Nehemi 13:28 - Yálá laawoo hɛɓɛ (dc)

²⁸ Ɛliasivə ŋɛ̨i kɛ a ɉaláá laa həli mun gɛnɛ̨, non Yoyada lon ɉulɔnu ta, ə Sanbalatə Horɔn mun lon nɛ̨ɛ̨nu ta həɠə a nɛ̨ą, ŋį́ gbɛ, ə həɠə gwɛ́lɛ.

Yálá laawoo hɛɓɛ

²⁸ Ɛliasivə ŋɛ̨i kɛ a ɉaláá laa həli mun gɛnɛ̨, non Yoyada lon ɉulɔnu ta, ə Sanbalatə Horɔn mun lon nɛ̨ɛ̨nu ta həɠə a nɛ̨ą, ŋį́ gbɛ, ə həɠə gwɛ́lɛ.

Bible

²⁸ Iliasi è kɛ̀ a sâla láa soŋ nûu kɛ́tɛ. Ǹóŋ-surɔŋ láa ƃé kɛ̀ a Zioada. Zioada ǹônii-sinaai dɔnɔ è Saŋbala ǹóŋ-nɛnii kùla a ŋɔnɛnî. Saŋbala pɔ́ taai ƃé kɛ̀ a Bɛ Orɔŋ. Nya ƃe ŋá gɛ́ dí Zioada kpɛ́ Zerusâlɛŋ.

Nehemi 13:28 Referans Kwoze

Nehemi 2:19

Nąąlɔwai, Sanbalatə yai kɛ a Horɔn mun, da Toviya Amɔn mun yii kɛ ɲee mu, da Gɛsɛmə yii Arabə mun, bələ mɛ̨i di mo, di kɛi di woo həɠə ku wɔ, diɛ ku hviiɓo diɛ kɛ diɛ: «Lə ɓə ka káá gɛi? Kaa kɛ kulɔ tɔɔmun nwoo mu?»

Nehemi 12:22

Ɛliasivə, Yoyada, da Yadua di wɔ yələi, di Levi huwuhu nuą kɛ a pɛlɛ́ nąmįną, di ɉaláá la həli nuą laa pɛ̨ɛ̨, ə lɛɛ ɉu ə həli la Pɛrsə tɔɔmun Dariusə nwɔ tɔɔlaai ɓa.

Nehemi 12:10

Ɉosue lon maa kɛ a Yoyakimə, Yoyakimə lon maa Ɛliasivə, Ɛliasivə lon maa Yoyada,

Nehemi 3:1

Ɉaláá laa həli mun gɛnɛ̨ Ɛliasivə, ə muhəɠə da gaayɔwɔɠaa ɉaláá laa həli nuą, bɛlɛ́ laaləi ŋɛ̨i ɉįi ɓa, yɛ ɓo a mɛlaaɠaa lɔi, di naa gbon doo. Di lúwɔ́ too mą. Di gbon mɛlaɠaa hɛlɛn, di həli la nu nwundɔ̨nɔ̨ nwɔ taa mąąkpɛ pɛ́lɛ́i ɓa. Di lúwɔ́ too ɉįi ɓa, ə lɛɛ la ɉu, di həli la Hananeɛlə daa mąąkpɛ pɛlɛ́ ɓa.

Nehemi 2:10

Nąąlɔwai Sanbalatə ŋɛ̨i kɛ a Horɔn mun, da Toviya, Amɔn mun, yii kɛ ɲee mu. Di bələi tii mɛ̨n, di kwəi hvo nɛ̨ɛ̨ kpɔ tiikpə, gili kɔ́lɔn di mo, diɛ kɛ nu ta aa pa, yɛ Israɛlə lonnii mąą mɛ̨nį lɛlɛɛ ɲɛ̨i kulɔ.

Hanwon 20:26

Kilimąą tɔɔmun a nwąnąlɔ nuą hu taɠa di kee ɓa, yili pulu, ə di hutɔɔ ɉa.

Hanwon 20:8

Tɔɔmun a kɛ heeni nwɔ kiti tee kpəlin hu, a mɛ̨nį ɲɔ̨n gəlee kulɔ ɉu kɛ a ɲɛ̨ikɔw.

Mąątɛ̨nɛ̨ 101:8

Yələ wala pɔ tɛi tɛi, nuąi da mɛ̨nį ɲɔ̨n gɛ nɔi hu, gáá pai di laa kpului, gɛ́ mɛ̨nį ɲɔ̨n gɛ nuą kəlee kulɔ Yai-Laa nwɔ taai kwəi.

Nehemi 13:25

Ŋą́ haŋą diɛ, ŋį́ di nɛ̨ŋɛ̨n naa, ŋį́ daɠaa kɛlɛ di lɔwai, ŋį́ di nwun nəɠa kulɔ. Yili pulu, ŋį́ mo diɛ, di di kwɛla a Yálá laa, gɛ́ diɛ: «Ka hvo ka lon nɛ̨ąą tɛɛ da lɔpee pɔ a nɛ̨ą, ka hvo di lon nɛ̨ɛ̨nu ta həɠə a ka lon nɛ̨ą, ə mą kɛ a kaa kpinįi ka wɔɔ.

Nehemi 4:1

Sanbalatə, Toviya, Arabə nuą, Amɔn nuą, da Asdɔdə nuą, bələ mɛ̨n di mo, diɛ Ɉerusalɛmə mąąkpɛ hįį kaa pɛlii, goló yɛ tɛ tɔwɔ, ə lɛɛ nwoloɠaa yɛ kpulu, di lii ə holi kpɔ kɛnɛ̨.

Ɛsdrasə 10:8

Nui lɔpee a wala pa, hvóló haaɓa tɛɛ pulu, yɛ pələi bɛlɛ nąmįną da galanɉonŋąą di mo la, ɲəi hɛnŋąą kəlee a lɛɛ a Yai-Laa nwɔ pɛ́lɛ́i nwɔɔ, ɛlɛɛ, ya kpinįi tii, da naa kulɔ Israɛlə nuą lɔwai.