M̀ɛni-lɛɛi 6:5 - Yálá laawoo hɛɓɛ (dc)

⁵ Ɓɛlɔwai ə gɔlɔn ɉɛn ɉaaɓanąą holoon na, ŋį́ ɉuwɔ ɉaaɓanąą tomą woo mɛ̨n, yɛ kɛ mą: «'Pá!» Ɛlɛɛ, ŋą́ ɲɛ̨́i hee, ŋą́ hoo tɛɠiɛɛ hɛ̨-hɛ̨ ta kaa. Nui kɛ heeni mɛ̨i, hɛnŋaa kɔ́ɔn ɉɛn yɛ ɓo ɲee ɲą.

Yálá laawoo hɛɓɛ

⁵ Ɓɛlɔwai ə gɔlɔn ɉɛn ɉaaɓanąą holoon na, ŋį́ ɉuwɔ ɉaaɓanąą tomą woo mɛ̨n, yɛ kɛ mą: «'Pá!» Ɛlɛɛ, ŋą́ ɲɛ̨́i hee, ŋą́ hoo tɛɠiɛɛ hɛ̨-hɛ̨ ta kaa. Nui kɛ heeni mɛ̨i, hɛnŋaa kɔ́ɔn ɉɛn yɛ ɓo ɲee ɲą.

Bible

⁵ M̀ála-loŋ è ŋɔnɔ gɔlɔ lá tɛ́-sãai zaaƃa-ɣelei lá ƃò. Ǹya ƃe ŋá vúlu-sãai zaaƃa-ɣelei wóo mɛ̀ni, ǹyɛɛi, “Pá!” Ŋá soo tɛi tɔnɔ kàa. Ǹúui kɛ̀ see ni mɛi, sɛŋ-kɔɔŋ-sɛŋ è kɛ̀ ǹyêei.

M̀ɛni-lɛɛi 6:5 Referans Kwoze

Zakari 6:2

Nwotolo dɔlɔɔ yiliɛ kɛ hoo kpɔluɠaa diɛ, veelɛnąą yiliɛ hoo tɛɠiɠaa diɛ;

Zakari 6:6

Nwotoloi tii kɛ ɲiliɛ ɉootɛɠiɠaa diɛ, ə li ɲələi pələ, ɉoo kwələɠaa də li voló tooi pələ, ɉoo pɛ̨ɛ̨ɠaa di li ɉɛɠɛɛ pələ.

Izikiɛ 4:16

Yɛ mą́ą́: «Hulɔnu lon, kɔ̨nɔ̨n nuą daa ɉee di yee pulu Ɉerusalɛmə, gáá pai gəlee kpɛɛi laa; di kaa pai lɛɠɛ kɔ́ɔn ɉi a lii hɛlɛn, diɛ mįi; diɛ ya kɔ́ɔn a ɲɔw kɛnɛ̨, diɛ gbələ.

M̀ɛni-lɛɛi 6:1

Yá ɓə ŋį́ ɲɛ̨́i hee, ɓɛlɔwai Mɛlaa Lon ə kɛli pai gɔ́lɔn ɉɛn mɛ̨ihveelɛi tii dɔlɔɔ holoon ɉii lai, ŋą́ ɉuwɔ nąąn tii dɔlɔɔ tomą woo mɛ̨n kpɔ kɛnɛ̨, yɛ kɛ mą: «'Pá!»

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą

M̀ɛni-lɛɛi 5:5

Kɛlaa, galanɉonŋaai tii tɔ̨nɔ̨ yɛ mą́ą́: «'Hvó wɔlɔ! Ə́ ɲɛ̨i hee tai, Ɉuda nu huwu ŋą yala hilɛ, yai aa yeetɛɛmąąlaa kɛ, yai a Davidə mąąpoo, ya ɓə a pɛli gɔlɔn ɉɛn mɛ̨ihveelɛi tii kulɔi ɉɛɓɛ́i ɓa, ɛlɛɛ, ə naaɓo.»

Levetekɔ 26:26

Ŋą́ ka kɔ̨nɔ̨n gulɔi ka yəi, nɛ̨ąą pow kaa pai kɛi kpɔn ɉii ka kɔ̨nɔ̨n ma, diɛ ɲili ləɠi tɔ̨nɔ̨ hu, gɔ̨nɔ̨n di kaa pai pai la, di kaa pai kɛi ɲąąkwɛlɛi, diɛ naa ka yəi, ka hva pilɛ.

Izikiɛ 4:10

Gɔ̨nɔ̨n ti ɓə ə́ kaa pai kɛi mįi, wali kwələ pow-hveelɛ, hvóló tɔ̨nɔ̨; yi gaa a Bɛlɛ́ mąąhəɠɛɛ mu wali kɛ pələ; ya mįi ti hvóló tɛi tɛi yee mu.

Woolaa 5:10

Pulu aa ku kɔ́lɔ kələn kuɔ yɛ nwɔ̨n dįnįi pɔ́lɔ.

Maafîu 24:7

Lɔi kaa pai kɛ kɔ́ pɛlɛi lɔi takpɛli ɓa; tɔɔɓɛlaa diɛ kɔ́ pɛlɛ di kee ɓa. Pulu kpɛa-kpɛaɠaa diɛ too; lɔi yɛ kpɛlin yɛ pu ɉu nąą taɠaa.