Nehemi 9:19 - Yálá laawoo hɛɓɛ (dc)

¹⁹ Kɛlaa, ə́ wɔ wɛlikɛmąą hu, hvo di lɛɛ laa nɔi pun ɉu, dulɔ kpinįn və həɠə di mɛ̨i hvóló ŋą, ə́ di tənən dɔɔ bələ mɛ̨i, ə mą kɛ nwɔ̨n nən, kwii hąą yɛ di tɛɛ pələ hupono.

Yálá laawoo hɛɓɛ

¹⁹ Kɛlaa, ə́ wɔ wɛlikɛmąą hu, hvo di lɛɛ laa nɔi pun ɉu, dulɔ kpinįn və həɠə di mɛ̨i hvóló ŋą, ə́ di tənən dɔɔ bələ mɛ̨i, ə mą kɛ nwɔ̨n nən, kwii hąą yɛ di tɛɛ pələ hupono.

Bible

¹⁹ Kɛ́lɛ ífe íyee kula ní dí mù vɛ̃ɛ-kpâlaŋ su, kpɛ́ni fêi, í maloŋ-kaai su kɛ̂tɛi. Ífe ŋ̀ele kɔ̂lɔŋ kolei kula ní dí mɛi a ɣele-ƃɔɔ, kpaa máŋ í ŋ̀ɔŋ lêŋ líiŋ dîa a gɛɛ dí pɔara berei ma.

Nehemi 9:19 Referans Kwoze

Mąątɛ̨nɛ̨ 106:45

Mįnɛ̨i da diɛ ni di ɉəɠə, ə giliŋąhiɛ mą, nwɔ wɛlikɛmąąlaa kɛnɛ̨ hu, ə nwoo yali bulu.

Nehemi 9:27

Yili ɓə gɛ, 'di too di yowo yee kɔ́nma, a di mɔ̨nɔ̨ laa di mɛ̨i, da kɛ tii mɔ̨nɔ̨ hu, di kɛi tomą ə́ pɔ pələ, ə lɛɛ, yɛ́ lɛɛ yələi pələ, yɛ́ di woo mɛ̨n. Ə lɛɛ, ə́ wɔ ɲɛ̨imąąwɛli kaa hu ə́ kɛi di nwun mąąɓo nuą tɛɛ di pɔ, yiliɠaai diɛ di kulɔ di yowoɠaa yəi.

Malasi 3:6

Ɲą́ą́ Yai-Laa, mą́ą́ hva hvalin. Káái a Ɉakɔbə nu huwu, ka káá kpɔ a nonnii leelee ka túwɔ́ pələ hu.

Nehemi 9:12

Ə́ kɛi di tənən dɔɔ hvóló ŋą a tulɔ kpinįn, yɛ́ di tənən dɔɔ kpinį hu a nwɔ̨n nən, bələi di kɛi hiɛ ɉu, ɉu pɔ̨nɔ̨ mɛ̨nį ɓa.

Danîa 9:18

Nwɔ Yálá, ə wəli tɔɔ, ə́ nwóó mɛ̨n, mɔ̨nɔ̨ yii gaa həlii ku wɔ taai ŋɛ̨i ɓa, yɛ́ kpinįi naa kaa, daai ŋɛ̨i kaa a ə́ wɔɔ. Kwa kɛi nɛ̨ɛ̨mąą hvə yɛ́, ku kili hvo tooli ku kɛ mɛ̨inɛ̨ɛ̨ɠaa diɛ, kɛlaa ku kilitɔɔi ə́ wɔ wɛlikɛmąą kpon ɉu kwɛaa ɓa.

Danîa 9:9

Kɛlaa, yɛ́ ku Ną́mu ku wɔ Yálá, ə́ wɔ ɲɛ̨imąąwɛli kaa hu, ya ku mąąhvaalɛɛ, pələi mąn kwaa ku kwɛli tee la kɛ yɛ́.

Lonon mo 14:14

Nɔi ŋɛ̨i ku kaa ɉu, Eziptə nuą daa mɛ̨nį tii hukulɔ diɛ. Daa bələ mɛ̨n diɛ; yɛ́ Yai-Laa, ə́ kaa nuąi ŋɛ̨i lɔwai, ɛlɛɛ, yɛ́ ə́ kpɔɔ lɛ diɛ, kaa ka kee kaa. Di gɔlɔn diɛ; yɛ́ Yai-Laa, yɛ́ ɓə ə́ kaa di mɛ̨i a tulɔ kpinįn, hvóló ŋą yɛ́ ɓo di ɲɛ̨i tɔwɔ, kpinįi, yɛ́ ɓo di mɛ̨i nwɔ̨n nən ɉu.

Izikiɛ 20:22

Kɛlaa, ŋą́ ɲéé yali bulu, ŋą́ gɛ́ mɛ̨nį kɛ, náá mąą mɛ̨nį ɓa; náá hvo pa ləi pu, nɔiɠaai tii di kɛ ɉu, gɛ́ di kulɔ laa, yiliɠaai ɲɛ̨i ɓa.

Izikiɛ 20:14

Kɛlaa ə mą kɛ tii, ŋą́ gɛ́ mɛ̨nį kɛ ɉu; náá mąą mɛ̨nį ɓa, mɛ́lɛ hvo pa lee kpɛɛ mą́ą́, lɔiɠaa ɲɛ̨i ɓa; a diɛi tii ŋą́ Israɛlə kulɔ nuwɔ laa hu di ɲɛ̨i ɓai.

Woolaa 3:22

Yai-Laa nwɔ mɛ̨inɛ̨ɛ̨ɠaa di hva kpɛɛ, nwɔ wɛlikɛmąą yee kɔ̨nwɔ̨n ɉu hva haa.

Azaya 44:21

Ɉakɔbə, mɛ̨nįi ɲɛ̨i kili ə too ə́ ɲą, Israɛlə, nwɔ tímun mąą a yɛ́, ŋį́ ə́ pɛli a nwɔ tímun, Israɛlə, 'hva pɛli yá laai gɔ́lɔi.

Nehemi 9:31

Kɛlaa, ə́ wɔ wɛlikɛmąąlaa kɛnɛ̨ɛ mąą mɛ̨nį ɓa, hvo kɛ ə́ kili kulɔ li di hu, hvo kɛ di nwun na pili li; mąąhɔlɔɓo, ə́ kaa a wɛlikɛmąą Yálá, yɛ́ nu ɲɛ̨imąąwɛli kaa.

Lɛɛ gbɔwɔ ɓa 40:38

Yai-Laa nwɔ túlɔ kpinįn a kɛ bɛlɛ́ mɛ̨i hvóló ŋą, kpinį a pɛlɛ, nwɔ̨n yɛ ɓo ɉu. Israɛlə lonnii kəlee di kɛi gaa ɓɛlɔwai di kɛ la ɉiɛ hu.

Samuɛlə dɔlɔɔ 12:22

Mąąhɔlɔɓo, Yai-Laa hvo pai ɲee kulɔi nwɔ nu huwui mu, gbala ə tɔɔ, naa kɛnɛ̨i. Ɛlɛɛ, ə nɛ̨ɛ̨ a Yai-Laa lii, ə ka kɛ a nwɔ nu huwu.

Lɛɛ gbɔwɔ ɓa 40:36

Dúlɔ kpinįn a muhəɠə kɛ bɛlɛ́ mɛ̨i, Israɛlə lonnii da bələ həɠə, ɉiɛ kɔ́wɔ tɔɔ li, bələ ɓə di kɛi gɛ la.

Dutɛrɔnome 8:2

Bələ kwɛaai Yai-Laa ka wɔ Yálá ə ka hvilɛn mɛ̨i kwɛlan bow nąąn ɲee mu, nɔi pun ɉu, yɛ mɔ̨nɔ̨ lɔ ka pɔ, ka gəlee nąą kili too ka ŋą. Ka hukɔɔn ga tii ə kɛi mo, yɛ ka kwəi kɔ́lɔn; akɛ ka káá pai nwɔ tíɓoɠaa kɛi, a wala kɛ tii, akɛ ka káá pai ɓoi diɛ ka di too.

Mąątɛ̨nɛ̨ 136:16

Ə li a nwɔ nuąi nɔi pun ɉu! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Izikiɛ 20:17

Kɛlaa, ŋą́ di ɲɛ̨imąąwɛli kaa, və́ tí və́ di hukala. Və́ di paa nɔi pun ɉu.