Nahumə 1:10 - Yálá laawoo hɛɓɛ (dc)

¹⁰ Mąąhɔlɔɓo, di kaa yɛ ɲąąlən gbɔlɔ pilɛɛ geehu, diɛ di kpələ, nɔɔ yɛ di hon, di kaa pai kələn ɉii kpɔ tɛ̨ɛ̨ tɛ̨ɛ̨ yɛ mɔ̨nun gbowo.

Yálá laawoo hɛɓɛ

¹⁰ Mąąhɔlɔɓo, di kaa yɛ ɲąąlən gbɔlɔ pilɛɛ geehu, diɛ di kpələ, nɔɔ yɛ di hon, di kaa pai kələn ɉii kpɔ tɛ̨ɛ̨ tɛ̨ɛ̨ yɛ mɔ̨nun gbowo.

Bible

¹⁰ Berei máŋ Ɣâla ŋɔkpɔara-ƃelai kɛ́ɛi la yɛ̂ɛ ŋalêŋ kpɔlɔ a sìa gîei, a pâi dísu-kara yɛ̂ɛ berei ŋɔŋ a kala kpâla kèreŋ lai.

Nahumə 1:10 Referans Kwoze

Mise 7:4

Nui ɉɔn nɛlɛɛ di lɔwai, gaa yɛ ɲąąlən, dələnmomun di lɔwai, ɲɔ̨nwɔ̨ɔ̨ dɛɛ ɓomodiliin ma. Ɲələi ə́ wɔ kɔ́ nɛ̨lɛ̨ɛ̨n naa nuą di vaa ɓo, ə́ ə́ kɛ mɛ̨nį kɛ a ɲələ; daa nwumɛ̨.

Nahumə 3:11

Ə́ wɔ yələ aa həli, yɛ́ kpɛli mɛ̨n, lɔɔ yɛ ə́ hon, yɛ ə́ kɛlɛ, yɛ́ kpɛli mɛ̨n, ə́ pui kwɛli ə́ yowo tɔwɔ.

Azaya 9:18

Yai-Laa Mɛ̨nį Kəlee ŋą Hééɓomun nwɔ liiŋąnwąną kɛnɛ̨ pələ, nɔi aa kulɔ bihɛi nwɔ nuąi daa kɛ a nwɔ̨n gɔ̨nɔ̨n, nu ta hva mɛlan gulɔ ɉu.

Azaya 5:24

A kɛ tii, bələi lɔ nwɔ̨n a dɛ̨ɛ̨ kələn na, bələi lɔ mɔ̨nun gbowo a kələn na nwɔ̨n nən ɉu, bələ ɓə di hamu kaa pai luwun ɉii la; da ɓɔn, hvaŋą yɛ li a di ɓɔn, mąąhɔlɔɓo, daa Yai-Laa Mɛ̨nį Kəlee ŋą Hééɓomun nwɔ mąąkwɛli wooi pili, daa tɛɠɛɓo Israɛlə nwɔ Mąąhəɠəmun nwoo hu.

Ɉeremi 51:57

«Gáá lɔɔ tɔɔi Babilonə lɔi hu kóló kɛ nu kpɛa kpɛa kəlee la, da nwɔ mɛ̨nį kɔ́lɔn nuą, da nɔi ɲɛ̨itɔwɔ nuą, bɛlɛɛ galanɉonŋaa diɛ, da gulaaɠaa; yɛ di hon. Di kaa pai yíi, kpɛla bələi hva kɛ mą, di hva kɛa di ɲįnąąɓo. Dɔɔmun da kɛ naa ɓaa a: Yai-Laa Mɛ̨nį Kəlee ŋą Hééɓomun nwoo li!»

Ɉeremi 51:39

Hvɛ́nɛ̨ aa di yɔwɔ, gáá kɔ̨nɔ̨n bili diɛ, gáá lɔɔ tɔɔi di la, yɛ di yee kulɔ di mu, diɛ yíi, a yíi ɲɔ̨nwɔ̨mąn, kpɛɛ hvo mą, di hva kɛa pənə di hvo nwun. Ɲą́ą́ Yai-Laa nwóó li.

Azaya 27:4

Níi hvo kɛa holi li; ŋą́ ɲąąlən gaa laa, da kala kpili, ŋą́ą́ mą yili diɛ a kɔ́, gɛ́ gəlee kələn.

Mąątɛ̨nɛ̨ 68:2

Yálá a muhəɠə, ɲowoɠaa da taɠa, nuąi kɛi tɔɔ na, diɛ pu dɔwɔ.

Samia Veerɛi 13:28

Absalɔn yɛ ɲəi bɛlɛ́n góló kɛ nuą diɛ: «Ka gɛ a nɛlɛɛ, ɓɛlɔwai ka Amnɔn kaa la nɔɔ aa ɉon, ŋą́ kɛ kaa: ‹Ka Amnɔn kɛlɛ›, ka baa. Ka hvo ɲɔw, ɲą́ą́ ɓə ka tɔɔ la ka ká liikpələ, ka gɛ a hulɔnu laa.»

Samuɛlə dɔlɔɔ 25:36

Avigailə ə pənə ə pa Navalə pɔ, Navalə ə kɛi hɛli pu ɲəi bɛlɛ́n, ə kɛ kpɔ a tɔɔ kuu kpɔ-kpɔɔ. Lɔɔ yee a kɛ tɛɛ mą, nɛ̨ą hvo mɛ̨nįi tii hukulɔ mą, ə lɛɛ ɉu yələ ə ɓɔ.

Mąątɛ̨nɛ̨ 118:12

Di tinɛ̨n ŋąąi kɛ mą́ą́, yɛ kwɛ̨inŋaa da kpinįn a nu, di yɛɛ lɔ di pulu, di luwun yɛ mɔ̨nun gbowo nwɔ̨n, Yai-Laa laa hu, ŋį́ di ɲąąyíi.

Azaya 47:14

Di kaa pai kɛi yɛ dɛ̨ɛ̨ kpoloon, nwɔ̨n gaa pai di kələn ɉii, di hvo pai pɛlii kulɔi nwɔ̨n nən ɲəi, hvo pai kɛi a nu kɔ́lɔ ɓo nwɔ̨n dəŋą, yɛ nwɔ̨n goloi lən ɉii, nu yɛ hee mą.

Azaya 56:12

Di woo laa diɛ, 'ka pa, ku kaa lii pai a lɔɔ, lɔɔ kpəɠiɛɠaa ɓə gu kaa pai pilɛi ɉu, gwa tinąą gɛ lɔ yɛ háákəlee; gbəli kaa pai lɛɛi kpɔ kɛnɛ̨.

Lɛɛ gbɔwɔ ɓa 5:12

Israɛlə lonnii di taɠa Eziptə lɔi nąą kəlee, diɛ kala kwɛli.

Lɛɛ gbɔwɔ ɓa 15:7

Ə́ hvaŋą kɛnɛ̨ pələ aa Ə́ kɔ́yɔwɔɠaa too, Ə́ wɔ liiholi aa gəlee kəlen yɛ dɛ̨ɛ̨ kpalaan.