Nehemi 9:37 - Yálá laawoo hɛɓɛ (dc)

³⁷ Ku kɛ nɛ̨ŋɛ̨nŋąą mąą mɛ̨nį ɓa, nɔi hɛn gɔw kpɛa kpɛaa daa lɛɛ a dɔɔɓɛlaai ə́ ku lɔ di yee mu di wɔɔ. Daa hee ku wɔ kpinįi ku mɛ̨i, da ku yəi taatɛlɛɛɠaa, ə lɛɛ, ku ɓo la laanɔ̨nwɔ̨ kɛnɛ̨ɛ hu.»

Yálá laawoo hɛɓɛ

³⁷ Ku kɛ nɛ̨ŋɛ̨nŋąą mąą mɛ̨nį ɓa, nɔi hɛn gɔw kpɛa kpɛaa daa lɛɛ a dɔɔɓɛlaai ə́ ku lɔ di yee mu di wɔɔ. Daa hee ku wɔ kpinįi ku mɛ̨i, da ku yəi taatɛlɛɛɠaa, ə lɛɛ, ku ɓo la laanɔ̨nwɔ̨ kɛnɛ̨ɛ hu.»

Bible

³⁷ Zãâ lɛ́lɛɛ-ŋai kélee kulâi ǹɔii ŋí sui, gélee a liî gâloŋ-ŋai pɔ́ ya dí sée kúmɛi. Í nyiŋi kɛ̀ a kúsɔnyɔ̂ŋ-ŋai gùla maa. Wála-wala-laa káa díyêei máŋ kúmɛi kwa kútaa tûlɛ-ŋai. M̀ɛnii kélee da ŋ̀wɛli dí gɛ́ a kúai, da gɛ̀ yɛ̂ɛ berei da ŋ̀wɛ̂lii lai. Kú káa lii-too pôlu kɛ́tɛ su.”

Nehemi 9:37 Referans Kwoze

Dutɛrɔnome 28:33

Ka wɔ hihɛnŋąąi ɓa, da ka kɛ kóló dɔlɔ, a lɛɛ a nu huwui ka hvo di kɔ́lɔn di kɔ̨nɔ̨n. Ka kɛ lɔ a nu huwui da di yee pənə ɉu, diɛ giin-giin.

Dutɛrɔnome 28:48

ka lɛɛ ka yowoɠaa yee mu a di wɔ luwɔɠaa, diɛi Yai-Laa ka wɔ Yálái a di ŋąątɔɔ kaa. Pulu da kpələ wɛli diɛ ka kɛlɛ, ka lɛɛ a ka kpuwulu, ka hvɛɠɛɛ a hɛn gəlee. Yai-Laa a nwun ma wulu laa ka kɔ́n bulu, yɛ ɓo a kwɛli, ə lɛɛ ɉu ka huwu ə pu.

Ɛsdrasə 7:24

Yili pulu, gaa nwɔ̨nɔ̨ moi kaa, ka hvo nii hɔ̨nwɔ̨ mɛ̨nį ɓo, ɉaláá kulɔ nuą diɛ, ə mą kɛ Levi lonnii, da nwələ too nuą, da bɛlɛ́ laaləi mąąkpɛ nuą, da goló kɛ nuą, ɛlɛɛ da Yálá hee pɛlɛ́ mu koló kɛ nuą lɔpee ta.

Ɉaan 8:33

Nuą tii diɛ Jesus ɓa: «Ku kaa a Abrahamə huwu; ku hvo ta luwɔlaa kɛ li nu ta yee mu. A kɛ pələ kɛ ləi, yɛ kɛ diɛ: ku kaa pai kɛɛi ku gbɔwɔ ɓa?»

Nehemi 5:8

Gɛ́ diɛ: «Ɉuifəɠaa ŋɛ̨i a gu kaayɔwɔɠaa, diɛi kɛ daa di lɔwɔ́tɔɔ hį́i takpɛliɠaa diɛ, guɔ kpinįi ɓə di nwun mąąɓo, yɛ pələi guɔ yee pɛli mąą mɛ̨nį kaa la. Kɛlaa, kaa mun, ka káá ka kaayɔwɔɠaa lɔwɔ́tɔɔi, ku wɔ ɓə ka káá di lɔwɔ́tɔɔi kuɔ.» Di di mɛ̨i haa, di hvo pɛli mɛ̨nįi lɔpee ta ɓoi.

Ɛsdrasə 6:8

Yii gáá tí la, yɛ hvilɛn na Ɉuifə kalanɉonŋąą diɛ, da Yálá hee pɛlɛ́ tɔɔ mɛ̨nį, ya ka: Dɔɔ hɛn gɔw hu, nįįhɔ̨nwɔ̨ yii a kɛ həɠəi ɲa pulu pələ, gəlee a lɔ bɛlɛi tii tɔɔ mɛ̨nį hu, ə gɛ golói tii hvo pa tɔɔ.

Ɛsdrasə 4:13

Tɔɔmun, ə́ kili ə kɛ ɉu, da pənə da daai ŋɛ̨i tɔɔ, di pənə di ɉįi tɔɔ, di hvo pai gɛi, di hvo kulɔ-kulɔ hɛnŋąą kulɔ, ə mą kɛ nįįhɔ̨nwɔ̨; yili yaan a kɛ tii, gaa pai kɛi a pɔn bɛlɛɛ dɔɔ hɛn gɔw ɓa.

Dutɛrɔnome 28:51

Diɛ ɓə pai ka wɔ taatɛlɛɛɠaa lonnii mįi, da ka wɔ hihɛnŋąąi ɓá; ə lɛɛ ɉu ka huwu ə pu, di hvo pai ka wɔ mɔ̨nun ta lɛɛi ka yəi, ə mą kɛ da lɔɔ nįnɛ̨, da nwulɔ, da ka wɔ nįŋɛ̨ koonɛ̨aɠaa, da ka wɔ ɓɛlaa kɔ̨nwɔ̨leeɠaa, ə lɛɛ ɉu di ka kpɛɛ nɔi.

Dutɛrɔnome 28:39

Ka viɲə yɛa laa, ka naa hɔn mo, kɛlaa, ka hva nɔɔ kpələ, ka hva kpɛli má kulɔ, mąąhɔlɔɓo, kolo a pu maáɠaa hu.

Levetekɔ 26:17

Ŋą́ ɲɛ̨́i ɲɔ̨nwɔ̨ɔ̨ hee kaa, ka yowo yee yɛ tɛɛ kaa, nuąi yowolaa kulɔi a kaa, diɛ hee ka mɛ̨i. Ɛlɛɛ, kaa pu, ə mą kɛ nu hvo ka kpɛi.

Woolaa 5:5

Nuąi ku mɔ̨nɔ̨ ɓoi, di kaa pɛlɛni ku pulu; ku hvįi aa kpɛɛ, ku hvįitɔɔ pələ hvo mą.