Nehemi 10:39 - Yálá laawoo hɛɓɛ (dc)

³⁹ Ɉaláá laa həli mun dɔ̨nɔ̨, yii gaa a Aarɔn lon da, a kɛ Levi huwuhu nuą pɔ, ɓɛlɔwai da kɛ ɉɛn bow naa hon ɉii la. Levi huwuhu nuą da ɉɛn bow naa tii, nwɔ hɛn bow nąąɠaa həɠə a ku wɔ Yálái nwɔ pɛ́lɛ́i nwɔɔ, də li di bu ɉɛn gɔw laikɛ pɛlɛ mu.

Yálá laawoo hɛɓɛ

³⁹ Ɉaláá laa həli mun dɔ̨nɔ̨, yii gaa a Aarɔn lon da, a kɛ Levi huwuhu nuą pɔ, ɓɛlɔwai da kɛ ɉɛn bow naa hon ɉii la. Levi huwuhu nuą da ɉɛn bow naa tii, nwɔ hɛn bow nąąɠaa həɠə a ku wɔ Yálái nwɔ pɛ́lɛ́i nwɔɔ, də li di bu ɉɛn gɔw laikɛ pɛlɛ mu.

Bible

³⁹ Kúai a Eezuɛ-ŋai da Liiva-ŋai, kwa pâi liî a wîi, ŋwã̂ai da ɔle-wulɔi Ŋ̀âla-pɛrɛ Kɛ́tɛi ŋɔsãâ pûi kɛ́ kwaai ma ƃɛ́i da Ŋ̀âla-pɛrɛi mu tii kɛ́-sãai pûi kɛ̀ naai. Gwaai tɔnɔi ŋí ma ƃé zâla láa soŋ-ƃelai, Ŋ̀âla-pɛrɛi mɛi káa-ƃelai da ŋ̀ule too-ƃelai dí kɛ̂i káa naa. Kúfe pâi kúyee kulâi Kúɣâlai ŋɔpɛ́rɛi maa mɛ̂ni mu.

Nehemi 10:39 Referans Kwoze

Hebreu 10:25

'Ká gu hvo kpɛla gu kee ɲąąkpɔnŋąą ɓa, yɛ bələi, nu taɠaa daa gɛ la a di kɛ-mɛ̨nį, di hva pa ŋąąkpɔn ɉu. Kɛlaa yaamun, ka gu gu kee hvaŋąlɔ, yii kpɔ, gu ɲɛ̨i kaa gu Ną́mu ŋą kuui tɔwɔ mąą yɛ kpuɔ.

Kɔlɔnikɔ Veerɛi 31:12

di ɉɛn bow nąąɠaa, da Yálá kɔ́ hɛnŋąąi, di paa la, di naa kpɔ a nɛlɛɛ. Di Levi lon Konaniahu kɛ a mɛ̨i kaamun, di ɉee gwɛlɛmun gɛ a gaayɔwɔ Simei.

Mąątɛ̨nɛ̨ 122:9

Yai-Laa ku wɔ Yálái nwɔ pɛlɛ́i mąą mɛ̨nį ɓa, ə́ wɔ nwun nąnɛ̨ɛ̨ ɓə gáá bɔ.

Dutɛrɔnome 12:17

Mąą hvo nɛ̨ɛ̨li ka hvo ka wɔ mɔ̨nun gɔ́n bow nąą, da ka wɔ lɔɔ nįnɛ̨, da ka wɔ wulɔɠaa mįi ka wɔ taaɠaa hu, ə mą kɛ ka wɔ taatɛlɛɛɠaa gbɛa-kpɛa da bɛlɛɛɠaa lon dɔlɔɔɠaa, da haláá lɔpee ka káá pai naakwɛlanmoi, ə mą kɛ ka wɔ naa gwəi haláá, da ka kɛ kóló má dɔlɔɔ-tɔlɔɔɠaa.

Lonon mo 18:30

«Ə́ mo diɛ yɛ́ diɛ: ka pa ɉɛnŋąąi tii kəlee nɛlɛɛ mun ɉəɠəi ɉu, gbəlii tii a lɛɛ kaai a Levi lonnii ka yəi; yɛ hihɛn má da kɔ́wɔ la wulɔ,

Tɔɔɓɛlaa veelɛ 7:10

Di pa, di ɉįi la nuą təli, diɛ diɛ: «Kwaa li, kwaa həli Aramə nuą di wɔ kɔ́ɓuwui la, nui lɔpee ta hvo laa, nu woo kpɛli hvo tɔɔi laa; ɉooɠaa lɔ ɓə kɛ laa da ɉoohvaalənŋąą, di yiliɛ ɉəɠə pɛlɛ́ɠaa diɛ, daa di lɛɛ laa.»

Lonon mo 18:26

«'Mo Levi lonnii diɛ, yɛ́ diɛ: «Ka kɛi pa ɉɛn bow nąąi tii hɔlɔɓoi Israɛlə lonnii yəi, yai gáá dɛɛi ka pɔ a ka hɔlɔɓo hɛn. Ka di ɲąąkwɛlɛ ɉu nwɔ̨nɔ̨ pow, ka bow nąąi tii kɛ a Yai-Laa nwɔɔ.

Kɔlɔnikɔ Veerɛi 31:11

Ezekiasə ə mo, di kɔ̨nɔ̨n gələɠaa tɔɔ Yai-Laa ŋą pɛlɛ́i laaləi. Yii kɛa di kpɛɛ la,

Nehemi 12:47

Zorobabɛlə da Nehemi di wɔ lɔwai hu, Israɛlə nuą di kɛi hɛnŋąą tɛɛ nwələ too nuą da bɛlɛ́ laaləi nuą di pɔ a hvóló tɛitɛi kəlee. Yii kɛ naakwɛlanmoɔ Yálá ɓa, ə kɛi lɛɛ Levi huwuhu nuą yəi, yai kɛ a Aarɔn lonnii di wɛi, diɛ dɛɛ di pɔ.