M̀ɛni-lɛɛi 21:12 - Yálá laawoo hɛɓɛ (dc)

¹² Daa tii mąąkpɛ hįi, huwiaai kɛ, ɛlɛɛ, mɛ̨i kwɛaa. Naaləi ə kɛ pow-kɔw-hveelɛ, naaləi tɛitɛi ɓa, malaka tɛitɛi ə ɓo laa, ɛlɛɛ, laaɠaa pɛ̨ɛ̨ laa; di kɛ a Israɛlə nu huwu heei pow-kɔw-hveelɛi laa.

Yálá laawoo hɛɓɛ

¹² Daa tii mąąkpɛ hįi, huwiaai kɛ, ɛlɛɛ, mɛ̨i kwɛaa. Naaləi ə kɛ pow-kɔw-hveelɛ, naaləi tɛitɛi ɓa, malaka tɛitɛi ə ɓo laa, ɛlɛɛ, laaɠaa pɛ̨ɛ̨ laa; di kɛ a Israɛlə nu huwu heei pow-kɔw-hveelɛi laa.

Bible

¹² Siɣãŋ kɛ́tɛ kôya è kɛ̀ a dínaŋɔɔ daa-leei ŋí ma, ǹá-kulâi kɛ́ ƃò puu kao feerɛ, Ɣâla-taa-kela puu kao feerɛ tɔɔ ǹá tɛi-tɛi. Ziɣãŋ lá-ŋai ŋí ma nuu-suu puu kao féerɛi láa-ŋai dí kɛ̀ a bɔ̃yɛɛ naa tɛi-tɛi, nyíi-ŋai kɛ̀ a Eezuɛ ǹônii.

M̀ɛni-lɛɛi 21:12 Referans Kwoze

M̀ɛni-lɛɛi 21:25

Ɉįi nwąną ŋą kponŋaa laa hvo kɛli kpulu a yələ kəlee, mąąhɔlɔɓo, nąą nwɛi, kpinį hva pɛlɛ laa.

Azaya 54:12

gáá pai ə́ mąąkpɛ pɛlɛ́ɠaa tɔɔi a hɛni, gɛ́ ə́ wɔ kponŋąąi kɛ a kwɛnii a lən, gɛ́ ə́ mąątinɛ̨n gɛ́ doo gee hu a kwɛnii da ɉaɠa a yɛlɛ.

Mąątɛ̨nɛ̨ 122:7

Liilaa ə kɛ daa kwəi, wəli pulu laɠi ə kɛ tɔɔ pɛlɛ́ɠaa mu!

Azaya 60:18

Di hvo kɛa pai wəa mɛ̨nį mɛ̨n ɉii ə́ wɔ lɔi hu, da kɛɛ kala mɛ̨nį, da lɔi hu wolo mɛ̨nį. Ə́ kaa pai ə́ mąą kpɛ hį́iɠaa laa heei a ɓalo mɛ̨nį, yɛ́ ə́ wɔ kponŋąąi laa hee a Mąą tɛ̨nɛ̨.

Mąątɛ̨nɛ̨ 51:18

Hvó ɲə́i haláá hɛn bɔ, hvó pai ə́ yee heei nwɔ́ haláá hɛnŋaai ŋą́ gəlee kələn da mu.

Nehemi 12:27

Ɉįį ŋɛ̨i kɛ dinɛn ŋąą Ɉerusalɛmə daa ɓa, ɲələi di pa lúwɔ́ tooi la mą, də li di Levi huwuhu nuą təli di həɠə ɓɛɠaai di kɛ laa, ə gɛ, di pa Ɉerusalɛmə, di ɉɛli pu kwəinɛ̨ɛ̨ hu, a Yálá mąątɛ̨nɛ̨ woo, da wələɠaa, diɛ nwələ too diɛ muhee a gwɛnįn da bɛlɛgwəi da ɓala.

Gɛlaɠaa 26:7

a mɛ̨nįi tii ku huwu heei pow kɔ́w hveelɛi kilitɔɔi ɉəli mɛ̨nį ɓa, di yee ə ɓo mą a hvaŋąlɔ, a yələ kəlee, diɛ kwɛli hvilɛn na Yálá ɓa; gílitɔɔi mɔ̨ɔ̨ mɛ̨nįi ti ɓa, tɔɔmun, ya ɓə gɛi, Ɉuifəɠaa diɛ gálamąɓo la.

Ɛsdrasə 9:9

Mąąhɔlɔɓo, ɓɛlɔwai ku kɛ la luwɔlaa hu, hvo ə́ kili kulɔ li ku hu, ə́ ə́ kiliŋąhiɛ kuɔ, Pɛrsə tɔɔɓɛlaa ɲɛ̨i ɓa, ə́ wɔ wɛlikɛmąąlaa hu, ə́ ku nwun mąąɓo, ə gɛ, ku Yálá hee pɛlɛ́ muhəɠə, kuɔ nwɔ̨nɔ̨ bɛlɛ kpoloon tii muhəɠə a nįnɛ̨, ə́ ku mąą kɔ́nwɔ̨i tɛɛ ku pɔ Ɉerusalɛmə daai, da Ɉuda lɔi hu.

Hebreu 1:14

Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?

Lukə 16:22

«Ɲeehvowolo mun tii, ə haa. Malakaɠaa di ɉəɠə də li la Abrahamə ə kɛ laa. Ɉɛn gɔw nąmui tii yaa kpɛli ə haa, di noo.

Lukə 15:10

Gáá moi kaa, akɛ nɛ̨ŋɛ̨n ɉəɠəmun dɔ̨nɔ̨ kpɛli a hvaa mą ə bulu tɔɔ gɛ nɛ̨ŋɛ̨n ma, pələ kpɔlɔɔ ɓə kwəinɛ̨ɛ̨ a kɛ la Yálá nwɔ malakaɠaa yəi.»

Maafîu 18:10

«'Ka gɛ a nəlɛɛ, ka hvo nɛapəlɛɛɠaa ŋɛ̨i tɔ̨nɔ̨ kpɛli ɓɛlɛkpɛɛ ma. Gáá moi kaa, di wɔ malakaɠaa kaa lɔ tɔɔni Ną́n Yálá lííla yələkɔlɔn ɉu.

Lɛɛ gbɔwɔ ɓa 28:21

Gwɛniɠaai tii tɛitɛi kəlee kaa pai kɛi a Israɛlə lonnii pow kɔ́w hveelɛi laa, gəlee kaa pai kɛi a kɔ́lɔn ɉɛn, a Israɛlə lonnii pow kɔ́w hveelɛi laa.

M̀ɛni-lɛɛi 21:13

Vóló həɠəi pələ, pɛlɛ́ laaləi haaɓa, ɲánwuɔ̨ pələ, pɛlɛ́ laaləi haaɓa, ɉɛɠɛɛ pələ, pɛlɛ́ laaləi haaɓa, ɛlɛɛ, vóló tooi pələ, pɛlɛ́ laaləi haaɓa.

M̀ɛni-lɛɛi 21:15

Nui tii kɛli bələ ɓo mą́ą́, hɛnŋaa kɔɔn ɉɛn ə kɛ ɲee ɲą, yɛ ɓo a hɛni hveen gbaɠa, yii ə kɛli pa daa-lee tii kɔɔn ɉii la, bɛlɛ́ laaləiɠaa, da ɉįi nwąnąɠaa.

M̀ɛni-lɛɛi 22:14

Di nwun na nɛ̨ɛ̨i, diɛi da di wɔɔ həɠə kwɛaaɠaai waa, əgɛ, diɛ pɛli di wɔɔ nąą hɔlɔɓoi ɲɛnɛ̨ɛ̨ kɛ wului hu, ɛlɛɛ, diɛ pɛli lɔi bɛlɛ́ laaləiɠaa ɓa daa-lee hu.

Kɔlɔnikɔ Veerɛi 9:19

Ɛlɛɛ, yalá pow gɔw hveelɛ di kɛ tɔɔni bələ hveelɛi kəlee, ɓɛ pələ mɛ̨ida, ɓɛ pələ mɛ̨ida. Di hvo ta gulɔmąą ta kɛli tɔɔlaa tai lɔpee hu.