Nehemi 2:14 - Yálá laawoo hɛɓɛ (dc)

¹⁴ Ŋą́ tɛɛ a ɲa nwun gulɔi kpon da tɔɔmun nwɔ powaya kɛɛnąą pələ, yili pulu, ɉooi ŋį́ kɛ mɛ̨i, dɛɛi hvo kɛa kɛɛ laa.

Yálá laawoo hɛɓɛ

¹⁴ Ŋą́ tɛɛ a ɲa nwun gulɔi kpon da tɔɔmun nwɔ powaya kɛɛnąą pələ, yili pulu, ɉooi ŋį́ kɛ mɛ̨i, dɛɛi hvo kɛa kɛɛ laa.

Bible

¹⁴ Tãi ŋá sèri la daa-lêei ŋɔfólo kulâi perei, ŋá lì a ǹɔii ŋûa pere siɣãŋ lá nyii da kɛ̂ ma Ǹya Tôŋ Mai da Gâloŋ Ŋɔpóai, kɛ́lɛ berei su è kɛ̀ a guro te. Wɛlɛ-soo fa pɔ̂ri tɛɛ̂i naa.

Nehemi 2:14 Referans Kwoze

Nehemi 3:15

Ɲa nwun gulɔi pələ, Kɔlə-Hoze lon Salumə ŋɛ̨i kɛ a Mispa nwun nąmu, ya ɓə nąą koló kɛ. Ə dɔɔ, ə mɛ̨i kɛ, ə gbonŋąą too, ə gwɛliɠaa laa bulu da naa kpulu kwɛliɠaa. Ə pənə ə daa mąąkpɛ hįį pɛli, ə həɠə ɲálɔwa kɛnɛ̨ ɓa, tɔɔmun nwɔ nɔw yɛai kwɛlɛ, ə həli la Davidə taa pələ ɓa.

Tɔɔɓɛlaa veelɛ 20:20

Ezekiasə kɛ mɛ̨nįɠaa gbəli, nwɔ mɛ̨nį hee kpəlin na kɛ pələ, nwɔ mɛ̨nįɠaa kɛ pələ, nwɔ ya kpaaləi ə nąą, ɲa pɛlɛ́ tɔɔ mɛ̨nį daai, gəlee di hvo mɔ̨ɔ̨ pɛɛ li Ɉuda tɔɔɓɛlaa kɛ mɛ̨nį hɛɓɛ́ hu?

Kɔlɔnikɔ Veerɛi 32:30

Ezekiasə tii ɓə Gihɔn yaɠaa nwun gulɔi laa kpulun ɲánwuɔ̨ pələ, ə ɲa laa ɉɛɠɛɛ pələ, voló tooi pələ Davidə taa tənən ma. Mɛ̨nįɠaa kpɔ Ezekiasə ə ɲee too ɉu, ɉu ə nɛ̨ɛ̨ mą.

Tɔɔɓɛlaa veelɛ 18:17

Asiri tɔɔmun ə lɛɛ Lakisə daai, ə nwɔ kɔ́kulááɠaa kəlee ɲɛ̨itɔwɔmun, da gɔ́laɠa nwun nąmu, ə mą kɛ, nwɔ kɔ́ kɔ́ hɛnŋąą həɠə mu, ə di tɔɔ Ɉerusalɛmə tɔɔmun Ezekiasə pɔɔli, da kɔ́kuláá kpulu kɛnɛ̨. Di pa, di həli Ɉerusalɛmə. Di pa di tɔɔ ɓɛi a ɲá heei kɛnɛ̨ ɓa ɲələi pələ nąą kwɛlɛ, bələi tii a li ɉəɠə waa mun bɔ yɛa pələ, mɛ̨i.

Nehemi 12:37

Ɲa nwun gulɔi gbon gɛɛnąą, yii kɛ di ɲɛ̨itɔwɔ, də li naa diɛ li laa pələ, di tɛɛ a Davidə yəi bɛlɛ́ laaləi pələ diɛ tɛ ɉįi nwuɔ̨, Davidə nwɔ pɛ́lɛ́i nwun mɛ̨i pələ, ə lɛɛ di həli la nwɔ kpon ɓa, hvóló kulɔi pələ.

Ikilisiati 2:6

Ŋą́ yálɔwaɠaa tee, diɛ ɲá pu nwulu, da ɉin ŋąą nįnɛ̨ɠaa diɛ.

Nehemi 3:16

Yili pulu, Azbukə lon Nehemia, yai kɛ a Bɛtə-Surə kwəli bələ tɔ̨nɔ̨ nwun nąmu ya ɓə nąą tɔɔ, ə həɠə Davidə nwɔ kámąɠaai tənən ma, ə həli la bowa yai ŋɛ̨i di naa kulɔ mą, ə lɛɛ ɉu ə həli gulááɠaa di wɔ pɛ́lɛ́i ɓa.