Mise 4:2 - Yálá laawoo hɛɓɛ (dc)

² Lɔi tamąą kaa pai nąą hiɛ həɠəi, diɛ kɛ diɛ: 'Ka pa gu tɛ Yai-Laa nwɔ Yeei nwuɔ̨, Ɉakɔbə nwɔ Yálái yəi bɛlɛ́n, gaa pai nwɔ pələɠaai lɛi guɔ, guɔ hiɛ nwɔ pələɠaai mɛ̨i, mąąhɔlɔɓo, Siɔn ɓə kili mɛ̨nį a kulɔ laa, Ɉerusalɛmə ɓə Yai-Laa woo a kulɔ laa.

Yálá laawoo hɛɓɛ

² Lɔi tamąą kaa pai nąą hiɛ həɠəi, diɛ kɛ diɛ: 'Ka pa gu tɛ Yai-Laa nwɔ Yeei nwuɔ̨, Ɉakɔbə nwɔ Yálái yəi bɛlɛ́n, gaa pai nwɔ pələɠaai lɛi guɔ, guɔ hiɛ nwɔ pələɠaai mɛ̨i, mąąhɔlɔɓo, Siɔn ɓə kili mɛ̨nį a kulɔ laa, Ɉerusalɛmə ɓə Yai-Laa woo a kulɔ laa.

Bible

² Núu támaa da pâi pâi dîyɛɛi, “Ka pá kwáa lí Yâwɛɛ ŋɔyéei tôŋ su. Ka pá kwáa lí Zeeka Ŋɔɣâlai Ŋɔpɛ́rɛi mu. Ǹaa ƃé a pâi m̀ɛni-ŋai lɛ̂i naa kûa a gɛ́ɛ kú sía a dia. Nyíŋi ƃé pâi gɛ̂i kú kúɣeniɛi kɛ́ yɛ̂ɛ berei a ŋ̀wɛ̂lii lai. Kɛ́lɛ Yâwɛɛ ŋɔsɛŋ lɛ́ɛi a kûla Zerusâlɛŋ. Zãiyɔŋ Yeei ma ƃé a lôno naa ŋɔnûai pɔ́.”

Mise 4:2 Referans Kwoze

Azaya 2:3

Lɔi tamąą hu nuą kaa pai pai bɔ, di kaa pai kɛi diɛ: «Ka tɛɛ, gwə li Yai-Laa nwɔ yee ɓa, Ɉakɔbə nwɔ Yálá nwɔ pɛ́lɛ́i mu, ə gu kalan a mɛ̨nįi mąąnɛ̨ɛ̨ gu gɛ, kpaalə yii a vaa ɓo, gu tɛɛ la.» A tɛ̨ą, Siɔn daai ɓə Yai-Laa nwɔ tɔ́n nwoo ə həɠə laa, A tɛ̨ą, Ɉerusalɛmə daai ɓə nwoo a həɠə laa, yɛ həli guɔ.

Ɉeremi 31:6

Mąą yələ, daa mąąkpɛ nuą kaa pai tomąi la Ɛfraimə yee tona, diɛ kɛ mą: «'Ká ka muhəɠə, ka gu tɛ Siɔn daai, Yai-Laa gu wɔ Yálái pɔ, daa gbɛa gu hee.»

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Azaya 54:13

Ə́ lonnii kəlee di kaa pai kɛi a Yai-Laa yee pɔ nuą, ə́ lonnii di ɓo liilaa yɛnɛ̨ɛ̨ kɛnɛ̨ɛ̨ hu.

Mąątɛ̨nɛ̨ 25:12

Nui a ɲɔw Yai-Laa ɓa, Yai-Laa a ɉiɛ pələ lɛ mą, yɛ ɉon na.

Ɉaan 7:17

Nui hvaa Yálá liiɓa kɛ mɛ̨nį ɓa, a gbaɠala kaa akɛ mɛ̨nįi ŋɛ̨i gáá mo, ə həɠə Yálá pɔ, awala kɛ tii, gbɔ́wɔ́ woo li.

Lomaŋ 15:19

a kpalo mɛ̨nį da kwɛlɛɛn mɛ̨nį nwɔ huwalawalalaa, a Kili-Mąąhəɠɛɛ hvaŋą. Yili ɓa, ə həɠə kpɔ Ɉerusalɛmə, ə tɛɛ Iliri pələ, ŋą́ Kristə nwɔ wɛlɛɛ lɛlɛɛ laa həli kpɔ nąą kəlee.

Lukə 24:47

Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Markə 16:20

Galan nɛa di pənə di pulu, diɛ Yálá laawoo laa həli kɛɛnąą kəlee. Ną́mu ə kɛi kpɔnmąą tɛɛ di pɔ́ gólói tii kɛ mɛ̨nį hu, yɛ di wɔ kalan gɛ woo kɛ a tɛ̨ą, kpalo mɛ̨nįɠaa kɛɛ hu.

Zakari 14:16

A kɛ tii, nɔiɠaa kɔ́ pɛlɛ Ɉerusalɛmə ɓa, nuąi pai lɛɛi di hu, di kaa pai kɛi pai a kwɛlan ɉəli pələ tɛitɛi, diɛ pɛlɛ Yai-Laa Mɛ̨nį Kəlee ŋą Hééɓomun lííla, diɛ ɉəɠə kələ hɛli pu.

Gɛlaɠaa 13:42

Di kulɔi lɔwai, di Polə da Barnabasə di huhvɛli, diɛ kɛ, di pənə nwɔ̨nɔ̨, di mɛ̨nį tɔ̨nɔ̨i ti ta ɓo diɛ, a bulu ɓa hvįįtɔɔ yələ yii pai.

Ɉaan 6:45

Yálá kwəi mɛ̨nį hukulɔ nuą di bɛ̨ɛ̨ diɛ mą: ‹Yálá ɓə pai di kilaa pono.› Nui pai ną́n nwoo mąn ɉi, ə ɲąą kaa, ə ɲee hee mu, a pa bɔ́.

Dutɛrɔnome 6:1

Díɓo da dɔ́n nwooɠaa, da yɛnɛ̨ɛ̨ hon bələɠaai Yai-Laa ka wɔ Yálái ə ka tí la, yɛ ka di mąąkwɛli, diɛ ka tii. Ka li ka di pɔ yíi ɓo, ɓɛi ka káá lii heei laa.

Zakari 2:11

Siɔn, yɛ́i ŋɛ̨i heeni Babilonə, 'ə muhəɠə, 'pu.

Osia 6:3

'Ka gu Yai-Laa kɔ́lɔn, ka gu tɔɔ a gu nwąnąi Yai-Laa kɔ́lɔn mɛ̨nį ɓa, ba mɛ̨nį hva ɉəɠə mą, lɔ yɛ bələi yələ ɓoɔ hva ɉəɠə la mą; gaa pai pai gu pɔ, yɛ nąląąn, yɛ bələi tulɔ tɔlɔɔ a pu la yɛ lɔi yɔwɔ.

Mąątɛ̨nɛ̨ 110:2

Yai-Laa ə ə́ wɔ Heeɓolaai yee kɔ̨nwɔ̨n ɉu ɓɛɛlɛɛi, ə gɔwɔ tɔɔ Siɔn, yɛ́ pɛli heei ə́ yowoɠaa mɛ̨i.

Mąątɛ̨nɛ̨ 119:1

Nuąi di yíi pələ mąąkulɔi hvo mą, di nwun na nɛ̨ɛ̨i, a diɛi da hiɛ a Yai-Laa nwɔ tɔn nwooi.

Mąątɛ̨nɛ̨ 119:171

Ee kə! 'Ə́ mąątɛ̨nɛ̨ woo ə lɛɛ lɔ yɛ kulɔ ná! Mąąhɔlɔɓo, yá kɛ mą́ą́kwɛlii ə́ wɔ tɔn nwooɠaa diɛi.

Mąątɛ̨nɛ̨ 122:1

Ɲee mąąhəɠɛɛ tɛ wələ. Davidə nwɔ wələ. Da kɛ mą́ą́: «'Gwə li Yai-Laa yəi bɛlɛn!» Gwə́i a nɛ̨ɛ̨!

Azaya 56:7

gáá pai pai a diɛ nwɔ́ yee mąąhəɠɛɛi nwuɔ̨, gɛ́ di hee nwun na nɛ̨ɛ̨ hu, ɲə́i bɛlɛ́n; ɓɛi da vɛ́li laa, diɛ mą́ą́wiɛ halááɠaa da di wɔ kɔ́ɓo hɛnŋąą tɛɛ laa, ŋį́ ɲéé lɛlɛɛ hee di mu, ɉaláá kulɔi ɓa, mąąhɔlɔɓo, di kaa pai nwɔ́ pɛlɛ́i laa heei a: «Pɛlɛi huwu kəlee a Yálá hvɛli mu.»

Ɉeremi 42:3

Yai-Laa ə́ wɔ Yálái ə ku tənən dɔɔ, kwa gɛ pələ kɛ ləi?»

Zakari 9:10

Gaa pai kɔ-kɔ-wotolo mɛ̨nį kpɛɛi Ɛfraimə lɔi hu, yɛ kɔ-kɔ-wotolo mɛ̨nį kpɛɛ Ɉerusalɛmə. Gaa pai gɔ-kɔ kilɛn ɉu yalii, ɛlɛɛ, yɛ liilaa yɛnɛ̨ɛ̨ loloɓo a lɔi kəlee nwɔɔ. Nwɔ heeɓolaa kaa pai həɠəi gboloyá ta ɓa, ə həli da kpɛli ɓa, yɛ həɠə ɲá kɛnɛ̨ ɓa, yɛ həli nɔi kpɛlai.