M̀ɛni-lɛɛi 4:7 - Yálá laawoo hɛɓɛ (dc)

⁷ Dɔlɔɔ ə kɛ yɛ: yala; veelɛnąą ə ɓo yɛ: niŋɛ̨ hilɛ gbɔn; ɉaaɓanąą, ɲɛ̨ilaai ə ɓo yɛ: nu kan; ɛlɛɛ, nąąn nąą ə ɓo yɛ kúwɔ a kɛli koon.

Yálá laawoo hɛɓɛ

⁷ Dɔlɔɔ ə kɛ yɛ: yala; veelɛnąą ə ɓo yɛ: niŋɛ̨ hilɛ gbɔn; ɉaaɓanąą, ɲɛ̨ilaai ə ɓo yɛ: nu kan; ɛlɛɛ, nąąn nąą ə ɓo yɛ kúwɔ a kɛli koon.

Bible

⁷ Vúlu-sãai maa-ŋuŋ è kɛ̀ yɛ̂ɛ yala-sulu, veerɛi kɛ́ ƃo yɛ̂ɛ niŋa-sirɛ, zaaƃai ŋɛ́i kɛ́ɛ yɛ̂ɛ núu, náaŋ kɛ́ ƃo yɛ̂ɛ kuɛ ƃe koônii.

M̀ɛni-lɛɛi 4:7 Referans Kwoze

Izikiɛ 10:14

Di tɛitɛi di ɲɛ̨i heei ə kɛ nąąn, di ɲɛ̨ilai dɔlɔɔ ə kɛ yɛ mąąkpɛ malaka ɲɛ̨ilai, veelɛnąą ə ɓo a nu ɲɛ̨ilai; ɉaaɓa nąą ə ɓo a yala ɲɛ̨ilai, nąąn nąą ə ɓo a kúwɔ́ ɲɛ̨ilai.

Izikiɛ 1:10

Di ɲɛ̨ilai gulaa kɛ nu ɲɛ̨ilai ma, di nu nąąn, Yala ɲɛ̨ilai ə kɛ di ɓa-mįi-yee hu pələ; nįŋɛ̨ hilɛ ɲɛ̨ilai ə ɓo di kɔ́ɓɛyee hu pələ, kuwɔ ɲɛ̨ilai ə kɛ di nu nąąn diɛ.

Izikiɛ 10:21

Mąąkpɛ malaka nąąn ə tɛɛ, di ɲɛ̨ilai ə ɓo nąąn; di koon ə ɓo nąąn, di koonŋąą mu pələ, nu yee kulɔ mąą ə kɛ laa.

M̀ɛni-lɛɛi 4:6

Dɔɔkpəlin tii lííla, gboloyá ta ə kɛ laa, yɛ lən, yɛ pɛ̨nɛ̨n galan. Dɔɔkpəlin tii hąąi, ɛlɛɛ da gwɛlɛ, huwɔ nąąn di kɛ laa, di ɲɛ̨i kɔ́w yɛ ɓo di nąą kəlee, di pulu pələ da di tɔwɔ pələ.

Danîa 7:4

Dɔlɔɔ tii, ə kɛ yɛ: Yala, goon ɲɛ ɓo mą yɛ kuwɔ, ɲɛ̨i ə lɛɛ lɔ ma, di goon gulɔ ma, ɉuwɔi tii ə haŋą ə tɔɔ gɔwɔ hveelɛi mɛ̨i yɛ nu, nu kili ə nɛɛ mą ə too ɉu.

Izikiɛ 1:8

Nu yeeɠaa di kɛ di koonŋaa mu, di tinɛ̨n ŋąąi kɛ nu ɲɛ̨ilai heei nąąn ma pələ, ə mą kɛ di ɲɛ̨ilai da di koonŋaa, gəlee nąąn kɛ pələ ə kɛ lɔ tii.

Azaya 40:31

Kɛlaa nuąi da di kilitɔɔ Yai-Laa ɓa, di hvaŋą ta lɔ ɓə a pɛlɛ mą, da kɛ yɛ da kɛi koon, yɛ kuwɔ́ɠaa, diɛ gilɛ həɠə, di hvii hva kpɛɛ, di kaa lɔ hiɛi, di kɔ́wɔ hu hva haa.

Dutɛrɔnome 28:49

Yai-Laa kaa pai nu huwu ta ŋąątɔɔi kaa, diɛ həɠə kpɔ kwɛa la lɔi kpon ɉeei, diɛ koon diɛ pa yɛ kuwɔ, diɛ ɓo a nu huwu yii ka hvo pai di laa woo mɛ̨n ɉii.

Abdiasə 1:4

Ə mą kɛ yaa tɛ yələi, yaa ə́ taa pu laa yɛ kuwɔ, ə mą kpɛli kɛ yaa ə́ taa pu pɛmɛ̨lɛn-gɔwgaa lɔwai, ŋą́ ə́ kulɔ laa, ŋį́ ə́ yɛɛ lɔi ɓa. Ɲą́ą́ Yai-Laa, ɲą́ą́ ɓə yili ɓoi tii.

Hanwon 28:2

Kwɛlitee a lɔ lɔi, ɲąąwooɓo kɛ nuą da tamą, Kɛlaa ɲąąwooɓomun a kɛ a kilimąą mun, yɛ ɓo a yɛnɛ̨ɛ̨ kɔ́lɔn ŋąą, a lííla a hee laa tin-tin.

Samia Veerɛi 1:23

Saulə da Ɉonatan di wɛli ə kɛ di kee ɓa, di hvo di ɓɛlaɓo li di wɔ yɛnɛ̨ɛ̨ hu, ə mą kɛ haa hu. Di kɛi gilɛ həɠə di yee tɛɛ Kuwɔ ɓa, di huwalawala yee tɛɛ yala ɓa.

Zɛnɛse 49:9

Nón Ɉuda! Ə́ kaa yɛ yala a laŋą a nįnɛ̨, nón ɉulɔnu, aa həɠə loɉolaa kɛi! Aa pu nwungbəla, aa pɛlɛ yɛ yala, yɛ yala haa; gbɛɛ ɓə a pɛli muhəɠəi?

Korɛntə dɔlɔɔ 14:20

Ną́n nonnii, yii hvilɛn na mɛ̨nį hutɔɔ ɓa, 'ká kɛ yɛ lɛapɛlɛɛ, yii ɓaa mɛ̨nį ɲɔ̨n nwɛi, 'ká kɛ ɉu, a lɛapɛlɛɛ, kɛlaa, mɛ̨nį hutɔɔ mɛ̨nį hu, 'ká kɛ a nu mąąpɔlɔɔɠaa.

Lonon mo 24:9

Aa mąąyɛɛ, aa pɛlɛ yɛ yala hilɛ, gbɛɛ ɓə nii a kpələ yɛ ɉəɠə bɛlɛi? «Nui a lúwɔ́ too yɛ́, lúwɔ́ ə kɛ mąą nu ɓa, nui a ə́ nɛ̨ŋɛ̨n naa, mąą nu nɛ̨ŋɛ̨n ə laa.»

Lonon mo 23:24

Nu huwu ka tii, a muhəɠə yɛ yala, a haŋą ə tɔɔ yɛ yala hilɛ, hva pɛlɛ akɛ hvo huwɔ hon ni yɛ ɉu ɓɛla. Yii hvo huwɔ hon ni, yɛ ɲąmą kpələ.»

M̀ɛni-lɛɛi 6:3

Ɓɛlɔwai di gɔlɔn ɉɛn veelɛnąą holoon na, ŋą́ ɉuwɔ veelɛnąą woo mɛ̨n kpɔ kɛnɛ̨, yɛ mą: «'Pá!»

M̀ɛni-lɛɛi 6:5

Ɓɛlɔwai ə gɔlɔn ɉɛn ɉaaɓanąą holoon na, ŋį́ ɉuwɔ ɉaaɓanąą tomą woo mɛ̨n, yɛ kɛ mą: «'Pá!» Ɛlɛɛ, ŋą́ ɲɛ̨́i hee, ŋą́ hoo tɛɠiɛɛ hɛ̨-hɛ̨ ta kaa. Nui kɛ heeni mɛ̨i, hɛnŋaa kɔ́ɔn ɉɛn yɛ ɓo ɲee ɲą.

M̀ɛni-lɛɛi 6:7

Ɓɛlɔwai ə gɔlɔn ɉɛn nąąn nąą holoon na, ŋį́ ɉuwɔ nąąn nąą tomą woo mɛ̨n, yɛ mą: «'Pá!»