Nehemi 2:17 - Yálá laawoo hɛɓɛ (dc)

¹⁷ Ya ɓə ŋį́ kɛ diɛ: «Mɛ̨nį ɲąąnwąnąąi gu ɉu, ka káá gaai! Ɉerusalɛmə taa aa pu, gbonŋąą kələn ŋąą, ka gu pənə, ka gu Ɉerusalɛmə mąąkpɛ hįį tɔɔ. Gu hvo kɛa kɛ a nwunmɛ̨ lɔwɔ.»

Yálá laawoo hɛɓɛ

¹⁷ Ya ɓə ŋį́ kɛ diɛ: «Mɛ̨nį ɲąąnwąnąąi gu ɉu, ka káá gaai! Ɉerusalɛmə taa aa pu, gbonŋąą kələn ŋąą, ka gu pənə, ka gu Ɉerusalɛmə mąąkpɛ hįį tɔɔ. Gu hvo kɛa kɛ a nwunmɛ̨ lɔwɔ.»

Bible

¹⁷ Tãi kwa dîa ni kú kòyaŋ lai, ŋá mò dîa ńyɛ̂ɛi, “Tɔ̃yâ ma Zerusâlɛŋ taa-leei su karâai! Ziɣãŋ lá sãai kélee wôloɔɔi, dí kéreŋɔɔ, zãâi kélee su kara kâraai. Fɛ̂ɛ nɔ́ kú daa-leei ŋɔsiɣãŋ tɔ́ɔ pôlu a gɛɛ ƃaa kula maa fé ŋɔ́nɔ sɛ̀lɛŋ kûa.”

Nehemi 2:17 Referans Kwoze

Izikiɛ 5:14

Gáá pai ə́ kɛi a lɔi pun, a nwumɛ̨ hɛn, nɔiɠaai ə́ kwɛlɛ gəlee ɲɛ̨i ɓa; nuąi kpɔ da tɛɛ ɓɛ di ɲɛ̨i ɓa.

Nehemi 1:3

Diɛ mą́ą́: «Nuąi həɠə nuwɔ laa hu, di haa laa nɔi mɔ̨nɔ̨ kɛnɛ̨ hu, da nwunmɛ̨. Ɉerusalɛmə mąąkpɛɛ hįį puɔ naa taɠaa, ɛlɛɛ, gbonŋąą kələnŋąą.»

Mąątɛ̨nɛ̨ 79:4

Nuąi kwa diɛni ku kaa kwəli tɔ̨nɔ̨ hu, di kaa ku ɓɛlɛkpɛɛi kuɔ, yiiɠaa di kaa ku kwɛlɛ, diɛ yɛlɛ kuɔ, diɛ di laa pu ku hu.

Woolaa 3:51

Mɛ̨nii ŋɛ̨i a laa nwɔ́ taai hu nɛ̨ɛ̨kpɛlaɠaa diɛ, aa laa diɛ a gbonąą, yɛ ɲɛ̨́iyá too mą́ą́.

Woolaa 2:2

Yai-Laa aa Ɉakɔbə heei kəlee wolo hvo kpɛli mąąwɛli kaa li nwɔ liiholi hu, aa Ɉuda halakpɛla mąąkpɛ hįi wolo aa dɔɔlaa da dɔɔɓɛlaa ɓɛlɛkpɛɛ diɛ, aa di too nɔi ɓa.

Ɉeremi 24:9

Gáá di kɛi a hɛn da, nuą diɛ ɲɔw mą, diɛ mɛ̨nį kɔ́ɔn diɛ, yɛnɛ̨ɛ̨ lɔiɠaa kəlee hu. Gáá di taɠa taɠai lɔi mɛ̨i nąą kəlee, diɛ pa kɛi a yɛlɛ kulɔ ɉu hɛn. Nuą diɛ lalan ɉuwui lɔpee gəlee, da nɛ̨ŋɛ̨n naa huwui lɔpee pili diɛ.

Mąątɛ̨nɛ̨ 79:12

Mɔ̨nɔi ku kwɛlɛ nuą daa naa kuɔ, yili gwələ kulɔ diɛ geemɛ̨i mɛ̨ihveelɛ, ə yali di lii ɓa.

Mąątɛ̨nɛ̨ 44:13

Yáá ə́ wɔ nu huwui lɔwɔ́tɔɔ a ɉɔ̨nwɔ̨ hvįi kpɛɛ, hvó tɔ̨nɔ̨ hvɔlɔɓoli nɔwɔi tii hu.

Samuɛlə dɔlɔɔ 11:2

Nahasə Amɔn mun yɛ diɛ: «Pələi gáá bɔ gwa kaa ni gu liilaa mįnɛ̨ həɠə la, bələ ka: Ŋą́ ka kəlee ka ɓa-mįi-yee ɲɛ̨i kɔ́w wolo. Ŋą́ Israɛlə kəlee nwumɛ̨ tii.»

Nehemi 2:13

Ŋą́ kulɔ kwii hąą, a nɛ̨ŋɛ̨ lɔi hu kpon gɛɛnąą pələ, ŋį́ ɉon a gaalə yá nwun gulɔi pələ da dulun ŋą kpon gɛɛnąą pələ. Ŋą́ Ɉerusalɛmə hįį mąąkpɛ kpɔ a nɛlɛɛ. Buɔi kɛ nąą kəlee, ɛlɛɛ, nwɔ̨n aa kɛ gbonŋąą kələn.

Nehemi 2:16

Mɛ̨nįi tii ŋį́ gɛ́, daa ɲąą woo ɓo nuą di hvo kɛ nwun gɔlɔn. Və́ nii kɛ mɛ̨nį ta ɓo li Ɉuifəɠaa diɛ, da ɉaláá laa həli nuą, ə mą kɛ galanɉonŋąą da daa ɲąą woo ɓo nuą, da nuą takpɛliɠaai kɛ golóɠaa nwun na.

Nehemi 3:15

Ɲa nwun gulɔi pələ, Kɔlə-Hoze lon Salumə ŋɛ̨i kɛ a Mispa nwun nąmu, ya ɓə nąą koló kɛ. Ə dɔɔ, ə mɛ̨i kɛ, ə gbonŋąą too, ə gwɛliɠaa laa bulu da naa kpulu kwɛliɠaa. Ə pənə ə daa mąąkpɛ hįį pɛli, ə həɠə ɲálɔwa kɛnɛ̨ ɓa, tɔɔmun nwɔ nɔw yɛai kwɛlɛ, ə həli la Davidə taa pələ ɓa.

Ɛsdrasə 9:9

Mąąhɔlɔɓo, ɓɛlɔwai ku kɛ la luwɔlaa hu, hvo ə́ kili kulɔ li ku hu, ə́ ə́ kiliŋąhiɛ kuɔ, Pɛrsə tɔɔɓɛlaa ɲɛ̨i ɓa, ə́ wɔ wɛlikɛmąąlaa hu, ə́ ku nwun mąąɓo, ə gɛ, ku Yálá hee pɛlɛ́ muhəɠə, kuɔ nwɔ̨nɔ̨ bɛlɛ kpoloon tii muhəɠə a nįnɛ̨, ə́ ku mąą kɔ́nwɔ̨i tɛɛ ku pɔ Ɉerusalɛmə daai, da Ɉuda lɔi hu.

Mąątɛ̨nɛ̨ 44:14

Yáá ku kɛ a ku kwɛlɛ nuą di wɔ lalan ɉɛn, nuąi ku kaa di lɔwai, diɛ ku lalan, diɛ yɛlɛ kuɔ.

Mąątɛ̨nɛ̨ 102:15

Gwɛniɠaai di Siɔn tɔɔ la, di mąą liihɛlɛn kaa ə́ wɔ tínuąi diɛ, ə mą kɛ ɉu munuun-gbala, mąąwɛli yɛ di hon.

Mise 7:11

Ɲələi di kaa pai pənəi diɛ ə́ mąąkpɛ hįįɠaa tɔɔ la, mąą yələ, da ə́ wɔ lɔi ɲɛ̨n gulɔ bulu.