M̀ɛni-lɛɛi 21:1 - Yálá laawoo hɛɓɛ (dc)

¹ Yili pulu, ŋį́ yələkɔlɔn nįnɛ̨ da lɔi nįnɛ̨ di kaa, mąąhɔlɔɓo, ɲələkɔlɔn dɔlɔɔ, da lɔi dɔlɔɔ tii kɛ laa, di kwɛlɛɛn, ɛlɛɛ, gboloyá hvo kɛa kɛ laa.

Yálá laawoo hɛɓɛ

¹ Yili pulu, ŋį́ yələkɔlɔn nįnɛ̨ da lɔi nįnɛ̨ di kaa, mąąhɔlɔɓo, ɲələkɔlɔn dɔlɔɔ, da lɔi dɔlɔɔ tii kɛ laa, di kwɛlɛɛn, ɛlɛɛ, gboloyá hvo kɛa kɛ laa.

Bible

¹ È kɛ̀ tí, ŋá Ɣâla-taa nina kàa da lɔii nina. Kpɛ́ni fêi, Ŋâla-taa pɔlɔi da ǹɔii pɔlɔi da tɛ̂ɛ, ǹyaŋ ǹyúoi fé ŋɔ́nɔ naa.

M̀ɛni-lɛɛi 21:1 Referans Kwoze

Piɛrə veelɛ 3:13

Kɛlaa, gu wɛi, yɛ pələi ə mįnɛ̨ həɠə la, yɛ diɛ: Yələkɔlɔn nįnɛ̨ da lɔi nįnɛ̨ kaa pai, ɓɛi tələnmolaa kaa tɔɔlaa kɛi laa. Yili ɓə gu kaa mąąkpɔn ɉi.

Azaya 66:22

Yɛ bələi ɲələkɔlɔn nįnɛ̨ da nɔi nįnɛ̨i ŋą di pɛli, da lɛɛ la tɔɔni kpąąn nííla, Yai-Laa woo li, bələ lɔ ɓə ka huwu kaa pai lɛɛi la tɔɔni kpąąn ə mą kɛ ka laa.

M̀ɛni-lɛɛi 21:5

Ɛlɛɛ, nui tii kɛ heeni dɔɔkpəlin ɉu, yɛ mą: «'Ɓɛ kaa, gáá mɛ̨nį kəlee pui nįnɛ̨ kɔlɔi.» Yili pulu, yɛ mą́ą́: «'Bɛ̨ɛ̨, yɛ mą: Nwooɠaa ŋɛ̨i kaa a mɛ̨nį leelee, ɛlɛɛ, a tɛ̨ą.»

Piɛrə veelɛ 3:10

Ną́mu Jesus pa hvóló kaa pai kɛi yɛ nwuɔ̨ mun bai lɔwai. Yələkɔlɔn gaa pai tɛɛi a tin gɛnɛ̨, yələ kwəi hɛnŋąa kəlee kaa pai həɠeen ɉi, lɔi da ɉu hɛnŋąa kəlee di kaa pai kələn ɉi.

M̀ɛni-lɛɛi 20:11

Yili pulu, ŋį́ tɔɔkpəlin gɛnɛ̨ gwɛlɛɛ pə-pə ta kaa, nui kɛ ɉu heeni; lɔi da yələkɔlɔn di pu dɔwɔ, di pɔɔ kpɛli hvo lɛɛ laa.

Azaya 27:1

Nąąlɔwai, Yai-Laa kaa pai nwɔɔ tooi ɉu, a nwɔ kɔ́ kɔ ɓɔwa ɲąąliɛi, gɛnɛ̨, vaŋą kɛnɛ̨; yɛ hvilɛn na Leviatan pulu, yai a gaalə kɛnɛ̨i, a gaalə hu kpəlaan-gbəlaanŋąąi; gaa pai gboloyá hu Gbaatow-gbonoi tii paai.

Danîa 7:3

Huwɔ kpɛa-kpɛa nąąn di kulɔ gboloyá hu, di kɛ pələ kulaa gee mu.

M̀ɛni-lɛɛi 13:1

Yili pulu, ŋą́ huwɔ ta kaa yɛ kulɔ gboloyá hu, mįnɛ̨ ə ɓo nwuɔ̨ pow, nwun ganįn ə ɓo mɛ̨ihveelɛ, mįnɛ̨ɠaa tii, tɔɔɓɔlɔ pow ə ɓo di nwuɔ̨, ɛlɛɛ, laa pɛ̨ɛ̨ nwun ganįnŋaa tii diɛ, a Yálá lalan naaɠaa.

Azaya 57:20

Kɛlaa, nu ɲɔ̨nwɔ̨ɔ̨ɠaa kaa yɛ gboloyá nwąną a kulɔ, hva pɛli heei tin, ɲaɠaa diɛ palaya da kalaɠaa tɛ yələi.

Azaya 51:11

Nuąi Yai-Laa ə di nwun mąąɓo, di kaa pai pənəi di pa, di kaa pai lɔi Siɔn, nuą diɛ di yee lɔwa diɛ, diɛ kwəinɛ̨ɛ̨ kulɔ yii kpɛɛ hva kɛ mą, kwəinɛ̨ɛ̨ da mąną di hvilɛn ŋąą di pulu, a kɛ tii kɛa wɔlɔ da ɲin ŋą mįi daa li.

Lomaŋ 8:21

Mąąhɔlɔɓo, di nwun mąą kaa pai ɓoi, di kulɔ di naa nɔ̨nwɔ̨ɓomun ɲəi, ə gɛ, lɛɛ gbɔwɔlaa da mąąwiɛlaai Yálá lonnii kaa pai ɉɔlɔɓoi, di di nwɔ nąą hɔlɔɓo ɉu.

M̀ɛni-lɛɛi 6:14

Yələkɔlɔn ə həɠə laa, yɛ da gɛi haɠa kpinįn gɛ, ɲeeɠaa da tín nɔiɠaa, di həɠə di tɔɔi,