Mise 5:1 - Yálá laawoo hɛɓɛ (dc)

¹ Ɛlɛɛ yɛ́, Bɛtleɛmə Ɛfrata, yɛ́i hvó a taa lon Ɉuda taaɠaa lɔwai, ə́ kwəi ɓə Israɛlə ɲąąwooɓomun, gaa pai kulɔi laa, a nwɔ́ nui; yai kpala tɔɔi hvo mą.

Yálá laawoo hɛɓɛ

¹ Ɛlɛɛ yɛ́, Bɛtleɛmə Ɛfrata, yɛ́i hvó a taa lon Ɉuda taaɠaa lɔwai, ə́ kwəi ɓə Israɛlə ɲąąwooɓomun, gaa pai kulɔi laa, a nwɔ́ nui; yai kpala tɔɔi hvo mą.

Bible

¹ Káai a Zerusâlɛŋ-ƃelai, kaa kákɔ-kuluƃa-ŋai ŋáa tɛ́ ma. Da kúmaa tínaŋ! Díkaa nâa kɔ́ pɛlɛ̂i Eezuɛ-ŋuŋ túɛ-nuui ma.

Mise 5:1 Referans Kwoze

Woolaa 3:30

'Ə́ nwəli lɛɛ nowa mun ɲəi, ə niikpələ lalan ɲəi.

Zôo 16:10

Nuą diɛ di laa taɠa mą́ą́, diɛ nwə́li lɔwa a lalan, daa kpɔn di kee ɓa, diɛ pa woloi mą́ą́.

Korɛntə veelɛ 11:20

Ká kɛ hvaai mą, diɛ ká kɛ a luwɔɠaa, diɛ ká mįi, diɛ ká mąąkpoloon, diɛ tɛɠɛɓo ká hu, diɛ ká laa lowa;

Gɛlaɠaa 23:2

Ya ɓə ɉaláá laa həli mun gɛnɛ̨ Ananiasə, ə gwɛlɛ nuą tí, di gɛlɛ naaləi.

Ɉaan 19:3

Di lɛɠɛ kɛa ma diɛ kɛ mą: «Ɉuifəɠaa di wɔ tɔɔmun, ə́ yii kpɛli!» Yili pulu diɛ nwun nowa.

Ɉaan 18:22

Moi Jesus ə mo tii, galidə tɔ̨nɔ̨ ə nwun nowa, yɛ mą: «Bələ ɓə ya ɉaláá laa həli mun gɛnɛ̨ woo pulu pənə la?»

Maafîu 26:67

Yili pulu, daɠaa diɛ di laayá taɠa ɲɛ̨ilaai, daɠaa diɛ duwɔ a di yee kpun, daɠaa diɛ nwun nowa.

Azaya 33:22

Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.

Dutɛrɔnome 28:49

Yai-Laa kaa pai nu huwu ta ŋąątɔɔi kaa, diɛ həɠə kpɔ kwɛa la lɔi kpon ɉeei, diɛ koon diɛ pa yɛ kuwɔ, diɛ ɓo a nu huwu yii ka hvo pai di laa woo mɛ̨n ɉii.

Maafîu 27:30

Diɛ di laayá taɠa mą, di veen gbaɠai tii kulɔ ɲəi, diɛ gɛlɛ nwuɔ̨.

Maafîu 5:39

Kɛlaa, nwɛ́i gáá moi kaa, nui a mɛ̨nį ɲɔ̨n gɛ a kaa, ka hvo ka nwąną kulɔ mą. Nu a ə́ ɓa-mįi-yee wəli lɔwa, kɔ́ɓɛyee wəli tinɛ̨n ə nowa.

Habakukə 3:16

Ŋą́ din tii mɛ̨n, ɉú ə pu mą́ą́ kpɔ kɛnɛ̨; nááwuluun yɛ kɛlɛ gee ɓa a ɲɔw, gɔ́lɔi kəlee ə haa, gɔ́wɔ́ɠaa diɛ kɛlɛ di kee hu. Ŋą́ hee lɔ tin, və́ hvaa, gɛ́ mąąwɛli hvólói tii mąą kpɔn, ə gɛ, nɔi ŋɛ̨i aa hee ku mɛ̨i, diɛ li pɛlɛi mą.

Habakukə 1:6

Kalde nuą nwąnąlɔɔ tii, ɲɛ̨imąąwɛli kaa hvo di hui, gáá pai moi diɛ, di pa. Di kaa lɔi mɛ̨i diɛ tɛɛ, da di ɓɛlaa di wɔ lɔi kaa, di ɉəɠə di yəi.

Amɔsə 2:3

Nui gaa tɔɔlaa kɛi laa, ŋį́ baa da nwɔ ɲɛ̨itɔwɔ nuą kəlee.

Izikiɛ 24:2

«Hulɔnu lon, háákələi hvólói ŋɛ̨i laa pɛ̨ɛ̨ hɛɓɛ́ hu; a volói ŋɛ̨i kpɔ kpɔɔ, mąąhɔlɔɓo háákələi yələ ɓə Babilonə tɔɔmun ə kɔ́ pɛlɛ la Ɉerusalɛmə taa ɓa.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 4:7

Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.

Azaya 10:6

Gáá ɲąątɔɔi lɔi ɲɔ̨nwɔ̨ɔ̨ ɓa, gáá dɔɔi nu huwui niiholii bɔ́, yɛ di wɔ hɛn gɔwɠaai həɠə, yɛ too di mɛ̨i, yɛ di kiin giin, gɔwɔ mu yɛ da kɛli pɔlɔ tan.

Azaya 8:9

Nu-kanŋąą, 'ka kpɛlin, 'ka kwəi ə pili kaa a mɔ̨nɔ̨! 'Ka ka wəli tɔɔ, kwɛala lɔiɠaa, kaai kpɔ lɔi mɛ̨i ɓɛ yɛnɛ̨ɛ̨! 'Ka ka hu yili kɔ́ kɔ́ mɛ̨nį ɓa, ɛlɛɛ, di ka hu wolo! 'Ka ka hu yili kɔ́ kɔ́ mɛ̨nį ɓa, ɛlɛɛ, di ka hu wolo!

Tɔɔɓɛlaa veelɛ 24:2

Nąąlɔwai, Yai-Laa ə Kalde nuą, Aramə nuą, Moabə nuą da Amɔn lonnii di ɲąątɔɔ Yoyakimə ɓa. Yai-Laa ə di tɛɛ Ɉuda lɔi hu pələ, ə gɛ, di nɔi nuą huwu pu, yɛ bələi Yai-Laa ə bu laŋɔ tínuą la, diɛi kɛ a gwəi məni hukulɔ nuą.

Tɔɔɓɛlaa dɔlɔɔ 22:24

Nąąlɔwai, Kenaana lon Sidkiyahu ə nɛɛ mą, ə Mise laa lɔwa, yɛ mą: «Mįnɛ̨ pələ ɓə Yai-Laa nwɔ Kilii ə kulɔ la ɉú, yɛ mɛ̨nįɠaa ŋɛ̨i ɓo yɛ́?»

Zɛnɛse 35:19

Rasɛlə ə haa, Ɛfrata bələ pɔ, di noo. Ɛfrata laa ta ɓaa a: Bɛtleɛmə.

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Dutɛrɔnome 33:27

Yálái gaa a tɔwɔ-tɔwɔ Yálá, ya ɓə gaa a ə́ mąąkilɛi, ya ɓə ə́ yowoɠaa kpɛ ə́ tɔwɔ, yɛ kɛ yɛ́: di hu kala.

Nwun mąąɓo 17:7

Levi mun da, ə kɛ Bɛtleɛmə daai, Ɉuda nwɔ lɔi hu, ə kɛ laa a nwɛ̨ą.

Hanwon 8:23

Ɲą́ą́ ɓə ə gbɛa ɉéé hɛn gəlee nwun na, ŋį́ gbɛa kɛ laa, gɛɛ hvo yɛnɛ̨ɛ̨ pɛli.

Azaya 9:5

Gbala ə tɔɔ, gwaa lon ɉɔlɔɓo, daa lon ɉulɔnu tɛɛ gu pɔ, heeɓolaa kaa ɲəi; naa ɓaa a: Liɛwoo kɛmun nɛlɛɛ, Huwalawala Yálá yələ kəlee Ną́n, Liilaa Tɔɔmun.

Izikiɛ 21:32

Əkə kɛɛ kalaa! Əkə kɛɛ kalaa! Gáá pai nąą kalai ɲɔ̨nwɔ̨man da hvo ta kɛli, ə lɛɛ ɉu nui ŋą́ giti mɛ̨nį tɛɛ bɔ, mąą nu ə pa.»

Danîa 9:25

Yii mąąnɛ̨ɛ̨ ə́ kili ə kɛ ɉu, ə́ gbaɓala kaa, ya ka: Ə həɠə ɓɛlɔwai ŋɛ̨i di nwɛlɛɛ ŋɛ̨i ɓo la, yɛ hvilɛn na ka kulɔ mɛ̨nį luwɔlaa hu ɓa, da Ɉerusalɛmə taa tɔɔ mɛ̨nį a nįnɛ̨, ə mą kɛ, tɔɔmun yii Yálá ə ɉəɠə ɉu ə mąątí gulɔ mɛ̨nį pɔ̨nɔ̨ŋa, a kɛ a lɔwai mɛ̨ihveelɛ heei kwɛlan mɛ̨ihveelɛ. Yili pulu, lɔwai heei pow mɛ̨ida kɔ́w hveelɛ heei kwɛlan mɛ̨ihveelɛ hu, daa-lee kɛnɛ̨ da nwɔ hįi, da di tɔɔ. Kɛlaa, nɔwaiɠaai tii da kɛ a mɛ̨nį walawala.