Nehemi 9:24 - Yálá laawoo hɛɓɛ (dc)

²⁴ Di lonnii di lɔ laa, di ɉɔlɔɓo a di wɔɔ, ə́ nɔi hu nuą lɔ di mu, diɛ ɓaa Kanaan nuą, ə́ di too di yee kɔ́nma, da di wɔ tɔɔɓɛlaai, da nu kanŋaa, diɛ di hon a di liiɓa.

Yálá laawoo hɛɓɛ

²⁴ Di lonnii di lɔ laa, di ɉɔlɔɓo a di wɔɔ, ə́ nɔi hu nuą lɔ di mu, diɛ ɓaa Kanaan nuą, ə́ di too di yee kɔ́nma, da di wɔ tɔɔɓɛlaai, da nu kanŋaa, diɛ di hon a di liiɓa.

Bible

²⁴ Dísuui su-ƃelai dí lì ǹɔii kpîŋ ma dí ǹaa siɣe a dípɔɔ. Í ƃaa kùla Keena lɔii kpiniŋ mɛi kâloŋ ma Eezuɛ-ŋai ŋɛ́i-tuɛ. Í da ŋɔnûai dítɛ̀ɛ Eezuɛ-ŋai pɔ́ a gɛɛ dí tûa a dia yɛ̂ɛ berei Eezuɛ-ŋai díkɛ̀ ŋ̀wɛ̂lii lai.

Nehemi 9:24 Referans Kwoze

Zasua 21:43

Nɔi Yai-Laa ə naakwɛlanmo yɛ gaa dɛɛi Israɛlə galaɓɔlɔni pɔ, ə gəlee tɛɛ Israɛlə lonnii pɔ, di hee laa.

Zasua 18:1

Israɛlə lonnii kəlee di di ɲąąkpɔn Silo, di gee kaa kələ tɔɔ laa. Nɔi nąą kəlee ə ɓo di yee mu.

Zasua 11:23

Ɉosue ə nɔi kəlee hon, yɛ bələi kpɔlɔ Yai-Laa ə mo la Moisə ɓa, ə dɛɛ Israɛlə pɔ a ɉee lɔi, ə ɲąąkwɛlɛ Israɛlə huwu hu nuą lɔwai; nɔi ə liilaa hɔlɔɓo, kɔ́ hvo kɛ laa.

Timote veelɛ 2:26

Ɛlɛɛ, diɛ kpinįi, diɛ pu di kili kɔlɔn ɉii, diɛ kulɔ la tii nąnį ŋą hɛlɛn ɲą, yai aa kɛ di kɛ a ŋą luwɔɠaa, diɛ tí la tii mą, a niiɓa pələ?

Kɔlɔnikɔ Maa-ŋuŋ 22:18

«Kɛlɛi Yai-Laa ka wɔɔ Yálái kaa ka pɔ-é! Kɛlɛi ya ɓə hvįitɔɔ tɛɛ ka pɔ, ka ká kwɛlɛ lɔiɠaa ka lɔwai-é! Nɔiɠaa tii ka háákələi daa kɛ a Yai-Laa nwɔɔ, da nwɔ nu huwuɠaai.

Zasua 21:45

Nwoo lɛlɛɛɠaa kpɔ Yai-Laa ə mo Israɛlə nwɔ pɛ́lɛ́i ɓa, da lɔpee hvo lɛɛ a kpɛli, gəlee pɔ mɛ̨nį ə kɛ.

Lonon mo 14:31

Ka kwəi lonnii ŋɛ̨i ka kɛi kɛ diɛ; di kaa pai lɛɛi a kɔ́ pulu hɛn, da diɛni ɓə lɔi nɔi tii hu, yii ka mɛlɛkpɛɛ mą.

Nwun mąąɓo 4:23

Mąą yələi tii, Yálá ə Kanaan tɔɔmun nwun mąą yɛɛ, Israɛlə nuą yee mu.

Zasua 10:40

Ɉosue yee ə tɛɛ ɲee hu lɔi kəlee ɓa, nɛ̨ŋɛ̨ lɔi da ɲá kwɛlɛ lɔi, da di wɔ tɔɔɓɛlaa kəlee, hvo da lɛɛ a vulú; hɛn nɔpee nɔ̨ɔ̨ kaa ɉu, ə gəlee kulɔ a haláá Yálá ɓa. Yɛ bələi Yai-Laa Israɛlə nwɔ Yálá ə mo la.

Zasua 12:12

Ɛglɔn tɔɔmun nu tɔ̨nɔ̨. Gɛzɛrə tɔɔmun nu tɔ̨nɔ̨.

Zasua 12:24

Tirsa tɔɔmun nu tɔ̨nɔ̨. Dɔɔɓɛlaa tii kəlee pɛlɛɛ gee ɓa, di kɛ a nu pow haaɓa kɔ́w tanɔ̨n.