Mise 3:8 - Yálá laawoo hɛɓɛ (dc)

⁸ Kɛlaa nwɛ́i Yai-Laa nwɔ Kilii haalai gáá pin, ɉúwalawalaa, a tələnmolaa da lii kpələ, gɛ́ pɛli Ɉakɔbə nwɔ kulɔ nwoo mu laai lɛi mą, gɛ́ Israɛlə nwɔ nɛ̨ŋɛ̨n hukulɔ mą.

Yálá laawoo hɛɓɛ

⁸ Kɛlaa nwɛ́i Yai-Laa nwɔ Nįį haalai gáá pin, ɉúwalawalaa, a tələnmolaa da lii kpələ, gɛ́ pɛli Ɉakɔbə nwɔ kulɔ nwoo mu laai lɛi mą, gɛ́ Israɛlə nwɔ nɛ̨ŋɛ̨n hukulɔ mą.

Bible

⁸ Kɛ́lɛ à kɛ̀ a ńyãa, Yâwɛɛ a wála-wala tɛɛ ḿbɔ. Ŋɔmɔ̂leŋ káa ŋ́gbonôi a gɛɛ ŋá tɔ̃yâ mɛni kɛ́ a lii-kpêle pere a gɛɛ ŋá Zeeka ŋɔtɔ̂ŋ karaai lɛ́ ma, ŋá Eezuɛ-ŋai dísɔnyɔ̂ŋ lɛ́ dîa.

Mise 3:8 Referans Kwoze

Azaya 58:1

'Toma kpɔ a ə́ woo kɛnɛ̨, hvo ɉu hon, 'ə́ woo tɛ yələi yɛ túlú woo, nwɔ́ nu huwui nwɔ túwɔ pələ ɲɔ̨n lɛ mą, ə́ Ɉakɔbə nwɔ pɛlɛ́i nwɔ nɛ̨ŋɛ̨n lɛ mą.

Korɛntə dɔlɔɔ 2:4

Nwóó da nwɔ́ nuą mąąkwɛli pələ, di hvo kɛ a gbąnąlaa kili, kɛlaa, di kɛ a Yálá ŋą Kilii nwɔ huwalawala ŋą mɛ̨nį lɛ pələ;

Izikiɛ 43:10

Ɛlɛɛ, yɛ́ hulɔnu lon, Yálá hee pɛlɛ́i ŋɛ̨i kiliin Israɛlə nwɔ pɛlɛ́i ɓa, ə gɛ, di nwumɛ̨ mɛ̨nįɠaai di gɛ, hvo pɛli li ɉu mąą mɛ̨nį ɓa; di gɛ pələ kɔ́ɔn.

Izikiɛ 16:2

«Hulɔnu lon, Ɉerusalɛmə kili hvilɛnŋąą lɔ kɛɛ kala mɛ̨nįɠaa diɛ.

Zôo 32:18

Mąąhɔlɔɓo, nááhvɛɛi a mɛ̨nį tamąą, ɛlɛɛ gwə́i mɛ̨nįɠaa di kaa mą́ą́ wəleen ɉii.

Maafîu 7:29

Mąąhɔlɔɓo, bələ hvəə di wɔ tɔ́n galamɔ̨ɔ̨ɠaa da di kalan na. Jesus ə kɛi di kalan a heeɓo laa.

Izikiɛ 22:2

Hulɔnu lon, ə́ wəli tɔɔ, akɛti, mąą hvo nɛ̨ɛ̨li mɔ̨ɔ̨ kɛ ə́ ɲąmą taai ŋɛ̨i kiti tee, mąąnɛ̨ɛ̨ kpɔ ə́ giti tee; ə́ nwɔ ɓowo mɛ̨nįɠaai kəlee lɛ mą.

Izikiɛ 20:4

Kɛlɛi yɛ́ ɓə mąąnɛ̨ɛ̨ ə́ di kiti tee. A tɛ̨ą hulɔnu lon, di kiti tee. Di nąnni di wɔ kilikpɛɛgwəi mɛ̨nįɠaai hukulɔ diɛ.

Izikiɛ 3:14

Yálá nwɔ Kilii ə gbə́ŋə́ nwɔ̨nɔ̨ ə li a ɲą́ą́ nąąlɔwai; ŋą́ kɛi li, níí ɲąą nwąnąą gwə́i, níí holiɛ kɛ, Yai-Laa yee pɛlɛɛi kɛ mɛ̨́i kpɔ a nwala wala.

Ɉeremi 20:9

Ŋą́ tɔɔ gɛ́ kɛ diɛ: «Vá kɛa náá tunwɔ̨n mą, vá kɛa mɛ̨nį ta ɓo naa hu.» Ŋą́ gɛ tii, yaamun, a hee ɉú pələ yɛ nwɔ̨n gbəɠiɛ, gánan ŋąą gɔ́w hu. Ŋą́ tɔɔ kpɔ a nwą́nąąi, gɛ́ kɛ ŋį́ ɉu hon, Kɛlaa vá pɛli mą.

Ɉeremi 1:18

Nwɛ́i, gáá ə́ kɛi háákələi a taa walawala, a kwɛli hɔlɔɔn, ŋį́ ə́ kɛ a hįį yii dɔɔ a ɓala kwɛli, yɛ́ tɔɔ la nɔi nuą kəlee la, Ɉuda tɔɔɓɛlaa, da nwɔ ɲɛ̨itɔwɔ nuą, da nwɔ haláá laa həli nuą kəlee, da ɉu lonnii kəlee.

Ɉeremi 6:11

Gáá hvɛɛi a Yai-Laa nwɔ liiholi, Ə lɛɛ vá kɛa pɛli ɉu hon ɉii. Daɠa nɛapɛlɛɛ mɛ̨i gwəliɠaa pɔ, ə mą kɛ muhəɠə nįnɛ̨ɠaa mɛ̨i, da daai nuą kəlee, ɉinąą mąn nɛɛa mąn; ə kɛ a hulogolo, ə kɛ a nu nwunu.

Markə 3:17

Ɉakə da nəɠə Ɉaan diɛi kɛ a Zebede non Ɉinąą, diɛ kpɛli Jesus ə di laa mɛ̨i hee a Boanɛrgɛsə (yili mukulaa ɓaa a: nuą di kaa yɛ yələgbąnąą.)

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Azaya 61:2

Yai-Laa nwɔ mɛ̨inɛ̨ɛ̨ kɛ kwɛlan noloɓo mɛ̨nį ɓa, da gu wɔ Yálái nwąną kulɔ yələ, nuąi mɔ̨nɔ̨ hu, di lii laa mɛ̨nį ɓa.

Woolaa 2:14

Yálá kwəi mɛ̨ni ɓo nuąi di kaa ə́ yəi, ɓowo hįi ɓə di gaa ə́ mąą mɛ̨ni ɓa, yɛ ɓo a kpɛli-kpɛli mɛ̨ni. Di hvo kɛ ə́ hɔn nɛ li yɛ́, yii kɛ a pɛli nuwɔlaa ŋɛ̨i hvolói yɛ́. Nwɛlɛɛi di kɛi mo yɛ́, ə kɛ a lɛɛ woo da nu ɓowo woo

Izikiɛ 23:36

Yai-Laa ə hvaa bɔ́, yɛ mą́ą́: hulɔnu lon, ə́ kaa bɔ ə́ Oholiba da Ohola di kiti tee? Di wɔ tuwɔ pələ ɲɔ̨n hu kulɔ kan diɛ.