M̀ɛni-lɛɛi 7:12 - Yálá laawoo hɛɓɛ (dc)

¹² Diɛ kɛ mą: «Amįįną! Mąątɛ̨nɛ̨, mąąwiɛlaa, kilikɛɲəilaa, mąmąɓo, ɓɛlɛ laa hvaŋą laa, ɛlɛɛ da huwalawalalaa, di kaa a ku wɔɔ Yálái nwɔɔ, ɲɛ̨n deei hvo mą! Amįįną!»

Yálá laawoo hɛɓɛ

¹² Diɛ kɛ mą: «Amįįną! Mąątɛ̨nɛ̨, mąąwiɛlaa, kilikɛɲəilaa, mąmąɓo, ɓɛlɛ laa hvaŋą laa, ɛlɛɛ da huwalawalalaa, di kaa a ku wɔɔ Yálái nwɔɔ, ɲɛ̨n deei hvo mą! Amįįną!»

Bible

¹² díyɛɛi, “É kɛ́ tí! Lûwa, fólo-laa, táre, sɛɣɛ-féi, ƃaa-kɛ-maa, wala-wala-laa da kpanaŋ-laa dí kɛ̀ Kúɣâlai ma wɔ́lɔ-wɔlɔ da wɔlɔ-wɔlɔ! É kɛ́ tí.”

M̀ɛni-lɛɛi 7:12 Referans Kwoze

Zûu 1:25

Yálá kɔw tanɔ̨n tii a gu ɓalomun, gu Nąmu Jesus Kristə laa hu, mąąwiɛ, kɛnɛ̨ laa, huwalawala da heeɓolaa ə kɛ mą, yiihu ə lɛɛ ɉu wɔ, Yálá ə kɛ!

M̀ɛni-lɛɛi 19:4

Galanɉon pow-hveelɛ-kɔw-nąąn tii, ɛlɛɛ, da ɉuwɔ nąąn tii, di pu di kpəlin na, di gwɛli hvilɛn Yálá ɓa, yai heeni dɔɔkpəlin ɉu, ɛlɛɛ, diɛ kɛ mą: «Kánįkookwəi! Amįįną!»

Kolosə 3:17

Mɛ̨nįi lɔpee ká pɛli moi, awala kɛ tii, káá gɛ, 'ká gəlee kɛ gu Ną́mu Jesus laa hu, káá gu Nąn Yálá mąmąɓo la, ɉaalai.

Mąątɛ̨nɛ̨ 100:4

'Ka lɔ ɲəi bɛlɛ́ laaləi a ɉɛɠɛɛɓo wələɠaa, 'ka lɔ ɲəi gwəlii a mąątɛ̨nɛ̨ wələ nɛ̨ɛ̨ɠaa, 'ka ɉɛɠɛɛɓo, 'ka Naa tɛ!

Zôna 2:9

Nuąi di hvilɛn ŋąąi hali kpɛli-kpɛliɠaa pulu, daa di kpɔwɔ mąą kwɛa ə́ wɔ mɛ̨inɛ̨ɛ̨ ɓa.

Mąątɛ̨nɛ̨ 147:7

'Ka Yai-Laa hɛɠɛɛɓo wələ pili mą, 'ka bɛlɛ gwəi yɔw gu wɔ Yálái ɓa.

Mąątɛ̨nɛ̨ 107:22

Di ɉɛɠɛɛɓo haláá kulɔ kan, di gɛ mɛ̨nįɠaa loloɓo a kwəinɛ̨ɛ̨.

Mąątɛ̨nɛ̨ 89:52

Yai-Laa, ə́ yowoɠaa daa mɔ̨nɔ̨ lɔ bɔ, nui ə́ ɉəɠə ɉu, a kɛi tɛɛ, diɛ di laayá pili gɔwɔ pɔɔ hu.

Mąątɛ̨nɛ̨ 72:19

Lúwɔ́ ə kɛ naa mąąwiai ɓa a yələ kəlee; lɔi kəlee laa ə hvɛɛ a nwɔ mąąwiɛ, kɛi a mo tii Yálá ə kɛ! Mįiną!

Mąątɛ̨nɛ̨ 41:13

Nwɛ́i, yáá ə́ yee hee mú, yáá gɔ́lɔi pɔ̨nɔ̨, Ə́ ɲɛ̨i kaa mą́ą́ a yələ kəlee da wɔɔ.

Ɉeremi 33:11

kwəinɛ̨ɛ̨ wələɠaa mɛ̨n ɉii laa, da yɛlɛ wooɠaa, nɛ̨ą həɠə mun nwɔ wələ woo yɛ tɔɔ. Hilɛtai nɛ̨ɛ̨nu nwɔ mąną kaa tin yɛ tɔɔ. Nuąi pai a hɛɠɛɛɓo halááɠaa Mɛ̨nį Kəlee ŋą Hééɓomun Yai-Laa yəi bɛlɛ́n, di wɔ hvɛ́li woo yɛ tɔɔ laa, diɛ kɛ mą: 'Ká Yai-Laa Kɔlaɠa Nwun Ną́mu laa too a wələ, mąąhɔlɔɓo, nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei hvo mą. «A tɛ̨ą, ŋą́ pənə ŋą́ nɔi ŋɛ̨i tɔɔ, ə pənə ə kɛ yɛ bələi ə kɛ la tɔlɔɔ. Ɲą́ą́ Yai-Laa nwoo li.»

Azaya 51:3

Gaa tii, Yai-Laa aa Siɔn mąą wɛli kaa, Aa nwɔ taa kpoloonŋąąi mąą wɛli kaa; gaa nwɔ ɲɛą lɔi mąą pɛ̨nɛ̨i a Yálá-taa lon ma, ə nwɔ kpomóɠaai mąą pɛ̨nɛ̨ a, Yai-Laa nwɔ nɔw yɛa; kwəinɛ̨ɛ̨ da mąną ɓə nu a di kaa laa, hɛɠɛɛɓo da hvɛ́li woo lɔ ɓə nu a di mąn naa.

Kolosə 2:7

'Ká hamu ə hvilɛn kani Kristə mɛ̨i kpɔ kpąą, ká hu ə walawala a laa na laai di ká mąąkwɛli mą, ɛlɛɛ, káá ɓo la tii, a mɛ̨inɛ̨ɛ̨ hukɔlɔn nuą.

Korɛntə veelɛ 4:15

Mɛ̨nįɠaai kpɔ laai kuɔ, ká mąą mɛ̨nį ɓə, nɛ̨ɛ̨laa ta yɛ pɛlɛ la mą, gbɔn ɉu yɛ kɛnɛ̨ la, ɛlɛɛ, Yálá ŋą mąąwiɛlaa hɛɠɛɛɓo woo hu yɛ wiɛ la.

Mąątɛ̨nɛ̨ 116:17

Gáá pai ə́ hɛɠɛɛɓo haláá kulɔi, gɛ́ Yai-Laa təli a naa.

Mąątɛ̨nɛ̨ 106:48

Mąąwiɛ 'ə kɛ Yai-Laa ɓa, yai a Israɛlə nwɔ Yálá! Wɔlɔ-wɔlɔ da wɔlɔ-wɔlɔ, və́ ɲɛ̨n dee li! Nɔi lonnii kəlee di mu hon, diɛ mą: «Yálá ə kɛ tii! Mįiną! 'Kánikookwəi!»

Mąątɛ̨nɛ̨ 95:2

'Ka gwə li niila, guɔ ɉɛɠɛɛɓo, 'ka gu gu yee lɔwa, 'ka gu hvɛ́li pɛlɛ gɔwɔ mu.

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Ɉeremi 33:9

Náá lɛlɛɛ kaa pai tɛi mɛ̨nįi tii hu, yɛ kɛ a ɲɛ̨́i pɔ̨nɔ̨ mɛ̨nį da gwə́inɛ̨ɛ̨ mɛ̨nį, ɓɛlɔwai yɛnɛ̨ɛ̨ lɔiɠaa kəlee kaa pai bələ mɛ̨n ɉii la, diɛ kɛ ŋą́ą́ mɛ̨nįɠaai tii kɛ Ɉuda da Israɛlə diɛ. Di kaa pai di laa taɠai, diɛ ɲɔw, nwun na nɛ̨ɛ̨ kɛnɛ̨i da mɛ̨inɛ̨ɛ̨ kɛnɛ̨i gáá pai gɛi Ɉuda ɓa, di mąą mɛ̨nį ɓa.»

Mąątɛ̨nɛ̨ 50:14

Haláái mąąnɛ̨ɛ̨ ə́ gulɔ Yálá ɓa, ya ɓaa: Ə́ gɛ mɛ̨inɛ̨ɛ̨ hu kɔlɔn, ə́ wooi ə́ gwɛlɛ Hɛn Gəlee mɛ̨imun ma, ə́ bɔ mɛ̨nį kɛ.

Nehemi 12:46

Mąąhɔlɔɓo, tɔlɔɔi tii kɛ, Davidə da Asafə di wɔ lɔwai hu, wələ too nuą nwun nąmįną di kɛ mą, Yálá mąątɛ̨nɛ̨ wələ yɛ ɓo laa, da ɉɛɠɛɛ ɓo wələɠaa.

Nehemi 12:8

Levi huwuhu nuą ɓaa: Yesua, Binui, Kadmiɛlə, Serevia, Yehuda, Matania, yaa, da gaayɔwɔɠaa diɛi nwələ toɔ mąą laa tɛɛ kɛ di pɔ.

M̀ɛni-lɛɛi 1:18

Ɛlɛɛ, a Vúlúmąą; ŋą́ wɔlɔ haa, kɛlaa yiihu, 'ɓɛ káá, gáá kɛa a vúlú a yələ kəlee da nwɔɔ, ɛlɛɛ, ɲą́ą́ ɓə haa ŋą kpon gwɛliɠaa kaa ɲə́i, ɛlɛɛ da ɲąmuątaa.

Lomaŋ 11:36

Gbala ə tɔɔ, hɛn gəlee a həɠə ɲee ɲą, ya ɓə gəlee pɛli, gəlee ə ɓo a nwɔɔ. Mąąwiɛ ə kɛ mą a yələ kəlee, kɛi a mo tii Yálá ə kɛ! Mįiną.

Korɛntə dɔlɔɔ 14:16

Gbala ə tɔɔ, ɉį́iwooi gáá moi, ŋą́ kɛli lúwɔ́ kɛ ɉu, nuą di hvo gɔlɔn, da hvaa pələ kɛ ləi núwɔ́ mu? Mąąhɔlɔɓo, mɛ̨nįi ə́ kaa moi, hvo di mɛ̨n ɉii.