M̀ɛni-lɛɛi 6:2 - Yálá laawoo hɛɓɛ (dc)

² Ŋą́ ɲɛ̨́i hee, ŋą́ hoo kwɛlɛɛ ta kaa. Nui kɛ heeni mɛ̨i, kilɛn yɛ ɓo ɲəi. Di ɓɔlɔ ta tɛɛ bɔ, ɛlɛɛ, yɛ li yɛ, kuláá, ɛlɛɛ, yɛ li kuláálaa kɛi.

Yálá laawoo hɛɓɛ

² Ŋą́ ɲɛ̨́i hee, ŋą́ hoo kwɛlɛɛ ta kaa. Nui kɛ heeni mɛ̨i, kilɛn yɛ ɓo ɲəi. Di ɓɔlɔ ta tɛɛ bɔ, ɛlɛɛ, yɛ li yɛ, kuláá, ɛlɛɛ, yɛ li kuláálaa kɛi.

Bible

² Ǹya ƃe, ŋá soo kole tɔnɔ kàa. Ǹúui kɛ̀ see ni mɛi kerâŋ è kɛ̀ ǹyêei. Dí kâloŋ ƃɔrɔ tɛ̂ɛ bɔ, gɛ li yɛ̂ɛ yee-tɛɛ maa-nuu a gɛɛ é yee-tɛɛ-maa kɛ́.

M̀ɛni-lɛɛi 6:2 Referans Kwoze

Zakari 1:8

Ŋą́ kwɛlɛɛn gɛɛ kaa háá kpįnįi: hulɔnu ta ə ɓo hoo kpɔlu mɛ̨i. Ə kɛ tɔɔni ɓoloon ɉu, wuluɠaa lɔwai, ɛlɛɛ, hooɠaa di kɛ bulu pələ, daɠaa kpɔluɔ, daɠaa hviliiɓoɔ, daɠaa kwəlɛɛ.

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.

M̀ɛni-lɛɛi 14:14

Ɛlɛɛ, ŋį́ ɲɛ̨́i hee, ŋą́ tulɔ kpinįn gwɛlɛɛ ta kaa, ɛlɛɛ, dulɔ kpinįn tii mɛ̨i pələ, nu ta ə kɛ laa, yɛ nu lon. Hɛni ɓɔlɔ ə ɓo nwuɔ̨, mɔ̨nun-dee ɓowa ɲąąliɛɛ ə ɓo ɲəi.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»

Azaya 25:8

Gaa pai haa nwun na pilii a yələ kəlee mɛ̨nį, Nąmu Yálá kaa pai nu kəlee ɲɛ̨iyá kələi ɲɛ̨i, yɛ nwɔ nuąi di wɔ laa nɔ̨nwɔ̨ mɛ̨nį həɠə di mɛ̨i, lɔi kəlee hu, Yai-Laa yaa kpinįi ɓə mo.

Mąątɛ̨nɛ̨ 110:2

Yai-Laa ə ə́ wɔ Heeɓolaai yee kɔ̨nwɔ̨n ɉu ɓɛɛlɛɛi, ə gɔwɔ tɔɔ Siɔn, yɛ́ pɛli heei ə́ yowoɠaa mɛ̨i.

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

M̀ɛni-lɛɛi 15:2

Ɛlɛɛ, ŋį́ gboloyá ta kaa ə ɓo yɛ pɛ̨nɛ̨n, ɉumoɔ a nwɔ̨n. Nuąi tii di yee ə tɛɛ ɉuwɔi tii ɓa, da mąąnįnįn, da naa nwɔ kwɛdɛn ɉɛɓɛ́ kɔw di mɛ̨i, di ɓo tɔɔni bɛ̨nɛ̨n galan gboloyái tii mɛ̨i, Yálá ŋą gwɛnįnŋaai ə ɓo di yee ɲą.

M̀ɛni-lɛɛi 11:18

Hįi lɔiɠaa daa di kpɔwɔ liikələn di kwəi, kɛlaa, ə́ wɔ liiɲąnwąną aa too pono ɲą. Haa nuą kiti tee yələ ka, yɛ́ tínuąi a ə́ kwəi mɛ̨nį hukulɔ nuą, di hvɛla kulɔ yələ ka, ə pɛlɛ la nu mąąhəɠɛɛɠaa diɛ da nuąi da ɲɔw ə́ laa ɓa, bɛlɛɛɠaa da mąn gbɛa-kpɛaa mąn, a nuąi daa yɛnɛ̨ɛ̨ kala, di kala yələ.»

Korɛntə dɔlɔɔ 15:25

Mąąhɔlɔɓo, hvo kɛli ə hééɓolaa kɛ, ə lɛɛ ɉu, ə ɲowoɠaa kəlee too gɔ́wɔ mu.

Mąątɛ̨nɛ̨ 98:1

Mąątɛ̨nɛ̨ wələ 'Ka wələ ninɛ̨ too Yai-Laa ɓa, mąąhɔlɔɓo aa mɛ̨nį ɲąąnɛ̨ɛ̨ kpɛa-kpɛa kɛ, mamįiyeei, a ɲee mąąhəɠɛɛ tii, ya ɓə a nu ɓalo.

M̀ɛni-lɛɛi 19:14

Gɔlaɠaɠaai yələkɔlɔn ɉu, di hvilɛnŋąą bulu, di heɛ hoo kwɛlɛɛɠaa mɛ̨i, həɠə kwɛlɛɛ pə-pə ə ɓo diɛ.

Maafîu 28:18

Jesus ə lɛɠɛ diɛ yɛ diɛ: «Daa hééɓolaa kəlee tɛɛ bɔ́ yələkɔlɔn ɉu ə mą kɛ lɔi mɛ̨i.

Mąątɛ̨nɛ̨ 76:7

Ɉakɔbə nwɔ Yálái, tómąi ə́ mo, gɔ́ kɔ́ wotolo mąn, ɉoo mąn, di kanąn, di tɔɔi.

M̀ɛni-lɛɛi 9:7

Beeləɠaa tii di kɛ yɛ da kɔ́-kɔ-hoo mąąyili yɛ li kɔ ɓa, ə kɛ yɛ hɛni ɓɔlɔ a kɛ di nwuɔ̨, ɛlɛɛ, di ɲɛ̨ilaiɠaa di ɓo yɛ nu kan.