Nahumə 3:5 - Yálá laawoo hɛɓɛ (dc)

⁵ Yili ɓə gɛi gɛ́ kɔ́ pɛlɛ yɛ́, Yai-Laa Mɛ̨nį Kəlee ŋą Hééɓomun, nwoo ka, yɛi, Gáá ə́ wɔ həɠəi tɛi a ə́ nwun, gɛ́ bɛlɛ ə́ ɲɛ̨ilai, gɛ́ ə́ lɛ lɔiɠaa diɛ, gɛ́ ə́ ɓɛlɛ kpɛɛ yɛ́, tɔɔɓɛlaa kəlee diɛ nąą kaa.

Yálá laawoo hɛɓɛ

⁵ Yili ɓə gɛi gɛ́ kɔ́ pɛlɛ yɛ́, Yai-Laa Mɛ̨nį Kəlee ŋą Hééɓomun, nwoo ka, yɛi, Gáá ə́ wɔ həɠəi tɛi a ə́ nwun, gɛ́ bɛlɛ ə́ ɲɛ̨ilai, gɛ́ ə́ lɛ lɔiɠaa diɛ, gɛ́ ə́ ɓɛlɛ kpɛɛ yɛ́, tɔɔɓɛlaa kəlee diɛ nąą kaa.

Bible

⁵ Ŋ̀wála-wâla kélee Yâwɛɛ a môi ǹyɛɛi, “Ninivɛ, ńdɔɔ̂i yâ, ŋa pâi ímaa sêɣe tɛ̂i ɣelei ŋá bɛlɛ íŋɛi, ŋá ǹɔii ŋûŋ-ŋai kɛ́ dí íkaŋ káa, ŋá gɛ́ lɔii kpîniŋ-ŋa dí íŋumɛi káa.

Nahumə 3:5 Referans Kwoze

Ɉeremi 13:26

Ɲą́ą́ gbínii, gáá yɛ́ həɠəi tɛi a ə́ nwun, ə́ ɓɛlɛ ə́ too nu kəlee ɲɛ̨i ɓa.

Nahumə 2:13

Ɲala ə kɛi ɉuwɔɠaa ɲąąkwɛlɛ lonnii diɛ, ə kɛi ɉuwɔɠaa hon a ɲala haaɠaa di wɔɔ, ə kɛi nwɔ woloɠaai laahvɛɛ a hɛnŋąą, yɛ nwɔ kwɛni woloɠaai laahvɛɛ a huwɔ powa.

Izikiɛ 23:29

Di kaa pai ə́ hon ɉii a yowolaa, diɛ ə́ tɔ̨nɔ̨ kəlee kulɔ ə́ yəi; diɛ ə́ lɛɛ a ə́ kpuwulu, həɠə hva kɛ yɛ́, ə́ wɔ tuwɔ pələ ɲɔ̨nŋąi diɛ kulɔ pɔ̨nɔ̨ ɲą, yili yɛ kɛ a ə́ nwumɛ̨ mɛ̨nį.

Ɉeremi 13:22

Akɛti, ya ə́ kpɔɔ mąąni kɛ, yɛ kɛ diɛ: «Mɛ̨niɠaa ŋɛ̨i kaa laai mą́ą́ lə mɛ̨nį ɓa?» Ə́ wɔ lii ɲɔ̨n gwəi laa ɓə gɛi, diɛ həɠə tee la yɛ́, di yee tɔɔ ə́ kwąną.

Habakukə 2:16

Nwumɛ̨ ka tii, ka káá ka kpɔwɔ kwɛlii la, mąąwiɛ hvo li. Kaa kpɛli, ka nɔɔ tii ta kpələ, ka ka kpuwulu lɛ. Yai-Laa, kaa pai ka ɲee tɔɔi ka kwaną, Nwɔ liiholii yɛ ka kɛlɛ́ yɛ lɔɔ, ka wɔ mąąwiɛ mąą a pənə a ɓɛlɛkpɛɛmąą.

Izikiɛ 16:37

Yili mąą mɛ̨nį ɓa, gáá ə́ wɔ wɛliɠaai kəlee ɲąąkpɔn ɉii; diɛi ə́ wɛli ə too diɛ, yiiɠaai di wɛli ə kɛ yɛ́, da yiiɠaai di wɛli hvo kɛ yɛ́; gáá pai di ɲąąkpɔn ɉii, diɛ həɠə kɛɛnąą kəlee, diɛ pa ə́ pɔ, ŋą́ ə́ kpuwulu ɓo di ɲɛ̨i ɓa, di kaa pai ə́ kpuwulu kəlee kaai.

Mise 1:11

Safirə nɛ̨ɛ̨nu, tɛɛ a ə́ kpuwulu, a nwumɛ̨ kɛnɛ̨. Saanan nɛ̨ɛ̨nu hva kɛa kulɔ yɛnɛ̨ɛ̨. Di kaa di woolaai Bɛtə-Esɛlə, daa kpɔnmąą kəlee kulɔ ka yəi.

Izikiɛ 23:25

Ŋą́ tóló kulɔ a yɛ́, diɛ ə́ hɔɔ a líiholi. Di kaa pai ə́ huŋɔ̨ teei yɛ́, da ə́ wəliɠaa. Ə́ hu nuą gbəlii a lɛɛ, ɓɔwa kwɛaa yɛ di paa; di kaa pai ə́ lon ɉinąą da ə́ lon nɛ̨ąą həɠəi, ɛlɛɛ, ə́ kpəlii pai lɛɛi nwɔ̨n ə gələn.

Ɉeremi 50:31

Yɛ́ ɓə vílɛn ŋąą ə́ pulu, tɛɠɛɓoɉu mun. Ə́ wɔɔ yələi aa həli, a nwą́ną kulɔ yələ. Ɲą́ą́ Nąmu Yai-Laa Mɛ̨nį Kəlee ŋą Hééɓomun nwóó li!

Izikiɛ 21:3

Kɛ Negɛvə lɔwɔɠaa diɛ, ka ka wəli tɔɔ Yai-Laa woo ɓa: Hééɓo kəlee Nąmu Yálá yɛ diɛ: Gáá pai nwɔ̨n dooi ka hu; nwɔ̨n tii kaa pai wulu nwunuɠaa da wulu kpalaɠaa kəlee kələn ɉi; hvo pai luwuun ɉi; nu kəlee ɲɛ̨́i lai kaa pai kələn ɉi, ə həɠə Negɛvə, ə li ɲələi pələ.

Izikiɛ 26:3

Yili mąą mɛ̨nį ɓa, ɲą́ą́, Yai-Laa, ka wɔ Yálá, mɛ̨nįi gáá moi ya ka: Gáá pai kɔ́ pɛlɛi yɛ́, Tirə; gáá lɔi kpuluɠaa muhəɠəi, ŋą́ di wolo yɛ́, yɛ gboloyá a kɛli muhəɠə.