Nehemi 9:34 - Yálá laawoo hɛɓɛ (dc)

³⁴ Kuɔ tɔɔɓɛlaa, ku ŋąąwoo ɓo nuą, ku wɔ haláá laa həli nuą, da ku ną́nni, di hvo ə́ wɔ tɔ́n bɔ túwɔ́ ɓo li, di hvo di kili lɛɛ li ə́ wɔ tíɓoɠaai hu, da ə́ liɛwooɠaai ə́ kɛi gɛ diɛ.

Yálá laawoo hɛɓɛ

³⁴ Kuɔ tɔɔɓɛlaa, ku ŋąąwoo ɓo nuą, ku wɔ haláá laa həli nuą, da ku ną́nni, di hvo ə́ wɔ tɔ́n bɔ túwɔ́ ɓo li, di hvo di kili lɛɛ li ə́ wɔ tíɓoɠaai hu, da ə́ liɛwooɠaai ə́ kɛi gɛ diɛ.

Bible

³⁴ Kúlɔii kâloŋ pɔlɔ-ŋai, kúlaa túɛ-ƃelai, kúsâla láa soŋ-ƃelai da kúnâŋ-ni dífe ítɔ̂ŋ mɛi káa ní. Í dília-woo ƃò kɛ́lɛ, dífe díwoli tɔ̀ɔ ní yâ.

Nehemi 9:34 Referans Kwoze

Ɉeremi 29:19

Mąąhɔlɔɓo, di hvo di wəli tɔɔ li nwóó ɓa. Ɲą́ą́ Yai-Laa nwóó li! Ya pa, ŋą́ kɛi nwɔ́ tínuą tɔɔ di pɔ, diɛ gwə́i mɛ̨nį hukulɔ diɛ, vįi hvo kpɛɛ li; kɛlaa di kɛɛ mɔ̨ɔ̨ ŋɛ̨i, di hva mɛ̨nį mɛ̨n. Ɲą́ą́ Yai-Laa nwóó li!

Tɔɔɓɛlaa veelɛ 17:13

Ɛlɛɛ, Yai-Laa aa kɛ mo Israɛlə da Ɉuda diɛ gwəi mɛ̨nį hukulɔ nuą, da nwɔ kwɛlɛɛn gɛɛ kaa nuą laaləi, yɛ diɛ: «Ka ka pulu ka ka yee kulɔ ka wɔ túwɔ́ pələ ɲɔ̨nŋaa ɉu, ka hvilɛn nwɔ́ tiɓoɠaa da nwɔ́ tɔ́n nwooɠaa pulu, yɛ bələi ŋą́ mo la ka nąnni diɛ, gɛ́ gwə́i mɛ̨nį hukulɔ nuą tɛɛ, diɛ ɉukulɔ kaa.»

Dutɛrɔnome 31:21

Yili a kɛ tii, ɓɛlɔwai mɔ̨nɔ̨ kpɛa kpɛa da mɛ̨nį nwąnąą kpɛa kpɛa da pa laai la diɛ, nwələi ŋɛ̨i lɔ ɓə a di kilaa pɔ̨nɔ̨ di hɔn mąą mɛ̨nį hu. Nwələi ŋɛ̨i ɓə gaa a kɛla kwa diɛni ku lɔwai. Mąąhɔlɔɓo, di huwu hvo pai kpɛlai nwələi ŋɛ̨i toɔ ɓa. Və́ kpɛli nii di lɔ li nɔi tii hu, mɛ̨nįi di kwəi, ŋą́ą́ mąn gɔlɔn.»

Nehemi 9:30

«Kwɛlan damąą yee mu, ə́ mɔ̨nɔ̨ mįi di mu, ə́ kɛi di təli ə́ pɔ pələ, ə́ wɔ Kilii haalai yai kɛ ə́ wɔ loloɓo nuą hu. Kɛlaa, di hvo gə di hvo di wəli tɔɔ ə́ woo ɓa. Yili ɓə gə, yɛ́ di kwɛlɛ lɔi takpɛliɠaa diɛ.

Tɔɔɓɛlaa veelɛ 17:15

Yai-Laa nwɔ tíɓoɠaa, da mįnɛ̨i da di nąnni di ɉəɠə, di tɛɠɛɓo ɉu, diɛ kpɛli-kpɛli mɛ̨nį mąą gilɛ həɠə, diɛ ka kɛa, di hu aa kala. Nɔiɠaa kɛ di kwɛlɛ, di hvilɛn di túwɔ́ pələ pulu, ɛlɛɛ yaan, Yai-Laa ə mo diɛ, yɛ diɛ: 'Ka hvo túwɔ́ yɛ diɛ.

Nehemi 9:33

Ə́ wɛi, mɛ̨nįɠaa kpɔ həli ku wɔ, ə́ tələnmoɔ ɉu, hvo gaai, ə́ ə́ wɔ tɛ̨ą lɛ ku wɔ. Kɛlaa, ku wɔ ɓə túwɔ́ a nwąnąlɔ pələ.

Nehemi 9:35

Ɓɛlɔwai di kɛi di wɔ tɔɔlaa kɛ la, di ɓo nwun na nɛ̨ɛ̨ kɛnɛ̨ɛ ə́ dɛɛ di pɔ ɉu, nɔi kɛnɛ̨ɛ yii kɔ̨nɔ̨n a lɛlɛ ɉu, yii ə́ naa di lííla, di hvo gɛ di hvo di yee kulɔ di kɛ mɛ̨nį ɲɔ̨nŋąą hu, di hvo tii yɛ́.

Ɉeremi 44:17

Bələi gaa la ku kwəi, bələ ɓə ku kaa gɛi la. Ku kaa haláá kulɔi yələkɔlɔn ɉu tɔɔ-nɛ̨ɛ̨nui ɓa, kuɔ gɔ́ a lɔɔ, yɛ bələi ku kɛi gɛ la Ɉuda taaɠaa hu da Ɉerusalɛmə daai; kuɔ-o, ku nąnni-o, kuɔ tɔɔɓɛlaai-o, da ku ɲɛ̨itɔwɔ nuą, gɛi ku kɛi mo tii, ku kɛ ku nɛ̨ɛ̨ hu, ku hvo kɛi ɲɔ̨nwɔ̨ɔ̨ kaa.

Kɔlɔnikɔ Veerɛi 29:6

Hvo gaai gu nąnni di di hɔn gɛ a ɲɔ̨nwɔ̨ɔ̨ Yai-Laa gu wɔ Yálái ɲɛ̨i ɓa; di nɛɛ laa; di di ɲɛ̨i həɠə Yai-Laa nwɔ pɛlɛ́i ɓa; di di pulu tinɛ̨n mą.

Ɛsdrasə 9:10

«Yii hu kɛa, ku wɔ Yálá, lə ɓə kwa pɛli moi mɛ̨nįɠaa ŋɛ̨i pulu? Mąąhɔlɔɓo, kwaa ə́ wɔ tíɓoɠaai lɛɛ laa;

Ɉeremi 44:4

Vį́į́ hvo kɛi kpɛɛ nwɔ́ tínuą, da gwə́i mɛ̨nį hukulɔ nuą tɛɛi, diɛ kɛ kaa: Mɛ̨nįi nwɛli hvo mą́ą́, 'ká hvo di kɛ.

Izikiɛ 5:6

Ə kulɔ nwɔ́ tɔ́n nwooɠaai mu a kili ɲɔ̨nwɔ̨ɔ̨ dɛɛ nɔiɠaai ti diɛ; ə nwɔ́ tiɓoɠaa lɛɛ laa dɛɛ nɔiɠaai ti gwɛlɛ diɛ. Di nwɔ́ tɔ́n nwooɠaai pili di pulu; di hvo gɛ di hvo lɛɛ nwɔ́ tiɓoɠaai pulu.

Danîa 9:6

Ə́ wɔ loloɓo nuąi ŋɛ̨i ə́ di tɔɔ, diɛ ə́ mąą mɛ̨nį laa həli kuɔ tɔɔɓɛlaa diɛ, da ku ɲɛ̨itɔwɔ nuą, ə mą kɛ ku kalaɓɔlɔni da ku huwuhu nuą kəlee, ku hvo kɛ ku wəli tɔɔ li noloɓo nuąi tii diɛ.