Mise 6:8 - Yálá laawoo hɛɓɛ (dc)

⁸ Ə kə hulɔnu! Mɛ̨nįi nɛlɛɛi, yii Yai-Laa kaa gwɛlii ə́ yəi, daa nɛ yɛ́, hɛn da kpɛli hvəi, túwɔ́ a tɛ̨ą kpaalə, lɛɛ nwoo pulu laa wɛli la kɛ, kɛ gili-gili yɛ́ ka Yálá ka lɔwai mɛ̨nį hu,

Yálá laawoo hɛɓɛ

⁸ Ə kə hulɔnu! Mɛ̨nįi nɛlɛɛi, yii Yai-Laa kaa gwɛlii ə́ yəi, daa nɛ yɛ́, hɛn da kpɛli hvəi, túwɔ́ a tɛ̨ą kpaalə, lɛɛ nwoo pulu laa wɛli la kɛ, kɛ gili-gili yɛ́ ka Yálá ka lɔwai mɛ̨nį hu,

Bible

⁸ Kpào, Yâwɛɛ a m̀ɛni lɛ́lɛɛ-ŋai lɛ́ kûa nyii a ŋ̀wɛ̂lii kú gɛi. M̀ɛnii a ŋ̀wɛ̂lii kúyêei ǹyaa ká ŋí: Kú tɔ̃yâ mɛni kɛ́, kú núu malôŋ káa a tãi kélee, kú kúmaa yéŋ Ɣâla ŋɛ́i woo mɛni su.

Mise 6:8 Referans Kwoze

Hanwon 21:3

Tələnmolaa da tɛ̨ą mɛ̨nį kɛɛ, hviɛlaɓoɔ ɓə Yai-Laa ɲɛ̨i ɓa haláá kulaa ɓa.

Kolosə 3:12

Yii kani kɛa Yálá aa ká həɠə ɉu, aa ká mąąhəɠə, ká wɛli ə ɓo mąi; mąąnɛ̨ɛ̨: ɲɛ̨imąąwɛli kaa, liinɛ̨ɛ̨ gwəilaa, kpɔwɔ mąą yɛɛ laa, mɛ̨nį lɛlɛɛ kɛɛ, da liikpələ laa di kɛ ká yəi.

Ɉeremi 22:3

Yai-Laa yɛ ka mɛ̨nį ɓo a tɛ̨ą da tələnmolaa. Nui daa hee mɛ̨i, 'ká gulɔ ɲəi kɛ. Yɛ ə kɛ a nwɛ̨ą, yɛ ə kɛ a təlilon da kalanin, 'ká hvo hee da mɛ̨i, 'ká hvo da mɔ̨nɔ̨ɓo. 'Ká hvo kwəi kwələ mun ɲąmą pu gɛɛnąąi ŋɛ̨i ɓa.

Osia 6:6

Mąąhɔlɔɓo mɛ̨inɛ̨ɛ̨ kɛɛ ɓə a níí hon, haláá kulaa hvəi, ɛlɛɛ, gɛ́ Yálá kɔ́lɔn mɛ̨nį hviɛlaɓo taatɛlɛɛ kələnŋąą a haláá ɓa.

Samuɛlə dɔlɔɔ 15:22

Nąąlɔwai, Samuɛlə ə mo Saulə ɓa, yɛ mą: «A kɛ tii, taatɛlɛɛ kulaa Yai-Laa ɓa a haláá yii da gəlee kələn, yili ɓə mɔ̨ɔ̨ nwɛli kaa mą, a wala kɛ tii, Yai-Laa woo hon ŋąą? Kpaa-oo! Woo hon naa hviɛlaɓoɔi ɓɛlaa hilɛɠaa wulɔ ɓa.

Azaya 66:2

Ɉɛnŋąąi tii kəlee di kulɔ ɲéé ŋą, gəlee kaa a nwɔ́ɔ́, Yai-Laa woo li, yɛi: Nui ŋą ɲɛ̨́i pili mɛ̨i ya ká: Kpɔwɔ mąąyɛɛmun, a yai tii nii yaliɛ gwəi, yai tii, nwóó a mąą kpɛlin.

Piɛrə dɔlɔɔ 3:8

Yili pulu, ká kəlee ka wɔ kiliŋąhiɛ ə kɛ tanɔ̨n, 'ká kwəi mɛ̨nį ə kɛ tanɔ̨n, lee-lon nwɛlikɛmąą laa, ɲɛ̨imąąwɛlikaa da kpɔwɔ mąą yɛɛ laa ə kɛ ka yəi ka keeni mąą mɛ̨nį ɓa.

Lukə 6:36

Mąąnɛ̨ɛ̨, ka laa ə hvɛɛ a mɛ̨nį lɛlɛɛ, yɛ pələi ka Nan Yálá laahvɛɛ la a mɛ̨nį lɛlɛɛ kɛɛ.»

Lukə 11:42

«Farisiɛ̨ɠaa, kpalo ɓɛlaai kaa! Ka ka hɔlɔɓo hɛn bow nąą tɛɛ Yálá pɔ, ə mą kɛ, ka yəi ɲɛa nɔ́wɠaa, da yiiɠaai ka doo nɔ́w hu, yɛ mąą kun nɛ̨ɛ̨ la. Kɛlaa, tələnmolaa da Yálá wɛli la kɛɛ, kaa yiliɠaai lɛɛ laa. Yaamun, yiliɠaa ɓə kɛ mąąnɛ̨ɛ̨i kɛ kaa gɛ, ka hva yiiɠaai tii ta lɛɛ pulu.

Amɔsə 5:24

Kɛlaa, yii gáá bɔ, ya ɓaa: Mɛ̨nį haŋąą ə kɛ ka lɔwai, yɛ pələi ya lee a kɛ tɛɛi la. Tələnmolaa yɛ hiɛ ka lɔwai, yɛ ya ton yii hva kpala.

Maafîu 5:7

Nwun na nɛ̨ɛ̨ nuą ɓaa nuąi da ɲɛ̨imąąwɛli kaa kɛ. Mąąhɔlɔɓo, Yálá kaa pai di ɲɛ̨imąąwɛli kaai!

Ifisiɛŋ 4:32

'Ká kɛ a ká liinɛ̨ɛ̨ ká kwəi, ká keeni pɔ, 'ká ká keeni mąąwɛli kaa, 'ká ká keeni mąąhvaalɛɛ, yɛ bələi Yálá ə ká mąąhvaalɛɛ la Kristə hu.

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Ikilisiati 12:13

Mɛ̨nįɠaa kpɔ ɓo ɉɛɓɛ́i ŋɛ̨i hu, nwoo laa kulɔ ka: Yii mąąnɛ̨ɛ̨ nu lonnii di gɛ, ya ɓaa: Di Yálá mąąwiɛ, di nwɔ tɔn nwooɠaa pɔ mɛ̨nį kɛ, a lɛɛ nwoo mulaa. Mąąhɔlɔɓo, yili ɓə bɛliɛi nu lonnii diɛ.

Osia 12:6

«Yai-Laa Mɛ̨nį Kəlee ŋą Hééɓomun Yálái ti a Yai-Laa.» Bələ ɓə mąąnɛ̨ɛ̨ di vɛli la.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Maafîu 5:3

«Nwun na nɛ̨ɛ̨ nuą ɓaa nuąi da di kpɔɔ mąą yɛɛ. Mąąhɔlɔɓo, Yálá-taa tɔɔlaa kaa a di wɔ!

Sofoni 2:3

Kaai kpɔwɔmąą yɛɛ laa kaa ka yəi nɔi, kaa Yai-Laa woo hon, 'ka Yai-Laa ɲɛ̨ilaa kwɛli, gbəli hu kiɛ, gaa pai ka ɲɛ̨imąąwɛli kaai, a Yai-Laa nwɔ liiɲąnwąną hvólói.

Mąątɛ̨nɛ̨ 37:26

Yələ kəlee, tələnmomun a nu mąąwɛli kaa, yɛ kwələ tɔɔ; lúwɔ́ kaa gwəi lonnii diɛ.

Nehemi 9:13

Ə́ lɛɛ yələkɔlɔn ɉu, ə́ pələ ɓo diɛ, ə́ yɛɛ Sinai yee nwuɔ̨. Ə́ tíɓo haŋąą tɛɛ di pɔ, da tɛ̨ą tɔ́nŋąą da di hiɛ pələ. Da yɛnɛ̨ɛ̨ kɛ pələ a nɛlɛɛ.

Mąątɛ̨nɛ̨ 112:4

Ə mą kɛ kpinįi ɓə, kɛɛ a pono kwəi kwələ nuą mɛ̨i, a nu mąąwɛli kaa, nii nɛ̨ɛ̨ gwəi, dələnmoɔ.

Woolaa 3:26

Viɛlaɓoɔi nu ə kilitɔɔmąąlaa kɛ laa pilɛ hu, yɛ Yai-Laa nwɔ nwun mąąɓo mąąkpɔn.

Mąątɛ̨nɛ̨ 112:9

A mɛ̨inɛ̨ɛ̨ kpɛa-kpɛa kɛ yeehowolo mun ma, nwɔ tələnmolaa kaa a yələ kəlee mɛ̨nį, a nwun muhəɠə a ɲɛ̨i pono.

Mąątɛ̨nɛ̨ 73:28

Nwɛ́i nwɔ́ yɛnɛ̨ɛ̨ ɲąąnɛ̨ɛ̨ lɔ ɓaa: Ŋį́ kɛ Yálá kwɛlɛ. Ną́mu Yai-Laa kwɛlɛ ɓə ŋį́ gɛ a mą́ą́kilɛi, gɛ́ pɛli gɛ mɛ̨nįɠaa kəlee noloɓoi.

Kɔlɔnikɔ Veerɛi 34:27

Yii kpɔ mɛ̨nįi ŋɛ̨i ə lɔ ə́ lii mu, ə́ ə́ kpɔɔ mąąyɛɛ Yálá lííla, ɛlɛɛ, nwooɠaai ɉɛɓɛ́i ŋɛ̨i ɉu, yɛ hvilɛn na gɛɛnąą ŋɛ̨i nuą diɛ, mąn ə́ mo, ə́ ə́ kpɔɔ mąąyɛɛ ɲą́ą́ nííla, ə́ ə́ mąąhəɠə huɓɛla, ə́ wɔlɔ nííla; yili ɓa, ɲą́ą́ gbɛli ŋą́ą́ ə́ woo mąn! Ɲą́ą́ Yai-Laa nwóó li.

Zĩi 2:20

Hupumun, hvo mɔ̨ɔ̨ gbaɠala kɔlɔn yɛ́ kɛ, laa na laai bɔ túwɔ́ hvo mą, gaa a kpɛli-kpɛli?

Lomaŋ 7:16

Yaan, akɛ yii və́ bɔ, ya ɓə ŋą́ kɛ gɛi, ŋį́ gɔlɔn gɛ́: Tɔ́n nɛlɛɛi.

Kɔlɔnikɔ Veerɛi 32:26

Kɛlaa, ə mą kɛ tii, bələi mąn ɉu mɛ̨nį kɛnɛ̨ laa tii ə kɛ la Ezekiasə ɓa, yaa da Ɉerusalɛmə nuą di di hɔn gɔlɔn, di di kpɔɔ mąą yɛɛ, Yai-Laa nwɔ liiholii hvo ɓɛla di mɛ̨i a Ezekiasə nwɔ tɔɔlaa yələi.

Samuɛlə dɔlɔɔ 12:23

Yii ɓaa mą́ą́ mɛ̨nį nwɛi, ə hvóló mą́ą́, gɛ́ nɛ̨ŋɛ̨n ɉɛɠɛ Yai-Laa ɓa, a gbə́la mɛ̨nį ka mąą mɛ̨nį laa həliɛ ɓa a nɛlɛɛ, a ɉaŋąą; və́ pai kpɛlai mɛ̨nį lɛlɛɛ da mɛ̨nį haŋąą lɛi kaa.

Lomaŋ 9:20

Kɛlaa, yɛi ŋɛ̨i ə́ kaa a nu, lə ɓaa yɛ́, yaai ya Yálá laa hɛatoo? Ləɠi hva kɛ dɔɔmun ma: Ə́ kɛ ŋɛ̨, lə mɛ̨nį ɓa?

Lukə 10:42

Kɛlaa mɛ̨nį yii viɛlaɓoɔ, ya ka ŋɛ̨i Mari aa ɉəɠə ɉu, nu ta hva pɛli yili kulɔi ɲəi.»

Izikiɛ 16:63

Yá ə́ kiliŋąhiɛ kɛa ma yɛ́ nwumɛ̨ la, ɛlɛɛ nwumɛ̨ pələ, hvaa hvo kpɛli pai lɛɛi ə́ la, a ɲələi ŋą́ ə́ túwɔ pələ kəlee mąąhvaalɛɛ la; Yai-Laa woo li.»

Kɔlɔnikɔ Veerɛi 33:23

Kɛlaa, hvo gbɔwɔ mąą yɛɛ Yai-Laa ɲɛ̨i mu, yɛ bələi nąn Manase ə gɛ la. Kɛlaa yaamun a Amɔn, ə nɛ̨ŋɛ̨n ɉəɠə ə tɛɛ la nąn nwɛi ɓa.

Tɛsalonikə veelɛ 2:16

Gu Ną́mu Jesus Kristə yaa kpinįlee da gu Ną́n Yálá, diɛi gu wɛlila kɛ, ɛlɛɛ, ə gu liilaa, a yii kpɛɛ hvo mą, da kilitɔɔmąą laa lɛlɛɛ,

Zɛnɛse 5:22

Metusəla hɔlɔɓoɔ pulu, Henɔkə ə kwɛlan nwun ɉaaɓa kɛ, da Yálá diɛ nɛ̨ɛ̨yɔwɔ laa kɛ a nɛlɛɛ. Ə lon ɉinąą takpɛliɠaa hɔlɔɓo da lon nɛ̨ąą.

Levetekɔ 26:41

Ɲą́ą́n gɛ́ tɔɔ di la, gɛ́ li a diɛ di yowoɠaa di wɔ lɔi hu. Nąąlɔwai, di wɔ nɛ̨ŋɛ̨nŋąąi mąą mɛ̨nį ɓa.

Kɔlɔnikɔ Veerɛi 33:19

Manase nwɔ Yálá hvɛli woo, da bələi Yálá ə nwoo mu hon na, nwɔ túwɔ́ pələ ɲɔ̨nŋąą, nwoo kalai ə mo Yálá ɓa, ɓɛɠaai ə hali kɔ́iɠaa pɛli laa, yɛ wuluɠaa tɔɔ diɛ gɔ́, ɉali mąąnįnįnŋąą ə bɛli, gɛɛ hvo ɉɔn gɔlɔn Yálá ɲɛ̨i ɓa; mɛ̨nįɠaa tii kəlee pɛ̨ɛ̨ kaa Hozai nwɔ hɛɓɛ́i hu.

Korɛntə dɔlɔɔ 7:16

Yili ɓa nɛ̨ɛ̨nu, ə́ kili hvo ɉu yɛ́ kɛ, yɛ́ ɓə pai ə́ hilɛ nwun mąąɓoi? Hulɔnu, ə́ kili hvo ɉu yɛ́ kɛ, yɛ́ ɓə pai ə́ nɛ̨ą nwun mąąɓoi?

Kɔlɔnikɔ Veerɛi 30:11

Kɛlaa ə mą kɛ tii, Asɛrə nuą, Manase nuą da Zabulɔn nuą di mɛ̨nįi tii kaa a mɛ̨nį walawala, di pa Ɉerusalɛmə.

Lukə 12:14

Jesus ə mo mą, yɛ mą: «Náwəi, gbɛɛ ɓə gɛ́ a ka lɔwai mɛ̨nį hutɔɔ mun? A wala kɛ tii, ka nąn gwɛlin ŋąąkwɛlɛ mun?»

Dutɛrɔnome 30:15

«Ka ka ɲɛ̨i hee, háákələi, gáá ɓalo da nwun nąnɛ̨ɛ̨ laai ka ɲɛ̨i, ə lɛɛ, haa da mɛ̨nį nwąnąą.

Azaya 56:1

Yai-Laa woo ka, yɛ diɛ: «'Ka hiɛ a ɉaŋąą, ka tələnmo yii ɓo, mąąhɔlɔɓo, nwɔ́ ɓalo mɛ̨nįi pa hiɛ li, nwɔ́ tələnmolaai yɛ pa kulɔi pɔ̨nɔ̨ ŋą.

Izikiɛ 33:14

Ŋą́ kɛ nu ɲɔ̨nwɔ̨ɔ̨ ɓa; ə́ kaa pai haai, ɛlɛɛ, mąą nu a ɲee kulɔ nwɔ nɛ̨ŋɛ̨n hu, yɛ túwɔ a tələnmolaa,

Mise 6:9

Yai-Laa kaa húú pilii daa ɓa; nuąi da ɲɔw naa ɓa, gaa pai di ɓaloi, «Nɔi lonnii, da kaai ɲąąkpɔn ɉu, 'ka ka wəli tɔɔ!

Zakari 7:9

«'Mo nɔi lonnii kəlee diɛ, yɛ́ diɛ: Yai-Laa Mɛ̨nį Kəlee ŋą Hééɓomun woo ka, yɛ: 'Ka kiti tee a tɛ̨ą, nu kəlee ə nąn non ɉon a kwəi kwələ laa, da wɛlikɛmąąlaa.

Dutɛrɔnome 27:10

Mąąnɛ̨ɛ̨ kaa pa kɛi ka wəli tɔɔi Yai-Laa ka wɔ Yálái woo ɓa nwɔ tɔ́n nwooɠaa da nwɔ tíɓo wooɠaai gáá dɛɛi ka pɔ, kaa bɔ mɛ̨nį kɛ.»

Zasua 24:14

Ɉosue yɛ diɛ: «Ə həli kɛa kaa! Ka ɲɔw Yai-Laa ɓa, ka tí mą a ka kwəi kwɛlɛɛ, ka lɛɛ nwoo mu. Ɉaliɠaai ka nąnni di kɛi mąąwiɛ Efratə yá pulu pələ, da Eziptə lɔi hu, ka di kulɔ ka lɔwai, ɛlɛɛ, ka tí Yai-Laa ɓa.

Mąątɛ̨nɛ̨ 101:1

Davidə nwɔ hvɛ́li woo. Gáá bɔ ŋą wɛlikɛmąąlaa da kítí hąŋąą, di mąątɛ̨nɛ̨ wələ too, gɛ́ hvɛli kɛ Yɛ́, Yɛ́i a Yai-Laa.

Ɉeremi 9:23

Akɛ nu a kɛ bɔ ə gbɔwɔ ɲąąkɛnɛ, gbɔwɔ ɲąą kɛnɛ̨ mɛ̨nį nwun ga: Maa nɛɛ ə gɔ́lɔn yɛ kɛ, ɲąą ɓə, gaa a: Yee lɔ gee hu mɛ̨nį, tɛ̨ą mɛ̨nį, da tələnmo la ɓɛ yɛnɛ̨ɛ̨. Yili ɓə nwɛli kaa mą́ą́.

Ɉeremi 22:16

Ə kɛi lɔ mąąwɛli mun da yeehowolo mun di mąą mɛ̨nį ɲɛ̨i kulɔ, yɛnɛ̨ɛ̨ ɲąąnɛ̨ɛ̨ li kɛ; kɛlaa nui a túwɔ tii, a nɛ yɛ ə gɔ́lɔn. Yai-Laa woo li!