Nehemi 6:9 - Yálá laawoo hɛɓɛ (dc)

⁹ Mąąhɔlɔɓo, di kəlee di kɛi kɛ di ku mąąɲɔw, diɛ kɛ diɛ: «Di kaa pai di yee ɓoi goló ɓa, hva kɛa kɛ.» Yii hu, ɲéé huwalawala.

Yálá laawoo hɛɓɛ

⁹ Mąąhɔlɔɓo, di kəlee di kɛi kɛ di ku mąąɲɔw, diɛ kɛ diɛ: «Di kaa pai di yee ɓoi goló ɓa, hva kɛa kɛ.» Yii hu, ɲéé huwalawala.

Bible

⁹ Kúkpɔara-ƃelai díkɛ̀ kɔ̂i a gɛɛ dí kú ḿaa yáo. Dí kɛ̀ gɛ̂i tí a gɛɛ dí kú kpéra kú tíi ma. Kɛ́lɛ ŋá Ɣâla marê kɛ̀ a gɛɛ é gɛ́ kú kponôi é kpanaŋ.

Nehemi 6:9 Referans Kwoze

Mąątɛ̨nɛ̨ 138:3

Ɲələi ŋį́ ə́ təli la, yɛ́ nwóó mu hon, ə́ váŋą ta pɛlɛ mą.

Piɛrə dɔlɔɔ 5:10

Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.

Hebreu 12:12

Yili ɓa, yeeɠaa da kɔwɔɠaai di hvįikpɛɛ, 'ká di hvaŋąlɔ,

Filipə 4:13

Kristə háálai, ŋą́ pɛli ŋį́ nííkpələ mɛ̨nįɠaai ti kəlee hu.

Ifisiɛŋ 3:16

Ŋą́ vɛli gɛ́: yɛ bələi nwɔ hɛn Nąmu laa kaa la mąąwiɛlaa hu, ə ka huwalawala, ə ka hvaŋąlɔ nwɔ Kilii háálai yai gaa ka hu.

Korɛntə veelɛ 12:9

Kɛlaa, ə nwóó ŋąą pənə yɛ mą́ą́: «Nwɔ́ mɛ̨inɛ̨ɛ̨ tii ə́ yəi, a pɛli; mąąhɔlɔɓo, nwɔ́ huwalawalalaa a too pono ŋą, ə́ wɔɔ hvįikpɛɛlaa tii hu.» Yili ɓa tii, nwɔ́ hvįikpɛɛlaa hu ɓə ŋą́ gbɔ́wɔ́ ɲąą kɛnɛ̨ la, ə gɛ, Kristə nwɔ huwalawalaa ə hee mɛ̨́i.

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Samuɛlə dɔlɔɔ 30:6

Davidə kwəi pilɛɛ kɛ mą, mąąhɔlɔɓo, nuą di kɛi baa mɛ̨nį ɓo a kwɛni. Nu kəlee liikələn ŋąą kɛ gwəi, da kɛi di kiliŋąhiɛ di lonnii hinąą da di lonnii nɛ̨ąą diɛ. Kɛlaa Yai-laa haalai, Davidə ə nii kpələ.

Ifisiɛŋ 6:10

Nwóó laa kulɔ woo ka, ká gu Nąmu ŋą huwalawalalaai kɛ a ka mąąkɔ̨nwɔ̨ kwɛli hɛn, yai vaŋą kɛnɛ̨.

Ɉeremi 38:4

Nɔi hu kóló kɛ nuą kpɛa kpɛa diɛ tɔɔmun ma: «Di nui ŋɛ̨i paa, mąąhɔlɔɓo, mɛ̨nįɠaai gaa lia mo, gaa daa mąą kɔ̨nwɔ̨ nuą yiiɠaai daa lɛɛ, gaa di yeehu haai, ə mą kɛ nɔi lonnii. Ɉulɔnui ŋɛ̨i hvo nɔi lonnii di wɔ nwun na nɛ̨ɛ̨ pɔ, hvo kɛli di wɔ nwun na pili.»

Kɔlɔnikɔ Veerɛi 15:7

Kɛlaa, ka wɛi, 'ka ká huwalawala, ka yee hu hvo haa, ka koló hvɛla kaa pai hɔlɔɓoi!»

Mąątɛ̨nɛ̨ 71:1

Yai-Laa, ŋą́ą́ ə́ kɛ a mą́ą́kilɛi, nwunɛ̨ hvo kɛa ɲɛ̨́i paa a yələi lɔpee ta.

Mąątɛ̨nɛ̨ 56:3

Mą́ą́ hɛnŋį nuą da tuwɔ lɔ kɔ́ pɛlɛi mą́ą́, nuąi woloi mą́ą́, di kpulu kɛnɛ̨i.

Nehemi 6:14

«Námu Yálá, ə́ kiliŋąhiɛ Toviya da Sanbalatə diɛ, di túwɔ́ pələ mąą mɛ̨nį ɓa, da ə mą kɛ kwəi mɛ̨nį hukulɔ nɛ̨ɛ̨nu Noadia, da kwəi mɛ̨nį hukulɔ nuą yiiɠaai kɛ bɔ di mą́ą́ ɲɔw.»

Mąątɛ̨nɛ̨ 68:35

'Ka Yálá hvaŋą kɛnɛ̨ pələ lɛ. Nwɔ Heeɓolaa kaa Israɛlə mɛ̨i, vąŋą ə ɓo tulɔ kpinįŋaa mɛ̨i.

Kɔlɔnikɔ Veerɛi 32:18

Nuąi Senakeribə ə di tɔɔ, di kɛi tómą a di woo kɛnɛ̨ɛ̨, a Ɉuda woo, Ɉerusalɛmə nuą diɛ, ɉį́i nwąną mɛ̨i, diɛ di mąą ɲɔw, əgɛ, di mąą ə kpɛlin, di pɛli daa hon ɉii.

Zakari 10:12

Yai-Laa ɓə pai kɛi a di hvaŋą, naa hu ɓə di kaa pai kɛi hiɛi laa. Yai-Laa woo li.

Ɛsdrasə 1:6

Di heeyɔwɔɠaai kpɔ kɛ di kwɛlɛ, di mɛ̨inɛ̨ɛ̨ kpɛa-kpɛaa kɛ Israɛlə nuą diɛ, yɛ bələi di wɔ yee pɛli mąą ə kɛ la. Di hɛn ɲąŋąɠaa tɛɛ di pɔ, daɠaa di ɓo a wali kwɛli, daɠaa di ɓo a hɛni. Ə mą kɛ mɛ̨inɛ̨ɛ̨ takpɛliɠaa, da taatɛlɛɛɠaa, da hɛnŋaa yiiɠaai mąąwiaa, mɛlɛ yɛ ɓo mą. Naa gwəi mɛ̨inɛ̨ɛ̨ yiiɠaai di gɛ diɛ, naa kulaa ɉu.

Izikiɛ 30:24

Kɛlaa, gáá pai Babilonə tɔɔmun ɲee huwala walai, gɛ́ nwɔ́ kɔ́ kɔ́ ɓɔwai lɔ ɲee ŋą. Gáá pai Faraɔn yeeɠaa yalii, yɛ ɲiŋɛ yɛ nui daa ɉaɠa baa pələ pɔ.

Azaya 40:29

Nui vaŋą hvo kɛnɛ̨ li, a mąą nu hvaŋą lɔ, nui vii aa kpɛɛ, a mąą nu hvaŋą lɔ.