Nehemi 13:22 - Yálá laawoo hɛɓɛ (dc)

²² Yili pulu, ŋį́ mo Levi huwuhu nuą diɛ, gɛ́ diɛ, di di mąąhəɠə, ə gɛ, di pa, di di ɲɛ̨i kɛ Yálá nwɔ pɛ́lɛ́i laaləi, di túwɔ́ lɔwɔ mąąhəɠə. «Yili mąą mɛ̨nį ɓa, nwɔ́ Yálá, ə́ wɔ tələnmolaa hu, ə́ kili lɛɛ ɉú, ə́ ɲɛ̨́i mąąwɛli kaa.»

Yálá laawoo hɛɓɛ

²² Yili pulu, ŋį́ mo Levi huwuhu nuą diɛ, gɛ́ diɛ, di di mąąhəɠə, ə gɛ, di pa, di di ɲɛ̨i kɛ Yálá nwɔ pɛ́lɛ́i laaləi, di túwɔ́ lɔwɔ mąąhəɠə. «Yili mąą mɛ̨nį ɓa, nwɔ́ Yálá, ə́ wɔ tələnmolaa hu, ə́ kili lɛɛ ɉú, ə́ ɲɛ̨́i mąąwɛli kaa.»

Bible

²² Naa pôlu ma, ŋá m̀o Liiva-ŋai dîa a gɛɛ dí ǹanii wáa dîa, díkɛ pà ziɣãŋ-ŋai lá díkɛ ǹaa mɛi kâa a Vii-tɔɔ-ɣelei kélee núu da fé maa tĩa kàra. Óo ŋá Ɣâlai, ŋ́gili é lɛ́ɛ í ŋá m̀ɛnii ŋí mɛni ma. Íwɛli kɛ́ maai kɛ̂tɛi. Ŋá fúlu-laai maa kɔ̃ɔ.

Nehemi 13:22 Referans Kwoze

Nehemi 12:30

Ɉaláá la həli nuą da Levi huwuhu nuą di di mąąhəɠə, di nɔi lonnii mąąhəɠə, da gbonŋąą, da ɉį́i.

Nehemi 13:14

Ŋą́ Yálá hvɛli gɛ́ mą: «Nwɔ́ Yálá, mɛ̨nįɠaa ŋɛ̨i ŋą́ gɛ, ə́ wɔ tələnmo la yii ŋį́ golói ŋɛ̨i kɛ, ə́ wɔ pɛ́lɛ́i mu, ə́ mąąwiɛ mɛ̨nį ɓa, ə́ kili lɛɛ ɉu.»

Nehemi 13:31

Gwɛi mąąnɛ̨ɛ̨ kɛ di paa la a mɛ̨inɛ̨ɛ̨, yɛ pələi guuɠaa heeɛ kɛ la, da ɉihɛnŋąą dɔlɔɔɠaa mąą mɛ̨n, ŋį́ yiliɠaa hee gban ɲa. Ŋą́ Yálá hvɛli, gɛ́ mą: «Ə́ kili lɛɛ ɉú mɛ̨nį lɛlɛɛ mąą mɛ̨nį ɓa.»

Azaya 49:23

Tɔɔɓɛlaa ɓə pai ə́ kulɔi ɉu, tɔɔ nɛ̨ąą diɛ ə́ ɲąąkɔn, di kaa pai kɛi pɛlɛi di liiɓa, diɛ ə́ kɔ́wɔ ɓa munuun gɔmɔ̨n, Nąąlɔwai, yá gɔlɔn gɛa, yɛ́ kɛ: Gáá a Yai-Laa, nuąi da di kilitɔɔ mą́ą́, nwumɛ̨ hva tɛ diɛ.

Azaya 38:3

Yɛ kɛ mą: «Ee kə! Yai-Laa, nɛ̨ɛ̨ yɛ́, ə́ kiliŋąhiɛ, ə́ vilɛn bələi ŋą́ túwɔ́ la ə́ ɲɛ̨i ɓa a tɛ̨ą da kwəi kwələ laa; mɛ̨nįi kɛ a nɛ̨ɛ̨ yɛ́, ya ɓə ŋą́ kɛi gɛ.» Ezekiasə ə wɔlɔ kpɔ kɛnɛ̨.

Mąątɛ̨nɛ̨ 130:7

Israɛlə! 'Ə́ kilitɔɔ Yai-Laa ɓa, mąąhɔlɔɓo, mɛ̨inɛ̨ɛ̨ kaa ɲee pɔ, nwun mąąɓo ə ɓo ɲəi a ɉukɛnɛ̨ɛ̨.

Mąątɛ̨nɛ̨ 51:1

Nwələ ɲɛ̨itɔwɔmun. Davidə nwɔ wələ.

Mąątɛ̨nɛ̨ 5:7

Ya lɛɛnuą nwun na pili, ɲąmą pumun, mɛ̨nį piliɉumun, Yai-Laa a yowolaa kulɔ a diɛ.

Nehemi 12:10

Ɉosue lon maa kɛ a Yoyakimə, Yoyakimə lon maa Ɛliasivə, Ɛliasivə lon maa Yoyada,

Nehemi 5:19

«Námu Yálá, mɛ̨nįɠaai kpɔ ŋį́ gɛ nuąi ŋɛ̨i mąą mɛ̨nį ɓa, ə́ kili lɛɛ ɉu, ə́ bɔɔ kɛ mą́ą́ a mɛ̨inɛ̨ɛ̨.»

Kɔlɔnikɔ Veerɛi 29:30

Yili pulu, tɔɔmun da galanɉonŋąą di mo Levi lonnii diɛ, di Yai-Laa mąątɛ̨nɛ̨ a Davidə nwɔ wələɠaai Asafə nwɔ wələɠaa, da gɛɛ kaamun nwɔ wələɠaai. Di mąątɛ̨nɛ̨ kpɔ a di kwəinɛ̨ɛ̨, yili pulu, di pu di kpəlin na di gwɛli hvilɛn.

Kɔlɔnikɔ Veerɛi 29:27

Ezekiasə ə mo, di ɉaláá hɛn gələn Yálá kɔ́i. Di di yee pɛlɛ lɔ ɉaláá kulaa ɓa, diɛ Yai-Laa mąątɛ̨nɛ̨ wələ too, diɛ túlu hvɛɛ, diɛ muhee a Israɛlə tɔɔmun Davidə nwɔ hvɛli kɛ hɛnŋąąi.

Kɔlɔnikɔ Veerɛi 29:24

Ɉaláá laa həli nuą di di paa, di ɲąmą taɠa Yálá kɔ́i a nɛ̨ŋɛ̨n mąąhvaalɛɛ hɛn. Diɛ nɛ̨ɛ̨mąą hvə Israɛlə lonnii mąą mɛ̨nį ɓa. Mąąhɔlɔɓo, Israɛlə lonnii kəlee mąą mɛ̨nį ɓa ɓə tɔɔmun ə mo la, diɛ ɉaláá hɛn daa gəlee kələn da nɛ̨ŋɛ̨n mąąhvaalɛɛ haláá kulɔ la.

Tɔɔɓɛlaa veelɛ 23:4

Tɔɔmun ə mąą laa tɛɛ ɉaláá laa həli mun gɛnɛ̨ Hilkiyahu, da ɲee pɔ nuą ɉaláá kulɔ mɛ̨nį hu, da bɛlɛ́ laaləi mąąkpɛ nuą, yɛ diɛ: ɉɛnŋąą kpɔ di lɔ la Yai-Laa hee pɛlɛ́ mu, yɛ ɓo a Baalə da Asera da yələ kwəi hɛnŋąą di mąąwiɛ hɛnŋąą, di kəlee kulɔ laa, di kulɔ la Ɉerusalɛmə taa pulu pələ, di di kələn Sedrɔn ɓoloon ɉu, di nuwu həɠə di paa la Betɛlə daai.

Dutɛrɔnome 5:12

«'Ka túwɔ́ yələ mąąwiɛ, ka gɛ a hvóló mąąhəɠɛɛ, yɛ bələi Yai-Laa ka wɔ Yálái ə ka tí la.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Tɔɔɓɛlaa veelɛ 20:3

«Ee kə Yai-Laa! Bələi ŋą́ hiɛ la ə́ ɲɛ̨i ɓa a ɉaŋąą, yili kaa, níí lɛlɛɛ kɛ gwə́i, gɛ́ hiɛ, ə lɛɛ, mɛ̨nįi nɛlɛɛ yɛ́ ə́ ɲɛ̨i ɓa, ya ɓə ŋą́ gɛ!» Ezekiasə ɲɛ̨iya ə yɛɛ kpɔ mą kɛnɛ̨.