Nehemi 2:10 - Yálá laawoo hɛɓɛ (dc)

¹⁰ Nąąlɔwai Sanbalatə ŋɛ̨i kɛ a Horɔn mun, da Toviya, Amɔn mun, yii kɛ ɲee mu. Di bələi tii mɛ̨n, di kwəi hvo nɛ̨ɛ̨ kpɔ tiikpə, gili kɔ́lɔn di mo, diɛ kɛ nu ta aa pa, yɛ Israɛlə lonnii mąą mɛ̨nį lɛlɛɛ ɲɛ̨i kulɔ.

Yálá laawoo hɛɓɛ

¹⁰ Nąąlɔwai Sanbalatə ŋɛ̨i kɛ a Horɔn mun, da Toviya, Amɔn mun, yii kɛ ɲee mu. Di bələi tii mɛ̨n, di kwəi hvo nɛ̨ɛ̨ kpɔ tiikpə, gili kɔ́lɔn di mo, diɛ kɛ nu ta aa pa, yɛ Israɛlə lonnii mąą mɛ̨nį lɛlɛɛ ɲɛ̨i kulɔ.

Bible

¹⁰ Kɛ́lɛ tãi Orɔŋ-taai su-nuui Saŋbala da Amɔŋ lɔii su-nuui Tobaya nyii-ŋai kɛ̀ a gɔmɛnɛ-ƃelai kpaya-kpayai dí m̀ɛnii ŋí mɛ̀ni lai, dílii è ŋwàna kpɔ́ a ŋána, kpɛ́ni fêi, dífe kɛ́ ní ŋ̀wɛ̂lii a gɛɛ núu da kélee é mɛni lɛ́lɛɛ kɛ́ Eezuɛ lonii mɛ̂ni ma.

Nehemi 2:10 Referans Kwoze

Nehemi 4:7

Yili ɓə gɛ, gɛ́ kɛɛnąąɠaa kulɔ, ɉįi pulu pələ, nąąɠaa lonon, ŋį́ nɔi lonnii tɔɔ laa a kwəliɠaa laa, kɔ-kɔ ɓɔwaɠaa, da kpalaɠaa, da kilɛnŋąą di ɓo di yəi.

Nehemi 2:19

Nąąlɔwai, Sanbalatə yai kɛ a Horɔn mun, da Toviya Amɔn mun yii kɛ ɲee mu, da Gɛsɛmə yii Arabə mun, bələ mɛ̨i di mo, di kɛi di woo həɠə ku wɔ, diɛ ku hviiɓo diɛ kɛ diɛ: «Lə ɓə ka káá gɛi? Kaa kɛ kulɔ tɔɔmun nwoo mu?»

Hanwon 27:4

Líiholi kaa a kili ɲɔ̨nwɔ̨ɔ̨ ɛlɛɛ, líi kələn gwəi walawalaa, Kɛlaa, gbɛɛ ɓə a pɛli tɔɔi tolo mɛ̨nį la?

Nehemi 13:4

Gɛɛ kɛ yili hvo kɛ, ɉaláá laa həli mun Ɛliasivə ɓə di gɛ a ku wɔ Yálái nwɔ pɛlɛ́ɠaai mɛ̨i kaa mun. Ɛliasivə ə kɛ a Toviya nwɔ nu ta.

Nehemi 6:1

Ɓɛlɔwai di mo la Sanbalatə ɓa da Toviya da Gɛsɛmə, yai kɛ a Arabə mun, da ku yowo takpɛliɠaa diɛ, diɛ kɛ diɛ; ŋą́ą́ ɉįi tɔɔ, ə lɛɛ, wolo hvo kɛa mą; və́ nii kɛ gbonŋąą too li.

Gɛlaɠaa 5:24

Ɓɛlɔwai di nwoo hukulɔi ti kɛ la, Yálá hee pɛlɛ́ ɲąąwooɓo nuą da ɉaláá laa həli nuą kpɛa-kpɛa diɛ, di kwəi ə pili diɛ, yii kɛ di mo gɛlaɠaa mąą mɛ̨nį hu, di hvo kɛ gɔlɔn. Di kɛi di kee mąąni kɛ, diɛ kɛ mą: Di gɛ pələ kɛ ləi diɛ kulɔ?

Gɛlaɠaa 4:2

Di liiholiɛ kɛ kɛnɛ̨, di kaai di mo diɛ nuą kalan, ɛlɛɛ, diɛ haaɓɛlaa nwun mɛ̨nį ɓo, yɛ hvilɛn na Jesus ɓa.

Ɉeremi 48:34

'Ka pa mą́ą́ kilɛ! Nwooɠaai tɔɔi Hɛsbɔn, di kaa kpɔ di mɛ̨n ɉii Eleale, di woo kaa həlii kpɔ Yasa, di kaa wɔlɔi Soarə, yɛ həli Horonaimə, Ɛglatə-Selisiya. Mąąhɔlɔɓo, ə mą kɛ Nimrimə ya aa kpala ɉu.

Ɉeremi 48:5

Di kaa Luhitə yee tɛi, diɛ wɔlɔ; Nuą di kaa Horonaimə yee yɛɛi, diɛ təli ɓo woo mɛ̨n, yɛ həɠə mąąwɛli mɛ̨nį kɛɛnąą pələ.

Azaya 15:5

Gáá wɔlɔi Moabə mɛ̨i, pu nuą daa həli kpɔ Soarə, daa həli Ɛglatə-Selisiya. Diɛ Luhitə yee kpukpu tɛ a wɔlɔ, diɛ tómą a ɲąą nwąnąą Horonaimə pələɠaa pɔ.

Ikilisiati 10:7

Ŋą́ luwɔɠaa kaa heeni hoo mɛ̨i, tɔɔɓɛlaa lonnii diɛ hiɛ di kɔ́wɔ ŋą yɛ diɛmun da kɛ a luwɔɠaa.

Hanwon 30:22

Heeɓolaa tɛɛ luwɔ pɔ, ɓowomun bilɛ mɛ̨nį,

Mąątɛ̨nɛ̨ 112:10

Wea mun a nąą kaa, yili yɛ lɔ mą kɛnɛ̨, yɛ naa hvaną, yɛ kpala; nuąi di hvo Yálá pɔ, di líiɓaɠaa da lɛɛ a kpɛli.

Nehemi 13:1

Nąąlɔwai, di Moisə nwɔ hɛɓɛ́i ɓo nɔi lonnii kəlee lííla, di gaa ɉɛɓɛ́ hu diɛ mą: Amɔn nuą da Moabə nuą, mąą hvo nɛ̨ɛ̨li di hvo lɔ Yálá nwɔ nu kpului lɔwai.

Nehemi 6:16

Bələ mɛ̨n ku yowoɠaa kəlee di mo, nɔiɠaai kpɔ kɛ ku kwɛlɛ, gəlee di ɲɔw, ɛlɛɛ, di nwunmɛ̨ di kpɔɔ yəi. Di gbaɠala kaa, diɛ kɛ golói tii ə kɛ, mąąhɔlɔɓo, ku wɔ Yálái ɓə kɛ bɔ́.

Nehemi 13:28

Ɛliasivə ŋɛ̨i kɛ a ɉaláá laa həli mun gɛnɛ̨, non Yoyada lon ɉulɔnu ta, ə Sanbalatə Horɔn mun lon nɛ̨ɛ̨nu ta həɠə a nɛ̨ą, ŋį́ gbɛ, ə həɠə gwɛ́lɛ.

Ɉeremi 41:10

Mispa nuą yiiɠaai lɛɛ, Yismaɛlə ə li a diɛ luwɔlaa hu; dɔɔ kwəlii nɛ̨ą, da nuąi kpɔ kɛ nii Mispa; diɛi tii tɔɔmun mąąkpɛ nuą nwun nąmu Nebuzaradan ə di kalihvaɓo Ahikamə lon Gedaliasə ɓa. Netania lon Yismaɛlə ə li a diɛ luwɔlaa hu. Ə pənə yɛ li Amɔn nuą pɔ.