Nahumə 3:15 - Yálá laawoo hɛɓɛ (dc)

¹⁵ Nąą ɓə nwɔ̨n gaa pai ə́ hu kalai laa, gɔ́ kɔ́ ɓɔwa yɛ ə́ paa laa, di kaa pai ə́ mįi, yɛ bələi peelə a hɛn mįi la. 'Ka ka ɲąąkpɔn yɛ ɉailonŋąą, 'ka ka ɲąąkpɔn yɛ peeləɠaa.

Yálá laawoo hɛɓɛ

¹⁵ Nąą ɓə nwɔ̨n gaa pai ə́ hu kalai laa, gɔ́ kɔ́ ɓɔwa yɛ ə́ paa laa, di kaa pai ə́ mįi, yɛ bələi peelə a hɛn mįi la. 'Ka ka ɲąąkpɔn yɛ ɉailonŋąą, 'ka ka ɲąąkpɔn yɛ peeləɠaa.

Bible

¹⁵ Berei máŋ ká nyíti kɛ̀ lai, ŋɔŋ a pâi kákerenîi, ƃóa-sɔ̂kpɔ kɛ́ kásu tèe-tee yɛ̂ɛ berei gotó a sɛŋ têe lai. Kátâmai yɛ̂ɛ gotó kpaa máŋ zãi!

Nahumə 3:15 Referans Kwoze

Zooɛ 1:4

Yii gbəligbiɛ̨ a nɛɛ laa, peelə a gəlee mį́i. Yii peelə a nɛɛ, hvili aa gala Yii hvili ə nɛɛ, ɉái aa mį́i.

Nahumə 3:13

Ə́ wɔ kɔ́kulááɠaai kaa lɔ a nɛ̨ąą, kpɛli kpɛli ə́ wɔ lɔi hu pələɠaa laaɓoɔi lɔ kpanągalan, ə́ yowoɠaa tɔwɔ, gbon gəlee aa lɛɛ a nwɔ̨n gɔ̨nɔ̨n, aa nwulukpiɛɠaa kəlee kələn.

Nahumə 2:13

Ɲala ə kɛi ɉuwɔɠaa ɲąąkwɛlɛ lonnii diɛ, ə kɛi ɉuwɔɠaa hon a ɲala haaɠaa di wɔɔ, ə kɛi nwɔ woloɠaai laahvɛɛ a hɛnŋąą, yɛ nwɔ kwɛni woloɠaai laahvɛɛ a huwɔ powa.

Sofoni 2:13

gaa pai ɲéé haŋąi ɲanwuɔ̨ pələ, ə Asiri nwun napili, ə Ninivə kɛ a taa kpoloon.

Zooɛ 2:25

Yai-Laa woo ka, yɛ diɛ: Gwəlanŋąa kpɔ, gbəligbiɛɠaa da peeləɠaa, ɉaiɠąa da hviliɠaa, diɛi a nwɔ́ kɔlaɠai diɛ ŋį́ ɲąątɔɔ kaa, diɛ kɛɛ kala la kaa; Ŋą́ gəlee pɔɔi kulɔ ɉu.

Azaya 66:15

Mąąhɔlɔɓo, Yai-Laa kaa pai, Gaa pai nwɔ̨n ɉɛ̨ąi, nwɔ kɔ́ kɔ́ wotoloɠaai kaa yɛ hvąŋą tulɔ, gwələi di dɔɔ mą a líiholi, yɛ gulɔ a nwąną lɔ pələ, ɛlɛɛ, mąąɲɔwi di mo, yɛ gwələ kulɔ a nwɔ̨n nən.

Azaya 66:16

A tɛ̨ą, nwɔ̨n nən mə Yai-Laa kaa pai kiti teei la, yɛ nu kanŋaa kiti tee a ɓɔwa kwɛaa. Nu kpulu tamąą ɓə Yai-Laa kaa pai ɓɔi di hu.

Ɉeremi 51:14

Yai-Laa Mɛ̨nį Kəlee ŋą Hééɓomun aa gwɛla a gbɔwɔ; yɛ diɛ: «Gáá ə́ laa hvɛɛi a nuą, di tamąą di tɛɛ peelə ɓa, diɛ kɔ́ húú pili ə́ mɛ̨i, yɛ mɔ̨nun dee nuą da kɛi tomą.»

Amɔsə 7:1

Mɛ̨nįi Yai-Laa ə nɛ mą́ą́ hįį pələ, ya ka: Ɓɛlɔwai galaɠaa di kɛi tɛlin na, nąąlɔwai beele kpulu kɛ̨nɛ̨ ŋɛ̨i Yálá ə kɛi gɛ pələ pɛli, ə nɛ mą́ą́. Yili ə kɛ tii, tɔɔmun nwɔ hoo kalai ɉəɠələ tɛi lɔwai.