lɔi hu, gu kɔ́ pɛlɛ diɛ. Yili pulu, ɲą́ą́ gbɛli mąn, gwa yɛ́ gwa li ə́ wɔ lɔi hu.» Yili pulu, Ɉuda da Simeɔn də li.

Nwun mąąɓo 1:5

Di Adoni-Bɛzɛkə kaa Bɛzɛkə daai, di kɔ́ pɛlɛ ma, di yee ə tɛɛ Kanaan nuą diɛ, da Perizi nuą.

Mąątɛ̨nɛ̨ 44:2

Yálá, mɛ̨nį ɲɛ̨i kɛnɛ̨ɠaai wɔlɔ ə́ gɛ, a ku nąnni di wɔɔ yələi, daa ɉu kulɔ kuɔ, ə too ku wəlii, a gbakolo koloi tii wɔlɔ ə́ gɛi.

Mąątɛ̨nɛ̨ 78:55

Ə nuą kpɛ di tɔwɔ, ə di wɔ lɔi ɲąąkwɛlɛ diɛ, nɔi ə lɛɛ a di kwɛlin; ə Israɛlə nu huwu hee di wɔ pɛlɛ́ɠaai mu.

Nwun mąąɓo 3:5

Israɛlə lonnii di kɛ heeni Kanaan nuą lɔwai, da Hɛtə nuą, da Amɔrə nuą, Perizi nuą, Hivi nuą da Ɉebusə nuą lɔwai.

Nwun mąąɓo 11:32

Ɉɛfte ə tɛɛ ɲɛn bələ ɓa, yɛ li kɔ́ pɛlɛi Amɔn nuą diɛ, Yai-Laa ə gɔ́ nɛ̨ɛ̨ mą.