M̀ɛni-lɛɛi 7:1 - Yálá laawoo hɛɓɛ (dc)

¹ Yili pulu, ŋą́ malaka nąąn gaa tɔɔni lɔi wəlinna nąąn ma, di yee yɛ ɓo lɔi mɛ̨i hvaŋą nąąn ma, ə gɛ, hvaŋąi lɔpee ta hvo tɛɛ lɔi mɛ̨i, gboloyá ɲą, ə mą kɛ, wulu ta ɓa.

Yálá laawoo hɛɓɛ

¹ Yili pulu, ŋą́ malaka nąąn gaa tɔɔni lɔi wəlinna nąąn ma, di yee yɛ ɓo lɔi mɛ̨i hvaŋą nąąn ma, ə gɛ, hvaŋąi lɔpee ta hvo tɛɛ lɔi mɛ̨i, gboloyá ɲą, ə mą kɛ, wulu ta ɓa.

Bible

¹ Nyíŋi pôlu ma, ŋá Ɣâla-taa-kela náaŋ kàa tɔɔ ni ǹɔii ŋɔsonôŋ náaŋ su, díkɛ ǹɔii ŋɔfãa náaŋ soŋ pôlu a gɛɛ fãa fé tɛ̀ɛ ǹɔii su, kpaa máŋ ǹyúoi ŋá, kpaa máŋ wuru kélee ma.

M̀ɛni-lɛɛi 7:1 Referans Kwoze

Maafîu 24:31

Tulu woo kɛnɛ̨ a tɔɔ, a nwɔ malakaɠaai tɛɛ yɛnɛ̨ɛ̨ nąą kəlee, ə gɛ, di nwɛiɠaai ɲąąkpɔn.»

Danîa 7:2

Ɓɛlɔwai ŋą kɛ la laani ɲəi gbin ŋą a kpinį, ŋą́ hįi kaa. Hvaŋą ə həɠə yɛnɛ̨ɛ̨ nwoɔo nąąn ɉu, yɛ tɛɛ, yɛ li gboloyá ŋą, yɛ ɲa kɛ takpa takpa.

Ɉeremi 49:36

Gáá pai heei Elamə ɓa a hvaŋą nąąn bələ kəlee gɛ́ daɠa taɠa yələ ɲɛ̨i, lɔi ta hvo pai kɛi laa, ɓɛi da di mąąkilɛ laa.

Markə 13:27

Nąąlɔwai kɛa, a nwɔ malakaɠaai tɔɔ yɛnɛ̨ɛ̨ ɉonwo-ɉonwon ɉu nąąn kəlee hu, di nwɔ nu həɠɛɛ ɉuɠaa ɲąąkpɔn.»

Danîa 8:8

Molu hilɛi tii ə kɛnɛ̨ laa hɔlɔɓo, kɛlaa, ɓɛlɔwai ɲee ə walawala la, mįnɛ̨ kɛnɛ̨ tɔ̨nɔ̨i tii kɛ nwuɔ̨, ə yali. Mįnɛ̨ nąąn dakpɛli ə pənə ə tɔɔ, yiliɠaai diɛ ɓo a kaakaa hɛn. Dɔ̨nɔ̨ ə tɔɔ voló həɠəi pələ, dɔ̨nɔ̨ ə tɔɔ voló tooi pələ, dɔ̨nɔ̨ ə tɔɔ ɲələi pələ, dɔ̨nɔ̨ ə tɔɔ ɉɛɠɛɛ pələ.

Izikiɛ 37:9

Yai-Laa yɛ nwɔ̨nɔ̨ mą́ą́: «Hulɔnu lon! 'Mo nu nɔ̨ɔ̨ ɓa, 'mo mą, yɛ́ mą: ‹Nu nɔ̨ɔ̨! Mɛ̨nį kəlee ŋą Hééɓomun Yálá yɛ, ə́ həɠə lɔi wəlin na nąąn ɓa, 'ə́ pu nu powaɠaai ŋɛ̨i diɛ, di kaa pai kɛi a di hvulú.›»

Izikiɛ 7:2

«Yɛ́, hulɔnu lon, ə́ wəli tɔɔ, mɛ̨nįi Mɛ̨nį kəlee ŋą Hééɓomun Yálá kaa moi yɛ hvilɛn na Israɛlə lɔi ɓa, ya ka: mɛ̨nį kəlee kpɛɛ li; nɔi hu mɛ̨nį kəlee aa həli gbɛlai ɓa.

Azaya 27:8

Ə di kiti tee, a di kpɛi ə mo, di kulɔ nɔi hu, ə di kpɛ a nɔ̨ɔ̨ hvaŋą, a gbooyee hu hvaŋą tɛɛi tɔ̨nɔ̨

M̀ɛni-lɛɛi 9:14

Yɛ kɛ mąlaka mɛ̨idanąą tii dulu hvɛɛ mą: «Malaka nąąn tii di yiliɛ a ɲɔwɔn Eufratə ɲálee kɛnɛ̨ kwɛlɛ, di hvoloon.»

Azaya 11:12

Gaa pai ɉilɛyili tɛi, ə nɔiɠaai tii kili ɲąpono, yɛ kɛ diɛ: Israɛlə nu huwui luwɔ pələi, gaa pai gəlee ŋąąkpɔn ɉii, Ɉuda nu huwui daɠataɠaa, ə nɛɠɛ gee ɓa, ə di kulɔ yɛnɛ̨ɛ̨ lɔi kəlee hu.

M̀ɛni-lɛɛi 7:3

«'Ká hvo mɛ̨nį ta laa lɔi ɓa, gboloyá, ə mą kɛ, wuluɠaa diɛ, hvo kɛli ni, kwa ku kɔlɔn ɉii kɛ Yálá ŋą tínuą tɔwɔla.»

M̀ɛni-lɛɛi 9:4

Di tɔn dɔɔ diɛ, di hvo kɛ di kaa mɛ̨nį ɲɔ̨n gɛi a kala tɛlinŋaai lɔi mɛ̨i, da wulu, ə mą kɛ, hihɛn nɔpee ta, kɛlaa, ə kulɔ lɔ nuąi tii Yálá kɔ́lɔn ɉii hvo kɛ di tɔwɔla.

Zakari 6:1

Ŋą́ kwɛlɛɛn gɛɛ takpɛli kaa nwɔ̨nɔ̨, ŋą́ wotolo nąąn gaa, diɛ li yee hveelɛ lɔwai, ɲeeɠaai tii di kɛ a ɓala kwɛli.

Zôna 1:4

Yai-Laa ə ɓo hvaŋą kɛnɛ̨ ta ɓa, ə hee gələn ma gboloyá ŋą. Vaŋą tɛɛ pələi tii yɛ kɛ kpɔ ə gələn daɠa-taɠa gee ɓa.

M̀ɛni-lɛɛi 6:6

Ɛlɛɛ, ŋą́ woo ta mɛ̨n yɛ kulɔ ɉuwɔ nąąn tii lɔwai, yɛ kɛ mą: «Mɔ̨nun gɔw kəgən ɉu tɔ̨nɔ̨ hɔ̨nwɔ̨ ɓaa: tuwɔ yɛa tɔ̨nɔ̨ wali, ɛlɛɛ, kpai-kɔw gəgən ɉu haaɓa hɔ̨nwɔ̨ ɓaa: Tuwɔ yɛa tɔ̨nɔ̨ wali, yii ɓaa a wulɔ da lɔɔ, 'ká hvo tunwɔ̨n mą.»

Azaya 27:3

Ɲą́ą́, Yai-Laa, ɲą́ą́ ɓə ɲɛ̨́i kɛi mą, gɛ́ ya pu mą a yələ kəlee; ŋą́ yíi mąą kpɛi, gɛ́ túwɔ́ ɉu, ə gɛ nu hvo pa nəi lɔ laa.

Danîa 11:4

Ɓɛlɔwai gaa pai nwɔ tɔɔlaai heei la, nwɔ tɔɔlaai tii kaa pai woloi ə taɠa-taɠa yɛnɛ̨ɛ̨ nwono nąąn gəlee hu. Ɉuwuhu mun da hvo pai heei dɔɔ kpəlin ɉu, dɔɔlaa ŋąą a kwɛlɛ nu takpɛliɠaa diɛ, kɛlaa, yiliɠaa di wɔ tɔɔlaa hva həli nwɛi pɔ.

Zakari 6:5

Yɛ mą́ą́: «Hvaŋą nąąn ga tii, di kɛ tɔɔni lɔi kəlee Nąmu kwɛlɛ, di kɛɛ kɛa lii ka tii.»

M̀ɛni-lɛɛi 8:7

Malaka dɔlɔɔ ə nwɔ tului hvɛɛ, hanwon da nwɔ̨n ɉumoɔ a ɲąmą, di pu lɔi mɛ̨i, lɔi ɓɛlaɓoɔ ɉu haaɓa, bələ tɔ̨nɔ̨ ə kələn, nwuluɠaa ɓɛlaɓoɔ ɉu haaɓa bələ tɔ̨nɔ̨ ə kələn, ɛlɛɛ, wɛlaɠaa di kələn.

M̀ɛni-lɛɛi 20:8

Ɛlɛɛ, gaa pai lii ə hįi lɔiɠaai yɛnɛ̨ɛ̨ nwonwo nąąn ma, ə nuą ɲąąhɛn, Gɔgə ɛlɛɛ, Magɔgə. Gaa pai di ɲąąkpɔn ɉii, kɔ́ kɔ́ mɛ̨nį ɓa, di lonon gwɛnį kaa pai kɛi yɛ gboloyá hu ɲɛ̨ą kɔw.