M̀ɛni-lɛɛi 5:1 - Yálá laawoo hɛɓɛ (dc)

¹ Ɛlɛɛ, nui tii kɛ heeni dɔɔkpəlin ɉu, ŋą́ hɛɓɛ́ ta kaa mamįiyee ɲą, gbinįn gɛɛ, a hɛɓɛ́i ɉu pələ pɛ̨ɛ̨, ɛlɛɛ, gɔlɔ ɓa pələ pɛ̨ɛ̨, kɔ́lɔn ɉɛn mɛ̨ihveelɛ ə ɓo mą.

Yálá laawoo hɛɓɛ

¹ Ɛlɛɛ, nui tii kɛ heeni dɔɔkpəlin ɉu, ŋą́ hɛɓɛ́ ta kaa mamįiyee ɲą, gbinįn gɛɛ, a hɛɓɛ́i ɉu pələ pɛ̨ɛ̨, ɛlɛɛ, gɔlɔ ɓa pələ pɛ̨ɛ̨, kɔ́lɔn ɉɛn mɛ̨ihveelɛ ə ɓo mą.

Bible

¹ Ǹúui kɛ̀ see ni gâloŋ-see-sɛŋ ŋái, ŋá kɔlɔ kàa ǹáa-mii-yee ŋá, bɔ̃yɛɛ m̀éla veerɛ ma, ǹá tɛ́ɛ a kɔlɔ lá tɛ-sãa lɔ́ɔlu mɛi feerɛ.

M̀ɛni-lɛɛi 5:1 Referans Kwoze

Azaya 29:11

Mɛ̨nį hu pɔ̨nɔ̨ɔ̨ tii, hu kpinįɛi kaa ɲɛ̨i ɓa, yɛ hɛɓɛ́ laakpulɔɔ hu mɛ̨nį, yaai da dɛɛ hɛɓɛ́ kɔ́lɔnmun bɔ, diɛ mą: «ɉɛɓɛ́i ŋɛ̨i hu woo ɓo», yaan yɛ diɛ: «vá pɛli ɉu woo ɓoi mąąhɔlɔɓo, naa kpulɔɔi.»

M̀ɛni-lɛɛi 5:7

Ə mąą lɛɠɛ laa, əgɛ, ə ɉɛɓɛ́ hon nui tii kɛ heeni dɔɔkpəlin ɉu, mamįiyee ɲą.

M̀ɛni-lɛɛi 10:2

Hɛɓɛ́ logolo ta ə kɛ ɲee ɲą, naaɓoɔ. Ə mamįiyee-kɔwɔ tɔɔ gboloyá ɲą, ə gɔɓɛyee-kɔwɔ tɔɔ lɔi mɛ̨i.

M̀ɛni-lɛɛi 6:1

Yá ɓə ŋį́ ɲɛ̨́i hee, ɓɛlɔwai Mɛlaa Lon ə kɛli pai gɔ́lɔn ɉɛn mɛ̨ihveelɛi tii dɔlɔɔ holoon ɉii lai, ŋą́ ɉuwɔ nąąn tii dɔlɔɔ tomą woo mɛ̨n kpɔ kɛnɛ̨, yɛ kɛ mą: «'Pá!»

M̀ɛni-lɛɛi 5:13

Pɛli hɛn gəlee, yɛ ə kɛ, yələi pələ, yɛ ə kɛ, lɔi mɛ̨i, yɛ ə kɛ, lɔi mu, ɛlɛɛ, gboloyá ɲą, hɛn kpɔ gaa gɛɛnąąɠaa tii ɓa, ŋą́ gəlee woo mɛ̨n, diɛ kɛ: «Nui gaa heeni dɔɔkpəlin ɉu, da Mɛlaa Lon, di pɔɔ ɓaa a mąątɛ̨nɛ̨laa, ɓɛlɛlaa, mąąwiɛlaa, da hvaŋąlaa, ɲɛ̨n deei hvo mą!»

M̀ɛni-lɛɛi 4:3

Nui tii kɛ ɉu heeni gɛ pələ ə kɛ yɛ ɉaspə da sardoanə kúwɔ-kwɛnį. Dɔɔkpəlin tii mąątinɛ̨nŋąąi kɛ a gbəimiliin, yɛ lən yɛ emerodə kwɛni.

Azaya 8:16

Ɉɛɓɛ́i ŋɛ̨i laa kpulu, mąąkwɛli wooi ŋɛ̨i loo ɲéépɔ nuą diɛ.

Danîa 8:26

Ɉįi tii ə́ gaa yɛ hvilɛn na yələ wuliiɠaa da yələwalaɠaa diɛ, yili kaa a tɛ̨ą. Ə́ wɛi, mąąnɛ̨ɛ̨ ə́ mɛ̨nįɠaai tii lɛɛ ə́ kwəi, mąąhɔlɔɓo, vilɛn ŋaai mɛ̨nį hu kwɛa ɓa, yii gaa pai kɛi.»

Azaya 34:16

Ka Yai-Laa nwɔ hɛɓɛ́i hu kaa, ka ɉu woo ɓo, dɔ̨nɔ̨ kpɛli hvo pai lɛɛi pulu, di ta hvo pai kɛi mɛlan gɛɛmąąnįn kɛi, Mąąhɔlɔɓo, Yai-Laa ɓə di tí la nwɔ Kilii ɓə di ɲąąkpɔn.

Zakari 5:1

Ŋą pənə ŋą nwun muhəɠə, ŋą kwɛlɛɛn gɛɛ takpɛli kaa: ŋį́ hɛɓɛ́ ta kaa, yɛ koon.

M̀ɛni-lɛɛi 4:9

Ɓɛlɔwai lɔpee ɉuwɔɠaa tii di kɛli mąąwiɛlaa, ɓɛlɛlaa da mąmąɓo tɛɛ la nui kɛ heeni dɔɔkpəlin ɉu bɔ, yai a vúlu ɲɛ̨n deei hvo mą,

M̀ɛni-lɛɛi 6:16

Diɛ kɛ ɲeeɠaa da gwɛniɠaa diɛ: «'Ká pu ku mɛ̨i, 'ká ku loon, ku mąą ə kwɛa nui tii heeni dɔɔkpəlin ɉu, mą, ɛlɛɛ, ku mąą ə kwɛa Mɛlaa Lon nwɔ liiŋąnwąnąi ɓa!

M̀ɛni-lɛɛi 8:1

Ɓɛlɔwai di gɔlɔn ɉɛn mɛ̨ihveelɛ nąą holoon na, kɛɛ mąą ə haa kpɔ tin yələkɔlɔn ɉu, lɛɛlɛ kpulɔ yee mu.