Nehemi 1:5 - Yálá laawoo hɛɓɛ (dc)

⁵ Gɛ́ kɛ mą: «Ee kə! Yələkɔlɔn ɉu Yálá, Yálá kɛnɛ̨ maaɲɔwɔ! Ya ə́ wɔ mįnɛ̨i mąą yɛlɛ kɛ, yɛ́ naahɔn mo nuąi da ə wɛli la kɛ, di ɓo ə́ wɔ tɔ́n nwooi mu, di mɛ̨i.

Yálá laawoo hɛɓɛ

⁵ Gɛ́ kɛ mą: «Ee kə! Yələkɔlɔn ɉu Yálá, Yálá kɛnɛ̨ maaɲɔwɔ! Ya ə́ wɔ mįnɛ̨i mąą yɛlɛ kɛ, yɛ́ naahɔn mo nuąi da ə wɛli la kɛ, di ɓo ə́ wɔ tɔ́n nwooi mu, di mɛ̨i.

Bible

⁵ Ŋá mò ńyɛɛi, “Óo Yâwɛɛ Ɣâla, yái íkaa Ɣâla-taai, yá ƃa ŋ̀wála-wala kélee Ɣalai. Ǹyaŋ fɛ̂ɛ núu kélee dí ƃaa kɛ́ maa tɛ́ɛ ípɔ. Ƃa íkono têei ŋàa sèe kɛ̀ ǹúui kélee yêei í ŋwɛ́li ní gɛ́ íwoo mɛni, gɛ́ í tɔ̂ŋ-ŋai mɛi kâai.

Nehemi 1:5 Referans Kwoze

Lɛɛ gbɔwɔ ɓa 20:6

Kɛlaa, nuąi da nwɛ́lila kɛ diɛ lɛɛ nwɔ́ tɔ́n nwooɠaa pulu, ŋą́ mɛ̨inɛ̨ɛ̨ kɛ di lonnii diɛ, da di mąnįn bulu mąnįnŋąą diɛ gee mɛ̨i waa tamąą.

Dutɛrɔnome 7:21

Ka mąą hvo kpɛlin nɔiɠaa tii ɲɛ̨i tɔwɔ. Mąąhɔlɔɓo, Yai-Laa ka wɔ Yálái hɛn da hva tɔɔ na, ɛlɛɛ, gɛnɛ̨i mąąwia; gaa tɔɔi ka pulu.

Nehemi 4:14

Ɓɛi lɔpee ka tulu woo mɛ̨n naa, ka ka ŋąąkpɔm gu kwɛlɛ, ka gu Yálái kaa pai tɔɔi gu pulu.»

Dutɛrɔnome 7:9

Mąąnɛ̨ɛ̨ ka kili ə pu ɉu kaa diɛ, Yai-Laa ka wɔ Yálái ɓə gaa a Yálá kpɔ-kpɔɔ. A Yálái a kulɔ nwoo ɓa. Nuąi da nwɛlilakɛ, diɛ nwɔ tíɓoɠaa kɛ, a lɛɛ nwɔ mįnɛ̨i pulu di mąą mɛ̨nį ɓa; yɛ di wɛli la kɛ kwɛlan nwaa tamąą yee mu.

Nehemi 9:32

«Yii hu kɛa, ku wɔ Yálá, yɛ́i ə́ kaa a Yálá kɛnɛ̨ɛ, vaŋą kɛnɛ̨ɛ, mąą ɲɔwɔ, mįnɛ̨i ka ɉəɠə ya bɔ mɛ̨nį kɛ da ə́ woo; mɔ̨nɔ̨i ŋɛ̨i aa laa ku wɔ, hvo gaa a mɛ̨nį hviikpɛɛ. Kuɔ-o, ku wɔ tɔɔɓɛlaai, ku ŋąąwoo ɓo nuą, ku wɔ haláá laa həli nuą, da ə́ wɔ loloɓo nuąi, da ku ną́nni, ə mą kɛ nɔi lonnii kəlee, ə həɠə Asiri tɔɔɓɛlaa di wɔ hvólói ɓa, ə həli la háákələi ɓa.

Tɔɔɓɛlaa dɔlɔɔ 8:23

yɛ diɛ: «Yai-Laa Israɛlə nwɔ Yálá, Yálá ta hvo laa, ka Yáá ka pɛliɛ, ə mą kɛ yələi, yələkɔlɔn ɉu ɓə, da lɔi mɛ̨i, yɛ pɛli mįnɛ̨i da nwɔ nuą di ɉəɠə, naahɔn moi yɛ gili kɛ di hu a wɛlikɛmąąlaa, ɓɛlɔwai da hiɛ la a ɉaŋąą ə́ ɲɛ̨i ɓa.

Kɔlɔnikɔ Maa-ŋuŋ 17:21

Akɛtii, hį́i ta kaa mɔ̨ɔ̨ yɛnɛ̨ɛ̨, gɛ pələ ə ɓo yɛ Israɛlə Ə́ wɔ nu huwui; A nu huwui ŋɛ̨i Yálá ə́ di kwɛli kulɔ ɓo, ə di kɛ a gwɛlin? Ə́ di nwun mąąɓo Eziptə yəi, Ə́ hį́i kəlee kpɛ di tɔwɔ, əgɛ, Ə́i wɔɔ kɛnɛ̨laa, da ə́ wɔɔ yee walawala laa lɛ.

Mąątɛ̨nɛ̨ 47:2

Nu kanŋaa, 'ka ka yee lɔwa, 'ka tómą Yálá pɔ pələ a kwəinɛ̨ɛ̨.

Mąątɛ̨nɛ̨ 89:2

Gáá kɛi lɔ Yai-Laa nwɔ mɛ̨inɛ̨ɛ̨ɠaa tooi a wələ a yələ kəlee, gɛ ə́ wɔ tɛ̨ą mɛ̨nį hukulɔ a kwɛlan gəlee.

Mąątɛ̨nɛ̨ 89:3

A tɛ̨ą, gáá kpɔ moi, gɛ́ diɛ: «Ə́ wɔ mɛ́ni lɛlɛ pələ hvilɛn ŋąąi kpɔ tin tin, yá ə́ wɔ tɛ̨ą mɛ̨nį hee yələkɔlɔn ɉu a yələ kəlee.»

Dutɛrɔnome 7:12

Ɛlɛɛ, ka ka wəli tɔɔ nɔi hu yíi ɓo pələɠaa tii diɛ; ka di pɔ yíi ɓo, ka yee kanąnŋąą mą; mįnɛ̨i Yai-Laa ka wɔ Yálái da ka nąnni di ɉəɠə, a bɔ mɛ̨nį kɛ kaa, yɛ ka wɛlilakɛ.

Ɛsdrasə 1:2

«Pɛrsə tɔɔmun Sirusə woo ka: Tɔɔlaai kpɔ ɓɛ lɔi mɛ̨i nąą kəlee, Yai-Laa, yələkɔlɔn ɉu Yálá, aa gəlee tɛɛ bɔ́. Aa dí, yɛ ŋį́ pɛlɛ́ tɔɔ mą, Ɉerusalɛmə daai, Ɉuda lɔi hu.

Nehemi 2:4

Tɔɔmun yɛ mą́ą́: «Lə ɓə ə́ kaa bɔ?» Ɲąąɓa, ŋį́ yələkɔlɔn ɉu Yálá hvɛli.

Nehemi 4:8

Di mąąkpɛɛi ŋį́ mo, ŋą muhəɠə, gɛ́ galanɉonŋąą, daa ɲąąwooɓo nuą da nuą kpɔ kɛ laa, gɛ diɛ: «'Ka hvo ɲɔw diɛ! 'Ka ka kiliŋąhiɛ kaa Hɛn-Gəlee-Namu kɛnɛ̨i, mąą ɲɔwɔ. Ka gɔ́ kɔ́ ka kaayɔwɔɠaa mąą mɛ̨nį ɓa, ka lonnii ka nɛ̨ąni da ka wɔ pɛlɛ́ɠaai mąą mɛ̨nį ɓa.»

Mąątɛ̨nɛ̨ 76:8

Yá ɲɔw pili nu kɔ́lɔi, ɲələi ə́ lii a holi la, gbɛɛ ɓə a pɛli tɔɔi ə́ líila?

Mąątɛ̨nɛ̨ 89:8

Nu mąąhəɠɛɛɠaa di wɔ ɲąąkpɔn hu, da ɲɔw Yálá ɓa diɛ nwumɛ̨ mą, ɲɛ̨i mąą ɲɔwuɔi dɛɛ hɛn kpɔ gwɛlɛ gəlee diɛ.