Nehemi 1:11 - Yálá laawoo hɛɓɛ (dc)

¹¹ Ee Yai-Laa! Ə́ wəli tɔɔ ə́ wɔ tímun nwɔ hvɛli ɓo woo ɓa, ə́ wɔ tínuą di di wɔ hvɛli ɓo woo ɓa, diɛi da ɲɔw ə́ laa ɓa, hvaa mą, ɉulɔnui ŋɛ̨i ə ɲɛ̨i lɛlɛɛ hee ə́ wɔ tímun ma.» Nąąlɔwai, ɲą́ą́ ɓə kɛ a tɔɔmun nwɔ lɔɔi pɛlimun.

Yálá laawoo hɛɓɛ

¹¹ Ee Yai-Laa! Ə́ wəli tɔɔ ə́ wɔ tímun nwɔ hvɛli ɓo woo ɓa, ə́ wɔ tínuą di di wɔ hvɛli ɓo woo ɓa, diɛi da ɲɔw ə́ laa ɓa, hvaa mą, ɉulɔnui ŋɛ̨i ə ɲɛ̨i lɛlɛɛ hee ə́ wɔ tímun ma.» Nąąlɔwai, ɲą́ą́ ɓə kɛ a tɔɔmun nwɔ lɔɔi pɛlimun.

Bible

¹¹ Kpera yɛ̂, ḿvɛli wooi ŋí su too mî kwa ítii kɛ́-ƃelai kpéli-ŋai nyii-ŋai da ƃâa kɛ̀ ílaai ma a lii nɛ̃ɛ perei. Ŋà sâa gâloŋ ŋɔkpele sɛŋ tɛ̀ɛ bɔ́, gɛ́ ǹíi é láa ḿɛni ma, í gɛ́ é m̀ɛnii kɛ́ mî ŋa pâi m̀arê kɛ̂i m̀ɛni mai.” Ńyãa ƃa kâa gâloŋ ŋɔŋwãai tɛ̀ɛ bɔ́.

Nehemi 1:11 Referans Kwoze

Nehemi 1:6

Ə́ wəli tɔɔ kpɔ kani, ɛlɛɛ, ə́ ə́ ɲəi hee, yɛ tímun nwɔ mąąwɛli wooi mɛ̨n. Volóɠaa ŋɛ̨i yee mu, gáá moi yɛ́ hvóló da kpinį, yɛ́ tínuą Israɛlə lonnii mąą mɛ̨nį ɓa, ŋą́ą́ hvaa di kɛ nɛ̨ŋɛ̨n mąą mɛ̨nį ɓa, yaai ku ɉəɠə yɛ́; ɲą́ą́ kwa gala mɔlɔni kwaa nɛ̨ŋɛ̨n ɉəɠə yɛ́.

Nehemi 2:8

Ɛlɛɛ, ə́ dɔ̨nɔ̨ kɛ a Asafə nwɔ, yaai gaa a tɔɔmun nwɔ lɔwɔɠaa ɲąąwooɓomun, ə gɛ, ə pɛli wulu tɛɛi bɔ́, daa mąąkɔ̨nwɔ̨ hįį gbonŋąą kulɔ mɛ̨nį ɓa, da daa mąąkɔ̨nwɔ̨ pɛ́lɛ́i tii Yálá hee pɛlɛ́ kwɛlɛ nwɛi; da bɛlɛi gáá pai lɔi mu nwɛiɠaa.» Tɔɔmun ə ɉɛɓɛ́ɠaa tii tɛɛ bɔ́, mąąhɔlɔɓo, nwɔ́ Yálái yee lɛlɛɛ ə kɛ mɛ̨́i.

Nehemi 2:1

Tɔɔmun Artasɛrsɛsə nwɔ tɔɔlaa gwɛlan bow hveelɛ lɔwai, Nisan ɲąnin ɉu, tɔɔmun ə kɛ heeni daɓali ɓa, nɔɔ heɛ nííla, ŋį́ da pu ŋį́ dɛɛ bɔ. Volói tii, ɲį́nąą yiliɛi kɛ, ɲą́ą́n, və́ ta kɛ ɲį́nąą yili li ɲɛ̨i ɓa.

Hebreu 13:18

'Ká kɛ Yálá hvɛlii kuɔ, mąąhɔlɔɓo, ku kilaa ponoɔi kpɔ a nɛlɛɛ, ku kwəi kwɛlɛɛ, ku kaa bɔ, ku túwɔ́ a nɛlɛɛ mɛ̨nį lɔpee gəlee hu.

Hanwon 21:1

Tɔɔmun gili kaa yɛ tɛɛyá Yai-Laa yee ŋą, a dənən dɔɔ ɓɛi lɔpee a kɛ bɔ.

Mąątɛ̨nɛ̨ 130:2

Yai-Laa! Ə́ wəli tɔɔ nwóó ɓa; Ə́ wəli tɔɔ kpɔ a nɛlɛɛ, nwɔ́ nɛ̨ɛ̨mąą hvə wooi ɓa!

Ɛsdrasə 7:6

Ɛsdrasə tii ə həɠə Babilonə daai. Ə kɛ a hɛɓɛ́ pɛ̨ɛ̨ mun, dɔ́n ɉɛɓɛ́i Yai-Laa, Israɛlə nwɔ Yálá ə dɛɛ Moisə pɔ, ə kɛ a gɔlɔnŋąą. Yɛ pələi nwɛli ə kɛ la nwɔ Yálái ɓa, yii gaa a Yai-Laa, yii kpɔ ə ɉu hvɛli tɔɔmun ma, di gəlee tɛɛ bɔ.

Mąątɛ̨nɛ̨ 86:6

'Ə́ wəli tɔɔ nwɔ́ hvɛli woo ɓa Yai-Laa! Nɛ̨ɛ̨mąąi gáá vəi yɛ́, 'ə́ wəli tɔɔ kpɔ mą a nɛlɛɛ.

Ɛsdrasə 1:1

Pɛrsə tɔɔmun Sirusə, nwɔ tɔɔlaai gwɛlan dɔlɔɔ hu, mɛ̨nįi wɔlɔ Yai-Laa ə mo gwəi mɛ̨nį hukulɔ mun Ɉeremi laaləi; ə kɛ bɔ ə bɔ mɛ̨nį kɛ. Yai-Laa ə Pɛrsə tɔɔmun Sirusə lii muhəɠə, tɔɔmun ə noloɓo nwɔ lɔi hu nąą kəlee, ə gɛ a hɛɓɛ́; yɛ diɛ:

Zɛnɛse 40:21

Ə nɔɔ pɛli nuą nwun nąmu həɠə, ə pənə ə dɔɔ gɛ kóló ɓa.

Zɛnɛse 40:23

Kɛlaa, nɔɔ pɛli nuą nwun nąmu hvo kɛa gili lɛɛ Ɉosɛfə mąą mɛ̨nį hu.

Zɛnɛse 41:9

Nąąlɔwai, dɔɔmun nwɔ lɔɔ pɛli nuą nwun nąmu, ə mo tɔɔmun ma, yɛ mą: «Háákələi, gáá hvaai ɉɔ́n ma.

Zɛnɛse 32:11

Mą́ą́ hvo nɛ̨ɛ̨li kɛ a mɛ̨inɛ̨ɛ̨ kɛnɛ̨ɛ̨ ŋɛ̨i nąmu. Hvo gaai, gɛ́ɛ́ Ɉurdɛn teen ɉii, gbɔn nɔ ɓə kɛ ɲə́i. Ya ka ŋɛ̨i Yáá ɲéé laahvɛɛ a mɛ̨inɛ̨ɛ̨ kpɛa-kpɛa hveelɛ, gɛ́ pənə gɛ́ paa la ną́n ɲəi bɛlɛ́n.

Hanwon 1:29

Mąąhɔlɔɓo, di mɛ̨nį kɔlɔn ŋąą viiɓo, di hvo gɛ li di hvo ɲɔw Yai-Laa ɓa.

Zɛnɛse 43:14

Gɛ́ Huwalawala Kəlee Nąmu Yálá ə hvaa mą, ɉulɔnui tii ə ka ɲɛ̨i mąą wɛli kaa, ə Bɛnɉamɛn lɛɛ laa da Simeɔn ka diɛni ka pa. Yii ɓaa nwɛ́i, gíli kaa ɉu gɛ́ diɛ ŋą́ą́ hvɛɠɛ a nón dɔ̨nɔ̨, veelɛ kɛɛnąą ka ŋɛ̨i laŋąn ɉii mą.»

Zɛnɛse 32:28

Yɛ Ɉakɔbə ɓa: «Ə́ laa ɓaa a gbɛɛ?» Ɉakɔbə yɛ mą: «Náá ɓaa Ɉakɔbə.»

Zɛnɛse 40:2

Tɔɔmun ə niiɲąnwąną nwɔ gbɛtɛkpuwulu hveelɛ ɓa, nɔɔ pɛlimun, da gɔ̨nɔ̨n ɲilimun,

Zɛnɛse 24:42

Pai ŋį́ mo ɲálɔwa la, ŋį́ kɛ diɛ: ‹Yai-Laa, nwɔ́ mɛ̨nį nąmu Abrahamə nwɔ Yálá, gɛ́, ə́ nwɔ́ hiɛi ŋɛ̨i hu nɛ̨ɛ̨,

Zɛnɛse 40:1

Mɛ̨nįɠaa tii tɛɛ pulu, tɔɔmun nwɔ kóló kɛ nuą hveelɛ di mɛ̨nį ɲɔ̨n gɛ a tɔɔmun. Nu hveelɛi tii tɔ̨nɔ̨ ə kɛ a tɔɔmun nwɔ lɔɔ pɛli nuą nwun nąmu, yaa ɓə kɛi pa a tɔɔmun nwɔ lɔɔi yɛ dɛɛ bɔ. Dɔ̨nɔ̨ yaan, ya ɓə kɛ tɔɔmun gɔ̨nɔ̨n mɛ̨nį nwun na.

Kɔlɔnikɔ Veerɛi 6:40

A kɛ tii kan, Ną́mu Yálá, 'Ə́ ɲɛ̨i hee, 'Ə́ wəli tɔɔ vɛli wooi ɲɛ̨i tɔɔi gɛɛnąąi ɲɛ̨i ɓa mą!

Mąątɛ̨nɛ̨ 61:5

Gáá kɛ bɔ ə́ ə́ yee hee mú, a kwɛlan gəlee mɛ̨nį, gɛ́ mą́ą́kilɛ laa, nɔ́ɔ́ ə́ koon mu.

Mąątɛ̨nɛ̨ 106:46

Nuąi li a diɛ luwɔlaa hu, ə gɛ yiliɠaai di di ɲɛ̨imąąwɛli kaa.

Ɉeremi 42:12

Ŋą́ gɛ ə ka mąąwɛli kaa. A ka mąąwɛli kaa yɛ ka lɛɛ ka wɔ lɔi hu.

Malasi 3:16

A kɛ tii, nuą da di kpɔwɔ mąą yɛɛ Yai-Laa yee mu, diɛ kpɛli, da da ɓo di kee lɔwai. Yai-Laa a nwəli tɔɔ, ə di woo mɛ̨n. Di mɛ̨nįi tii pɛ̨ɛ̨ ɉɛɓɛ́ hu, ɓɛi nuąi da ɲɔw Yálá ɓa, diɛ mąąwiɛ di laa kaa laa.