Mise 7:19 - Yálá laawoo hɛɓɛ (dc)

¹⁹ Gaa nwɔ̨nɔ̨ pai pənəi yɛ ku hon a lii nɛ̨ɛ̨ gwəi laa, yɛ ku wɔ nɛ̨ŋɛ̨nŋaa kiin-giin gɔwɔ mu; yɛ nɛ̨ŋɛ̨n gəlee pili gboloyá kpon gbala.

Yálá laawoo hɛɓɛ

¹⁹ Gaa nwɔ̨nɔ̨ pai pənəi yɛ ku hon a lii nɛ̨ɛ̨ gwəi laa, yɛ ku wɔ nɛ̨ŋɛ̨nŋaa kiin-giin gɔwɔ mu; yɛ nɛ̨ŋɛ̨n gəlee pili gboloyá kpon gbala.

Bible

¹⁹ Ya pâi ŋɔ́nɔ kúmalâŋ kâai. Ya pâi ƃɔ́rɔnîi kúsɔnyɔ̂ŋ-ŋai dîa í dípili Yúo káo ma.

Mise 7:19 Referans Kwoze

Azaya 38:17

Nwɔ́ liikələn mąą aa pənə a liilaa. Yɛ́ ɓə nį́į́ mąąkɔ̨nwɔ̨, yɛ́ ɓə gɛ və́ too ɓoloon ɉu, ɛlɛɛ, yaa nwɔ́ nɛ̨ŋɛ̨nŋąą kəlee pili ə́ pulu.

Ɉeremi 50:20

Nąąlɔwai, ɲələ lee lee tii, di kaa pai kɛi di ɲɛ̨i laai a Israɛlə nwɔ túwɔ́ pələ ɲɔ̨n, di hva kɛa gaa, da Ɉuda nwɔ nɛ̨ŋɛ̨nŋaai, di hva kɛa di kaa; Mąąhɔlɔɓo, nuą gbəliɠai da lɛɛ yɛnɛ̨ɛ̨, ŋą di mąąhvaalɛɛ, Ɲą́ą́ Yai-Laa nwóó li!

Lomaŋ 6:14

Mąą hvo nɛɛ li nɛ̨ŋɛ̨n və tɔɔlaa kɛ kɛa ka mɛ̨i, mąąhɔlɔɓo, ka hvo kɛa tɔ́n mu, kɛlɛɛ, ka káá kɛa mɛ̨inɛ̨ɛ̨ mu.

Ɉeremi 31:34

Di hvo kɛa pai kɛi di kee ni mąąkwɛlii di kee lɔwai. Nu ta hva kɛa kɛ nąn non ma: ‹Ka Yálá kɔ́lɔn bələ mąąkwɛli›. Mąąhɔlɔɓo, di kəlee di kaa pai gɔ́lɔn ɉii; nu kpɛa kpɛaa mąn, nɛapɛlɛɛ mąn. Ɲą́ą́ Yai-Laa nwóó li! Ŋą́ di wɔ nɛ̨ŋɛ̨nŋaa mąą hvaalɛɛ, ŋį́ gíli kulɔ di hɔn ɉu.»

Azaya 43:25

Kɛlaa, nwɛ́i, bələi gɛ́ pələ kaa la a wɛlikɛmąąlaa, yili ɓə a gɛ gɛ́ ə́ wɔ kulɔ nwoomuɠaai lɛɛ yɛ́ a kpɛli, ɛlɛɛ, vá ə́ wɔ túwɔ́ pələ ɲɔ̨nŋąąi kili lɛ ɲą́.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Mąątɛ̨nɛ̨ 103:12

Bələi lɔ hvóló həɠəi mąąkwɛaa la hvóló tooi ɓa, bələ lɔ ɓə a gu hɔn mąąkwɛa la guɔ.

Zɔ̂ŋ Maa-ŋuŋ 3:8

Nui a kɛi nɛ̨ŋɛ̨n ɉəɠəi nąnį nwɛi ta li, mąąhɔlɔɓo, ə həɠə kpɔ gɔwɔ tɔɔ yələ ɓa, nąnį kaa lɔ nɛ̨ŋɛ̨n ɉu. Yili mąą mɛ̨nį ɓə, Yálá Lon ə paa la, ə pa, ə nąnį yee pɔɔɠaa hukala.

Lomaŋ 8:13

Mąąhɔlɔɓo, ka kɛli yɛnɛ̨ɛ̨ kɛ a kɔlɔ liiɓa, ka haa. Kɛlaa, Gilii ŋɛ̨i Yálá ə dɛɛ ka pɔ ɉaala, ka kɔ́lɔ liiɓa kɛɛ lɛɛ laa, ka yɛnɛ̨ɛ̨ hɔlɔɓo.

Osia 14:4

Asiri lɔi hva pɛli ku ɓaloi, ku hvo kɛa pai tɛi hoo mɛ̨i, ɉɛnŋąąi ku yee a di pɛli, ku hva kɛa kɛ diɛ: ‹Ku wɔ yálá›, Ə həli tii Yɛ́, yɛ́i ya təli lon ɲɛ̨imąąwɛli kaa.»

Mąątɛ̨nɛ̨ 130:8

Ya ɓə a Israɛlə nwun mąąɓo nwɔ nɛ̨ŋɛ̨nŋaai kəlee yəi.

Danîa 9:24

Daa mąąhəɠɛɛi ŋɛ̨i, da ə́ wɔ nuąi, mɛ̨nį ta aa ɓo di laa mɛ̨i, yii gaa pai həli diɛ lɔwai pow mɛ̨ihveelɛ heei kwɛlan mɛ̨ihveelɛ yee mu. Nąąlɔwai kaa a lɔwai yii viɛlaɓoɔ, ə gɛ, di kulɔ nwoo mu laa kpɛɛ, nąąlɔwai ɓə di mɛ̨nį ɲɔ̨n gbɛɛ la, di di wɔ nɛ̨ŋɛ̨nŋaa mąąhvaalɛɛ, tələnmolaa yii kpɛɛ hvo mą, di gulɔ pɔ̨nɔ̨ ŋą, hįi kaaɠaa da mɛ̨nįi Yálá kwəi mɛ̨nį hukulɔ mun ə mo naa ə hon. Ɛlɛɛ, nui mąąhəɠɛɛ nu mąąhəɠɛɛɠaa diɛ, di mąątí.

Woolaa 3:32

A mɔ̨nɔ̨ laa nu mɛ̨i, a tinɛ̨n ə ɲɛ̨i mąąwɛli kaa, nwɔ ɲɛ̨imąąwɛlikaa kɛnɛ̨i.

Ɉeremi 31:20

Ɛfraimə aa kɛ mɔ̨ɔ̨ a nwɛ́li kɛ mąą lon. A lón mąą mɛ̨nį kaa níí mɛ̨i? Mąąhɔlɔɓo, ŋį́ kɛ lɔ mąą mɛ̨nį ɓoi, mąą kiliŋąhiɛ yɛ too mą́ą́, ɛlɛɛ, nii yɛ kulɔ mą́ą́ mąą mɛ̨nį hu. Nwɔ wɛlikɛmąą kaa pai kɛi níí hu kpɔ a nwalawalaa. Yai-Laa woo li.

Dutɛrɔnome 32:36

Yai-Laa kaa pai nwɔ nu huwui kiti teei, gaa pai gwəi kili mąąhvalin ɉii di pɔ di hon bələ hu. Yɛ nwɔ tínuą ɲɛ̨imąąwɛli kaa; ɓɛlɔwai di yee kɔ́nwɔ̨n ɉu a haa la, di ta hvo a luwɔ da hvo gbɔwɔ ɓa.

Dutɛrɔnome 30:6

«Yai-Laa ka wɔ Yálá yaa kpinįi gaa pai ka lii mąąhəɠəi, kaa, ka ka huwuhu nuą kəlee, kaa pɛli Yai-Laa ka wɔ Yálá wɛli la kɛi a ka lii kəlee da ka wɔ yɛnɛ̨ɛ̨ kəlee.

Dutɛrɔnome 30:3

Nąąlɔwai, Yai-Laa ka wɔ Yálá a ka wɔ yɛnɛ̨ɛ̨ ɲɛ̨ilaa mąąhvalin, ə nwɔ liinɛɛ gwəi laa lɛ kaa. Nɔiɠaa kpɔ tii ə ka taɠa taɠa ɉu, a pənə ə ka kulɔ laaɠaa, ə ka ɲąą kpɔn nwɔ̨nɔ̨.

Hebreu 8:12

Gbala ə tɔɔ, ŋą́ mɛ̨inɛ̨ɛ̨ kɛ diɛ, ŋį́ di kɛ mɛ̨nį ɲɔ̨nŋaa mąąhvaalɛɛ, ŋį́ di wɔɔ nɛ̨ŋɛ̨nŋąa kəlee naa kili kpɛɛ ɲą́.»

Azaya 33:24

Nɔi lon da hva kɛa kɛ diɛ: «Ɲɔn gaa mą́ą́.» Nuąi di kaa heeni Ɉerusalɛmə, di kɛ nɛ̨ŋɛ̨n gaa pai waai diɛ.

Ɉeremi 33:8

Mɛ̨nį ɲɔ̨nwɔ̨ɔ̨ɠaai kpɔ di gɛ mą́ą́ a di hɔn, gɛ́ gəlee waa diɛ. Nɛŋɛ̨nŋaai di ɉəɠə mą́ą́ a di hɔn, gɛ gəlee lɛɛ diɛ a kpɛli.

Izikiɛ 18:22

Di hva kɛa di kiliŋąhiɛ nwɔ kulɔ nwoo mu laai lɔpee ta ɓa, kɛlaa dəlimo laai tii ə gɛ, yili mąą mɛ̨nį ɓə gaa pai lɛɛi la yɛnɛ̨ɛ̨.

Osia 14:2

Israɛlə! Pənə ə́ pa wɛ, Yai-Laa ə́ wɔ Yálái pɔ, mąąhɔlɔɓo, ə́ kɛ nɛ̨ŋɛ̨n aa ə́ too.

Zakari 3:4

Nuąi kɛ tɔɔni niila, yɛ diɛ: 'Ka nwɔ həɠə mąąliɓɛɛ tii kulɔ gwąną. Yili pulu, yɛ Ɉosue ɓa: «Yáá gaa, ŋą́ą́ ə́ wɔ nɛ̨ŋɛ̨nŋaai kulɔ yɛ́, di kaa pai hɛli həɠə tooi ə́ kwąną.»

Samia Veerɛi 24:14

Davidə yɛ Gadə ɓa: «Liihɛlɛn gɛnɛ̨ aa too mą́ą́. Ɲą́ą́ mun nɛ́ɛ́ kpɔ Yai-Laa yəi ə ɉútɔɔ, yili hviɛlaɓoɔi ə dɛ́ɛ́ nu takpɛliɠaa pɔ diɛ ɉútɔɔ, mąąhɔlɔɓo, Yai-Laa nwɛi, a nu ɲɛ̨imąąwɛli kaa.»

Mąątɛ̨nɛ̨ 85:3

Yáá ə́ wɔ nu huwui nwɔ nɛ̨ŋɛ̨n kulɔ mą, yáá nwɔ túwɔ pələ ɲɔ̨n gəlee mɛ̨i kpulu.

Woolaa 3:22

Yai-Laa nwɔ mɛ̨inɛ̨ɛ̨ɠaa di hva kpɛɛ, nwɔ wɛlikɛmąą yee kɔ̨nwɔ̨n ɉu hva haa.

Izikiɛ 39:29

Vá kɛa ɲɛ̨́i loo diɛ, hvo gaai gáá pai mɛ̨nį kɔlɔn gili yɛɛi Israɛlə nwɔ pɛlɛ́i mɛ̨́i. Mɛ̨nį kəlee ŋą Hééɓomun Yálá woo li.»