M̀ɛni-lɛɛi 2:5 - Yálá laawoo hɛɓɛ (dc)

⁵ Ɓɛi ə́ too laa, ə́ kili hvilɛn nąą, ə́ tuwɔ pələ mąąhvalin, ɛlɛɛ, mɛ̨nį lɛlɛɛi ə́ kɛi gɛ tɔlɔɔ, 'ə́ gɛ. Yili hvo mą, gáá pai həlii yɛ́, ɛlɛɛ, yá wala ə́ túwɔ́ pələ mąą hvalin, gáá pai ə́ wɔɔ wulɔ nwɔ̨n ɉəɠəi ɉeei.

Yálá laawoo hɛɓɛ

⁵ Ɓɛi ə́ too laa, ə́ kili hvilɛn nąą, ə́ tuwɔ pələ mąąhvalin, ɛlɛɛ, mɛ̨nį lɛlɛɛi ə́ kɛi gɛ tɔlɔɔ, 'ə́ gɛ. Yili hvo mą, gáá pai həlii yɛ́, ɛlɛɛ, yá wala ə́ túwɔ́ pələ mąą hvalin, gáá pai ə́ wɔɔ wulɔ nwɔ̨n ɉəɠəi ɉeei.

Bible

⁵ Mɛnii ya kula la bere sã́ai máŋ, é lɛ́ɛ íkili ŋá í ílii pene í díi-ŋai kɛ́ í gɛ̀ a maa-ŋuŋ. À wàla kɛ́ tí, ŋa pâi pâi ŋa ílaŋpo-see-sɛŋ kúla dɔɔ̂i, é lɛ́ɛ la zu fɛ̂ɛ í ílii pene.

M̀ɛni-lɛɛi 2:5 Referans Kwoze

M̀ɛni-lɛɛi 3:19

Nwɛ́i, nui nwɛli kaa mą́ą́, ya ɓə ŋą́ ɉɔn doo mą, gɛ́ ɉutɔɔ. 'Tɔɔ kani a ə́ nwąnąi, ə́ ə́ tuwɔ pələ mąąhvalin!

M̀ɛni-lɛɛi 2:16

'Ə́ tuwɔ pələ mąąhvalin kan. Yili hvo mą, gáá pai a ɉu kpuwaa, ɛlɛɛ, ŋą́ kɔ pɛlɛ diɛ a níikpa-kpai gaa ná.

Osia 14:1

Mąąnɛ̨ɛ̨ Samari ə pa gwələ kulɔ, mąąhɔlɔɓo, aa nwun gulɔ nwɔ Yálái woo mu, di kaa pai tooi kɔ́ kɔ́ ɓɔwa ŋą; diɛ di lon dalaɠaa kiin, diɛ koo nɛ̨ąɠaa kwəi ɓɛla.

M̀ɛni-lɛɛi 2:19

Ŋą́ ə́ kɛ-mɛ̨nįɠaa kɔ́lɔn, ə́ wɔ wɛlikɛmąą laa, ə́ wɔ laa na laa, tíi yá mo, ɛlɛɛ, da ə́ wɔɔ hvaŋąlɔlaa; ə́ kɛ-mɛ̨nį gbɛlamąąɠaa yee tɛɛi dɔlɔɔɠaa diɛ.

M̀ɛni-lɛɛi 1:20

Yii ɓaa bɛmɛ̨lɛ̨n-gɔw mɛ̨ihveelɛ mąą mɛ̨nį-hu-kpinɛ̨ɛ̨ tii ə́ gaa má-mįiyee ɲąi, ɛlɛɛ, nwulɔ nwɔ̨n ɉee hɛn mɛ̨ihveelɛi tii a ɉɛnii, 'ə́ ɲɛ̨i hee: Bɛmɛ̨lɛ̨n-gɔw mɛ̨ihveelɛi tii, di kaa a gbɔn ɉeei mɛ̨ihveelɛi di wɔ malakaɠaa, ɛlɛɛ, nwulɔ nwɔ̨n ɉee hɛn mɛ̨ihveelɛi tii, diɛ ɓo a gbɔn ɉeei mɛ̨ihveelɛi.»

Izikiɛ 20:43

Ka pa kɛi laa, ka káá pai ka kiliŋąhiɛi ka túwɔ pələ ɓa; da mɛ̨nįɠaai kpɔ ka gɛ, kaa ka mąąliɓi la; yili kaa pai kɛi ɓaɠi lii tɛi a kaa; dúwɔ pələ ɲɔ̨nŋaai kpɔ ka di kulɔ, di mąą mɛ̨nį ɓa.

Lukə 1:17

Gaa pai hiɛi Yálá ɲɛ̨i ɓa, Yálá nwɔ huwalawalaa da nwɔ Kilii ŋɛ̨i kɛ gwəi mɛ̨nį hukulɔ mun Eli yəi, a kɛ yaa kpɛli mąn ɲai. Gaa pai lon da gaa mun di yee lɔi gee hu. Yiiɠaai di hva liɛwoo mɛ̨n, ə di liɛwoo ɓo di kɛ a kilimąą nuą. Pələ ɓə gaa pai nuą kɛ pələ pɛli la, əgɛ, di Ną́mu Yálá mąą kpɔn.»

Azaya 1:26

Ə́ wɔ kiti tee nuąi, ŋį́ di kɛ yɛ bələi wɔlɔ di kɛ la, a di haŋąą, nuąi da tɔɔ ə́ ɲɛ̨i tɔ́wɔ́, ŋį́ di kɛ yɛ bələi wɔlɔ di kɛ la, nąąlɔwai, da ə́ laa hee kɛa, diɛ mą «tələnmo taa» da «taa haŋąą.»

Lukə 20:16

A pa, a nuą tii kəlee paa, ə ɉihɛn galihvaɓo nu takpɛliɠaa diɛ.» Nwoo tii mɛ̨n di mo, diɛ mą: «Ɲɔ̨nwɔ̨ɔ̨ ə hvóló!»

Markə 12:9

Jesus ə di mąąni kɛ, yɛ diɛ: «Akɛti, ɉihɛn ɲeai tii nąmu a pa, lə ɓə a gɛ a góló kɛ nuąi tii? A pɛli ə di paa ə ɉihɛn ɲɛa tɛɛ nu kpɛliɠaa pɔ, di kólo kɛ laa.»

Izikiɛ 36:31

Ka kɛi ka kiliŋąhiɛ, ka wɔ pələ ɲɔ̨nwɔ̨ɔ̨ɠaa diɛ, da ka kɛ mɛ̨nįɠaai tii di hvo kɛ lɛlɛ li di hu, káá kpinįi ka káá pai nwumɛ̨i, ka wɔ nɛ̨ŋɛ̨nŋaai mąą mɛ̨nį ɓa, da ka wɔ túwɔ pələ ɲɔ̨nŋaai.

M̀ɛni-lɛɛi 2:2

Ŋą́ ə́ kɛ-mɛ̨nįɠaa kəlee kɔ́lɔn, yɛ́ kóló kɛ pələ, da ə́ hvaŋąlɔ pələ, ɛlɛɛ, hvá pɛli nwąnąlɔ nuą heei kulɔi. Nuąi da di kpɔwɔ kɛ a kɛlaɠaa, yaan di hvo la, yáá di mąąkpɛɛ, ɛlɛɛ yaan, di hvo kpɔ la, ɛlɛɛ yáá di kaa kpɔ tii a lɛɛ nuą.

Galatə 5:4

Káái ka káá bɔ ká kɛ, a tələnmo nuą Yálá ɲɛ̨i ɓa, dɔ́n ɉáálai, a kɛ ti ka Kristə ni kaa ka ɓɛla ɓo, ká wɔɔ nąą hvo Yálá nwɔ mɛ̨inɛ̨ɛ̨ hu.

Malasi 3:4

A kɛ tii, Yai-Laa a ɲee lɛlɛɛ hee Ɉuda nu huwu da Ɉerusalɛmə nuą di wɔ Yálá kɔ́ hɛnŋąą mu, yɛ bələi wɔlɔ ə kɛ la.

Azaya 14:12

Ə́ kulɔ pələ kɛ ləi yələi yɛ́ too yələ kwəi hvələ hɛn gɛnɛ̨, yələɓɔi lon? Di ə́ pili pələ kɛ ləi, yɛ́ too lɔi ɓa, yɛ́i lɔiɠaa lɔ ə́ yee mui?

Zûu 1:24

Yálá, yai a pɛli ə kpɔnmąą tɛɛ ka pɔ ka hva too, ə ɲɛ̨i kɛ kaa, ə ka həli nwɔ mąąwiɛ hvolói ɓa a nuąi hɔn və diɛ kwəinɛ̨ɛ̨ hu,

Hebreu 10:32

Kɛlaa, ɲələi ka ka yee hee la kɛɛ pono mui, 'ká ká kili lɛɛ ɉu, ə kɛ lɔ tii, káá mɔ̨nɔ̨ɠaa mįi, káá kɔ́ɠaa kɔ́,

Osia 9:10

Ŋą́ Israɛlə kaa lɔ, yɛ bələi da towələ kaa la, wɛla pun ɉu, ŋį́ ka nąnni kaa lɔ, yɛ bələi ɓolaa a ɓa la mɛlaa tɔwɔ, da gaa la. Kɛlaa, di pa lɔ Baalə-Peɔrə, diɛ di yee pɛlɛ nwumɛ̨ mɛ̨nį ɓa, diɛ kɛ la a nu kɔ́hɔɓoɔɠaa, lɔ yɛ bələi di liiɓa hɛn tii kaa la.

M̀ɛni-lɛɛi 16:9

Ɛlɛɛ, nu kanŋaa di kələn a wələən gɛnɛ̨; Yálái tii ɲee a pɛli mɔ̨nɔ̨ɠaa tii diɛ, diɛ naa ɓɛlɛ too, kɛlaa, di hvo gɛ di hvo di tuwɔ pələ mąąhvalin, di hvo mąąwiɛlaa tɛɛ bɔ.

Maafîu 5:14

«Ka káá a yɛnɛ̨ɛ̨ kɛɛpono. Taa yii gaa tɔɔni yee tona, hva loo.

Maafîu 5:15

Nu hva labon dɔɔ hvo nɔ tea mu. Kɛlaa, nu ya ɉee kpəlin gweaa ŋą, ə gɛ, ə bɛlɛ́n nuą kəlee mąą pono.

Filipə 2:15

Ə gɛ ka kɛ a nuąi hɔn və diɛ, ka kɛ a Yálá lonni leelee, yiiɠaai di mąą kulɔi hvo diɛ yɛnɛ̨ɛ̨, hulu nuą da nu ɲɔ̨nwɔ̨ɔ̨ɠaa lɔwai. Mąąnɛ̨ɛ̨ ka lən di lɔwai yɛ yələkɔlɔn ɉu pɛmɛ̨lɛ̨n-gɔw.

Piɛrə veelɛ 3:17

Yili ɓə gaa mą:, nwɛ́li kɛ mąą nuą, ka wɛi, ka kili aa pu kɛa mɛ̨nį kəlee hu, ka ka kpɔɔ mɛ̨i kaa, ka hvo nɛɛ laa nu ɲɔ̨nwɔ̨ɔ̨ɠaa di hvo ka həɠə bələ mɛ̨i, di hvo ka wɔ kilitɔɔ mąą kulɔ ka yəi.