Biblia Todo Logo
Bib sou entènèt

- Piblisite -




Mise 4:13 - Yálá laawoo hɛɓɛ (dc)

13 'Ə́ muhəɠə, 'mɔ̨nun dan Siɔn nɛ̨ɛ̨gbɛla, gáá pai ə́ mįnɛ̨ɠaa kɛi a kwɛli, gɛ́ ə́ kɔ́wɔɠaa kɛ yɛ kwɛli kpɔlu, ə́ kaa pai lɔi tamąą kiin-giin ɉii, ɉɛn ə́ pai ɉon ɉii a kɔ́, yɛ́ gulɔ Yai-Laa ɓa a haláá, yɛ́ di yəi hɛngɔwɠaa kɛ a Yai-Laa kɔ́ hɛn.

Gade chapit la Kopi

Yálá laawoo hɛɓɛ

13 'Ə́ muhəɠə, 'mɔ̨nun dan Siɔn nɛ̨ɛ̨gbɛla, gáá pai ə́ mįnɛ̨ɠaa kɛi a kwɛli, gɛ́ ə́ kɔ́wɔɠaa kɛ yɛ kwɛli kpɔlu, ə́ kaa pai lɔi tamąą kiin-giin ɉii, ɉɛn ə́ pai ɉon ɉii a kɔ́, yɛ́ gulɔ Yai-Laa ɓa a haláá, yɛ́ di yəi hɛngɔwɠaa kɛ a Yai-Laa kɔ́ hɛn.

Gade chapit la Kopi

Bible

13 Yâwɛɛ è mò Zerusâlɛŋ-ƃelai dîa ǹyɛɛi, “Ka pɛlɛ kákpɔara-ƃelai dîa. Ŋa pâi kákponôi kpananîi yɛ̂ɛ niŋa-sîrɛ nyii mĩla káa a kɔli, zôlo kɛ́ ƃò a ƃarai. Ka pâi lɔii-ŋûŋ támaa yée mɛi ɣâlei, ká díkɔ̃liŋ kula díyêei nyii dí zɔlɔ ƃô a wôya perei, ka pá la ḿbɔ ńyãai a ǹɔii kélee Ǹuu-namui.”

Gade chapit la Kopi




Mise 4:13
28 Referans Kwoze  

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.


Kɛlaa ɉɛn a ɉɔlɔɓo, da dɔlɔɠaa, da gəlee laakwɛlanmo Yai-Laa ɓa; di hva di ɲąąkpɔn gee ɓa, di hva di pu gee mɛ̨i. Ɉɛn gɔwi tii kəlee da kɛ a, nuąi heeni Yai-Laa lííla, di kɔ̨nɔ̨n, diɛ pilə ɉu, diɛ həɠə lɛlɛɛɠaa hɔlɔɓo ɉu a lamun ɉəɠəɠaa.


Nąąlɔwai, nu huwu yee muhəɠɛɛi tii gbɛlɛ hvo mą, a yai gwɛlɛ lɔiɠaa da ɲɔw mą kpɔ kɛnɛ̨i, yai vaŋá kɛnɛ̨ɛ̨ ɉeɛ lɔiɠaa mɛ̨i, gaa pai pai a Yai-Laa Mɛ̨nį Kəlee ŋą Hééɓomun kɔ́ hɛn. A nɔi tii ya kpɛa-kpɛaɠaa kaa ɉu, gwɛlɛ lɔiɠaa diɛ ɲɔw mą kpɔ tii kɛnɛ̨i, gaa pai pai a Yai-Laa Mɛ̨nį Kəlee ŋą Hééɓomun kɔ́ hɛn, ɓɛi Naa kaa laa Siɔn yee nwuɔ̨.


Lɔwɔ tɛitɛi ŋą hvoló tɔlɔɔ, yii nu tɛitɛi a pɛli ɉɔlɔɓoi, yɛ gulɔ ɲəi hɛnŋaa hu, yɛ naa gwɛlɛ, yɛ bələi ŋą yee pɛli mąą laa kaa la; 'ká hvo bái lɔwai mąąkpɔn, ɉɛnŋaa tii ɲąąkpɔn mɛ̨nį ɓa.


Yɛ mą́ą́: «Hvaŋą nąąn ga tii, di kɛ tɔɔni lɔi kəlee Nąmu kwɛlɛ, di kɛɛ kɛa lii ka tii.»


Yɛ mą́ą́: «Nu hveelɛi nwulɔ mɛ̨nį nwun na, di ɓo tɔɔni lɔi pilɛɛ gee mɛ̨i Nąmu lííla, diɛ li.»


Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka, yɛ diɛ: Babilonə lɛlɛɛ kaa yɛ mɔ̨nun gbala gbaha, ɓɛlɔwai di kaa pai bɛlɛi la, ɉu hvo kɛa kwɛa li diɛ pa mɔ̨nun bui mɛ̨i,


Ə́ wɔ Yálái aa naa gwəi, yɛ ə́ kaa pai kɛi a hu walawalamun, 'Ə́ hvąŋą lɛ, Yálá! Yɛ́i Ə́ kɛ mɛ̨nį kɛi ku mąą mɛ̨nį hu.


Walii kpɔ gaa ɓɛ, da hɛni, hɛn nɔpee gaa a ɓala kwɛli, da kwɛli kpɔ-kpɔ, gəlee kaa a Yai-Laa nwɔɔ, yili a lɔ Yai-Laa nwɔ hɛn gɔwi hu.»


Donwą ɓaɠaaɠaa, da gilɛnŋąą kəlee di hu yalaa ɓə, di wɔ hooɠaai kɔ́wɔ ɲą wala walaai yɛ kwɛni, di wɔ wotoloɠaai kɔ́wɔ ə ɓo yɛ hvaŋą.


Tarsisə lɔi da gboloyá hąąi lɔi hu tɔɔɓɛlaa, di kaa pai kɛi ɉamą pilɛɠaa tɛɛi; Saba da Seba tɔɔɓɛlaa diɛ nįįhɔ̨nwɔ̨ kulɔ mą.


Gaa kpɔnŋąą pulu gwɛli yɛ ɓo a kwəli kpəlee da ɓala kwɛli. Gɛ́ nwɔ huwalawala hu ə kwɛa lɔ yɛ bələi ɲíi hvóló kaa la!»


Yɛ́i ŋɛ̨i Ną́mu aa ə́ tan, yɛ bələi da mɔ̨nun dan na, mɛ̨nįi ŋį́ mɛ̨n, yɛ kulɔ Yai-Laa Mɛ̨nį Kəlee ŋą Hééɓomun la, yai a Israɛlə nwɔ Yálá, ya ka ŋɛ̨i gáá ɉukulɔi yɛ́.


Ə́ kɛ ɲə́i a yənə, a kɔ́ kɔ́ kwɛli hɛn, ŋį́ lɔiɠaa hu ɓuwɔ a yɛ́, ŋį́ lɔiɠaa huwolo a yɛ́;


Ɛfraimə ə kɛ a nįŋɛ̨ kpəla, dɔɔ a nɛlɛɛ, koló wɛli ə ɓo mą, ŋą́ lɛɛ tɛɛi, ŋį́ gɔn nɛlɛ pələ kaa, ŋą́ nwun nɔ tiɛ̨ mu, Ɉuda ə kɛi kɛɛ hin, Ɉakɔbə yɛ gɛɛ kpɛŋɛ̨n.


Ya tɛɛ lɔi mɛ̨i a liiholi, Yɛ́ lɔiɠaa wolo, ə́ wɔ liiholi hu.


Davidə nwɔ Yálá mąątɛ̨nɛ̨ wələ. Yai-Laa nwɔɔ ɓaa, a lɔi da ɉu hɛn gɔwɠaa kəlee, nwɔɔ ɓaa, a yɛnɛ̨ɛ̨ da ɉu hee ɓo nuą!


Nąąlɔwai, Ɉakɔbə nu kpəli woloi pai lɛɛi, gaa pai kɛi lɔiɠaa hu, nu huwu tamąą lɔwai, yɛ yala, lɔwɔ huwɔɠaa lɔwai, yɛ yala lon, ɓɛlaa kpulu lɔwai, dɛɛ pələ tɛitɛi, a ɓɔlɔ́n di mɛ̨i, yɛ di hon ɛlɛɛ nu hva hɔlɔɓo, yɛ di kulɔ ɲəi.


A tɛ̨ą, mąą yələ, ŋą́ Ɉerusalɛmə tɔɔ lɔi kəlee lííla, yɛ kwɛni kpuwulu, di hva pɛli muhəɠəi. Nui lɔpee pai kɛi bɔ ə mukpəŋə a ɲee kɔ́lɔɓo. Yili mąą mɛ̨nį ɓa, yɛnɛ̨ɛ̨ lɔiɠaa kəlee kaa pai kɔ́ pɛlɛi mą.


Mąą yələi tii, ŋą́ Ɉuda ɲąąwooɓo nuą kɛ yɛ, da nwɔ̨n gɛnɛ̨ hee kpaɠa hu. Yɛ da kpalan dɔɔ, di nɔ dɛ̨ɛ̨ hu. Di kaa pai lɔiɠaa hukalai, di ɓa-mįi-yee hu pələ, da kɔ́ɓɛyee hu pələ, di kwɛlɛ kəlee ɓa. Kɛlaa, Ɉerusalɛmə a lɛɛ tɔɔni dɔɔi.


Swiv nou:

Piblisite


Piblisite