Mise 1:7 - Yálá laawoo hɛɓɛ (dc)

⁷ Ɉali mąą nįnįnŋaai kpɔ daai, gəlee hu a yali yali. Ɉɔlɔɓo hɛn gəlee a lɛɛ a nwɔ̨n gɔ̨nɔ̨n, ŋą́ nwɔ haliɠaai kəlee wolo-wolo. Mąąhɔlɔɓo, di di tiɛ̨ gee mɛ̨i, a wɛlikɛ nɛ̨ąą yəi wali. Di kaa pai pənəi di kɛ a wɛlikɛ nɛ̨ąą hvɛla.

Yálá laawoo hɛɓɛ

⁷ Ɉali mąą nįnįnŋaai kpɔ daai, gəlee hu a yali yali. Ɉɔlɔɓo hɛn gəlee a lɛɛ a nwɔ̨n gɔ̨nɔ̨n, ŋą́ nwɔ haliɠaai kəlee wolo-wolo. Mąąhɔlɔɓo, di di tiɛ̨ gee mɛ̨i, a wɛlikɛ nɛ̨ąą yəi wali. Di kaa pai pənəi di kɛ a wɛlikɛ nɛ̨ąą hvɛla.

Bible

⁷ Ŋa pâi díɣâla-pɔkɔɔŋ-ŋai kélee su karâi. Zãâi dí zɔlɔ ƃô Ŋ̀âla-pɛrɛi mɛni ma díwulu-wulu kɛ́ɛi sârai, ŋa pâi gérenîi a ŋɔŋ. Ŋa pâi díɣâla-pɔkɔɔŋ-ŋai wôloi. Zãâi è zɔlɔ ƃô ŋɔwulu-wulu kɛ́ɛi sârai, ŋɔkpɔara-ƃelai da pâi liî dí gɔlɛ wulu kɛ́ɛ pôlu kwaa da kpɛ́ni ma.”

Mise 1:7 Referans Kwoze

Dutɛrɔnome 23:18

Mąą hvo nɛ̨ɛ̨li haláá wɛli kɛ nɛ̨ąą di hvo kɛ Israɛlə nɛ̨ąą lɔwai, mąą hvo nɛ̨ɛ̨li nwɔ̨nɔ̨ haláá wɛli kɛ nuą di hvo kɛ Israɛlə hinąą lɔwai.

Osia 2:12

Gáá kɛa pai nwɔ nwumɛ̨ mɛ̨nįɠaai tooi pɔ̨nɔ̨ ɲą, nwɔ wɛliɠaa ɲɛ̨́i ɓa, ɛlɛɛ, nu ta hvo pai gulɔi ɲə́i.

M̀ɛni-lɛɛi 18:3

Mąąhɔlɔɓo, ə ŋą wɛlikɛ lɔɔ kpəɠiɛi tɔɔ hįi lɔi kəlee la; lɔi mɛ̨i tɔɔɓɛlaa di too bɔ ŋą wɛlikɛɛ tii hu, ɛlɛɛ, yɔw kɛ nuąi lɔi mɛ̨i, di hɛn ɉɔlɔɓo nwɔ ŋąąnɛ̨ɛ̨ háálai.»

Osia 8:6

Mąąhɔlɔɓo, ə həɠə Israɛlə pələ, yɛlɛ mun da ɓə bɛli, Yálá hvo li; a tɛ̨ą Samari nwɔ nįŋɛ̨ lon hu kaa ɓuwɔi a gbuɔ kpuɔ.

M̀ɛni-lɛɛi 18:9

Nąąlɔwai, lɔi mɛ̨i tɔɔɓɛlaai kpɔ di kpɔwɔ tɛɛ bɔ, da diɛni diɛ wɛlikɛ, ɛlɛɛ, diɛ ɲąąnɛ̨ɛ̨ kulɔ, da pa gələn nwɔ̨n nului tii kaai, da wɔlɔ diɛ di woolaa a mąą mɛ̨nį.

Zooɛ 3:3

Gáá pai kwɛlɛɛn mɛ̨nįɠaa kɛi yələ kwəi, da lɔi mɛ̨i, ə mą kɛ ɲąmą, nwɔ̨n da nwɔ̨n nulu.

Osia 2:5

A wala gɛ tii, gáá pai həɠə kulɔi mą, ə lɛɛ a gbuwulu, gɛ́ nɛɛ lɔ yɛ bələi wɔlɔ ə kɛ la a gaa yələ. Ŋį́ gɛ yɛ lɔi pun, ŋį́ gɛ yɛ gbali a kələn, gɛ́ gɛ, yɛ haa la a kpələ wɛli.

Azaya 27:9

Bələ ɓə Ɉakɔbə nwɔ nɛ̨ŋɛ̨n kaa pai waai laa mą; mąąhvaalɛɛi di mo, bələ ɓə dɔlɔ kaa pai kɛi la, gaa pai ɉaláá kulɔi kwɛniɠaa hon ɉii, yɛ kwɛni a kɛ a gələn ŋąą da ya pu mą; di hva kɛa ɉaláá wuluɠaa da hvóló mąą nįnįnŋąą haŋą di hvo dɔɔ.

Kɔlɔnikɔ Veerɛi 31:1

Di kpɛɛ a mɛ̨nįɠaa tii kəlee kɛɛ, Israɛlə nuą kpɔ tii kɛ laa, dəli Ɉuda taaɠaa hu, diɛ ɉali mąąnįnįnŋąą wolo, diɛ nɔwɔ ɲɔ̨nŋąą hvala, diɛ ɉaláá kulɔiɠaa taɠa; di di kpɛɛ kpɔ tɛ̨ɛ̨tɛ̨ɛ̨ Ɉuda da Bɛnɉamɛn lɔi kəlee; ə mą kɛ, Ɛfraimə da Manase lɔiɠaa kəlee hu. Yili pulu, Israɛlə nuą kəlee di pənə di li di pɔ taaiɠaa.

Dutɛrɔnome 9:21

Ɛlɛɛ, ɉɛn ŋɛ̨i ka bɛli a nįŋɛ̨ lon, ŋį́ ɉəɠə, ŋį́ ɉuyaləyalə, ŋą gələn; ŋį́ vunwɔ, ɲái tii kɛi həɠə ɲee ɓa pələ, ŋį́ vunwɔ pu ɉu.

Levetekɔ 26:30

Gɛ́ ka wɔ hali kɔ́iɠaai taɠa, ɉaláá kulɔi ka kɛ lansan kələn ɉi laa, gɛ́ nąą kala, gɛ́ ka powaɠaa tiɛ̨ ka wɔ haliɠaai mɛ̨i, gɛ́ yowolaa kulɔ la tii a kaa.

Samuɛlə dɔlɔɔ 5:4

Mąą yələ laaɓoɔ, di di muhəɠə yələ wala piinɛ̨ɛ̨, di Dagɔn kaa nwɔ̨nɔ̨ tooni Yai-Laa nwɔ mįnɛ̨ kəhii lííla. Dagɔn nwun galən da ɲee hveelɛi di yaliɛ mą, di ɓo tooni bɛlɛ́ laaləi, gbinį lɔ ɓə lɛɛ.

Azaya 2:18

Haliɠaai kpɔ da kwɛli hvilɛn diɛ, gəlee da lɔ gbąį.

Azaya 23:17

Kwɛlan bow mɛ̨ihveelɛ a tɛɛ, Yai-Laa kaa pai Tirə mąą mɛ̨nį ɲɛ̨i kulɔi, ə pənə ə nwɔ yɔwii kɔ́wɔ tɔɔ, ə pənə nwɔ̨nɔ̨ yɛ gbɔwɔ kɔ́lɔ lɔwɔ́tɔɔ yɛnɛ̨ɛ̨ tɔɔlɔiɠaa kəlee diɛ.

Izikiɛ 6:6

Ɓɛi lɔpee ka káá pai kɛi laa, da daaɠaa pu, diɛ ɉaláá kulɔiɠaa hu taɠa taɠa, diɛ ka wɔ halaa kulɔiɠaa hu kala la ti; nąą ɓɛlɛ yɛ kpɛɛ la mą; diɛ ɉali mąąnįnįnŋąą yali yali, di mąą mɛ̨nį yɛ kpɛɛ; diɛ ɉali kɔ́ pɛlɛ́ɠaa wolo, diɛ ka yee pɔɔ taɠa taɠa.

Osia 2:14

Díi tii, da nwɔ ɓawuluɠaai tii ə kɛli kɛ di mąą mɛ̨nį ɓa: «vɛ́lai nwɔ́ wɛliɠaa di dɛɛ bɔ́, ya ka», ŋį́ di hu kala, gɛ́ di mąą pənə a kpomó, lɔwɔ huwɔɠaa diɛ nąą kɛ a di kɔ̨nɔ̨n gwɛlii.

Osia 8:5

Yai-Laa aa lənə ə́ wɔ nįŋɛ̨ lon ɓa, Samari. Nwɔ́ líiholii aa muhəɠə di laa ɓa, lə yələ kpɔ ɓə hɔn gaa pai kpɛɛi la kaa?