Mise 6:4 - Yálá laawoo hɛɓɛ (dc)

⁴ A kɛ tii, ka kulɔi ŋį́ mo Eziptə lɔi hu, ya ɓə? Ka nwun mąąɓoi ŋį́ mo nuwɔ pɛ́lɛ́i tii mu, yili ɓə mɔ̨ɔ̨? Gɛ́ Moisə, Aarɔn da Miriamə di tɛɛ a ka tənən dɔɔ nuą, yili ɓə?

Yálá laawoo hɛɓɛ

⁴ A kɛ tii, ka kulɔi ŋį́ mo Eziptə lɔi hu, ya ɓə? Ka nwun mąąɓoi ŋį́ mo nuwɔ pɛ́lɛ́i tii mu, yili ɓə mɔ̨ɔ̨? Gɛ́ Moisə, Aarɔn da Miriamə di tɛɛ a ka tənən dɔɔ nuą, yili ɓə?

Bible

⁴ Ŋá kákùla Ize lɔii su ŋá káŋuŋ maa ƃó luɛ-laa su. Ŋá Mose, Eelɔŋ da Miriaŋ tɛ̀ɛ a gɛɛ dítɔɔ ká túɛ.

Mise 6:4 Referans Kwoze

Dutɛrɔnome 7:8

Kɛlaa, ka kulɔi ŋɛ̨i Yai-Laa ə mo luwɔ pɛlɛ́ mu, Eziptə tɔɔmun yəi, yɛ ka nwun mąąɓo, yili nwun mąą, ka wɛli kaa Yai-Laa ɓa, ɛlɛɛ, nwooi ə gwɛlɛ ka nąnni diɛ gaa bulu.

Lɛɛ gbɔwɔ ɓa 12:51

Volói tii ɓə, Yai-Laa ə Israɛlə lonnii kulɔ la Eziptə lɔi hu da di huwu kəlee.

Amɔsə 2:10

Gɛɛ yili hvo kɛ, ŋį́ di kulɔ Eziptə lɔi hu. Ŋą́ lɛɛ di pɔ kwɛlan bow nąąn ɲee mu, nɔi pun ɉu. Ɛlɛɛ ɉu, nɔi ŋɛ̨i kɛ a Amɔrə nuą di wɔɔ, ŋį́ naa tɛɛ ka pɔ.

Ɉeremi 32:21

Ə́i wɔ nu kpului Israɛlə kulɔ Eziptə lɔi hu, a kpalo mɛ̨nįɠaa, da mɛ̨nį kpɛa kpɛa kɛɛ, a ə́ hvaŋą kɛnɛ̨, a ə́ yee kɔ́ŋɔn ɉu walawalaa; yɛ nuą kwəi pili diɛ.

Samia Veerɛi 7:23

Nu huwu ta kaa mɔ̨ɔ̨ ɓɛ yɛnɛ̨ɛ̨ ə ɓo yɛ Ə́ wɔ nu huwui Israɛlə, a nu huwui ŋɛ̨i Yálá ə nwun mąąɓo yɛ gɛ a gwɛlin, yɛ naa hee mą, yɛ mɛ̨nį kɛnɛ̨i ŋɛ̨i kɛ mąą mɛ̨nį ɓa da mɛ̨nį kpɛa-kpɛa mąą ɲɔwɔɠaai, ə́ gɛ di wɔ lɔi mąą mɛ̨nį ɓa. Lɔi ta kaa mɔ̨ɔ̨ laa diɛ pɛli gɔwɔn ɉii ə́ wɔ nu huwui ɓa, yai ə́ nwun mąąɓo Eziptə nuą yəi di wɔ lɔi da wɔ haligaai.

Lonon mo 12:1

Miriamə da Aarɔn di Moisə laa pələ ɓo, yɛ hvilɛn na Nubi nɛ̨ɛ̨nui tii ə ɉəɠə a nɛ̨ą mąą mɛ̨nį ɓa.

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Gɛlaɠaa 7:36

Yaa ti ɓə di kulɔ Eziptə lɔi hu, a kpalo mɛ̨nį da kwəi pili mąą mɛ̨nįɠaa ə di kɛ Eziptə lɔi hu, gboloyá kpɔlu hu, ə mą kɛ, nɔi pun hu, kwɛlan bow nąąn ɲeemu.

Mąątɛ̨nɛ̨ 77:20

Ə́ ə́ kpaalə laa gboloyá ŋą, yɛ́ tɛɛ yá kpon ɉu kwɛaɠaa hu, nui lɔpee ta hvo ə́ pɔɔ kaa.

Dutɛrɔnome 24:18

Ka ka kiliŋąhiɛ kaa, ka kɛ luwɔlaa hu Eziptə lɔi hu, ɛlɛɛ Yai-Laa ka wɔ Yálái ɓə ka nwun mąąɓo laa. Yili mąą mɛ̨nį ɓə gáá kɛi la kaa, ka díɓoi tii kɛ.

Dutɛrɔnome 15:15

Mąąnɛ̨ɛ̨ ka ka kiliŋąhiɛ, kaa diɛ, ka kɛ a luwɔɠaa Eziptə lɔi hu, ɛlɛɛ, Yai-Laa ka wɔ Yálái ɓə ka nwun mąąɓo. Yili mąą mɛ̨nį ɓə gɛi, gɛ́ dɔ́nŋąą ŋɛ̨i tɛɛ la ka pɔ háákələi.

Dutɛrɔnome 9:26

Ŋą́ Yai-Laa hvɛli, gɛ́ kɛ mą: «Yai-Laa hɛn gəlee Nąmu, hvó kɛ ə́ kaa ə́ wɔ nu huwui pui; ə́ kwɛlin maa a diɛ, yɛ́ ɓə di nwun mąąɓo a ə wɔ yee walawala laa, ə́ gulɔ Eziptə lɔi hu a ə́ wɔ hvaŋą kɛnɛ̨i.

Dutɛrɔnome 5:6

«Ɲą́ą́ ɓə gáá a Yai-Laa ka wɔ Yálá, Ɲą́ą́ ɓə ka kulɔ Eziptə lɔi hu, nuwɔ pɛlɛ́i tii mu.

Dutɛrɔnome 4:34

Awala kɛ tii, yálá ta, aa ta pa lɔi mɛ̨i, yɛ nu huwu ta kulɔ nu huwu takpɛli lɔwai a kwɛlɛɛn mɛ̨nįɠaa da kpalo mɛ̨nį ɛlɛɛ, a kwəi pili mąą mɛ̨nįɠaa, a kɔ́ɠaa, a nwɔ huwalawala laa, ɲee yɛ lɛɛ di mɛ̨i a mąą ɲɔwɔ, yɛ bələi ŋɛ̨i Yai-Laa ka wɔ Yálái ə gɛ la a kaa, yɛ ka kulɔ Eziptə lɔi hu kaa kpinįi ka nąą kaa?

Lɛɛ gbɔwɔ ɓa 4:16

Aarɔn ɓə pai ə́ laa yəli kɛi nuą diɛ, ya ɓə pai kɛi a ə́ laaləi yɛ́ ɓo a nwɔ Yálá.

Dutɛrɔnome 4:20

Yai-Laa ə ka hon, ə ka kulɔ Eziptə lɔi hu ɓɛi nąą kpɔluɔ kɛ yɛ huluun ɉu. Ə ka kɛ a nwɔ nu huwu, a gwɛlin. Yili ka ŋɛ̨i háákələi ka káá la.

Lɛɛ gbɔwɔ ɓa 3:10

Gáá kɛa ə́ tɔɔi yiihu, ə́ li Eziptə tɔɔmun bɔ, ə́ nwɔ́ nu huwui a Israɛlə lonnii, ə́ di kulɔ laa.»

Lɛɛ gbɔwɔ ɓa 4:10

Moisə yɛ Yai-Laa ɓa: «Ną́mu nɛ̨ɛ̨ Yɛ́, náá wiai mą́ą́, va pɛli hvaai, háákələi mɛ̨nį hvəli, və́ wala nwóó hukulɔ, gbaɠala kaa Yɛ́, yili hvo gɔwɔ tɔɔ li a volói Ə́ kɛi hvaa la Ə́ wɔ tímun bɔ.»

Lonon mo 33:1

Ɉiɛɠaai Israɛlə lonnii di gulɔ ɓɛlɔwai di həɠə la Eziptə lɔi hu, da di wɔ kɔ́laɠaɠaa; Moisə da Aarɔn di ɓo di nwun na, diɛ ka:

Samuɛlə dɔlɔɔ 12:6

Samuɛlə yɛ nuą diɛ: «Yaa kpɔ ɓə. Yai-Laa tii kɛ Moisə da Aarɔn di pɔ, yɛ ka nąn ni kulɔ Eziptə lɔi hui.

Lɛɛ gbɔwɔ ɓa 6:27

Moisə da Aarɔn ɓə li, diɛ kɛ Eziptə tɔɔmun ma: «'Ɓo Israɛlə lonnii diɛ di kulɔ ə́ wɔ lɔi hu.»