Mise 6:12 - Yálá laawoo hɛɓɛ (dc)

¹² Daai ŋɛ̨i hu hɛn gɔw nąmįną kaa lɔ wea mɛ̨nįɠaa hu, ɉu nuą diɛ mɛ̨nį ɓo a nu ɓowo pələ.

Yálá laawoo hɛɓɛ

¹² Daai ŋɛ̨i hu hɛn gɔw nąmįną kaa lɔ wea mɛ̨nįɠaa hu, ɉu nuą diɛ mɛ̨nį ɓo a nu ɓowo pələ.

Bible

¹² Káai a dɔ́ɔ-ƃelai ka gôlo-ƃelai dí-sãai kula díyêei ǹyaŋ kákelee ká kɛ́ ƃò a lɛ́ɛ-ƃela.

Mise 6:12 Referans Kwoze

Osia 7:13

Kpalo ɓɛlaai diɛ, mąąhɔlɔɓo di kaa pui mą́ą́, di yee aa lɛɛ ɉu, mąąhɔlɔɓo di di nwun dɛ a ɲą́ą́; ɓɛlɔwai ŋį́ kɛi di nwun mąąɓo la, diɛi da kɛ lɛɛ pɛlɛi a náái.

Ɉeremi 9:8

Yili a kɛ tii, mąą hvo mɔ̨ɔ̨ nɛ̨ɛ̨li və́ di hutɔɔ? Vá mɔ̨ɔ̨ pɛli nwąną kulɔi nu huwu taaləi ŋɛ̨i ɓa? Ɲą́ą́ Yai-Laa nwóó li.

Azaya 1:23

Ə́ nwun nąmįną daa di pulu tɔɔ mą́ą́, da nwuɔ̨ kuláaɠaa daa di yee pili gee hu, di kəlee, nɔgwəi hɛn mə nwɛli kaa diɛ, di hvilɛn ŋąą nɔgwəi hɛn gɔw pulu diɛ gwɛli, di hva mɛ̨nį haŋąą kɛ a təlilon, kalanin a mąą kanąn naa həli diɛ, diɛ di yee lɔ di wəlii.

Azaya 5:7

Yai-Laa Mɛ̨nį Kəlee ŋą Hééɓomun nwɔ tíi ɓaa, a Israɛlə nwɔ pɛ́lɛ́i, hihɛn yii nwɛli ə kɛ mą kpɔ kɛnɛ̨, ya ɓaa a Ɉuda nu huwu, ɲɛ̨i ə kɛ təlimo laa tɔwɔ, kɛlaa wea mɛ̨nį ɓə aa gaa, ɲɛ̨i ə kɛ tɛ̨ą tɔwɔ, yiihu kɛa mąąwɛli nuą wɔlɔ woo ɓə tɔɔi.

Azaya 3:8

Ɉerusalɛmə aa kalin, Ɉuda lɔi yɛ too; mąąhɔlɔɓo, di ka lɔ Yai-Laa ɓɛlɛ too mɛ̨nį hu a di hvaa woo, da mɛ̨nįɠaai da kɛ naai mą.

Lomaŋ 3:13

Di kwaną wolo kaa a kámą laa təɠɛɛ, diɛ nuą ɓowo a di nɛ̨n, kaalə nwąną ɓə di la.

Sofoni 3:3

Nu kpɛa-kpɛai di kaa daa kwəi, di kaa yɛ yalaɠaa, diɛ huluun. Nwɔ kiti tee nuą kaa yɛ hvitili ɓa kwɛ́liɠaa, di hva huwɔ kɔ́w tɔ̨nɔ̨n kpɛli lɛɛ, yii tinąą da di ɲįn vilɛn mą yələwala pɔ.

Osia 7:1

Ɓɛlɔwai kpɔlɔ gáá la bɔ ŋį́ Israɛlə ɓalo, nąąlɔwai kpɔlɔ ɓə Ɛfraimə nwɔ nɛ̨ŋɛ̨n a too la pɔ̨nɔ̨ ŋą, da Samari nwɔ kɛɛ kala mɛ̨nįɠaa, mąąhɔlɔɓo, lɛɛ ɓə di kaa gɛi, nwuɔ̨mun aa lɔ bɛlɛ́ɠaa mu, nu paa mun aa kpɔlu ɲɛnɛ̨ɛ̨ pələ.

Mąątɛ̨nɛ̨ 35:20

Líilaa woo hvo ta kulɔ li di la, nɔi lonnii yiiɠaai di wəli pulu laɠiɛi, yiliɠaai ɓə da kɛ di laa mąąhiɛi a lɛɛ pɛlɛɛ di nwuɔ̨, a yələ kəlee.

Amɔsə 2:4

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Ɉuda nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mąąhɔlɔɓo, daa lənə Yai-Laa nwɔ tɔ́nŋąą diɛ, ɛlɛɛ, di hvo bɔ liɛwooɠaa hon ni, mąąhɔlɔɓo, daa həɠə daa hvilɛn haliɠaa pulu, diɛi wɔlɔ di kalaɓɔlɔni di hvilɛn di pului.

Amɔsə 6:4

Ka káá laani ka wɔ kanąnbeeɠaai ŋą yii nwəli la laai a hə́lə́ ɲįn, Ka laa kpəlin gbɛa kpɛaa hu, Kaa ɓɛlaa gbɔnŋąą mįi, Da Nįŋɛ̨ gbɔn nwulaaɠaa.

Mąątɛ̨nɛ̨ 78:36

Kɛlaa, di kɛi mowo a di laaləi, di nɛ̨n yɛ lɛɛ kɛ mą.

Mąątɛ̨nɛ̨ 120:2

Yai-Laa, náá kulɔ lɛɛ kɛ nuą la, Ə́ gúlɔ lɛɛ kpala-kpala ɓo lɛ̨n yəi.

Sofoni 1:9

Ɲələi tii, nuąi da tɛɛ bɛlɛ́ laaləi, nuąi da di nąmu nwɔ pɛlɛ́i laa hvɛɛ a nwąnąlɔɔ mɛ̨nį, da nwuɔ̨ mɛ̨nį, ŋą ɲéé pɛlɛ gəlee diɛ.

Gɛlaɠaa 24:9

Ɉuifəɠaai kəlee di tɔɔ nwoo pulu, diɛ mą: Bələ ɓə ə kɛ la.