Nehemi 9:29 - Yálá laawoo hɛɓɛ (dc)

²⁹ Ə́ di liɛwoo kɛ, yɛ́ di pənə di pa ə́ wɔ tɔ́n ma. Kɛlaa, di di kpɔɔ kɛ a huɲąŋą kɛnɛ̨ nuą, di hvo di wəli tɔɔ ə́ wɔ tɔ́n ma. Di nɛ̨ŋɛ̨n ɉəɠə ə́ wɔ liɛwooi ɓa, liɛwoo yii a yɛnɛ̨ɛ̨ kpɛɛ hvo mą tɛɛ ɉon nuą pɔ. Di di kwɛli tee, diɛ ɓowon dɛ diɛ, di di kpowo pulu walawala, di hvo gɛ di ɉon.

Yálá laawoo hɛɓɛ

²⁹ Ə́ di liɛwoo kɛ, yɛ́ di pənə di pa ə́ wɔ tɔ́n ma. Kɛlaa, di di kpɔɔ kɛ a huɲąŋą kɛnɛ̨ nuą, di hvo di wəli tɔɔ ə́ wɔ tɔ́n ma. Di nɛ̨ŋɛ̨n ɉəɠə ə́ wɔ liɛwooi ɓa, liɛwoo yii a yɛnɛ̨ɛ̨ kpɛɛ hvo mą tɛɛ ɉon nuą pɔ. Di di kwɛli tee, diɛ ɓowon dɛ diɛ, di di kpowo pulu walawala, di hvo gɛ di ɉon.

Bible

²⁹ Í ínûai lia-woo ƃò a gɛɛ dí díyee sée pôlu ítɔ̂ŋ-ŋai mu. Kɛ́lɛ díwolii kpɔ̂lɔ kɛ̀. Dífe díyee see ní dímu. Ǹúu-kpune mɛi káa tɔŋ-ŋai í dɛ̀ɛ dípɔ a gɛɛ dí kɛ́ sia a dia díkɛ̀ ɣéniɛi sui, dí díyee kùla dímu. Dí kɛ̀ nɔ́ sɔnyɔ̂ŋ kɛ̂i.

Nehemi 9:29 Referans Kwoze

Nehemi 9:16

«Kɛlaa, diɛ da ku nąnni, di gɛ a kpɔɔ ŋąą kɛnɛ̨, a nwun ɉuwalawala laa, di hvo di wəli tɔɔ ə́ wɔ tɔ́n nwooɠaa diɛ.

Levetekɔ 18:5

«Ka nwɔ́ tɔ́n nwooɠaa da yɛnɛ̨ɛ̨ kɛ pələ hon bələ mąą yɛlɛ kɛ. Nui a di hon, a yɛnɛ̨ɛ̨ kpɛɛ hvo mą hɔlɔɓo. Ɲą́ą́ ɓə gáá a Yai-Laa.

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Nehemi 9:10

Ə́ mɛ̨nį kpɛa kpɛaa da kpalo ɓɛla Eziptə tɔɔmun ma, da nwɔ ɲɛ̨itɔwɔ nuą kəlee. Mąąhɔlɔɓo, gbaɠala ə kɛ yɛ́, yɛ́ di kpɔɔ ŋąą kɛnɛ̨ pələ, di di mɔ̨nɔ̨ ɓo. Ə́ ə́ kpɔɔ laa tɛ, yɛ pələi gaa la, ə mą kɛ háákələi.

Osia 6:5

Yili ɓə gɛ, gɛ́ di kɛlɛ a gwə́i mɛ̨nį hu kulɔ nuą woo, gɛ́ di hu kala a wooɠaai da kulɔ ná. Nwɔ́ kiti wooi kaa pai kulɔi yɛ kɛɛ pɔ̨nɔ̨.

Ɉeremi 43:2

Kɛlaa, Hosaya lon Azaria, Karea lon Yohanan, da dɛɠɛɓo ɉu nuąi tii kəlee, di Ɉeremi woo pulu pənə; diɛ mą: «Lɛɛ ka ŋɛ̨i ə́ kaa gɛi, Yai-Laa ku wɔ Yálá hvo ə́ tɔɔ li, yɛ kɛ ku hvo ku mąąkilɛ Eziptə.

Galatə 3:12

Tɔ́n hva hɔlɔɓo laa na laa hu, Hvo gaai, dɔn nwɛi, nui a bɔ liɛwooɠaa hon, a yɛnɛ̨ɛ̨ kɛ, dɔ́n ɉáálai.

Lomaŋ 10:5

Dələnmolaai a kulɔ tɔn ɉu, Moisə kpinįi ə bɛ̨ɛ̨, yɛ mą: Nui a pɔ mɛ̨nį kɛ, nwun mąą a ɓo.

Lukə 10:28

Jesus ə mo mą nąąlɔwai yɛ mą: «Yaa tɛ̨ą ɓo, akɛ, ya li ya gɛ, yɛ pələi tii ə́ mo lai, ya yɛnɛ̨ɛ̨ hva kpɛɛi hɔlɔɓo Yálá-taa.»

Danîa 5:20

Kɛlaa, ɉu mɛ̨nį ə kɛnɛ̨, yɛ gbɔwɔ ɲąą kɛnɛ̨, gili walawalaa, yili ɓə gɛ, Yálá ə gulɔ dɔɔ kpəlin ɉu, ə mąąyɛɛ.

Izikiɛ 20:11

Ŋą́ nwɔ́ tiɓoɠaai tɛɛ di pɔ, ŋą́ nwɔ́ tɔ́nŋaai lɛ diɛ, ə gɛ nuąi da di pɔ mɛ̨nį kɛ, di yɛnɛ̨ɛ̨ kpɛɛ hvo mą hɔlɔɓo.

Ɉeremi 44:10

Háá ɓa háá, ka hvo ni ka hɔn mąąhvalin ni, ka hva ɲɔw, mąąwiɛ hvo ka yəi, ka hvo hvilɛn na nwɔ́ tɔ́nŋaa da bɔ liɛwooɠaai ŋį́ dɛɛ ka nąnni pɔ di pulu, ká hvo hiɛ la.»

Ɉeremi 19:15

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: «Mɛ̨ni ɲąąnwąnąą kpɔ ŋą́ą́ gili tee gwə́i, yɛ hvilɛn na daa ŋɛ̨i ɓa, gáá pai naai mą da gwɛlɛ taaɠaa kəlee. Mąąhɔlɔɓo, daa di kili walawala, di hvo gɛi di hvo di wəli tɔɔ nwóó ɓa.»

Ɉeremi 17:23

Ka nanii tii, di hvo di wəli tɔɔ, di di kili walawala, di di wəlii kpɔlɔ, mɛ̨nįi ŋį́ kɛi nɛ diɛ, diɛ di wəli kulɔ ɉu.

Ɉeremi 7:26

Kɛlaa, di hvo ta di wəli tɔɔ li nwóó ɓa di hvo mɛ̨n. Di di nwun nwalawala, di wɛi ə ɲɔ̨nwɔ̨ ə tɛɛ di nąnni di wɔ ɓa.

Kɔlɔnikɔ Veerɛi 36:15

Di nąnni di wɔɔ Yálái Yai-Laa ə di liɛwoo ɓo, gwəi mɛ̨nį hukulɔ nuą laaləi gee mɛ̨i tamąą, mąąhɔlɔɓo, nwɔ nuąi ɲɛ̨imąąwɛli ə kɛ mą, da gbɔwɔ nwɔ pɛlɛ́i.

Kɔlɔnikɔ Veerɛi 24:19

Yálá ə nɛɛmą ə gwəi mɛ̨nį hukulɔ nuą tɔɔ di pɔɔli, əgɛ, di di liɛwoo kɛ, di pənə di paa a diɛ Yai-Laa pɔ; kɛlaa, nuą di hvo di wəli tɔɔ di woo ɓa.

Tɔɔɓɛlaa veelɛ 17:13

Ɛlɛɛ, Yai-Laa aa kɛ mo Israɛlə da Ɉuda diɛ gwəi mɛ̨nį hukulɔ nuą, da nwɔ kwɛlɛɛn gɛɛ kaa nuą laaləi, yɛ diɛ: «Ka ka pulu ka ka yee kulɔ ka wɔ túwɔ́ pələ ɲɔ̨nŋaa ɉu, ka hvilɛn nwɔ́ tiɓoɠaa da nwɔ́ tɔ́n nwooɠaa pulu, yɛ bələi ŋą́ mo la ka nąnni diɛ, gɛ́ gwə́i mɛ̨nį hukulɔ nuą tɛɛ, diɛ ɉukulɔ kaa.»

Dutɛrɔnome 31:21

Yili a kɛ tii, ɓɛlɔwai mɔ̨nɔ̨ kpɛa kpɛa da mɛ̨nį nwąnąą kpɛa kpɛa da pa laai la diɛ, nwələi ŋɛ̨i lɔ ɓə a di kilaa pɔ̨nɔ̨ di hɔn mąą mɛ̨nį hu. Nwələi ŋɛ̨i ɓə gaa a kɛla kwa diɛni ku lɔwai. Mąąhɔlɔɓo, di huwu hvo pai kpɛlai nwələi ŋɛ̨i toɔ ɓa. Və́ kpɛli nii di lɔ li nɔi tii hu, mɛ̨nįi di kwəi, ŋą́ą́ mąn gɔlɔn.»

Dutɛrɔnome 4:26

háákələi ŋɛ̨i, yələkɔlɔn da lɔi di kaa a gɛla, ka kpɛɛ hiɛ kpɔlɔɔ li nąąlɔwai nɔi tii mɛ̨i, ɓɛi ka káá pai Ɉurdɛn teen ɉii kaa li laa. Ka yíi hva kwɛa, ka kpɛɛ kpɔ tɛ̨ɛ̨tɛ̨ɛ̨.

Lɛɛ gbɔwɔ ɓa 10:3

Moisə da Aarɔn di li Eziptə tɔɔmun bɔɔli, diɛ mą: «Hebreuɠaa di wɔ Yálái a Yai-Laa, nwoo ka, yɛ diɛ: Ə́ wɔ kili walawalai ŋɛ̨i ə́ kaa ɉui, lə yələ ɓə yá kpɛla la mą, ə́ ə́ kpɔwɔ mąąyɛɛ? 'Ɓo nwɔ́ nu huwui ɓa di li di kwɛli hvilɛn mą́ą́.

Maafîu 19:17

Jesus ə mo mą yɛ mą: «Lə mɛ̨nį ɓa ə́ kaa mą́ą́ləngɛi mɛ̨nį lɛlɛɛ kɛ mɛ̨nį ɓa? Hɛn dɔ̨nɔ̨ lɔ ɓə nəlɛɛ. Akɛ ə́ kaa bɔ ə́ yɛnɛ̨ɛ̨i kpɛɛ hvo mą hɔlɔɓo Yálá-taa, mąąnɛ̨ɛ̨ lɔ ə́ dɔ́nŋąa hon.»

Kɔlɔnikɔ Veerɛi 33:10

Yai-Laa ə mɛ̨i ɓo Manase ɓa da nwɔ nuąi, yiliɠaa di hvo di wəli tɔɔ nwoo ɓa.

Nehemi 9:30

«Kwɛlan damąą yee mu, ə́ mɔ̨nɔ̨ mįi di mu, ə́ kɛi di təli ə́ pɔ pələ, ə́ wɔ Kilii haalai yai kɛ ə́ wɔ loloɓo nuą hu. Kɛlaa, di hvo gə di hvo di wəli tɔɔ ə́ woo ɓa. Yili ɓə gə, yɛ́ di kwɛlɛ lɔi takpɛliɠaa diɛ.

Nehemi 13:15

Nąąlɔwai tii hu, ŋį́ nuą kaa Ɉuda lɔi hu diɛ di wɔ viɲəɠaa ya kulɔ a túwɔ́ lɔwɔ yələ, daɠaa daa mɔ̨nun naa di wɔ hoohvaalənŋąąi pulu, da lɔɔ, viɲə ɓáɠaa, ɓɔ́ɔ́laa ɓa, tiɛ̨ huwui lɔpee gəlee, diɛ lɔ la Ɉerusalɛmə daai a túwɔ́ lɔwɔ yələ, volói tii ɓə, di kɛi di wɔ hɛnŋąą tii lɔwɔ too la, ŋį́ haŋą diɛ.

Ɉeremi 42:19

Kaai ŋɛ̨i a Ɉuda nuą gbəli; Yai-Laa yɛ kaa: 'Ká hvo li Eziptə. Ká ɲɛ̨i ɓa li, ŋą́ą́ mo káá, gɛ gwɛla ɉu háákələi.

Dutɛrɔnome 31:27

Mąąhɔlɔɓo, ka kwɛli teɛi, ɛlɛɛ, ka nwun ɉu walawalaa mɛ̨nį nwɛi, yili kpaɠala ka mą́ą́ nii háákələi ka lɔwai. Vúlú kɔ́wɔ ŋą ɓə ka tɔɔlaa Yai-Laa la, gu hvo mun kɛ ɉáá pulu!

Nwun mąąɓo 6:10

Ŋą́ mo kaa, gɛ́ kaa: Ɲą́ą́ ɓə gáá a Yai-Laa, ka wɔ Yálá, mąą hvo nɛ̨ɛ̨li ka hvo kwɛli hvilɛn Amɔrə nuą di wɔ haliɠaai di kaa laa diɛ, ɓɛi ka káá laa heeni. Ya ka ti, ka hvo nwóó hon ni!»

Tɔɔɓɛlaa veelɛ 17:14

Kɛlaa, di hvo mɛ̨nįi tii mɛ̨n, di di kili walawala lɔ yɛ di nąnni, diɛi wɔlɔ lənə Yai-Laa di wɔ Yálái ɓa.