M̀ɛni-lɛɛi 4:4 - Yálá laawoo hɛɓɛ (dc)

⁴ Dɔɔkpəlin tii kwɛlɛ, tɔɔkpəlin pɔw-hveelɛ-kɔw nąąn ə kɛ laa, ɛlɛɛ, kalanɉon pɔw-hveelɛ-kɔw nąąn ɉəɛ dɔɔkpəlinŋaa tii hu, həɠə kwɛlɛɛ ə ɓo di kwąną, ɛlɛɛ, hɛni ɓɔlɔ pɛlɛɛ di nwuɔ̨.

Yálá laawoo hɛɓɛ

⁴ Dɔɔkpəlin tii kwɛlɛ, tɔɔkpəlin pɔw-hveelɛ-kɔw nąąn ə kɛ laa, ɛlɛɛ, kalanɉon pɔw-hveelɛ-kɔw nąąn ɉəɛ dɔɔkpəlinŋaa tii hu, həɠə kwɛlɛɛ ə ɓo di kwąną, ɛlɛɛ, hɛni ɓɔlɔ pɛlɛɛ di nwuɔ̨.

Bible

⁴ Kâloŋ-see-sɛŋ buu feerɛ kao náaŋ è kɛ̀ a dínaŋɔɔ gâloŋ-see-sɛŋ ŋí ma. Núu-pɔlɔ buu feerɛ kao náaŋ seɛɛ díŋa, dímaa ɣiriɛ a yokpo kole-ŋa, gôo-ƃɔrɔ-ŋa seɛɛ díŋûa.

M̀ɛni-lɛɛi 4:4 Referans Kwoze

M̀ɛni-lɛɛi 11:16

Nu pɔlɔ-pɔlɔ pow-hveelɛ-kɔw-nąąn tii heeni di wɔ tɔɔkpəlinŋaai hu Yálá liila, da pɛlɛ nɔi ɓa, di gwɛli hvilɛn Yálá ɓa,

Maafîu 19:28

Jesus yɛ diɛ: «Gáá moi kaa a tɛ̨ą, ɓɛlɔwai Nu Lon kaa pai kɛi la heeni Nąn Yálá nwɔ tɔɔkpəlin mąąwiɛ hu, ka nu pow-kɔw-hveelɛ ŋɛ̨i hvilɛn búlúi, ka kɛ laa kaa kpɛli ka wɔ kpəlin ɉaai hu, kaa Israɛlə nu huwu heei pow-kɔw-hveelɛ ɉaa woo ɓo.

M̀ɛni-lɛɛi 4:10

galanɉon pɔw-hveelɛ-kɔw nąąn tii, di kɛli pu di kpəlin na, nui heeni dɔɔkpəlin ɉu niila, diɛ gwɛli hvilɛn Vúlumąą ɓa, ɲɛ̨n deei hvo mą, ɛlɛɛ, diɛ di nwuɔ̨ ɓɔlɔɠaa pili dɔɔkpəlin niila, diɛ kɛ mą:

M̀ɛni-lɛɛi 7:11

Malakaɠaa kəlee ɲąąkpɔnŋąą kɛ dɔɔkpəlin gwɛlɛ, galanɉonŋaa, ɛlɛɛ da, ɉuwɔ nąąn tii, gəlee pɛlɛ di liiɓa dɔɔkpəlin gɔwɔ mu, ɛlɛɛ, diɛ kwɛli hvilɛn Yálá ɓa.

M̀ɛni-lɛɛi 20:4

Ɛlɛɛ, yili pulu, ŋį́ tɔɔkpəlinŋaa kaa, nuąi kɛli pa heei ɉui, di mąąlaa tɛɛ di pɔ, diɛ pɛli, kiti teei. Ŋą́ pənə nwɔ̨nɔ̨, nuąi di di nwun dee Jesus ŋą kɛla woo mąą mɛ̨nį ɓa, ɛlɛɛ, Yálá laawoo mąą mɛ̨nį ɓa, ɛlɛɛ, da nuąi di hvo gɛ di hvo kwɛli hvilɛn ɉuwɔi tii mąą nįnįn ma, naa hvo nwɔ̨nɔ̨ kɛ di dɔwɔla, ə mą kɛ, di yee ɓa, ŋą́ di nįiɠaa kaa, daa pənə daa nwun, ɛlɛɛ, da Kristə ni, di tɔɔlaa kɛ kwɛlan nwaa tɔ̨nɔ̨ yee mu.

M̀ɛni-lɛɛi 5:14

Ɛlɛɛ, ɉuwɔ nąąn tii di mu hon, diɛ mą: «Ə kɛ tii-o!» Ɛlɛɛ, galanɉonŋaa tii di pu di kpəlin na, di gwɛli hvilɛn.

M̀ɛni-lɛɛi 5:8

Yii kɛa ə ɉɛɓɛ́ hon, ɉuwɔ nąąn tii, ɛlɛɛ da galanɉon pow-hveelɛ-kɔw nąąn tii, di gwɛli hvilɛn Mɛlaa Lon mą. Gəlee tɛitɛi, gwɛnįn ə ɓo di yəi, ɛlɛɛ, da hɛni kpələ kɔwɔɠaa, naahvɛɛ a wulɔ kun-nɛ̨ɛ̨, yai a nu mąąhəɠɛɛɠaa di wɔ hvɛli woo.

Lukə 22:30

Ka káá pai ka laa mįi, kaa ka kpələ, ŋį́ tɔɔlaai hu, ka ɓo heeni tɔɔkpəlinŋąa hu, kaa Israɛlə lɔi pow kɔ́w hveelɛi ɲąąwooɓo.»

Timote veelɛ 4:8

Yiihu kɛa, tələnmo ɓɔlɔ laai kɛɛi dɔ́wɔ́, yai gu Nąmu kaa pai dɛɛi bɔ́ a mąą yələi tii, yaa tii a kiti haŋąą teemun, hvo lɔ a ɲą́ą́, kɛlaa, a nuąi da gulɔ mɛ̨nį pono ɲą wɛli la kɛ, diɛ kpɛlimąn, da ɉɔlɔɓo.

M̀ɛni-lɛɛi 19:4

Galanɉon pow-hveelɛ-kɔw-nąąn tii, ɛlɛɛ, da ɉuwɔ nąąn tii, di pu di kpəlin na, di gwɛli hvilɛn Yálá ɓa, yai heeni dɔɔkpəlin ɉu, ɛlɛɛ, diɛ kɛ mą: «Kánįkookwəi! Amįįną!»

M̀ɛni-lɛɛi 7:9

Yili pulu, ŋą́ ɲɛ̨́i hee, ŋį́ nu kpulu kɛnɛ̨ kaa, yii nu hva pɛli di lonoi, di kɛ a hįi lɔi kəlee, a nu huwu kəlee, ɛlɛɛ, a hįi woo lɔpee gəlee ɓo nuą. Di kɛ tɔɔni dɔɔkpəlin niila, ɛlɛɛ, da Mɛlaa Lon niila, di mąą yiliɛ a həɠə kwɛaa kwɛlɛɛ, ɛlɛɛ, gwalalaa yɛ ɓo di yəi.

Mąątɛ̨nɛ̨ 21:3

Ɉɛn nwɛli ə kɛ mą́ą́, yaa dɛɛ bɔ, níiɓa mɛ̨nįi ŋį́ vɛli yɛ́, hvó lənə li mą.

M̀ɛni-lɛɛi 19:14

Gɔlaɠaɠaai yələkɔlɔn ɉu, di hvilɛnŋąą bulu, di heɛ hoo kwɛlɛɛɠaa mɛ̨i, həɠə kwɛlɛɛ pə-pə ə ɓo diɛ.

M̀ɛni-lɛɛi 6:11

Ya ɓə, di həɠə kwɛlɛɛ tɛɛ di tɛitɛi pɔ, ɛlɛɛ, diɛ diɛ: 'Ká ká liikpələ, ɉu hvo kɛa kwɛa li, ə lɛɛ ɉu, ká ɓɛlaanii a ká nąn nonnii díɓo tanɔ̨n ɉu, di too ká pɔ, a diɛi mąąnɛ̨ɛ̨i di di paa yɛ káái.

M̀ɛni-lɛɛi 9:7

Beeləɠaa tii di kɛ yɛ da kɔ́-kɔ-hoo mąąyili yɛ li kɔ ɓa, ə kɛ yɛ hɛni ɓɔlɔ a kɛ di nwuɔ̨, ɛlɛɛ, di ɲɛ̨ilaiɠaa di ɓo yɛ nu kan.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

M̀ɛni-lɛɛi 3:18

gáá ə́ liɛwoo kɛi, gɛ́ ə́ pa, ə́ hɛni huwaa nwɔ̨n ɉu yá, ɲɛ̨́i, əgɛ, ə́ yee la ə hvoloon, ɛlɛɛ, ə́ həɠə kwɛlɛɛɠaa yá, ə́ ə́ tənə mąą kpulu la, əgɛ, ə́ kpuwulu kaa nwumɛ̨ hvo hee yɛ́, ɛlɛɛ, ə́ ɲɛ̨inwąną hali yá, ə́ ɉiɛ ə́ ɲɛ̨i, ə́ ɲɛ̨i ə kɛɛ mąą kpɛɛ.

M̀ɛni-lɛɛi 4:6

Dɔɔkpəlin tii lííla, gboloyá ta ə kɛ laa, yɛ lən, yɛ pɛ̨nɛ̨n galan. Dɔɔkpəlin tii hąąi, ɛlɛɛ da gwɛlɛ, huwɔ nąąn di kɛ laa, di ɲɛ̨i kɔ́w yɛ ɓo di nąą kəlee, di pulu pələ da di tɔwɔ pələ.

M̀ɛni-lɛɛi 5:6

Ə kɛ lɔ tii, ŋį́ ɲɛ̨́i hee, dɔɔkpəlin ɉu, ɛlɛɛ, ɉuwɔ nąąn tii lɔwai, galanɉonŋaa lɔwai, ŋį́ ɓɛlaa lon da kaa tɔɔni, yɛ ɓo yɛ da gulɔ a haláá. Mįnɛ̨ ə ɓo nwuɔ̨ mɛ̨ihveelɛ, ɛlɛɛ, ɲɛ̨i kɔw ə ɓo mɛ̨ihveelɛ, diɛi a Yálá ŋą nįį mɛ̨ihveelɛi, yai ə di tɔɔ yɛnɛ̨ɛ̨ nąą kəlee.

M̀ɛni-lɛɛi 5:11

Ya ɓə ŋą́ ɲɛ̨́i hee, ŋį́ malaka kpulu tamąą woo mɛ̨n dɔɔkpəlin gwɛlɛ, ɉuwɔɠaa, ɛlɛɛ, da galanɉonŋaa. Di kɛ a gwala-kpala heei tamąą, ɛlɛɛ, waa heei tamąą.

M̀ɛni-lɛɛi 14:3

Di kɛli wələ nįnɛ̨ too dɔɔkpəlin niila, ɉuwɔ nąąn tii liila, ɛlɛɛ, da galanɉonŋaa tii liila. Ɛlɛɛ, nui lɔpee ta hva pɛli nwələi tii mąąkwɛlii, ə kulɔ lɔ, nu waa-nwun-dɔ̨nɔ̨-ɲee-nąąn-kɔw-nąąn (144.000) tii, diɛi di nwun mąą aa ɓo, diɛ həɠə lɔi mɛ̨i.