M̀ɛni-lɛɛi 20:3 - Yálá laawoo hɛɓɛ (dc)

³ Ə bili nowa kpon gwɛaa hu, ə naa kpulu a gwɛli, ɛlɛɛ, ə gɔlɔn ɉɛn naa bulu, ə gɛ, hvo pa hįi lɔiɠaa ɲąąhɛn, ə lɛɛ ɉu gwɛlan nwaa tɔ̨nɔ̨i tii laa ə kulɔ. Yili pulu, hvo kɛli di pənə di gulɔ, woloɓo.

Yálá laawoo hɛɓɛ

³ Ə bili nowa kpon gwɛaa hu, ə naa kpulu a gwɛli, ɛlɛɛ, ə gɔlɔn ɉɛn naa bulu, ə gɛ, hvo pa hįi lɔiɠaa ɲąąhɛn, ə lɛɛ ɉu gwɛlan nwaa tɔ̨nɔ̨i tii laa ə kulɔ. Yili pulu, hvo kɛli di pənə di gulɔ, woloɓo.

Bible

³ é bìli ǹóai sú é ǹá tɛ́ a ǹyée-pɔɔ a gɛɛ vé ŋɔ́nɔ ǹɔii-ŋûŋ-ŋai pɛlɛ é lɛ́ɛ la zu góraŋ wála tɔnɔi (1,000) é kpɛ̀ɛ. Nyíti pôlu ma, fɛ̂ɛ dí vuloŋ a tãi kpua-loŋ.

M̀ɛni-lɛɛi 20:3 Referans Kwoze

M̀ɛni-lɛɛi 20:1

Ya ɓə, ŋį́ malaka ta kaa yɛ həɠə yələi pələ, nowa kpon ɉu kwɛa laaɓo kwɛli ə ɓo ɲee ɲą, ɛlɛɛ, da yɔwɔn nwiaa gɛnɛ̨ ta.

M̀ɛni-lɛɛi 17:8

Ɉuwɔi tii ə́ gaa, ə wɔlɔ kɛ laa, kɛlaa hvo kɛa laa. Gaa pai kulɔi nowa kpon gweaa hu, ə li nwun napili hu. Ɛlɛɛ, lɔi mɛ̨i nuąi di laa hvo kɛ pɛ̨ɛ̨ li ɓalo hva kpɛɛ hɛɓɛ́ hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa, di kwəi kaa pai pilii diɛ, da ɉuwɔi tii kaai da mo, mąąhɔlɔɓo, ə kɛ laa, hvo kɛa laa, kɛlaa, gaa pənəi ə pa.

Danîa 6:17

Nąąlɔwai, tɔɔmun ə mo, yɛ diɛ di pa a Daniɛlə, ə gə, di bili ɲala kwənąn ɉu. Kɛlaa, tɔɔmun ə mo Daniɛlə ɓa, yɛ mą: «Ə́ wɔ Yálái ɲɛ̨i ya kwɛli hvilɛn mą a hvaŋąlɔi, gɛ́ ə ə́ nwun mąąɓo!»

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

Maafîu 27:66

Di gwɛni kwɛlɛ lɔ a ləɠi pɔlɔ, gɔ́kulaa nwun nąmu ə tɔɔmun kɔ́lɔn Ɉɛn bɔɔ laa mą, yɛ diɛ ɉolahiɠaa diɛ: «'Ka tɔɔ ɓɛ kpąą.»

Korɛntə veelɛ 11:3

Kɛlaa, gáá ɲɔwi, və́ bɔ ká wɔ kiliŋąhiɛ mąą hvo hvalin a ɲɔ̨nwɔ̨ɔ̨, hvo ka kulɔ Kristə nwɔ nɛ̨ɛ̨laa hu, yɛ bələi kaalə ə Ɛvə ɲąąhɛn na, a gbąnąlaa.

Piɛrə veelɛ 3:8

Nwɛ́li kɛ mąą nuą, mɛ̨nį tɔ̨nɔ̨ ɓə gaa ɉu, yii mąą hvo nɛ̨ɛ̨li ka hvo lɛ̨ą ma, ya ɓaa: Ną́mu Yálá ɲɛ̨i ɓa, hvóló tɔ̨nɔ̨ kaa a kwɛlan nwaa tɔ̨nɔ̨, kwɛlan nwaa tɔ̨nɔ̨ yɛ ɓo a hvóló tɔ̨nɔ̨.

Mąątɛ̨nɛ̨ 90:4

Gaa tii, kwɛlan nwaa tɔ̨nɔ̨ kaa ə́ ɲɛ̨i mu, yɛ wɛi, yɛ hvóló tɔ̨nɔ̨i aa tɛɛ, lɔ yɛ yíi kpinįn dɔ̨nɔ̨ kulɔi.

M̀ɛni-lɛɛi 17:2

Yaa tii ɓə lɔi mɛ̨i tɔɔɓɛlaa daa di kpɔwɔ too bɔ nwɛlikɛɛ tii hu, ɛlɛɛ, nwɔ wɛlikɛ lɔɔ tii aa lɔi mɛ̨i nuą, hon.»

M̀ɛni-lɛɛi 13:14

Ə kɛli lɔi mɛ̨i nuą nwun ɉu lan a gbalo mɛ̨nįɠaai di gɛɛ mąą laa tɛɛ bɔ, yɛ gɛ ɉuwɔi tii ɲɛ̨i mu. Ə mo diɛ, yɛ kɛ, ɉuwɔi tii di nwąną a ɓowa kwɛaa, ɛlɛɛ, bala ə kpɛɛi, di mąąnįnįn bɛli, di dɔɔ.

Maafîu 24:24

Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Markə 4:15

Nu taɠaa kɛ pələ kaa yɛ: bələ kwɛlɛ, ɓɛi nwoo tii a too laa. Ɓɛlɔwai nuą tii da Yálá laawoo mɛ̨n na, ɓilihi a pa ə nwoo tii kulɔ di lii hu.

Lukə 8:31

Ɲįnɛ̨nŋaai tii di nɛ̨ɛ̨mąą hvə Jesus ɓa, diɛ mą: «Hvo ku pili nowa kpon ɉu gweaa hu.»