M̀ɛni-lɛɛi 3:2 - Yálá laawoo hɛɓɛ (dc)

² 'Kɛ́ gili-gili! Nu kpɛli woloi tii diɛ di haai, 'di hvaŋąlɔ, mąąhɔlɔɓo, və́ ə́ kɛ-mɛ̨nįɠaa kaa li a naa kulaa nwɔ́ Yálái ɲɛ̨i ɓa.

Yálá laawoo hɛɓɛ

² 'Kɛ́ gili-gili! Nu kpɛli woloi tii diɛ di haai, 'di hvaŋąlɔ, mąąhɔlɔɓo, və́ ə́ kɛ-mɛ̨nįɠaa kaa li a naa kulaa nwɔ́ Yálái ɲɛ̨i ɓa.

Bible

² Íŋɛi lá ƃó mɛni-ŋai lɛ̀ɛi da nyíi-ŋai da kɛ́ pâi saâi í díkpanaŋ, kpɛ́ni fêi, ítii-ŋai ŋa díkâai, dímaa fé waa ni Ŋáɣâlai ŋɛi.

M̀ɛni-lɛɛi 3:2 Referans Kwoze

Piɛrə dɔlɔɔ 5:8

'Ká yee ə pɛli ká koolon ma, 'ká lɛɛ a ká ɲɛ̨i, mąąhɔlɔɓo, ká yowo nąnį kaa ka kwɛlɛ, yɛ tinɛ̨n hvili-hvili yɛ huluun yɛ yala, hɛn kpɔ ə ɉuhvala-hvala, yɛ gwɛli.

M̀ɛni-lɛɛi 16:15

'Ə́ ɲɛ̨i hee tai, gáá pai yɛ nwuɔ̨mun. Nwun na nɛ̨ɛ̨mun maa, nui a lɛɛ a ɲɛ̨i, ɛlɛɛ, ə nwɔɔ həɠəi laa hɔnmo, əgɛ, hvo pa nəi lɛɛ a gbuwulu, nwumɛ̨ yɛ tɛ la.

Piɛrə dɔlɔɔ 4:7

Hɛn gəlee ɲąąkpɛɛi lɔwai aa lɛɠɛ. 'Ká kili mɛ̨nį kɛ, 'ká yee ə pɛli ká koolon ma, káá pɛli Yálá hvɛlii.

Azaya 35:3

'Ka yee hu haaɠaa hvaŋą lɔ, ka kɔ́wɔ hviikpɛɛɠaa huwalawala!

Kɔlɔnikɔ Veerɛi 25:2

Ə túwɔ́ a nɛlɛɛ Yai-Laa ɲɛ̨i ɓa, kɛlaa, gili kəlee hvo kɛ lɔ li dúwɔ́ pələ hu.

Gɛlaɠaa 18:23

Ə yíi kuu ta wolo kɛ laa, yili pulu, ə tɛɛ yɛ li; ə tɛɛ kpɔ Galatə lɔi da Frizi lɔi hu, yɛ galan nɛa kəlee hvaŋąlɔ.

Maafîu 25:13

Jesus yɛ nwɔ kalan nɛai diɛ: «Ka ka kpɔɔ mɛ̨i kaa, ka kɛ gili-gili. Mąąhɔlɔɓo, ka hvo Ną́mu pa yələ kɔ́lɔn, ka hvo bai lɔwai kɔ́lɔn.»

Dutɛrɔnome 3:28

Ə́ kwəi mɛ̨nįɠaa ɓo Ɉosue ɓa. Váŋąlɔ, ə́ niikpələ, mąąhɔlɔɓo, yaa tii ɓə pai kɛi nu kpulu nwun na diɛ Ɉurdɛn teen. Nɔi ŋɛ̨i ə́ kaa gaai, ɉu ɓə di kaa lɔi laa.»

M̀ɛni-lɛɛi 2:4

Kɛlaa, gwə́i hvo nɛ̨ɛ̨ li ə́ pɔ, nwɛlikɛmąą laa tɔlɔɔ kɛ ə́ yəi, yáá nɛɛ laa.

Izikiɛ 34:16

Daatɛlɛɛ yii aa pili, gáá pai gwɛlii; yii aa kulɔ mɛlaa pɔ, gáá pai gɛi ə pənə ə pa. Yii gɔwɔ tɔ̨nɔ̨ yaliɛ, gáá pai taɠá tɛi mą; yii ɲɔ̨n gɛi, gɛ́ vaŋa lɔ. Kɛlaa, daatɛlɛɛ yii a nwulaa, daatɛlɛɛ yii ɉuwala walaa, gáá pai ɲɛ̨́i kɛi ma a nɛlɛɛ, gáá pai nwɔ́ taatɛlɛɛ kpului ɲąąkɔn ɉii tələnmolaa hu.»

Maafîu 23:5

Da di kɛ mɛ̨nįɠaa kɛ nuą ɲɛ̨i ɓa, ə gɛ di di kaa. Ka di tɔwɔla kaa, Yálá nwɔ tɔ́n taɠaa pɛ̨ɛ̨ kaa huwɔ kɔ́lɔ hu, a mɛla ɲa kɛnɛ̨ bəlɛɛ di tɔwɔla. Daɠaa yiliɛɛ di yee ɓa. Ɲalai da dɔɔ di wɔ həɠəɠaai mu, gaa a mɛla ŋą kɛnɛ̨.

Danîa 5:27

‹Tekɛli› mukulaa ɓaa: Daa ə́ wiɛ yee kɔ́ɔn, gɔwɔn gwɛli ŋą, yaa lɛɛ huwahuwa.

Azaya 57:12

Kɛlaa nwɛi, gáá pai ə́ «təlimo mɛ̨nį hukulɔi», ɛlɛɛ, ə́ kɛ kóló ta tɔlɔ hvo pai həlii yɛ́.

Azaya 56:10

Ɲɛ̨ipu nuą ɓə di ɲɛ̨i kɛi Israɛlə taa ɓa, nu kəlee di pɛlɛɛ di kee ɓa, di ta hvo mɛ̨nį kɔ́lɔn, munųgbɛ yilɛɠaa ɓaa diɛ, di hva pɛli kpəɠii, di kaa puuni, diɛ di kiliŋąhiɛ lɔ tii, yii mɛ̨nį lɔ ɓə nwɛli kaa diɛ,

Tɔɔɓɛlaa dɔlɔɔ 15:3

Nɛ̨ŋɛ̨nŋaai kpɔ wɔlɔ Abiyamə nąn ə ɉəɠə, ə hvilɛn gəlee pulu yɛ gɛ, hvo gwəi kwələ nwɔ Yálái Yai-Laa ɓa, hvo túwɔ́ a nɛlɛɛ, yɛ bələi nąn Davidə ə túwɔ́ la.

Tɔɔɓɛlaa dɔlɔɔ 11:4

Ɓɛlɔwai kɛa Salomɔn ə pɔlɔ la, nɛ̨ąni di gili tinɛ̨n di nɔ wɔ hali kɔ́wɔ hu, nwɔ giliŋąhiɛ hvo kɛa lɛɛ a ɉaŋąą Yai-Laa nwɔ Yálái pɔ pələ. Salomɔn nwɔ kɛ pələ ə kulɔ nąn Davidə nwɛi mu.

Zakari 11:16

Mąąhɔlɔɓo, gáá pai taatɛlɛɛ pulumun da heei nɔi ŋɛ̨i hu, ɓɛlaa ta ə mą pili, yili nii hɛlɛn və pai kɛi mą, da ə mą lan, hvo pai gwɛlii, da mąą ə mą nwąną, hvo pai ɉali kɛi, yiiɠaa di kɔ́lɔi pɔ̨nɔ̨ɔ̨, hvo pai di laa hɔn moi. Yiiɠaai da wulɔ, gaa pai di mįi, yɛ di kɔ́wɔ ɲąnin ɉu ɓɛla.»

Zôo 16:5

Kɛlaa, ŋį́ kɛ ka liilaa a nwóó, ŋį́ kɛi náálə́i tumo, yili yɛ ka hvaŋąlɔ.

M̀ɛni-lɛɛi 3:1

Malakai gbɔn nwun na Sardɛsə, hɛɓɛ́ kɛ ə́ dɛɛ mą: «Nui Yálá ŋą nįį mɛ̨ihveelɛi kaa ɲəi, ɛlɛɛ da bɛmɛ̨lɛ̨n-gɔw mɛ̨ihveelɛi, nwoo ka, yɛ: Ŋą́ ə́ kɛ-mɛ̨nįɠaa kɔ́lɔn, ə́ laa tɛɛi, diɛ kɛ ə́ kaa a ə́ hvúlu, kɛlaa, ə́ haai!

M̀ɛni-lɛɛi 3:3

Mɛ̨nįi ə́ ɉɔlɔɓo, ɛlɛɛ, ə́ mɛ̨n, ə́ kili hvilɛn gani, mą. Ə́ yee kąnąn mą, ɛlɛɛ, ə́ ə́ tuwɔ pələ mąąhvalin! Yá wala kɛ gili-gili, gáá pai lɔ yɛ nwuɔ̨mun, ɛlɛɛ, ɲələi gáá pai la ə́ tɛɠii pələ, hvó nąąlɔwai kɔlɔn.

Maafîu 25:7

Nąąlɔwai, nɛ̨ɛ̨gbɛla powi tii, di di muhəɠə, diɛ di wɔ labonŋąai pɛli.