Bib sou entènèt

Paj dakèy
Bib sou entènèt
M̀ɛni-lɛɛi 2:7

M̀ɛni-lɛɛi 2:7 - Yálá laawoo hɛɓɛ (dc)

⁷ «Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, nwului Yálá-taa yɛ yɛnɛ̨ɛ̨ tɛɛ nu pɔ, ŋą́ mąą nu kɔ a má ta, ə mįi.»

Gade chapit la Kopi

Yálá laawoo hɛɓɛ

⁷ «Nui nwəli kaa mą, mɛ̨nįi Nįį-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, nwului Yálá-taa yɛ yɛnɛ̨ɛ̨ tɛɛ nu pɔ, ŋą́ mąą nu kɔ a má ta, ə mįi.»

Gade chapit la Kopi

Bible

⁷ Ǹúui wóli káa ma a gɛɛ é mɛni mɛnii, tɔ̀ɔ é m̀ɛnii mɛ̂ni Mɔ̂leŋ a m̀ôi Kôrai-toli-kpɔŋ-ŋai diai. Ǹúui a yee-tɛɛ-maa kɛ̂i, ŋa pâi nɛɛ̂i naa é vúlu-laa-wooi ƃá mii nyíi gáa Ɣâla ŋɔsuâi sui.’

Gade chapit la Kopi

tounen moute ⬆

M̀ɛni-lɛɛi 2:7
36 Referans Kwoze

M̀ɛni-lɛɛi 2:17

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, ŋą́ gɔ a manəi noɔ, ŋą́ kwɛnį kwɛlɛɛ dɛɛ bɔ, ɛlɛɛ, laa nįnɛ̨ a kɛ a bɛ̨ɛ̨ gwɛnįi tii ɓa, nu takpɛli hva gɔlɔn, ə kulɔ nui gaa ɲəi, bulu.»

M̀ɛni-lɛɛi 2:11

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, haa veelɛ nąą ŋą mɔ̨nɔ̨ hva həli mą.»

Maafîu 11:15

Nui wəli kaa mą, ə mɛ̨n.

M̀ɛni-lɛɛi 13:9

Nui nwəli kaa mą, ə mɛ̨nį ŋɛ̨i mɛ̨n a nɛlɛɛ!

Maafîu 13:43

Kɛlaa, yiiɠaai da Yálá woo hon, da kɛ lən ɉi yɛ, hvóló di Ną́n Yálá nwɔ tɔɔlaai hu. Yili ɓa, nui nwəli kaa mą ə mɛ̨n!»

Maafîu 13:9

Jesus ə kpɛɛ lɔ a yili ɓoɔ yɛ diɛ: «Nui wəli kaa mą, ə mɛ̨n.»

Hanwon 11:30

Tələnmomun dúwɔ́ pələ a ɓá a yɛnɛ̨ɛ̨, kilimąą mun nwoo yɛ nuą líi hon.

M̀ɛni-lɛɛi 22:14

Di nwun na nɛ̨ɛ̨i, diɛi da di wɔɔ həɠə kwɛaaɠaai waa, əgɛ, diɛ pɛli di wɔɔ nąą hɔlɔɓoi ɲɛnɛ̨ɛ̨ kɛ wului hu, ɛlɛɛ, diɛ pɛli lɔi bɛlɛ́ laaləiɠaa ɓa daa-lee hu.

M̀ɛni-lɛɛi 21:7

Nui lɔpee a yeetɛɛmąą laa kɛ, a gwɛlin tii hɔlɔɓo, ɛlɛɛ, ŋą́ kɛ a nwɔ Yálá, ɛlɛɛ, yɛ ɓo a nón.

Lukə 23:43

Jesus ə nwoo pulu pənə yɛ mą: «Gáá moi yɛ́ a tɛ̨ą, háákələi, ə́ kaa pai kɛi bɔ́ Yálá-taa tɔɔlaa hu.»

Zɛnɛse 2:9

Wuluɠaai kpɔ ma nɛ̨ɛ̨, gaa ŋąąnɛ̨ɛ̨, ɛlɛɛ, mį́iɛ ɲąąnɛ̨ɛ̨, Yai-Laa ə di hin nąą ɲɛa. Ə yɛnɛ̨ɛ̨ kɛ wulu hin ɲɛa hamąi, ɛlɛɛ, da mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kɔ́lɔn nwulu.

M̀ɛni-lɛɛi 22:17

Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.

Markə 7:15

Hɛn nɔpee nu a dɛ na, yili hva gɔhɔɓo. Kɛlaa, yii a kulɔ nu la, ya ɓə a nu kɔ́hɔɓo.

M̀ɛni-lɛɛi 22:2

Daa-lee tii hu, ɛlɛɛ, da ɲálee nwonwo hveelɛi hu, nąą ɓə yɛnɛ̨ɛ̨ kɛ wulu ə kɛ laa, yɛ ɓá gee mɛ̨i pow-kɔw-hveelɛ. Ɲąnįn dɛitɛi yee mu, a ɓá, ɛlɛɛ, naa ə ɓo a hįi lɔiɠaa kɔlɔi pono hɛn.

Korɛntə dɔlɔɔ 2:10

Yaan, guɔ ɓə Yálá ə nɛ guɔ, nwɔ Kilii háálai. Hvo gaai, Yálá nwɔ Kilii ɓə a mɛ̨nį kəlee hukpɛ, ə mą kɛ, Yálá nwɔ mɛ̨nį pɛliɛɠaa.

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Izikiɛ 28:13

Ə́ kɛ Edɛn Yálá nwɔ kɛɛnąą lɛlɛɛi, ə́ mąątínɛ̨n ŋąąi kɛ a kúwɔ́-kwɛni huwui lɔpee, da hɛni.

Hanwon 13:12

Hɛn nu líí laai mɛ̨i, da kɛi kuu hee ɉɔlɔɓo yələ ɓa, a ɲɔ̨n bɛlɛ nu líí ɓa. Kɛlaa, nu líí ɓa mɛ̨nį laa a hon, a kɛ yɛ yíipoo wulu.

Korɛntə veelɛ 12:4

Nui tii di ɉəɠə də li la Yálá-taa, ɛlɛɛ, ə wooɠaa mɛ̨n, nu hva pɛli moi, mąą laa hvo nu yəi, yɛ pɛli moi.

Izikiɛ 31:8

Yálá yəi nɔw yɛa kpitiliɠaa di hvo kɛi həli bɔ, ə mą kɛ, siprəɠaa di hvo kɛi həli naa ɓa, ə mą kɛ ɓɛ́lɛ́ɠaa di hvo kɛi həli nwoŋoɠaa pɔ, Yálá yəi nɔw yɛa wulu ta hvo kɛi həli bɔ lɛlɛ mɛ̨nį hu.

Hanwon 15:4

Nu hvaŋąlɔ woo kaa a yíipoo wulu, Kɛlaa, nui nɛn gaa na hveelɛ, a nu lii yali gwəi

M̀ɛni-lɛɛi 15:2

Ɛlɛɛ, ŋį́ gboloyá ta kaa ə ɓo yɛ pɛ̨nɛ̨n, ɉumoɔ a nwɔ̨n. Nuąi tii di yee ə tɛɛ ɉuwɔi tii ɓa, da mąąnįnįn, da naa nwɔ kwɛdɛn ɉɛɓɛ́ kɔw di mɛ̨i, di ɓo tɔɔni bɛ̨nɛ̨n galan gboloyái tii mɛ̨i, Yálá ŋą gwɛnįnŋaai ə ɓo di yee ɲą.

M̀ɛni-lɛɛi 14:13

Ɛlɛɛ, ŋą́ woo ta mɛ̨n yələ pələ, yɛ kɛ mą́ą́: «'Bɛ̨ɛ̨, yɛ mą: ‹Nuąi daa haa yiihu gu Nąmu hu, di nwun na nɛ̨ɛ̨ ɓə!›» Yálá nwɔ Kilii yɛ mą: «Tɛ̨ą li! Da di hvįi tɔɔ di wɔɔ mɔ̨nɔ̨ɠaai diɛ, mąąhɔlɔɓo, di kɛ-mɛ̨nįɠaa hvilɛnŋąąi di pulu.»

Hanwon 3:18

Gaa a yíipoo wulu, nuąi da di yee hee mu diɛ. Nui a ɉon kpaan, a kɛ nwun na nɛ̨ɛ̨ hu.

Markə 4:9

Jesus ə mo diɛ yɛ diɛ: «Akɛ wəli kaa kaa, ka mɛ̨nį ŋɛ̨i mɛ̨n.»

Lukə 8:8

Kɛlaa, daɠaa di too lɔi lɛlɛɛ hu, di ɓɔn, di ɓa. Gbaɠa tɛitɛi kəlee kɔ́w yɛ ɓo: nwun dɛitɛi.» Yili pulu, Jesus yɛ nwɔ̨nɔ̨ diɛ: «Nui wəli kaa mą, ə mɛ̨n.»

Zɔ̂ŋ Maa-ŋuŋ 2:13

Nąnni gáá ɉɛɓɛ́ ŋɛ̨i tɛɛi káá, nui wɔlɔ kɛ laa gɛɛ yɛnɛ̨ɛ̨ kɔɔ hvo tɔɔ, ká gɔlɔn. Muhəɠə nįnɛ̨ɠaa, gáá ɉɛɓɛ́ ŋɛ̨i tɛɛi káá, ká yee aa tɛɛ mɛ̨nį ɲɔn nwun nąmu ɓa.

Markə 7:16

Akɛ wəli kaa kaa, ka mɛ̨n a nɛlɛɛ.»

Swiv nou:

Lyen patwone

Piblisite

Piblisite