Nehemi 13:11 - Yálá laawoo hɛɓɛ (dc)

¹¹ Ŋą́ haŋą ɲɛ̨itɔwɔ nuą diɛ, gɛ́ diɛ: «Lə mɛ̨nį ɓa ka ka kili kulɔ Yálá nwɔ pɛ́lɛ́i hu?» Yili pulu, ŋį́ di kəlee di ɲąąkpɔn, ŋį́ nu kəlee hee gɛ koló nwun na.

Yálá laawoo hɛɓɛ

¹¹ Ŋą́ haŋą ɲɛ̨itɔwɔ nuą diɛ, gɛ́ diɛ: «Lə mɛ̨nį ɓa ka ka kili kulɔ Yálá nwɔ pɛ́lɛ́i hu?» Yili pulu, ŋį́ di kəlee di ɲąąkpɔn, ŋį́ nu kəlee hee gɛ koló nwun na.

Bible

¹¹ Ŋá ńii ŋwàna ǹúu láa túɛ-ƃelai dîa kpɛ́ni fêi, dí ǹɛɛ naa Ŋ̀âla-pɛrɛi ŋɔtíi mɛni é tóo pôlu Ŋ̀âla-pɛrɛi mu. Nya ƃe ŋá pà a ŋ̀ule too-ƃelai da Liiva-ŋai dí pɛ́lɛ ŋɔ́nɔ dítii ma.

Nehemi 13:11 Referans Kwoze

Nehemi 10:39

Ɉaláá laa həli mun dɔ̨nɔ̨, yii gaa a Aarɔn lon da, a kɛ Levi huwuhu nuą pɔ, ɓɛlɔwai da kɛ ɉɛn bow naa hon ɉii la. Levi huwuhu nuą da ɉɛn bow naa tii, nwɔ hɛn bow nąąɠaa həɠə a ku wɔ Yálái nwɔ pɛ́lɛ́i nwɔɔ, də li di bu ɉɛn gɔw laikɛ pɛlɛ mu.

Nehemi 13:25

Ŋą́ haŋą diɛ, ŋį́ di nɛ̨ŋɛ̨n naa, ŋį́ daɠaa kɛlɛ di lɔwai, ŋį́ di nwun nəɠa kulɔ. Yili pulu, ŋį́ mo diɛ, di di kwɛla a Yálá laa, gɛ́ diɛ: «Ka hvo ka lon nɛ̨ąą tɛɛ da lɔpee pɔ a nɛ̨ą, ka hvo di lon nɛ̨ɛ̨nu ta həɠə a ka lon nɛ̨ą, ə mą kɛ a kaa kpinįi ka wɔɔ.

Nehemi 13:17

Ŋą́ haŋą Ɉuda nɔi kalanɉonŋąą diɛ, gɛ́ diɛ: «Lə mɛ̨nį ɲɔ̨n mə ŋɛ̨i ka káá gɔwɔ tɔɔi ɓɛi, ka túwɔ́ lɔwɔ ɓɛlɛkpɛɛ maa?

Hanwon 28:4

Nuąi da tɔ́n mɛlɛkpɛɛ mą, nwąnąlɔmun mə da mąątɛ̨nɛ̨. Kɛlaa, nuąi da tɔ́n ɉon, da kɔ́ pɛlɛ nwąnąlɔ ɓa.

Zôo 31:34

Gɛ́ yili kɛ mąąhɔlɔɓo, və́ laa li nuą woo la, gɛ ɲɔw pɛlɛ takpɛli mu nuą di wɔ ɓɛlɛkpɛɛ mąą ɓa, gɛ́ pɛli náá pilɛi, yii vá kulɔ ɲə́i bɛlɛ́n.

Samuɛlə dɔlɔɔ 2:17

Eli lonnii di wɔ nɛ̨ŋɛ̨n kɛnɛ̨i kɛ Yai-Laa ɲɛ̨i ɓa, mąąhɔlɔɓo, di kɛi Yai-Laa nwɔ haláái hon a mɛlɛ too pələ.