Nehemi 9:13 - Yálá laawoo hɛɓɛ (dc)

¹³ Ə́ lɛɛ yələkɔlɔn ɉu, ə́ pələ ɓo diɛ, ə́ yɛɛ Sinai yee nwuɔ̨. Ə́ tíɓo haŋąą tɛɛ di pɔ, da tɛ̨ą tɔ́nŋąą da di hiɛ pələ. Da yɛnɛ̨ɛ̨ kɛ pələ a nɛlɛɛ.

Yálá laawoo hɛɓɛ

¹³ Ə́ lɛɛ yələkɔlɔn ɉu, ə́ pələ ɓo diɛ, ə́ yɛɛ Sinai yee nwuɔ̨. Ə́ tíɓo haŋąą tɛɛ di pɔ, da tɛ̨ą tɔ́nŋąą da di hiɛ pələ. Da yɛnɛ̨ɛ̨ kɛ pələ a nɛlɛɛ.

Bible

¹³ Í kùla ŋ̀elei su póŋ-poŋ, í yéŋ Sana Yeei ma. Í núu-kpune tûa-pere mɛni lɛ́lɛɛ-ŋa lɛ̀ kúnûa pɔ̂lɔ-ŋai dîa, í tɔ̂ŋ lɛ́lɛɛ-ŋa tɛɛ dípɔ.

Nehemi 9:13 Referans Kwoze

Mąątɛ̨nɛ̨ 119:160

Wooi a kulɔ ə́ la, gaa lɔ a tɛ̨ą, mɛ̨nįi lɔpee ə́ wɔ kiti wooi a mo, gaa a tɛ̨ą a yələ kəlee.

Lɛɛ gbɔwɔ ɓa 20:1

Yálá ɓə nwooɠaa ŋɛ̨i kəlee ɓo, yɛ diɛ:

Lɛɛ gbɔwɔ ɓa 19:11

Di kɛ pələ ə kɛ a bɛliɛ a voló haaɓa yələ, mąąhɔlɔɓo, voló haaɓa yələ ɓə Yai-Laa kaa pai yɛɛi la Sinai yee nwuɔ̨, nɔi lonnii kəlee ɲɛ̨i ɓa.

Lomaŋ 7:16

Yaan, akɛ yii və́ bɔ, ya ɓə ŋą́ kɛ gɛi, ŋį́ gɔlɔn gɛ́: Tɔ́n nɛlɛɛi.

Habakukə 3:3

Yálá kaa həɠəi Teman, Yálá mąąhəɠɛɛ kaa həɠəi Paran yee ɓa. Nwɔ mąąwiɛ aa yələ kwəi kpɛɛ mą. Mąątɛ̨nɛ̨ pələ aa lɔi mɛ̨i kpɛɛ mą

Azaya 64:3

Mɛ̨nįi tii kɛ, di hvo ta bələ mąn ni, bələ hvo ta too li wəli ta hu, ɲɛ̨i kɔ́w hvo ta gaa li; ə kulɔ Ə́ pulu, yálá ta a ta aa mɛ̨nį taaleei tii kɛ, nui a gilitɔɔ mąą, yɛ mąą mɛ̨nį ɲɛ̨i kulɔ.

Azaya 64:1

Yɛ nwɔ̨n gaa lɔwɔ kələn ɉi, yɛ nwɔ̨n a kɛli yáɠaa nɛ̨n, əgɛ ə́ yowoɠaa di pɛli ə́ laa kɔ́lɔn ɉi, lɔiɠaa hu a pu kɛ diɛ ə́ tɔwɔ.

Mąątɛ̨nɛ̨ 119:137

Yai-Laa, ə́ haŋąąi, ɛlɛɛ, yii lɔpee yá mo, ɉaŋąą.

Dutɛrɔnome 33:2

«Yai-Laa ə kulɔ Sinai yee ɓa pələ yɛ pa. Yɛ bələi hvóló a ɓɛla la, ə həɠə Seirə pələ, ə ɓɛla nwɔ nuą mɛ̨i, yɛ həɠə Paran yeeɠaa lɔwai ə pa nwɔ nuąi pɔ, nwɔ malakaɠaa di ɓo bɔ; nwɔ tɔ́n yɛ ɓo ɲəi yɛ kpalan nən.

Dutɛrɔnome 5:4

Yai-Laa ə pələ ɓo kaa ɲee tonna, nwɔ̨n ɉąąi, ka ɲɛ̨i heɛ ka kee ni diɛ.

Dutɛrɔnome 4:33

Nu huwu ta, aa ta yálá ta woo mɛ̨n, yɛ hvaa nwɔ̨n nən ɉu, ɛlɛɛ, mąą nu huwui yɛ lɛɛ a vulú yɛ bələi ə kɛ la a kaa?

Dutɛrɔnome 4:8

Lɔi lə kɛɛ ɓə laa, gɛnɛ̨, tɔ́nŋąą da yɛnɛ̨ɛ̨ hon bələ yɛ ɓo ɲəi, di haŋąą yɛ bələi dɔ́nŋąą ŋɛ̨i gáá dɛɛi ka pɔ di kaa la?

Lɛɛ gbɔwɔ ɓa 20:22

Yai-Laa yɛ Moisə ɓa: «Mɛ̨nįi ŋɛ̨i ɓo Israɛlə lonnii diɛ, yɛ diɛ: ‹Kaa kpinįi kaa gaa, kaa diɛ: Yələkɔlɔn ɉu ɓə ŋą́ lɛɛ laa, gɛ́ pələ ɓo kaa.

Lɛɛ gbɔwɔ ɓa 16:23

Moisə yɛ diɛ: «Yai-Laa ɓə mo ti, tinąą ɓaa túwɔ́ hvoló, hvįįtɔɔ yələ li. Volói ti kaa a Yai-Laa nwɔɔ. Kɔ̨nɔ̨n mąąnɛ̨ɛ̨ ə mɔ̨n ka mɔ̨n, yii mąąnɛ̨ɛ̨ ə yili, ka ɲili. Gbəli a lɛɛ, ka ɉee a tinąą nwɔɔ.»

Dutɛrɔnome 4:36

Ə lɛɛ yələkɔlɔn ɉu, yɛ ka mąąkwɛli a nwoo, ka lɛɛ lɔi mɛ̨i, ə nwɔ nwɔ̨n gɛnɛ̨i lɛ kaa, ɛlɛɛ, ka nwooɠaa mɛ̨n nwɔ̨n nən ɉu.

Mąątɛ̨nɛ̨ 119:4

Yɛ́ kpinįi ɓə ə́ wɔ tɔn nwooɠaai lɛ, əgɛ, di di hon gbɔ a yɛlɛ.

Tɔɔɓɛlaa veelɛ 17:37

Díɓoɠaa, dɔ́n nwooɠaa, ɉaláá kulɔ pələ, da nɔi hon bələɠaai ə bɛ̨ɛ̨ a ka mąą mɛ̨nį, ka tɔɔ a ka nwąnąąi, ka di kɛ a yələ kəlee, 'ka hvo ɲɔw haliɠaa diɛ.

Ɛsdrasə 7:6

Ɛsdrasə tii ə həɠə Babilonə daai. Ə kɛ a hɛɓɛ́ pɛ̨ɛ̨ mun, dɔ́n ɉɛɓɛ́i Yai-Laa, Israɛlə nwɔ Yálá ə dɛɛ Moisə pɔ, ə kɛ a gɔlɔnŋąą. Yɛ pələi nwɛli ə kɛ la nwɔ Yálái ɓa, yii gaa a Yai-Laa, yii kpɔ ə ɉu hvɛli tɔɔmun ma, di gəlee tɛɛ bɔ.